Dagblaðið Vísir - DV - 23.09.2014, Blaðsíða 10
Vikublað 23.–25. september 201410 Fréttir
K
ristján Markús Sívarsson
flutti til Algeciras á Spáni
í upphafi mánaðar, stuttu
eftir að hann losnaði úr
gæsluvarðhaldi vegna
gruns um aðild að Vogamálinu.
Þar ætlaði hann að setjast að þrátt
fyrir að rannsókn vegna málsins
standi enn yfir. Kristján losnaði úr
gæsluvarðhaldi þann 27. ágúst síð-
astliðinn. Samtals eru fjórir aðilar,
þrír karlmenn og ein kona, grun-
aðir um aðild að alvarlegri líkams-
árás, frelsissviptingu, ólögmætri
nauðung og hótunum gegn átján
ára dreng. Friðrik Smári Björg-
vinsson, yfirlögregluþjónn hjá lög-
reglunni á höfuðborgarsvæðinu,
segir í samtali við DV að málið
verði sent til ríkissaksóknara fljót-
lega. Vogamálið er að mörgu leyti
keimlíkt Stokkseyrarmálinu en
bróðir Kristjáns, Stefán Logi, var í
febrúar dæmdur í sex ára fangelsi
fyrir sína aðild. Kristján á að baki
langan afbrotaferil en bræðurnir
fengu „Skeljagranda“-viðurnefnið
í kjölfar þess að þeir voru dæmdir
fyrir stórfellda líkamsárás á Skelja-
granda árið 2003.
Stórhuga í bílaleigu
DV greindi á dögunum frá bílaleig-
unni KK bílar sem Kristján sagðist
vera í forsvari fyrir ásamt öðrum,
en bílaleigan var hvergi skráð og
bauð upp á óvenjuódýra leigu á
bílum. Samkvæmt Facebook- síðu
bílaleigunnar var hún nýstofn-
uð þegar Vogamálið átti sér stað
í upphafi ágústmánaðar. Því er
nokkuð ljóst að flutningur Krist-
jáns til Spánar tengist Vogamál-
inu því af Facebook-síðu hans að
dæma hugðist hann færa út kví-
arnar í bílaleigubransanum áður
en var færður í gæsluvarðhald.
„Skuldaði“ sjö hundruð
þúsund
Frelsissviptingin sem Kristján er
grunaður um aðild að var sér-
lega hrottafengin. Fórnarlambið
var átján ára drengur sem átti
að hafa „skuldað“ árásarmönn-
um sjö hundruð þúsund krón-
ur. Samkvæmt greinargerð lög-
reglu var drengnum sagt að vegna
ákveðins atburðar skuldaði hann
nú Kristjáni hálfa milljón króna og
það væri ástæðan fyrir árásinni og
frelsissviptingu. Annar árásarmað-
ur sagði enn fremur að hann skuld-
aði sér hundrað þúsund krónur og
konan sagði drenginn skulda sér
tvö hundruð þúsund krónur.
Hrottafengin árás
Í greinargerð lögreglunnar vegna
málsins kemur fram að einn
árásarmanna sótti drenginn í
leigubíl í Reykjavík og var för
heitið í heimahús í Vogum þar
sem drengurinn átti að fara á
fund með Kristjáni. Drengurinn
segist hafa verið kýldur í andlitið
um leið og hann steig inn í húsið.
