Dagblaðið Vísir - DV - 23.09.2014, Blaðsíða 14
Vikublað 23.–25. september 201414 Fréttir Viðskipti
Fluttu milljarð
út úr Teton ehf.
n Högnuðust á hrunárinu 2008 n Tóku 600 milljóna arð út úr félaginu
E
igendur fjárfestingarfélags-
ins Teton ehf., sem hagnað-
ist ævintýralega á verðbréfa-
viðskiptum á hrunárinu
2008, hafa fært stóran hluta
af eignum félagsins yfir í þrjú ný
eignarhaldsfélög. Samtals er um að
ræða eignir upp á meira en 1.100
milljónir króna sem teknar voru
út úr Teton og settar yfir í þrjú fé-
lög sem heita Teton A, B og C. Þetta
gerðu eigendurnir, Vilhjálmur Þor-
steinsson, Örn Karlsson og Gunn-
laugur Sigmundsson, síðla árs í
fyrra. Þessar upplýsingar má sjá í
skiptingaráætlun fyrir Teton sem
skilað hefur verið til ríkisskattstjóra
og eins í ársreikningi félagsins sem
sýnir mikla eignatilfærslu.
Tvöfölduðu eignirnar
DV hefur fjallað nokkuð um Teton í
gegnum árin og sagði meðal annars
frá því að félagið hefði hagnast um
1.150 milljónir króna árið 2008. Á
því ári nærri tvöfölduðust eignir
félagsins. Þessi hagnaður leiddi til
600 milljóna króna arðgreiðslu árið
eftir en þeir fjármunir rötuðu til
eignarhaldsfélaga Vilhjálms, Arn-
ar og Gunnlaugs í Lúxemborg. Örn
Karlsson, sem er framkvæmdastjóri
Teton, vildi ekki gefa það upp árið
2012 á hverju félagið hafði hagn-
ast 2008 en hann var spurður að því
hvort félagið hefði tekið skortstöðu
gegn íslensku krónunni. „Nei, við
höfum bara haft þá reglu að vera
ekkert að ræða mikið um okkar
viðskipti. Þeir sem þekkja okkur
úr viðskiptum vita hins vegar að
við höfum verið mjög íhaldssam-
ir; við erum áhyggjufullir að eðlis-
fari og ekki miklir „high-flyerar“.“
Teton sérhæfði sig hins vegar með-
al annars í skortstöðum eins og
lesa mátti á heimasíðu þess á sín-
um tíma: „Fjárfestingarstefna þess
byggir annars vegar á mati á efna-
hagshorfum, á tímabilum frá þrem-
ur mánuðum til 2–3 ára, og hins
vegar á að nýta högnunartækifæri
(arbitrage) sem skapast á markaðn-
um. Félagið tekur bæði gnóttar- og
skortstöður (long og short).“ Líkleg-
ast þykir að staða Teton árið 2008
hafi verið í ríkistryggðum íbúða-
bréfum.
Örn á bak við félagið
Þeir Teton-menn þykja klókir og er
ekki ólíklegt að þeir hafi áttað sig á
því fyrr en margir aðrir að íslenska
bankakerfið stóð á brauðfótum og
að ekki væri heppilegt að vera með
eignir bundnar í hlutabréfum á Ís-
landi og að hafa þannig stöðu með
íslenska efnahagskerfinu. Hugsan-
legt er að þeir hafi einmitt áttað
sig á því að betra væri að vera með
andstæða stöðu og eða færa eignir
í skuldabréf og bíða. Örn er mað-
urinn á bak við velgengni Teton
og sagði Gunnlaugur um hann í
hitteðfyrra: „Örn er mikill snilling-
ur og ég hef notið góðs af því.“ Tvö
félög Gunnlaugs högnuðust með-
al annars um 395 milljónir króna á
síðustu tveimur rekstrarárum þess.
Í gögnunum um skiptingu Teton
kemur ekki fram af hverju ákveðið
var að skipta félaginu upp í fjögur
félög og taka þar með stærstan hluta
eignanna út úr Teton. Eignarhlutföll
nýju félaganna sem taka við eignun-
um verða hins vegar þau sömu og
í Teton og munu þremenningarnir
eiga þau áfram. n
Ingi Freyr Vilhjálmsson
ingi@dv.is
Skipta eignunum upp Vilhjálmur
Þorsteinsson er einn af eigendum Teton en
fyrirtækinu hefur verið skipt upp í fjögur
félög með tilheyrandi eignatilfærslum.
„Örn er mikill
snillingur og
ég hef notið góðs
af því
„Snillingur“
Gunnlaugur
Sigmundsson
hefur hagnast vel
á eignarhlut sínum
í Teton og hefur
kallað Örn Karlsson
„snilling“ en hann er
framkvæmdastjóri
félagsins og repju-
bóndi á Suðurlandi.
