Morgunblaðið - 12.11.1959, Blaðsíða 2

2
MORGUNBLAÐIÐ
Fimmtudagur 12. nóv. 1959
— Milljónatjón
Framh. af bls. 1.
t>átur, sem lá frammi á legunn'
rak nokkuð, en var forðað frá
skemmdum. Mikill snjór er í
eyjunni, en þar er rafmagn frá
dieselstöð. Einn bátur var þaðan
á sjó, þegar veðrið skall á, en
hann hafði sig heim um miðjan
dag á sunnudag.
DALVÍK. — Mikið brim var í
höfninni í Dalvík meðan á ó-
veðrinu stóð. Bátar allmargir
lágu þar inni, en þeim tókst að
bjarga öllum og verja áföllum
með því að menn voru þar um
borð í þeim. Enn vantar 20—30
fjár af því sem er í eigu kaup-
túnsbúa og hefur leit að því ekki
borið áíangur. Vegir urðu strax
ófærir og eru enn. — Rafmagns-
laust er á Dalvík, þar sem hún
er á orkuveitusvæði Laxár, og
hefur fólk orðið að yfirgefa
nokkur hús þar, vegna kulda.
SVALBARÐSSTRÖND. — Á
Svalbarðsströnd brotnuðu síma-
staurar og var því símasambands
laust í sveitinni meðan óveðrið
geisaði. Þar er stórfenni mikið
orðið og vegir ófærir, en síðast-
iiðna nótt var unnið að því að
ryðja þá. Óveðursdagana vant-
aði allt fé fíá bænum Hallands-
nesi, en það fannst allt í gær,
að undanskildum 6 kindum.
Vegna rafmagnsleysisins verða
bændur að handmjólka kýr sín-
ar og er það bagalegt, þar sem
margir gripir eru, en fátt starfs-
fólk til mjalta.
SUÐUR-ÞINGEYJARSÝSLA.
— Viða er ástandið slæmt og
mun vera verst í Bárðardal,
Reykjadal og Mývatnssveit, eink
um þar sem bæir liggja að heið-
arlöndum. í Bárðardal vantar
víðast hvar eitthvað af fé —
frá 6—7 kindum frá bæ, upp
í 40—50 fjár. í dag og í gær hef-
ur farið fram stanzlaus leit, sem
borið hefur mikinn og góðan ár-
angur, því að á sumum bæjum
vantaði allt fé meðan á stórhríð-
inni stóð. Mjög hefur verið erfitt
og tafsamt að leita, því víða hef-
ur fé hrakið langa vegu undan
óveðrinu. Ekki hefur fundizt
mikið af fé í fönn, en einstakar
kindur hafa hrakizt í skurði og
ófærur og hafa fundizt þar dauð
ar. Frá Mýri í Bárðardal hafa
menn farið á skíðum til fjárleit-
ar, og munu þeir liggja nætur-
langt yfir því fé sem þeir finna,
en það er langt frá byggð. Mý-
vetningar hafa einnig legið úti
yfir fé sínu í svonefndum Sel-
löndum. Mjólkurflutningar hafa
lagzt niður, þar til í dag að verið
er að reyna að brjótast bæði úr
Kinn og Aðaldal til Húsavíkur.
Fara ýtur fyrir mjólkurflutninga
bílum.
HÓLSFJÖLL. -
Um vantar mjög
- Á Hólsfjöll-
margt fé og

Hún er vetrarleg þessi mynd frá Akureyri. Mennimir, togarinn, bíllinn og bryggjan — allt jafn
kuldalegt.
hefur ekki verið hægt að ganga
fyllilega úr skugga um það enn,
hve margt vantar. Vitað er að
mikið af því grófst í fönn og
hefur margt fundizt þannig.
Ekki er hægt að koma fénu að
svo komnu til bæja, vegna þess
hve dasað og klakabrynjað það
er. Er því reynt að hagræða því
eftir föngum, og koma því á hag-
lendi, þar sem hægt er. Menn
óttast að tófa eða dýrbítur legg-
ist á féð, þar sem það er ósjálf-
bjarga. í gær fannst blóðslóð, en
engin kind særð. Getur það staf-
að af því að hin særða kind hafi
skriðið i skjól og fennt þar. —
Allir sem geta vinna að því að
bjarga fénu, og mun það verða
flutt heim eftir því sem kostur
er, og reynt að þíða af því brynj-
una í húsum. Bændur á Hólsfjöll
um telja að fé hafi sjaldan eða
aldrei komið verr útlitandi und
an snjóhríð en nú.
KÓPASKER. — Vitað er að fé
hefur fennt víða bæði í Axar-
firði og Kelduhverfi. Veður hef-
ur verið slæmt til leitar þangað
til í gær. Hefur margt fundizt í
fönn. Fé er svo klakabrynjað, að
það mun skjótt drepast, ef ekki
tekst að bjarga því í hús. Á Kópa
skeri muna menn vart annað eins
brim og var meðan óveðrið geis-
aði. Við hafnargarðinn lágu tveir
uppskipunarbátar og einn trillu-
bátur. Rak annan bátinn og trill-
una á land upp. Er trillan gjör-
eyðilögð, en uppskipunarbátur-
inn stendur á réttum kili nokk-
ur hundruð metra á landi uppi.
