Tíminn - 21.02.1986, Blaðsíða 1
LÁNSK J AR A VÍSIT ALA fyrir
mars hækkar um 2,29% frá mánuðinum á
undan, samkvæmt útreikningum Seðlabank-
ans og verður 1428. Þetta er 31,3% árs-
hækkun ef miðað er við síðasta mánuð,
30,1 % ef miðað er við síðustu þrjá mánuði,
en 32,6% ef miðað er við síðasta ár.
LANDSVIRKJUN ákvað á stjórn-
arfundi í gæraðfrestagangsetningu Blöndu-
virkjunar til ársins 1991. I því felst að ekki
veróur um að ræða aðrar framkvæmdir á
virkjanasvæði Blöndu en við jarðgöng og
neðanjarðarstöðvarhús virkjunarinnar. Þessi
nýjatímasetning felur í sérallt aðtveggja ára
seinkun á virkjuninni og því hefur komið til
fækkun í starfsliði byggingardeildar Lands-
virkjunar.
BÚNAÐARÞING 1986 kemur sam-
an til fundar á mánudag í Súlnasal, Bænda-
höllinni kl. 10.00. Ásgeir Bjarnason formaður
Búnaðarfélagsins setur þingið og Jón Helga-
son landbúnaðarráðherra flytur ávarp. Þetta
er síðasta þingið á þessu kjörtímabili og fara
Búnaðarþingskosningar fram hjá búnaðar-
samböndunum á komandi sumri.
PÁLL ÁRNASON, n ára gamall
skákmaður, vann Danann Bent Larsen í fjöl-
tefli á vegum TR í vikunni. Larsen tefldi við45
manns og vann 37 skákir, tapaði 4 og gerði 4
jafntefli. Þeirsem unnu auk Páls voru Erling-
ur Hallsson, Hjalti Bjarnason og Páll
Bergsson.
SOVESKU skákmeistararnir, sem taka
þátt í Reykjavíkurskákmótinu, þeirTal, Gell-
er og Salov, munu tefla fjöltefli í Borgartúni
18 á mánudagskvöldið kl. 19.00 á vegum
MÍR. Skráning fer fram í húsakynnum MÍR
Vatnsstíg 18.
SJALLINN á Akureyri er nú í rannsókn
hjá Rannsóknarlögreglunni á Akureyri vegna
gruns um misferli í rekstri fyrirtækisins. Grun-
ur leikur á að svikið hafi verið undan sölu-
skatti, smyglað áfengi selt og ýmislegt fleira.
Samkvæmt upplýsingum Dags á Akureyri
hefur rekstur hússins gengið mjög erfiðlega
undanfarið og eru skuldir þess taldar um 80-
90 milljónir króna.
KÓKA KÓLA fyrirtækið gaf út tilkynn-
ingu í gær þar sem sagt var að það hygðist
kauþa Dr. Pepper, sem er fjórða stærsta
svaladrykkjarfyrirtækið í Bandaríkjunum.
Kaupin munu færa Kók 46% af heildarmark-
aði óáfengradrykkja í Bandaríkjunum og eru
reiðarslag fyrir helsta keppinautinn Pepsi
Kóla.
TILBOÐ í raðsmíðaskipin svokölluðu
verða opnuð í dag kl. 14.00 á skrifstofu Fé-
lags dráttarbrauta og skipasmiðja í Reykja-
vík. Að sögn Þórleifs Jónssonar hafa borist
allmörg tilboð og vissi hann til þess að nokkur
tilboð myndu koma inn í dag.
Raðsmíðaskipin eru fjögur skip sem öll
voru á sínum tíma smíðuð eftir sömu teikn-
ingunni, en ekki hefur tekist að selja þar sem
þau hafa ekki fengið kvóta. Tvö skipanna
voru smíðuð á Akureyri eitt á Akranesi og eitt
hjá Stálvík í Garðabæ.
Nú hefur hins vegar fengist heimild fyrir
þessi skip í'reglugerðfyrirkvótaog munu þau
fá 200 tonna þorskkvóta og leyfi til rækju-
veiða.
Mikill fjármagnskostnaður hefur safnast
upp vegna þeirrar tafar sem orðið hefur á
sölu skipanna, en í lánsfjárlögum er heimild-
arákvæði fyrir fjármálaráðherra að koma til
móts við þá hækkun fjármagnskostnaðar
sem stafar af töfinni.
-BG
KRUMMI
Voru menn eitthvað að
tala um dauflegt nætur-
lif í Reykjavík? Sjáiði
bara Garðastrætið...
Einhvers staðar stendur skrifað
að það einkenni íslendinga öðru
fremur hversu illa skóaðir þeir
eru.
Þetta á þó ekki við um íslenska
landsliðið í handbolta sem fer
utan á morgun og verður verðugir
fulltrúar okkar á heimsmeistara-
mótinu í Sviss. Skóverksmiðjan
Iðunn á Akureyri hefur gefið
hverjum og einum tvenn pör af
skóm, eitt par af gljáfægðum
spariskóm til að dansa í eftir alla
sigrana og eitt par af kuldaskóm
til að halda fótum kappanna vel
heitum. í bónus fengu þeir allir
ælingabol vel merktan tegundar-
heiti skófatnaðarins. Piltarnir
urðu vitanlega allir glaðir og eins
og sjá má á myndinni hoppuðu
þeir Þorgils Óttar og Kristján
Arason af kæti.
