Morgunblaðið - 20.06.1958, Blaðsíða 13
Fösfudagur 20. júní 1958
MORGVNBLAÐIÐ
13
Valgerður Crímsdóttir
\rá Óseyrarnesi — Minningarorb
í DAG verður borin til grafar
sæmdarkonan frú Valgerður
Grímsdóttir frá Óseyrarnesi, er
lézt á heimili dóttur sinnar hér
í bæ hinn 13. þ. m. á 84. aldurs-
ári.
Valgerður var eitt af þjóð-
hátíðarbörnunum, sem nú taka
óðum að týna tölunni. Hún var
fædd í Óseyrarnesi í Stokkseyr-
arhreppi hinum forna 4. okt.
1874, og voru foreldrar hennar
Grímur óðalsbóndi og sýslu-
nefndarmaður í Nesi Gíslason og
kona hans Elín Bjarnadóttir.
Grímur var sonur Gísla formanns
Þorgilssonar á Kalastöðum og
Sesselju Grímsdóttur bónda í
Traðarholti Jónssonar bónda á
Grjótlæk Bergssonar hreppstjóra
í Biattsholti Sturlaugssonar, sem
Bergsætt er frá komin. En Elin
í Nesi var dóttir Bjarna hrepp-
stjóra í Nesi Hannessonar bónda
á Baugsstöðum Árnasonar, en
kona Hannesar á Baugsstöðum
var Elín Jónsdóttir hreppstjóra
og óðalsbónda á Stokkseyri Ingi-
mundarsonar í Hólum Bergsson-
ar hreppstjóra í Brattsholti, og
áttu þau Neshjón, Grímur og
Elín, því bæði til Bergsættar að
telja. Börn þeirra og systkini
Valgerðar, sem upp komust,
voru þau Páll hreppstjóri í Nesi
í Selvogi, Bjarni verzlunarmað-
ur á StokkseyTÍ, síðar fiskimats-
maður í Reykjavík, Sigríður,
kona Þorkels formanns á Eyrar-
bakka Þorkelssonar frá Óseyrar-
nesi, Guðmundur stúdent og
Bjarni yngri. Eru þau systkinin
nú öll látin^ börn Gríms í Nesi.
Valgerður ój6t upp á hinu fjöl-
menna og umsvifamikla heimili
foreldra sinna við nám og vinnu.
Heimiliskennari í Nesi var
Brynjúlfur fræðimaður frá
Minna-Núpi. Á uppvaxtarárunum
lærði Valgerður m. a. fatasaum
hjá Þórdísi ljósmóður á Eyrar-
bakka og að leika á harmoníum
hjá Elísabetu, dóttur séra Jóns
Björnssonar. Hélt Valgerður
þeirri kunnáttu sinni við fram á
seinustu ár. Hún giftist árið 1896
Gísla skósmið Gíslasyni frá
Skúmsstöðum á Eyrarbakka.
Byrjuðu þau búskap á Skúms-
stöðum, en fluttust þaðan að
Eystra-íragerði í Stokkseyrar-
hverfi. Þar bjuggu þau í 25 ár
(1900—1925), unz þau fluttust
búferlum til Reykjavíkur, þar
sem þau áttu heima síðan. Val-
gerður missti mann sinn árið
1953, en síðustu missirin dvaldist
hún til skiptis hjá börnum sín-
um. Börn þeirra Gísla og Val-
gerðar voru þessi: Elín, er jafnan
var með móður sinni og lézt á
síðastliðnu ári, Sigurjón, missti
ungur heilsu upp úr kíghósta-
veiki, Guðný, kona Sigurðar
Bjarnasonar múrara í Reykjavík,
og Óskar ökukennari í Reykja-
vík, kvæntur Ingileifi Guð-
mundsdóttur úr Önundarfirði.
Valgerður var kona framúr-
skarandi dugleg, að hverju sem
hún gekk, tápmikil og vel verki
farin. Þurfti hún sem margir
aðrir mjög á því að halda um
dagana. En tvennt var það, sem
einkenndi hana sérstaklega og
létti henni byrðar lífsins. Annað
var hin frábærlega góða skap-
gerð hennar, létta og glaða lund,
sem aldrei brást, jafnvel ekki í
löngu stríði vegna veikinda
hennar nánustu. Hitt var ást
v-
hennar á söng og hljóðfæraslætti,
sem hún bar í brjósti alla ævi og
var henni án efa í blóð borin
sem mörgum í hennar ætt. Sjálf
hafði hún góða söngrödd. Meðal
annars söng hún í mörg ár í
kirkjukór Stokkseyrarkirkju
undir stjórn frænda síns, Gísla
Pálssonar í Haftúni bróður Is-
ólfs. Ávallt þegar vinir og frænd-
ur komu saman og tekið var lag-
ig, var Valgerður þa~ fremst í
flokki um söng og glaðværð.
Með Valgerði Grímsdóttur er
síðasti fulltrúi systkinahópanna
mannvænlegu af báðum bæjun-
um í Nesi horfinn af sjónarsvið-
inu. Henni fylgja á veg þakk-
látir hugir ættingja og vina sem
og allra þeirra, er kynntust við
hana á langri ævi, — þakklátir
fyrir sólskinsbletti og gleði-
stundir i návist hennar.
Gúðni Jónsson.
Þorvaldur Ari Arason, hdl.
LÖGMANNSSKRIFSTOFA
SkólavörðuBtig 38
«/o Hdll Jóh.MarIrlfsrun h.f- - Pósth 621
Sima* IS116 og 15417 - Simne/nt. 4»i
Síldarstúlkur
Nokkrar síldarstúlkur vantar á síldarplan á
Siglufirði.
Kauptrygging og gott húsnæði.
Upplýsingar gefur:
Uppl. gefur Helgi Eyjólfsson, sími 136, Keflavík.
NÝ SEIMDING
amerískir
morgunkjóiar
Qw&o*
SALT
CEREBOS 1
HANDHÆGU BLÁU DÓSUNUM.
HEIMSpEKKT GÆÐAVARA
Happdrœtti Sjálfstœðisflokksins
býður yður upp á glœsilegustu bifreið ársins
Plymouth-Savoy bifreið (1958)
• Dregið verður í happdrættinu á þriðjudag, 24. þ.m. \
0 Þeir, sem fengið hafa senda miða eru vinsamlegasf boðnir að gera skil nú þegar.
0 Afgreiðslan í Sjálfstæðishúsinu er opin í dag til kl. 7 síðd., sími 17104.
0 Hin glæsilega bifreið er fil sýnis við Úfvegsbankann í Ausfursfræfi og þar má einnig fá keypta
miða.
0 Eflið sfarfsemi Sjálfsfæðisflokksins með því að kaupa miða og freisfið gæfunnar um leið.
llappdrætti Sjálfstæðisflokksins