Morgunblaðið - 12.11.1959, Blaðsíða 19

Fimmtudagur 12. nóv. 1959
MORGVTSBLÁÐIÐ
19
Skemmtifundur
Alliance Francaise
ALLIANCE Francaise heldur
fyrsta skemmtifund sinn á þessu
ári í kvöld í Tjarnarcafé kl. 8,30.
Forseti félagsins Magnús Jochum
son mun bjóða velkominn hinn
nýja ambassador Frakka á ís-
landi, Monsieur J. Brionval.
Til skemmtunar verður kvik-
myndasýning. Sýnd verður lit-
mynd frá Frakklandi. Þá mun
franski sendikennarinn við Há-
skólann, Mademoiselles Madel-
eine Gagnaire, kynna hina nýju
og mjög umtöluðu bók skáld-
konunnar Francoise Sagan,
„Aimez-vous Brahms?“ og lesa
kafla úr bókinni.
Dansað verður til k'l. 1.
—Erlendir viðburðir
Framhald af bls. 8.
fyrsta skrefið að réttlátri lausn
Alsír-vandans. Frönsku landnem
arnir hafa enn haegt um sig, þó
reiðin sjóði í þeim gagnvart de
Gaulle. Má vera að þeir vænti
þess, að geta enn sem fyrr gert
réttarbætumar að engu og ráðið
úrslitum með þvingunum og föls
unum í þjóðaratkvæðagreiðslu
þeirri, sem de Gaulle heitir Serkj
um. En þá yrði enginn vandi
leystur. Ef tillögurnar eiga að
koma að nokkru haldi og verða
undirstaða varanlegs vopnahlés,
þarf að búa vel og tryggilega um
hnútana, að ósvikinn þjóðarvilji
fái að birtast í slíkri atkvæða-
greiðslu.
Molar
UMMÆLI Alanbrookes lávarð-
ar í æviminningum sinum
um hershöfðingjaferil Eisenhow-
ers hefir lostið niður
eirs og eldingu. Sérstaklega
þykja þau ummæli koma illa við
virðingu mannsins, sem er forseti
Bandaríkjanna, að hann hafi ekki
mátt vera að því, að sinna
Ardennasókn Þjóðverja veturinn
1944—45, af því að hann hafi
verið upptekinn á golfvelli.
Þetta eru óvægin ummæli, en
samt getur maður ekki varizt
þeirri hugsun, að ósköp eigi Eisen
hower þessum brezka lávarði að
þakka, að hann hefur getað hald-
ið sér saman í 15 ár. Ef sagan
af Ardennasókn og golfspilinu
hefði verið komin á kreik fyrir
1952, efast ég um að Eisenhower
hefði nokkurn tíma komizt í
framboð eða verið kjörinn forseti
Bandaríkjanna. Ardennasókn
Þjóðverja varð harmleikur fjölda
bandarískra f jölskyldna sem
misstu þar ástvini sína og hlýtur
ásökun Alanbrookes þvi að vera
litin mjög alvarlegum augum
vestanhafs.
Á föstudaginn birtist hér í blað
inu samtal við íslenzkan stúdent,
Þórð Sigfússon, sem hafði ætlað
að stunda nám í Júgóslavíu, en
hvarf skjótlega heim aftur vegna
óviðunandi húsnæðis og fæðis.
Lýsing Þórðar á þessu kemur
heim við aðrar fregnir frá Júgó-
slavíu um aðbúnað stúdenta, sem
hefur verið slæmur, og virðist
sízt fara batnandi. Fyrr á þessu
ári, þann 11. maí, urðu miklar
stúdentaóeirðir í Zagreb, höfuð-
borg Króatíu. 600 stúdentar fóru
í mótmælagöngu til að mótmæla
hinu lélega fæði og aðbúnaði, og
söfnuðust þeir saman fyrir fram-
an ráðhús borgarinnar og kröfð-
ust úrlausnar. Lögreglan kom til
skjalanna, dreifði hópnum með
gúmmíkylfum og fangelsaði 180
stúdentanna. Nokkrir þeirra sitja
enn í fangelai og óstaðfestur orð-
rómur herawkr að tveir hafi látið
lífið. Þet*« Var stærsta „Mensa-
uppreisnin", en smáuppreisnir
hafa átt sér stað við flesta æðri
skóla í landinu.
Oscar Clausen
Aðalfimdur
AÐALFUNDUR í rithöfunda-
félagi íslands var haldinn 1. nóv.
s.l. Stjórn félagsins skipa nú:
Jóihannes úr Kötlum formaður
Halldóra B. Björnsson ritari og
Jóhannes Steinsson gjaldkeri.
Meðstjórnendur Þorsteinn Jóns.
son frá Hamri og Jón frá Pálm-
holti. Endurskoðendur: Sigurður
Róbertsson og Benedikt Gísla-
son frá Hofteigi. Fulltrúar í
stjórn Rithöfundasambands ís-
lands: Friðjón Stefánsson, Björn
Th. Björnsson, Einar Bragi og
Jón úr Vör.