Tíminn vill nota tækifærið og
óska strákunum góðs gengis í
Sviss.
(Tímamynd: Árni Bjarna.)
Samningar í burðarliðnum
Vonast til aö ganga á fund ríkisstjórnarinnar í dag
Samninganefndir ASÍ, VSÍ
og VMS komu saman til fundar
síðdegis í gær og síðan aftur til
framhaldsfundar í gærkvöldi.
Samningshljóð var í þeim
mönnum sem Tíminn talaði við
í gærkvöldi og töldu þeir að
ekki bæri mjög mikið á milli.
„Ég tel að þetta sé komið það
langt að enginn geti í rauninni
axlað þá ábyrgð að hindra að
hlutirnir gangi sanian, með
þeim afleiðingum sem það
hefði í för með sér fyrir þjóðar-
búið í heild,“ sagði Þorsteinn
Ólafsson formaður VMS í sam-
tali við Tímann. Þorsteinn
bætti því við að gagnstætt því
sem komið hefði fram í sumum
fjölmiðlum í gær hefði ekki
staðið á Lífeyrissjóði sam-
vinnumanna um að taka þátt í
að fjármagna ákveðna þætti
sem tengdust þessari samn-
ingaleið og sú afstaða hefði
komið skýrt fram í viðræðum
að undanförnu.
Á fundinum sem hófst í gær-
kvöld og búist var við að stæði
fram á nótt var einkum rætt um
kaupmátt og kaupniáttartrygg-
ingu en þar lá helsti ágreining-
urinn, þó hann hafi farið
minnkandi.
Það benti því ýmislegt til að
unnt yrði að fara á fund ríkis-
stjórnarinnar með ákveðnar
tillögur í dag, en síðan veltur
það á viðbrögðum hennar
hvort unnt verður að fara þessa
niðurfærsluleið, sem trúlega
mun kosta ríkissjóð 1-1 Vi
milljarð í tekjutapi.
Samninganefnd ríkisins og
50 manna nefnd BSRB komu
einnig santan til fundar í gær-
kvöld og þegar síðast fréttist
voru uppi getgátur um að full-
trúar ríkisins myndu Ieggja
fram nýtt tilboð. Ekki fékkst
það þó staöfest, en samnings-
aðilar sátu enn á lokuðum
fundi á tóll'ta tímanum í gær-
kvöldi. _BG
Drengurskaut
á hús í Árbæ
Hlaðinn 22ja kalibera
riffill var tekinn af 11 ára
gömlurn dreng við Birt-
ingakvísl í Reykjavík í gær,
eftir að tilkynnt hafði verið
uni að skotið hefði verið í
gegnurn glugga á húsi í
gréhndinni.
Árbæjarlögreglan fékk
tilkynningu um að kúlu
hefði verið skotið í gegnunt
rúðu í gær og sennilega úr
loftriffli. Lögreglan fann
innan skamms hóp drengja
og einn þeirra var með riffil
sem hann hafði komist yfir
á heimili sínu.
Riffillinn var gerður
upptækur og drengirnir
yfirheyrðir en þeim var
sleppt að því loknu.
GSH
SIS hugar að fjölmiðlun
Stjórn Sambands íslenskra sam-
vinnufélaga ákvað á fundi í gær að
fela Fræðslu- og kaupfélagadcild
Sambandsins að gera drög að stofn-
un sérstaks fjölmiðlunarfyrirtækis
samvinnuhreyfingarinnar og leggja
þau drög síðan fyrir næsta stjórn-
arfund. Valur Arnþórsson stjórn-
arformaður sagði í samtali við Tím-
ann í gærkvöldi að þetta væri gert í
framhaldi af samþykkt ályktunar á
síðasta aðalfundi þar sem því er
beint til stjórnarinnar að leita leiða
til að styrkja stöðu samvinnuhreyf-
ingarinnar í fjölmiðlun.
„Menn hafa verið að velta fyrir
sér leiðum til þess að verða við
þessum tillögum sem samþykktar
voru á aðalfundi og því var
Fræðslu- og kaupfélagsdeild falið
að undirbúa hugsanlega stofnun
sérstaks fjölmiðlunarfyrirtækis
samvinnuhreyfingarinnar sem ann-
ist þessi mál fyrir hennar hönd.
Hvaða tegund fjölmiðlunar það
yrði, verður síðan að skoðast á fag-
legum grundvelli sagði Valur enn
fremur.
Valur sagði að á síðasta aðal-
fundi hefði einnig verið samþykkt
tillaga þess efnis að leitað yrði eftir
viðræðum við stéttasamtökin í
landinu, þ.e. samtök launafólks og
bænda, um samstarf í fjölmiðlunar-
málum, og í samræmi við það hefði
stjórnarfundurinn í gær ákveðið að
fara þess á leit að þær viðræður
yrðu teknar upp að nýju.
-BG