Morgunblaðið - 03.04.1958, Blaðsíða 24

VEÐRIÐ
Austan og suðaustan gola,
___dálítil rigning_
Reykjavíkurbrét
er á bls. 13.
Britannia-flugvélin ekur um hlaðið á Keflavíkurflugvelli
í gær. (Ljósmynd: P. Thomsen)
* •
Vonbrigiði á Keflavík
urflngvelli í gærdag
•ÞESS hafði verið vænzt að sú
•flugvél, sem margir flugsérfræð-
•ingar telja í dag fullkomnustu
farþegaflugvélina, myndi hafa
nokkra viðdvöl á Keflavíkurflug-
felli í gær. — Var hér um að
ræða „Britannia 312“. Er það
farþegaflugvél, sem hið mikla
brezka flugfélag BOAC er nú að
taka í notkun á flugleiðinni New
York — London og fljúga þessa
leið án viðkomu með 72 farþega
í ferð.
Nokkuð fór þetta þó á annan
veg. Flugvélin lagði af stað frá
•Lundúnum milli kl. 10 og 11. —
•Flugvélin hafði hingað farið í
•nokkurs konar könnunarflug, til
•þess að æfa hér landtöku og að-
•flug og flugbrauta Keflavíkur-
flugvallar.
Eftir rúmlega þriggja klst.
■flug var flugvélin komin inn yfir
•Keflavíkurflugvöll. Flugmaður-
•inn fékk leyfi til þess að æfa að-
flug og annað er honum þótti
máli skipta. Munu hafa farið í
þetta æfingaflug yfir vellinum
•rúmlega ein klukkustund.
Þá kallaði flugstjórinn á flug-
•vélinni að nú væri hann búinn að
Klukkusini
flýft
KLUKKUNNI verður flýtt um 1
klst. aðfaranótt páskadags, þann-
ig, að kl. 1 flytzt hún fram til
kl. 2.
Banaslys í Eyjum
VESTMANNAEYJUM, 2. apríl.
SL. laugardag, rétt fyrir kl. 7 um
kvöldið vildi það sorglega slys
til hér í Vestmannaeyjum, að
aldraður maður, Ólafur Bergvins
son frá Barkarstöðum í Fljóts-
hlíð, féll niður um „lúgu“ í
veiðarfærahúsi Tómasar M. Guð-
jónssonar, niður á næstu hæð
Ólafur var þarna við vinnu
sína og mun hafa verið að ná í
efni í veiðarfæri er slysið varð,
en hann var netamaður hjá Tóm
asi Guðjónssyni og hafði haft
þann starfa í 25 vertíðir. Ólafur
var einn í húsinu er þetta skeði.
„Lúgur“ þessar eru hafðar til
þess að flytja vörur milli hæða
og eru því nokkuð stórar um sig.
Menn fundu Ólaf skömmu eft-
ir að hann féll. niður um „lúg-
una“ og var hann þá meðvitund-
arlaus. Hann var þegar fluttur
í sjúkrahúsið hér og þar andaðist
hann tveim dögum síðar. Hann
komst aldrei til ráðs.
Ólafur Bergvinsson var mað-
ur ókvæntur og barnlaus en á
systkyni á lífi. Hann var maður
mjög vel látinn og einstaklega
trúr og samvizkusamur í starfi.
— Björn.
æfa sig nóg. Hann myndi fljúga
•heirn.
Forstöðumaður BOAC-skrif-
stofunnar á Keflavíkurflugvelli,
R. J. Cooling, bað flugstjórann
um að fara ekki beint heim, held-
ur lenda, þar eð hann þyrfti að
koma með flugvélinni áríðandi
skjölum til Lunúna. Flugstjórinn
'lét tilleiðast.
Innan lítillar stundar kom
mjög rennileg flugvél í ljós út á
flugvallarstæðinu fyrir framan
flugstöðvarbyggingarnar. Hún
renndi í hlað. — Öllum nærstödd
um til mikillar undrunar og for-
stöðumanni BOAC-deiIdarinnar á
Keflavíkurflugvelli til sárra von-
brigða og skapraunar, nam hún
ekki staðar.
Er flugvélin var komin á þann
stað sem búizt hafði verið við
að hún myndi nema staðar stund-
arkorn, gaf flugstjórinn henni
„inn“. — Hún var eftir andar-
tak komin aftur á flugbrautina,
þar sem hún nær samstundis
ifékk leyfi til flugtaks. — Brátt
•var hún horfin inn í regnskýin
igráu, nokkur hundruð fet yfir
ihinum mikla flugvelli, hvers
framtíð, sem mikillar lendingar-
stöðvar í Atlantshafsflugi er nú
í mikilli óvissu, að áliti magra
þeirra, sem að flugi starfa.