Þar var drengurinn svo pyntaður
tímunum saman en í greinargerð
segir að meðal annars hafi raf-
byssa verið notuð á háls hans og
kynfæri með þeim afleiðingum að
hann missti þvag. Hann var lát-
inn drekka smjörsýru og hótað að
honum yrði nauðgað. Drengurinn
segir í framburði sínum að árásar-
fólkið hafi sparkað í höfuð hans,
skorið hann á maga og baki. Hann
segir enn fremur að hann hafi ver-
ið sprautaður með óþekktu efni
í lærið. Samkvæmt framburði
drengsins tók konan ekki virkan
þátt í pyntingunum en var sam-
kvæmt honum „bara að hlæja
þarna … og niðurlægja mig.“
Beðið eftir niðurstöðu
sérfræðinga
Friðrik Smári Björgvinsson segir í
samtali við DV að rannsókn máls-
ins sé í raun lokið. Nú sé einung-
is beðið eftir niðurstöðu sér-
fræðinga. „Það er beðið eftir áliti
utanaðkomandi sérfræðings á
virkni þessarar rafstuðbyssu, en að
öðru leyti er rannsókn lokið. Mál-
ið fer til ríkissaksóknara um leið
og niðurstöður berast,“ segir Frið-
rik Smári. Hann segist ekki þora
að tala um tímasetningar en segir
þó að málið fari til ríkissaksóknara
fljótlega. Hann segist ekki vita hve
margir þeirra sem settir voru í
gæsluvarðhald verði ákærðir. „Það
verður að koma í ljós þegar málið
fer til ríkissaksóknara.“
Frjáls ferða sinna
Friðrik Smári segir að ákveðið hafi
verið að óska ekki eftir farbanni
gegn þeim sem grunaðir eru að að-
ild að árásinni. „Hann er ekki í far-
banni og honum er frjálst að fara
ferða sinna. Hvort hann mæti fyrir
dóm þegar þar að kemur verður að
koma í ljós, og ef ekki þá verður að
bregðast við því. Það var ákveðið
að setja þá ekki í farbann í þessu
tilviki,“ segir Friðrik Smári. n
Skeljagrandabróðir
flúinn til Algeciras
n Grunaður í Vogamálinu á Vatnsleysuströnd n Rannsókn á lokastig
Hjálmar Friðriksson
hjalmar@dv.is
„Það var ákveðið
að setja þá ekki í
farbann í þessu tilviki.
Fluttur til Spánar Kristján
Markús Sívarsson losnaði úr
gæsluvarðhaldi í lok ágúst og
flutti stuttu síðar til Spánar. Mynd
SkjáSkot: FaceBook
Minni áhugi
á Kaup-
mannahöfn
Á fyrri hluta ársins fjölgaði ferð-
um Íslendinga til útlanda um
nærri tíund en þrátt fyrir það
fækkaði gistinóttum Íslendinga
í Kaupmannahöfn á sama tíma.
Þetta kemur fram í frétt á vefn-
um Túristi.is og benda tölurn-
ar til þess að áhugi Íslendinga á
borginni fari minnkandi.
Farnar eru nokkrar ferðir milli
Keflavíkurflugvallar og Kaup-
mannahafnar á dag og er fram-
boð á flugi þangað frá Keflavík
meira en til nokkurrar annarrar
borgar, að London undanskilinni.
„Það virðist þó sem dregið
hafi úr vinsældum borgarinn-
ar hjá íslenskum ferðamönn-
um samkvæmt tölum frá dönsku
hagstofunni yfir gistinætur Ís-
lendinga í Kaupmannahöfn.
Á fyrri hluta þessa árs fækkaði
nefnilega gistinóttunum um 0,4
prósent en á sama tíma fjölgaði
ferðum Íslendinga til útlanda
umtalsvert eða um nærri níu pró-
sent. Það hafa því hlutfallslega
færri Íslendingar lagt leið sína til
dönsku höfuðborgarinnar á fyrri
helmingi þessa árs í samanburði
við sama tíma í fyrra,“ segir í frétt
Túrista.
43 eiga
von á sekt
Brot 43 ökumanna voru mynduð
á Seljabraut í Reykjavík á mánu-
dag. Í tilkynningu frá lögreglu
kemur fram að fylgst hafi verið
með ökutækjum sem var ekið
Seljabraut í austurátt, á móts við
Seljabraut 24.
Á einni klukkustund, fyrir
hádegi, fóru 60 ökutæki þessa
akstursleið og því ók meirihluti
ökumanna, eða 72 prósent, of
hratt eða yfir afskiptahraða.