Þar sem vegurinn liggur um 1
km. frá sjó innan við Kópasker,
*
er hann á kafi í vatni. Stafar
þetta af sjógangi sem náð hefur
langt upp á land. Á Melrakka-
sléttu var brim óhemjumikið og
hafa vatnsuppistöður myndast
innar við malarkamba og sjávar
garða. Til er að fé hefur farið í
lónum þessum. Til dæmis 6
kindur á Sigurðarstöðum á
Sléttu. Fé vantar á bæjum við
Þistilfjörð. Röktu menn slóðir
þess fram af björgum við Kolla-
vík. Mun það hafa hrakið fyrir
bjargið. — Símasamband hefur
verið lélegt þar austur frá og
Ljósm. vig.
fregnir því fremur óljósar. Sem
dæmi um það hvað klakabrynj-
an er mikil á féinu má geta þess,
að á Valþjófsstað í Axarfirði var
fé hýst í fyrradag síðari hluta
dags og eftir næturlanga inni-
stöðu hringlaði í brynjunni eins
og í síldum hesti.
ÞÓRSHÖFN. — Á Þórshöfn var
sjógangur mikill. Þar rak á land
upp nýlegan trillubát og eyði-
lagðist hann. Ekki er enn vitað
um teljandi fjárskaða þar í ná-
grenninu ,enda hefur ekki sett
þar niður mjög mikla fönn.
Hraunprýðis-konur gefa
öndunarpípur í skip
H AFN ARFIRÐI — Síðastliðið
þriðjudagskvöld hélt slysavarna-
deildin Hraunprýði fund og var
hann fjölsóttur. Var samþykkt að
kaupa hinar svokölluðu öndunar-
pípur, sem er ný uppfinning, og
gefizt hafa vel við lífgun úr
dauðadái. Ætlar deildin að gefa
slíkar pípur í öll hafnfirzk skip,
en þær ættu að sjálfsögðu að
vera í öllum skipum.
Frá starfsemi Hraunprýðis er
það annars að segja, að konurn-
ar héldu bazar fyrir nokkru, og
var hann hinn ágætasti í hví-
vetna, margt muna og mikil sala.
— Eru Hraunprýðis-kðnur þakk-
látar Hafnfirðingum hversu þeir
bregðast ávallt vel við þegar þær
leita til þeirra, hvort heldur
bazar er haldinn eða önnur fjár-
öflunarleið farin hinu göfuga
málefni til styrktar.
Úr starfsemi deildarinnar má
meðal annars geta þess, að á sín-
um tíma fór hún þess á leit við
bæjarráð, að það kæmi upp grind
verki á kafla fram með læknum
hjá Barnaskólanum, og var svo
gert. Er talsvert öryggi að þessu
grindverki og einnig er það til
prýði. — Þá er ákveðið að fara
þess á leit, að einstefnuakstur
verði tekinn upp fram með verk-
smiðjunni Dverg og athugaðir
möguleikar á því hvort ekki sé
rétt að svo verði einnig um
Hverfisgötu og Austurgötu.
Innanlandsflug
Tónlistardagur í Keflavík
Það hefur verið mikið verk að moka snjónum frá dyrunum á
þessu húsi á Akureyri. Drengirnir á myndinni eru nærri því
í sömu hæð og önnur hæð hússins. Ljósm. vig.
KEFLAVÍK, 12. okt. — Um næst-
komandi helgi mun Lúðrasveit
Keflavíkur, Karlakór Keflavíkur
og Tónlistarfélag Keflavíkur
efna til sameiginlegra hljóm-
leiiia, merkjasölu og ársfagnaðar
til fjáröflunar fyrir tónlistarhús
í Keflavík.
Hljómleikarnir verða í Bíóhöll-
inni iaugardaginn 14. nóv. og
hefjast kl. 8.30 Þar munu koma
fram Lúðrasveit Keflavikur und-
ir stjórn Guðmundar Nordals og
Karlakór Keflavíkur undir stjórn
Herberts Hriberchek. Undirleik
annast Ragnheiður Skúladóttir
nemandi í Tónlistarskóla Kefla-
víkur. Ragnar Björnsson skóla-
stjóri, Árni Arinbjarnarson fiðlu-
leikari og Guðmundur Nordal
klarinett leikari. Með kórnum
eru einsöngvarar, þeir Guðjón
Hjörleifsson, Böðvar Pálsson og
Sverrir Ólsen. Einnig mun blástr-
arkvintett úr Sinfóníuhljómsveit
fslands leika á þessum hljóm-
leikum. Ársfagnaður félaganna
fer fram í
inu að lokum hljómleikunum. Að
göngumiðar verða til sölu í bóka-
búð Keflavíkur og á sunnudaginn
verða seld merki.