Drengur bremiist
í andliti og augum
Fyrir helgi var komið með 11 ára
dreng í Landakotsspítala, Hall-
dór Þorsteinsson, til heimilis suð-
ur í Höfnum.
Halldór hafði brennzt í andliti
og á höndum við að kveikja í
púðri. Einnig hafði hann brennt
bæði augun. Var vinstra augað
talið í nokkurri hættu. Varð 'að
gera uppskurð á auga drengsins
og er hann nú vel á batavegi og
mun fara heim af sjúkrahúsinu í
dag, skírdag, með bundið fyrir
vinstra augað.
ÍR vann FH
f gærkvöldi fór fram í íslands
mótinu í handknattleik leikur ÍR
og FH. Þau urðu úrslit leiksins
að ÍR sigraði með 25 gegn 24 eftir
að hafa haft forystuna eða jafn-
tefli mestan hluta leiks. Leikur-
inn var hörkuspennandi frá upp-
hafi. Staðan í hálfleik var 13:12
fyrir ÍR.
Sigur ÍR er mjög glæsilegur.
FH hefur verið forystufélag í
handknattleik síðustu árin og
geta má þess að þeir hafa leikiðY
59 leiki i röð án þess að tapa, en
í þeim 60. voru þeir stöðvaðir á
glæsilegri sigurgöngu sinni. Fram
sigraði • Þrótt í gær með 31:9. í
2. fl. kvenna varð Ármann fsl,-
meistari, vann Víking með 2:1.
Mikilvœgur hœstaréttardómur
Víðtæk gialdsfcylda verhstæða
NÝLEGA var kveðinn upp í
hæstarétti dómur á máli, sem
reis vegna deilu um skyldu fyrir
tækis eins til að greiða söluskatt
og útflutningssjóðsgjald af and-
virði vara, sem fengnar voru
fyrir rafmagnsverkstæði þess og
notaðar í sambandi við verk, sem
þar voru unnin.
Skattstofan í Reykjavík krafði
fyrirtækið um fyrrnefnd gjöld
fyrir þrjá fyrstu ársfjórðungana
1957, og byggði á 22. gr. laga
100/1948, sbr. 3. gr. laga 96/1956
og 20. gr. laga 86/1956. Þegar
gjöldin voru ekki greidd, var
krafizt lögtaks, og kom lögtaks-
beiðnin til úrskurðar fógetarétt-
ar.
í úrskurðinum er greint á milli
a) vara, sem fengnar voru á
verkstæðið frá raftækjasölu við-
komandi fyrirtækis sjálfs b)
vara, sem fengnar voru frá öðr-
um raftækjasölum. Var talið, að
um gjaldskyldu væri að tefla í
fyrra tilvikinu. Hins vegar var
talið, að ekki væri um gjald-
skyldu að ræða í síðára tilvikinu
og það byggt á því, að allt frá
1953 hefði skattstofan heimilað
fyrirtækjum að draga þessa efnis
notkun frá söluskattsframtali
sínu.
Hæstiréttur komst hins vegar
að þeirri niðurstöðu, að um gjald
skyldu væri að ræða í báðum til-
vikunum, og var mælt fyrir um
lögtak skv. því. í dóminum er
tekið fram, að það geti ekki leyst
undan skyldu til að standa skil
á sköttum, þótt skattstofan hafi
nokkur undanfarin ár ekki krafið
um greiðslu.
Aðilar máls þessa voru fjár-
málaráðherra f. h. ríkissjóðs og
Samband íslenzkra samvinnufé-
laga.
Listkynning Mbl.
Brezkir togaramenn að
hefja hótanir að nýju
1 BREZKA stórblaðinu Daily Telegraph er skýrt frá því á mánu-
daginn í stuttri frétt, aff togaramenn í Grimsby, Hull og Fleetwood,
muni gera verkfall ef ísland, Rússland, Noregur og Danmörk víkka
fiskveiðilandhelgi sína í 12 sjómílur. Ef svo fer munu þeir krefjast
þess að lagt verði löndunarbann á útlendan fisk og til að fram-
íylgja þeirri kröfu.munu þeir neita að sigla.
Brezku togaramennirnir segja, að 12 mílna landhelgi myndi
svipta þá 30% af auðugustu fiskimiðunum og þeir verði neyddir
til að leita á Grænlands- og Nýfundnalandsmiff.
