Morgunblaðið - 17.01.1960, Blaðsíða 9
Sunnudagur 17. jan. 1959
M OR CllTS BLAÐÍO
ö
Garðar Guðmunds-
son skipstjóri-Minning
A ÞÚSUNDUM heimila var
beðið milli vonar og ótta meðan
gengið var úr skugga um það,
hvort að happaskipið Rafnkell
væri farið. Rafnkell var orðinn
kunnur, ekki einungis meðal
þeirra, sem eiga lífsafkomu sína,
bjargræði og farsæld meðal
þeirra, sem afla úr sjó, heldur
og meðal bænda og búaliða. í>að
var gaman að heyra fréttirnar af
giftu þessa skips og giftu þessa
skipstjóra fyrir alla þá, sem heil-
um höndum og af ærlegum vilja
vinna að því að afla vors dag-
lega brauðs og byggja upp vora
menningu.
Og svo var leitinni lokið. Rafn-
kell var farinn. Garðar Guð-
mundsson, skipstjóri horfinn af
stjórnpalli með elskulegu drengj-
unum sínum, og þungur söknuð-
ur og djúpur tregi greip okkur
öll, sem vissum, hve dýrmætt
mannsstarf þessi rúmlega fertugi
drengskaparmaður hafði unnið.
Garðar Guðmundsson, skip-
stjóri, var sonur hins þjóðkunna
dugnaðar- og athafnamanns,
Guðmundar Jónssonar á Rafn-
kelsstöðum, og ólst upp með
honum og hans góðu frú, Guð-
rúnu Jónasdóttur. Hann ólst þar
úpp við þann anda manndóms
og bjartsýns áræðis, sem ein-
kenndi þetta heimili þegar á
æskuárum þeirra hjóna, þó að úr
litlu væri að spi’a. Hið blikandi
haf, kyrrlátt og gott fyrir strönd-
inni, tjáði áræðismönnum, eins
og Guðmundi á Rafnkelsstöðum,
hvaða fjársjóðir þar væru fólgn-
ir og finna bæri, og þegar hóp-
urinn þeirra hjóna vex upp,
verður Garðar maðurinn, sem
skilur þrá föður sins og gerist
forbrjótur með þreki æskunnar,
frábærri gleggni og drengskap,
til þess að færa í veruleika starfs
draum foreldra sinna. Á þennan
hátt byggjast byggðir vorar og
verða nýtt ísland, fært, dugandi
og úrræðasamt, þrátt fyrir
mannfæðina.
Skólastjóri, sem kenndi Garð-
ari og hafði hann undir höndum
sem barn, segir mér, að í þessum
vaska og glaðværa dreng hafi
búið forustuhæfileiki, sem þegar
kom fram í barnahópnum. Á
leikveliinum, í glettum og gamni
barnanna var Garðar orðinn for-
ustumaður, sem kom skipan og
sniði á leikinn. Og þrátt fyrir
mikið þrek og galsa, bjó þá þeg-
ar yfir kyrrlátri glaðværð, sem
kunni að skipa hlutunum á rétt-
an hátt. Þessi lærifaðir hans og
skólastjóri segir: „Það getur oft
verið þreytandi, eins og þú skil-
ur, að kenna, en það verða hvíld-
arstundir og gamanstundir á
miili, þegar maður er svo hepp-
inn að hafa sjálfkjörna formenn
í némendahópnum".
Garðar Guðmundsson var
sjálfkjörinn formaður. Sumir af
leikbræðrunum urðu hásetar
hans, eða samverkamenn í landi,
og öllum var hann vel og kom
til giftu og farnaðar. Það ein-
kenndi þennan hægláta og happa
sæia afreksmann, að hann unni
sér ekki hvíldar og friðar nema
vita þeim vegna vel, sem voru
með honum í starfinu. Hann
byggði hús í Iandareign föður
síns, færði þangað unga brúði
og þar byggðu þau upp saman
elskulegt og fagurt heimili. Rík-
mannlegt í hófi, en búið öllum
þeim þægindum, sem til þess
þarf að geta látið öllum líða vel.
En Garðar var ekki ánægður með
að eiga sitt eigið hús, þar sem
níu mannvænleg börn uxu upp
í skjóli ástríkra foreldra. Hann
vildi að mennirnir, sem með
honum störfuðu á sjónum ættu
einnig sín hús, ættu sitt frið-
sæla heimili, þegar heim væri
komið. Maður, sem reri með
Garðari nokkrar vertíðir, segir
mér, að hann hafi aldrei átt eins
góðan verkfélaga, vin og föður.
„Hvað áttu við með því?“ spurði
ég, „þú er þó eldri maður“. Hann
svaraði: „Ég veit það ekki, hann
hafði okkur einhvernveginn öll
í höndunum“.
Rafnkelsstaðaheimilinu þarf
ekki að lýsa, Guðmundi Jóns-1
syni og Guðrúnu Jónasdóttur, og
heldur ekki því, hverja þýðingu (
framtak, dugnaður og innilegur |
mannleiki þeirra hjóna hefur
verið byggðarlagi þeirra, Garð-
inum, á undanförnum árum.
Heimili Garðars reis þarna upp
í landareigninni sem tákn þess,
hvernig sonur eflir föður og fað-
ir styrkir son, en innan dyra
þess heimilis gekk húsfreyjan,
Ása Eyjólfsdóttir úr Sandgerði. .
Það er öllum mönnum vitanlegt
að eftir öll æðrulaus átök, sem
Garðar innti af hendi á sjónum,
var það heimkoman til hennar,
sem var fagnaðarefnið eftir
erfiðisstundir og vökunætur. Og
heimkoman til barnanna.