Meðalhraði hinna brotlegu var
45 kílómetrar á klukkustund
en þarna er 30 kílómetra há-
markshraði. Fimm óku á 50
kílómetra hraða eða hraðar en
sá sem hraðast ók mældist á 59
kílómetra hraða. Vöktun lög-
reglunnar á Seljabraut er liður í
umferðareftirliti hennar á höfuð-
borgarsvæðinu.
Ljósabúnaði
áfátt
Þrjátíu ökumenn voru stöðv-
aðir á höfuðborgarsvæðinu
um helgina en ljósabúnaði
ökutækja þeirra var áfátt.
Ýmist vantaði ljós að fram-
an eða aftan en ökumönnun-
um var góðfúslega bent á að
skipta um perur, öryggi eða
annað það sem bilað var.
Þetta kemur fram í tilkynn-
ingu frá lögreglu.
„Sem fyrr hvetur lögreglan
ökumenn til að huga sér-
staklega að ljósabúnaðinum.
Hann þarf alltaf að vera í lagi
og ekki síst í skammdeginu,“
segir í tilkynningunni.
Lögreglustjóri
Áhersla verður lögð á
að hraða málsmeðferð í
kynferðisbrotamálum.
Markmiðum ekki náð
Æskilegt væri að fjárveitingu til rannsóknar á kynferðisofbeldi yrði haldið áfram
Æ
skilegt væri að sérstakri
fjárveitingu til styrkingar
á rannsókn og saksókn á
kynferðisofbeldi, sér í lagi
gegn börnum, væri fram haldið,“
segir Sigríður Björk Guðjónsdóttir,
lögreglustjóri á höfuðborgarsvæð-
inu, um væntanlegan niðurskurð á
fjárframlögum til að tryggja skilvirk
úrræði þolenda kynferðisbrota og
markvissar forvarnaraðgerðir. Um
er að ræða niðurskurð upp á rúm-
lega 60 milljónir króna í heildina í
þessum málaflokki, en mestur er
hann til embættis lögreglustjórans
á höfuð borgarsvæðinu, eða 30 millj-
ónir króna. „Árangur hefur náðst við
að fækka málum og stytta málsmeð-
ferðartíma en markmiðum ríkissak-
sóknara um málsmeðferðartíma hef-
ur ekki verið náð.“ Sigríður segir að
þrátt fyrir þetta þá verði lögð áhersla
á að hraða málsmeðferð í kynferðis-
brotamálum og taka upp breytt verk-
lag í heimilisofbeldismálum, með
áherslu á aukið samstarf og barna-
vernd. Sprenging varð í tilkynning-
um á kynferðisbrotum í byrjun árs
2013, í kjölfar umfjöllunar Kast-
ljóss um Karl Vigni Þorsteinsson. Á
fyrstu þremur mánuðum ársins var
tilkynnt um næstum jafn mörg brot
og allt árið á undan. Það varð því
ljóst að grípa þurfti til aðgerða til að
hraða meðferð málanna og koma
á skilvirkari úrræðum fyrir þolend-
ur. Ágúst Ólafur Ágústsson, sem fór
fyrir nefnd fjögurra ráðuneyta um
samhæfða framkvæmd stjórnvalda
til þess að sporna við kynferðislegu
ofbeldi, eflingu lögreglu og ákæru-
valds og bætt úrræði fyrir þolend-
ur kynferðis brota, einkum barna,
sagði í samtali við DV fyrr í þessum
mánuði að þetta væri mjög dapurleg
forgangsröðun. „Þeir aðilar sem hittu
okkur í nefndinni á sínum tíma lýstu
því yfir að það ríkti neyðarástand sem
þyrfti að bregðast við. Þess vegna
ákvað síðasta ríkisstjórn að verja fjár-
munum í þessar forgangstillögur,“
sagði Ágúst Ólafur. n solrun@dv.is