«-------------------------
„Á fullri ferð" ný bók
eftir Oscar Clausen
ÚT er komin ný bók eftir Óscar
Clausen, rithöfund. Nefnist hún
„Á fullri ferð“ og er annað bindið
af endurminningum hans. Þetta
er þó algerlega sjálfstæð bók. í
þessari bók segir Clausen frá
unglingsárum sínum í Hólminum
og þegar hann sem fulltíða maður
snýr sér að atvinnurekstri og
stjórnmálum. Hann segir þar m.a.
frá fjárkaupaferðum um Dali og
spekúlantsferðum og hrossakaup
um á Nesinu. Hann dregur upp
ótal myndir af sérstæðu fólki,
sem á leið hans verður auk fjölda
skyndimynda af þjóðkunnum
mönnum.
Bókin skiptist í átta megin-
kafla, og bera þeir heitin: Þeg-
ar ég var fyrst við verzlun, í fjár
kaupum í Dölum, Sláttuferðir og
víxlasögur, Frá framboði til Al-
þingis og kosningasögur, Spítala
málið í Stykkishólmi, Kerlingar
skarð og Búlandshöfði, Mislynd
örlög og Tveir afreksmenn. í
þeim síðasta kafla er sagt frá
Thor Jensen og Emil Nieisen,
fyrsta framkvæmdastjóra Eim-
skipafélags fslands.
Bókin er prýdd fjölda mynda
af mönnum og öðru, sem um er
rætt. Útgefandi er Bókfellsút-
gáfan.
30 nemar Demetz
syngja í Gamla Bíói
f VOR ætlaði Maria Demetz,
söngkennari, að halda nemenda-
tónleika. Það hafði hann gert
tvisvar áður og tekizt vel. En
hljómleikarnir í vor fóru út um
þúfur, þeim var aflýst vegna in-
flúenzufaraldurs. Svo reyndi
hann aftur, en þegar að hljóm-
leikunum kom varð aftur að af-
lýsa, því þá höfðu fleiri nemend-
ur lagzt í flenzunni.
En nú ætlar Demetz að reyna
í þriðja sinn og allt bendir til
að vel takist, því ekki bólar á
flenzunni.
Á hljómleikum þessum, sem
haldnir verða í Gamla Bíói á
fimmtudagskvöldið, koma fram
9 einsöngvarar og 20 manna kór,
en nú hefur Demetz alls 36 nem-
endur í söng- og óperuskóla sín-
um.
Meðal nemenda hans, sem
þarna syngja einsöng, verða
Sigurveig og Inga Hjaltested,
Spilakeppni
í kvöld hefst í Breiðfirðingabúð
5 kvölda spilakeppni (félagsvist-
ar), þar sem öllum er heimil þátt
taka.
Sem kunnugt er, eru slíkar
keppnir mjög vinsælar meðal al-
mennings. Væntanlegum þátttak-
endum skal á það bent, að þeir
falla ekki út úr keppninni, þó
þeir mæti ekki hverju sinni, ef
, þeir senda annan fyrir sig.
Góð verðlaun verða veitt að
keppni lokinni, en auk þess veitt
verðlaun fyrir hvert kvöld.
Stiginn verður dans eftir vist-
ina, og mun hljómsveit Árna ís-
leifssonar leika fyrir dansinum.
Verð aðgöngumiða á keppni
þessa verður mjög í hóf stillt.
Snæbjörg Snæbjarnar, Eygló
Viktörsdóttir, Bjarni Bjarnason,
son og Jón Sigurbjörnsson. Og á
Guðmundur Guðjónsson, Erling-
ur Vigfússon, Hjálmar Kjartans-
efnisskránni eru verk eftir bæði
íslenzka og erlenda höfunda.
Jazzinn og blaðið
1 TILEFNI af fréttagrein, er birt-
ist í flestum dagblöðum bæjar-
ins í dag, um að nýtt blað undir
nafninu „Nýtt úr skemmtanalíf-
inu“ hefði hafið göngu sína —
en þar í stendur, að Jazzklúbbur
Reykjavíkur hafi til fullra um-
ráða opnu nefnds blaðs, vill Jazz
klúbbur Reykjavíkur taka fram
eítir farandi:
Það er algjörlega úr lausu Iofti
gripið, að Jazzklúbbur Reykja-
víkur standi á nokkurn hátt að
blaði þessu, né hafi nokkuð með
nefnda opnu blaðsins að gera.
Forráðamenn blaðsins, Ragnar
Tómasson og Ingibjartur Jóns-
son, komu að máli við stjórn
klúbbsins og buðu henni opnu
þessa til umráða, en því var hafn
að. Stjórnin kvaðst þó, eðlilega,
ekki setja sig á móti því, að
einhver félagsmaður klúbbsins
tæki að sér að rita um Jazztón-
listina fyrir nefnt blað, en slíkt
yrði algjörlega fyrir utan klúbb-
inn og nafn hans.