Mynd Eyþór ÁrnaSon
Fasteignafélag Ólafs á nærri 16 milljarða
Festing ehf. heldur utan um fasteignir Samskipa
F
asteignafélag Ólafs Ólafssonar
í Samskipum, Festing ehf., á
eignir upp á tæplega 16 millj-
arða króna. Þetta kemur fram
í ársreikningi félagsins sem nýlega
var skilað til ársreikningaskrár ríkis-
skattstjóra. Festing ehf. er félag sem
heldur utan um fasteignir flutninga-
fyrirtækisins Samskipa en áður hélt
félagið utan um fleiri fasteignir Ólafs
á Íslandi. Árið 2012 var hluta fast-
eignanna hins vegar komið yfir í ann-
að félag sem heitir Festir ehf. en þar á
meðal má nefna skrifstofubyggingu á
Suðurlandsbraut 18 og höfuðstöðvar
bifreiðaumboðsins Ræsis á Krókhálsi
10. Festing stendur vel og er með já-
kvæða eiginfjárstöðu upp á tæpa tvo
milljarða króna. Eignir félagsins eru
því umtalsvert meiri en skuldirnar.
Festing tapaði hins vegar tæplega 245
milljónum króna í fyrra. Rekstrartekj-
ur félagsins voru rúmar 1.200 milljón-
ir króna. Ólafur er ekki sjálfur skráður
fyrir fyrirtækinu heldur er það hol-
lenska félagið SMT Partners BV. Það
félag er líka skráð eigandi Samskipa,
fyrirtækisins sem Ólafur er yfirleitt
kenndur við. Ólafur á ennþá veru-
legar eignir á Íslandi en þær stærstu
eru Samskip og áðurnefnd tvö fast-
eignafélög auk þess sem hann á hluti
í fyrirtækjum eins og Límtré Vírneti í
Borgarnesi. n ingi@dv.is
Jákvætt upp á tæpa tvo milljarða
Eiginfjárstaða Festingar, fasteignafélags
Ólafs Ólafssonar, er jákvæð upp á nærri
tvo milljarða króna. Hann sést hér í rétt-
arhöldunum í Al-Thani málinu. Mynd SIgTryggur arI
Rauður dagur
í Kauphöllinni
Rauður dagur var í Kauphöll-
inni á mánudag, en þrátt fyrir það
hækkaði gengi bréfa í Marel um
2,63 prósent, Icelandair um 0,87
prósent og VÍS um 0,74 prósent,
samkvæmt Viðskiptablaðinu.
Gengi bréfa HB Granda lækkuðu
mest, eða um 1,43 prósent. Þá
lækkuðu bréf Vodafone um 1,15
prósent, Össurar um 0,78 pró-
sent, TM um 0,63 prósent, Sjóvár
um 0,33 prósent, Haga um 0,33
prósent, N1 um 0,26 prósent og
Eimskipa um 0,23 prósent. Úr-
valsvísitalan hækkaði um 0,54
prósent og stóð í 1.147 stigum við
lok mánudags. Þá nam heildar-
velta með hlutabréf 1.262 millj-
ónum króna.
Fríverslun
við Japana
Össur Skarphéðinsson, þingmað-
ur Samfylkingarinnar, lagði fram
þingsályktunartillögu á Alþingi á
mánudag um að fela ríkisstjórn-
inni að hefja þegar í stað undir-
búning að gerð fríverslunarsamn-
ings við Japan „og notfæra sér
þannig nýlega opnun Japana á
gerð slíkra samninga.“ Tillaga sama
efnis var lögð fram á síðasta þingi,
en er nú flutt í breyttri mynd. Í
greinargerð með tillögunni kemur
fram að samkvæmt upplýsingum
frá Hagstofu Íslands hafi verðmæti
útflutnings Íslands til Japans árið
2012 numið tæpum 13 milljörð-
um króna. Á sama tímabili hafi
verðmæti innflutnings frá Japan til
Íslands numið tæpum 9 milljörð-
um króna. Tölurnar sýni svo ekki
verður um villst að mikill ávinn-
ingur yrði af því að gera fríversl-
unarsamning við Japan á svipuð-
um nótum og aðra samninga sem
gerðir hafa verið.
Hætta flugi
til Íslands
Forsvarsmenn Greenland Express
hafa ákveðið að hætta að fljúga til
Íslands, en síðustu mánuði hef-
ur flugfélagið boðið upp á ferðir
á milli Danmerkur og Grænlands
með viðkomu á Íslandi. Starfsemi
Greenland Express gekk brösug-
lega í byrjun sumars og voru
fyrstu ferðirnar felldar niður. Þá
voru gerðar breytingar á leiða-
kerfinu og ekkert varð úr flugi til
Akureyrar eins og til stóð. Þetta
kemur fram á vef Túrista.is.
Í júlí og ágúst bauð félagið
hins vegar upp á tvær ferðir í
viku frá Álaborg í Danmörku til
Narsarsuaq á Grænlandi með
millilendingu í Kaupmannahöfn
og Keflavík. Nú verður hins vegar
gert hlé á starfseminni og ætla
forsvarsmenn félagsins að leita
leiða til að bjóða upp á beint flug
milli Danmerkur og Grænlands
með stærri vélum og hætta við-
komu á Íslandi.