Hluti hinnar nýju erlendu deildar í Bókaverzlun ísafoidar
við Austurstræti
Vistleg erlend deild í
Bókaverzlun ísaioidar
BÓKAVERZLUN ísafoldar bauð
fréttamönnum í hin nýju og vist-
legu húsakynni, sem gerð hafa
verið á „loftinu“ í verzluninni í
Austurstræti. Er hér um að ræða
deild fyrir erlendar bækur, sem
Skarphéðinn Jóhannsson arkitekt
hefur útbúið með hjálp ýmissa
iðnaðarmanna.
Kristján Oddsson verzlunar-
stjóri skýrði frá því, að þarna á
loftinu hefði upphaflega verið
fjós og hlaða, en nú er það orðið
frábærlega smekkleg bókaverzl-
un, klædd þykku gólfteppi og
búin beztu og þægilegustu hús-
gögnum, þannig að menn geta
fengið sér sæti og reykt síga-
rettur meðan þeir blaða í hinum
erlendu bókum. Er þetta eina
bókaverzlunin með slíkum þæg-
indum hér á landi.
Bókakostur erlendu deildarinn
ar er mjög góður. Þar er að
finna öndvegisrit á mörgum mál-
um, ekki sízt á Norðurlandatung-
um, og var þess sízt vanþörf. Þá
hefur verzlunin einnig aflað sér
fjölmargra ágætisbóka á ensku.
Bókakosturinn mun enn aukast
eftir sænsku bókasýninguna, sem
verður síðar í þessum mánuði.
Stórsvigið
Stórsvigskeppni landsmótsins
fer fram við Kolviðarhól í dag
og hefst kl. 2. Keppnin verður
því ekki í Vífilfelli eins og sagt
er á bls. 10 í dag og í leikskrá
mót.sins.
Nína Sæmundsson
í G/ER hófst sýning á verkum
Nínu Sæmundsson á vegum list-
kynningar Morgunblaðsins. Eru
sýndar eftir hana bæði högg-
myndir og málverk.
Nína Sæmundsson er ættuð úr
Fljótshlíðinni í Rangárvallasýslu.
Hún hóf ung listnám i Kaup-
mannahöfn, fyrst í eitt ár á
teikniskóla þar en síðan hóf hún
nám í höggmyndalist við Kon-
unglega Iistaháskólann. Stundaði
hún þar nám í fjögur ár. Síðan
var hún tvö ár við nám í París
og gerði þar m. a. höggmyndina
„Móðurást", sem Reykjavíkur-
bær keypti.
S. 1. 28 ár hefúr listakonan
verið búsett í Bandaríkjunum,
fyrst í New York borg en síðan
í rúm 20 ár í Hollywood, hinni
frægu kvikmyndaborg. Hún kom
hingað heim í lok s. 1. árs en þá
hafði hún dvalið um ársskeið í
Florenz á Ítalíu. Vann hún þar
að höggmyndinni „Hafmeyjan“,
sem Reykjavíkurbær hefur einnig
keypt.
Fyrstu listsýningu sína hér á
landi hélt Nína Sæmundsson
í Reykjavík árið 1947. Sýndi hún
þar höggmyndir og málverk. í
New York hefur hún haldið þrjár
sýningar á höggmyndum. Þá hef-
ur hún haft einkasýningar á mál-
verkum og höggmyndum í Holly-
wood. Ennfremur hefur hún tek-
ið þátt í mörgum samsýningum
í Bandaríkjunum, í París og á
skólaárum sínum tók hún þátt í
sýningum á Charlottenborg í
Kaupmannahöfn. Ilefur hún hlot
ið góða dóma fyrir verk sín.
Meðal þeirra opinberra aðila,
sem hún hefur selt listaverk sín,
má nefna Bandaríkjastjórn, sem
keypti af henni stóra styttu, er
sett var upp í Lós Angeles. Enn-
fremur var keypt af henni þar
stytta af Leifi Eiríkssyni og högg-
mynd af dreng, sem sett hefur
verið upp í skóla þar vestra.
Þá hefur hún selt einkasöfnum
í Bandaríkjunum bæði málverk
og höggmyndir. Einnig keypti
Waldorf Astoria hótelið af henni
höggmynd, sem fjöldi listamanna
tók þátt í samkeppni um.
Hér heima hafa Listasafn
ríkisins og Reykjavíkurbær keypt
af henni höggmyndir. Listakon-
an vinnur nú jöfnum höndium
að listmálun og höggmyndagerð.
Nína Sæmundsson sýnir 6 mál-
verk og 3 höggmyndir á vegum
Iistkynningar Morgunblaðsins.
Eru nokkur listaverkanna til
sölu hjá listakonunni sjálfri og
afgreiðslu Morgunblaðsins.