Byggingarnefnd Tónlistarhúss
Keflavíkur skipa þessir menn:
Guðmundur Nordal, Haukur
Þórðarson, Kristinn Pétursson,
Guðmundur Þengilsson, Guð-
mundur Guðjónsson, og Guð
finnur Sigurvinnsson.
hófst aftur
gær
INNANLANDSFLUG hófst aftur
í gær, en það hefur að meztu
legið niðri undanfarna 3 daga
vegna veðurs. í gær var flogið til
margra staða innanlands, m. a.
flaug skymasterflugvél til Akur-
eyrar, 2 dakotaflugvélar flugu
til Vestmannaeyja, og einnig var
flogið til Flateyrar, ísafjarðar,
Blönduós og Sauðárkróks.
Erfiðast reyndist flugið til
Akureyrar, vegna þess að raf-
magnsskortur kom í veg fyrir að
hægt væri að nota radóvitana við
Eyjafjörð, radartækin á Akur-
eyri og brautarljósin þar. Milli-
landaflug hefur verið með eðli-
legum hætti undanfarna daga,
þrátt fyrir veðrið.
Allgóð færð til
Reykjavíkur
F L E S T IR vegir í nágrenni
Reykjavíkur eru nú færir, að
því er Vegamálaskrifstofan tjáði
blaðinu í gær. Krisuvíkurleið er
fær öllum bílum og Hellisheiði
eins og er, einnig Þingvallaleið,
og Hvalfjörður mun vera fær
öllum stærri bílum. Keflavíkur-
leið er sæmileg, en leiðin að
Höfnum og Garði er varla fær,
sömuleiðis að Sandgerði.
Góðar togarasölur
TOGARINN Sléttbakur frá Ak-
ureyri seldi afla sinn í Grimsby
sl. miðvikudagsmorgun, 166 lestir
fyrir 12533 stp. Fékk hann sér-
staka viðurkenningu fyrir góða
meðferð á aflanum.
Margrét frá Siglufirði seldi
afla sinn sama morgun í Grimsby,
70 lestir fyrir 5719 stp.
Þá seldi togarinn Röðull afla
sinn í Cuxhaven í gærmorgun
125y2 lest fyrir 108.793 mörk. Mið
að við markað í Þýzkalandi und-
anfarna daga er þessi sala mjög
góð.
17% aukning
farþegaflutninga
Gullfoss
SAMKVÆMT upplýsingum, sem
blaðið hefur fengið hjá Eimskipa
félaginu, flutti ms. „Gullfoss“
5375 farþega milli landa á síðast-
liðnu sumri. Sumarið áður flutti
skipið 4612 farþega og hefur því
farþegafjöldinn aukizt um ná-
lega 17%. Þess ber þó að geta,
að ein ferð skipsins féll niður
sumarið 1958 vegna verkfalls og
hefur það að sjálfsögðu dregið úr
farþegafjöldanum það sumar.
Síðastliðinn föstudag lagði
skipið upp í fyrstu vetrarferðina
til Hamborgar og Kaupmanna-
hafnar með 84 farþega. Áætlun
skipsins verður með sama fyrir-
komulagi í vetur og undanfarna
vetur, þannig að skipið siglir til
Hamborgar og Kaupmannahafn-
ar með viðkomu í Leith á heim-
leið.
Áætlun „Gullfoss" fyrir næsta
sumar er væntanleg innan fárra
daga.
Rafmagnslaust í viku
HÚSAVlK, 11. nóv. — í dag hef-
ur veðrið gengið mikið niður og
er nú komið sæmilegt veður. —
Skaflar eru miklir og ófært um
bæinn nema á trukkbílum. Eitt-
hvað mun hafa fennt af fé, en þó
mun ekki vera um teljandi skaða
hjá búfjáreigendum hér í Húsa-
vík að ræða. I dag grófu menn
fimm kindur úr fönn á Bakka,
hér utan við bæinn, og voru þær
svo máttfarnar að þær voru sótt-
ar á snjóbíl.
Vegurinn hér fram í sveitina
mun vera ófær, framan við flug-
Ungmennafélagshús- völlinn, en í haust hefur verið
unnið að nýjum vegi þangað, og
er aðeins fært um þennan nýja
veg, en gamli vegurinn mun
alveg ófær. Snjór mun ekki
mikill á flugvellinum og er
áformað að fljúga þangað á
morgun. Rafmagnslaust er enn
frá Laxárvirkjun og ekki taldar
vonir til að úr rætist fyrr en um
næstu helgi.
Mjólkurbílar hafa ekki komið
úr Aðaldal eða öðrum fjarlægari
sveitum síðan á laugardag, en
næg neyzlumjólk fæst nú frá
næstu sveitabæjum.
-— Fréttaritari.