Það skal því skýrt tekið fram,
að öll skrif um Jazztónlistina I
blaðinu „Nýtt úr skemmtanalíf-
inu“ eru á persónulega ábyrgð
þeirra er greinarnar skrifa, ltvort
sem þeir eru meðlimir Jazz-
klúbbs Reykjavíkur eða ekki, og
því ekki að neinu leyti á vegum
klábbsins.
íþróttolélog Reykjavíkur
Aðalfundur félagsins verður haldinn í Tjarnarcafé
miðvikud. 18. nóv. kl. 8,30.
Dagskrá: Venjuleg aðalfundarstörf.
STJÓRNIN
!
Barizt af grimmd
med boga og örvum
USUMBURA, Ruanda-Urundi,
11. nóvember.
FJÖLMENNAR sveitir fall-
hlífaliða hafa verið sendar á
vettvang frá Belgísku-Kongó
til þess að skerast í leikinn í
ættflokkastríðinu í Ruanda-
Urundi í Mið-Afríku, en
Belgíumenn fara þar með
stjórnartaumana. Þetta stríð
hefur nú staðið í viku og hafa
a. m. k. 200 innfæddir fallið.
Verið getur að mannfall sé
miklu meira, því erfitt er að
fýlgjast með gangi „styrjald-
arinnar“, því landið er mjög
skógi vaxið.
Þetta kjarnorkualdarstríð, sem
háð er þarna inni í svörtustu
Afríku með bogum og örvum, er
á milli Bahutu-ættflokksins
annars vegar — og Watutsi-
flokksins og Pygmy hins vegar.
Frá ómunatíð hafa Bahutu-menn
átt í vök að verjast vegna
ágengni Watutsi-ættflokksins,
enda þótt hann sé mun fámenn-
ari. En Watutsi-menn eru risa-
vaxnir mjög. Meðalhæð þeirra er
meira en tveir metrar og það
gerir gæfumuninn.
En hinir belgísku ráðamenn
Ruanda-Urundi hafa leitazt við
að koma á jafnvægi með ætt-
flokkunum. Nú hafa Belgíumenn
hins vegar lýst því yfir, að sá
tími nálgist óðum, að Ruanda-
Urundi hljóti sjálfstæði og inn-
fæddir verði að taka málefni
landsins í eigin hendur. Við þess-
ar fregnir hefur felmtri slegið á
Bahutu-ættflokkinn af ótta við að
verða undirlægja Watutsi-manna
jafnskjótt og Belgíumenn færu
úr landinu. Skáru þeir fyrr-
nefndu því upp herör gegn
Watutsimönnum og er barizt af
grimmd. Þó hefur konum og börn
um verið þyrmt hingað til, an
karlmenn einungis felldir. Hafa
margir smábardagar orðið inni í
myrkviðum landsins og eru vopn-
in hin frumstæðustu. Belgíumenn
búast til að grípa í taumana eftir
því sem við verður komið, ef
ekkert lát verður á mannvígum.
Alþingi kemur
saman 20. nóv.
FORSETI ÍSLANDS hefur, a*
tillögu forsætisráðherra, kvatt
reglulegt Alþingi 1959 tii fundar
föstudaginn 20. nóvember og fer
þingsetningin fram að lokinni
guðsþjónustu, er hefst í Dóm-
kirkjunni kl. 13,30.
Innilegar þakkir til vina minna sem minntust mín á
afmælisdaginn 7. nóv. s.I. — Kærar kveðjur.
Anna Lovísa Kolbeinsdóttir.
Þakka innilega sýnda vinsemd á 60 ára afmæli mínu.
Þorlákur Sveinsson,
Sandhól, ölfusi.
Þakka heilshugar öllum, sem auðsýnda mér sextugum
vinsemd.
Jóhannes úr Kötlum.
Elskulegur sonur okkar
þorsteinn
lézt á Landsspítalanum 11. þessa mánaðar.
Steinunn Vilhjálmsdóttir, Konráð Þorsteinsson.
HELGA HELGADÓTTIR
Melahúsi við Hjarðarhaga,
lézt í Landakotsspítalanum 9. þessa mápaðar.
Aðstandendur.
BJARGEY MAGNÚSDÓTTIR
andaðist á sjúkrahúsinu á Selfossi 10. nóv.
Fyrir hönd ættingja og vina.
Margrét Sigurðardótir.
Það tilkynnist vinum og vandamönnum, að faðir mlnn
og tengdafaðir,
GUÐMUNDUR FRIÐRIKSSON
Samtúni 20,
andaðist 11. nóvember.
Petrína R. Guðmundsdóttir, Björgvin V. Færseth
Eiginkona mín, móðir, tengdamóðir og amma
GUÐBJÖRG KRISTJÁNSDÓTTIR
Laugaveg 58,
verður jarðsungin frá Fossvogskirkju föstudaginn 13.
nóvember kl. 1,30 eftir hádegi.
Kjartan Sigurðsson, Ingjaldur Kiartansson,
Kathé Kjartansson, Svanhvít Ingjaldsdóttir,
Lilja Ingjaldsdóttir.