Þegar Garðars og skipshafnar
hans verður minnzt í Útskála-
kirkju í dag, megið þið vera
þess fullviss, Guðmundur á Rafn-
kelssstöðum, Guðrún Jónasdótt-
ir, Ása Eyjólfsdóttir og þið öll,
sem eigið eftir góðum drengjum
að sjá, að til ykkar streyma hlý-
ir hugir, fyrirbænir og samlif-
un, sem ég kann ekki að færa
í orð. Það er ekki aðeins byggð-
arlagið, sem finnur þennan sjón-
arsvipti, heldur þjóðin öll. 1
drengilegu starfi hafa góðir
drengir fallið. Það böl verður
ekki bætt með neinum orðum.
En þiggið þið, aðstandendur,
lotningu okkar, virðingu og
djúpa þökk.
Sigurður Einarsson.
♦ V
♦ +
BRIDGE
♦ *
TVEIMUR umferðum er lokið í
sveitakeppni meistaraflokks hjá
Tafl- og bridgeklúbbnum og
urðu úrslit þessi:
1. umferð
Sv. Svavars Jóhannssonar vann
sveit Þórðar Eliassonar 60:37
— Gísla Hafliðasonar
Zóphusar Guðmundss. 65:55
— Aðalsteins Snæbjörnss.
Hákonar Þorkelssonar 60:39
— Hjalta Elíassonar
Þóris Sigurðssonar 59:46
— Agnars Ivars jafnt v. sv.
Björns Benediktssonar 51:51
2. umferð
Svavar vann Björn J0:31
Hjalti vann Agnar 75:42
Gísli vann Þóri 72:43
Hókon vann Zóphus 84:33
Þórður vann Aðalstein 66:36
Þriðja umferð verður spiluð
næstkomandi mánudag.
Að 6 umf. loknum í sveita-
keppni Bridgefélags kvenna er
röð 6 efstu sveitanna þessi:
1. sv. Ágústu Bjarnadóttur 698 st.
2. — Eggrúnar Arnórsd. 686 —
3. — Júlíönu Isebarn 676 —
4. — Vigdísar Guðjónsd. 674 —
5. — Þorgerðar Þórarinsd. 657 —
6. — Sigríðar Jónsdóttur 642 —
7. umferð verður spiluð 18. þm.
Á siðasta Evrópumeistaramóti
var leiksins milli Ítalíu og Eng-
lands beðið með mikilli eftir-
væntingu. Áhorfendur urðu
heldur ekki fyrir vonbrigðum.
Leikurinn var mjög spennandi,
en ekki að sama skapi vel spil-
aður. Spilið ,sem hér fer á eftir
er frá þeim leik og varð loka-
sögnin sú sama á báðum borð-
um, eða 3 grönd, sem norður átti
að spila.
♦ A K G
V K G 7
♦ K 8 3
♦ D 7 5 4
V D 9 4 3
413
♦ A G 9 7 5
4 9 8
D 7 5
8 6 2
10 4
4 Á G 10 3
N
V A
* 10 9 6 4
V A 10 5
♦ D 6 2
48 K 6 2
Við bæði borðin var útspilið
það sama eða tigul 7, sem var
drepið heima með kóngi, eftir að
Vestur hafði látið tíuna í. Báðir
spilararnir létu nú út lauf og
drápu með kóngi í borði, en
Vestur drap með ás og lét út
tigul. A báðum borðum lét Aust-
ur tigul 9 í og Suður drap með
drottningu. Hér skildust leiðir.
Shapiro lét aftur út tigul i von
um, að andstæðingarnir spiluðu
upp til hans, en það gerði Aust-
ur ekki. Eftir að hann hafði tek-
ið sína tigulslagi, lét hann út
lauf. Shapiro fékk drottninguna,
tók síðan ás og kóng í spaða og
þar sem drottningin féll ekki í,
varð hann tveimur niður. —
Belladonna spilaði spilið öðru
visi. I stað þess að láta út tigul
í fjórða slag, eins og Shapiro,
þá tók hann ás og kóng í spaða
og lét því næst út spaða gosa.
Vestur drap, lét há út lauf, en
þar sem Belladonna svínaði
hjartanu rangt, þá tapaði hann
einnig spilinu.
Eins og ljóslega sést, þá er
auðvelt að vinna spilið með því
að hitta rétt á að að svína hjart-
anu, en það er hægara sagt en
gjört.
Nú er auðvelt
að koma saman
á Strönduin
GJÖGRI, 12. jan. — Kvenfélag
Árneshrepps hélt jólatrésskemmt
un í samkomuhúsinu í Trékyllis-
vik sl. sunnudag. Voru þar á ann-
að hundrað manns, þar af 85
börn. Vantaði þá aðeins 17 til að
öll börn hreppsins væru þar sam
an komin. Er þetta alfjölmenn-
asta jólatrésskemmtun, sem hald-
in hefur verið hér, enda veður
fádæma gott og auðvelt að kom-
ast leiðar sinnar bæði á sjó og
landi. Komu sumir gangandi á
jólatréskemmtunina með smá-
börn.
Torfi Guðbrandsson, skóla-
stjóri, og Pálína Þórólfsdóttir,
stjórnuðu skemmtuninni, sem var
bæði skemmtileg og fjölbreytt.
Var farið kringum jólatré, sungn
ir jólasálmar, m. a. af baraskóla-
börnunum undir stjórn Torfa
skólastjóra, og jólasveinn færði
börnunum jólapoka og sælgæti.
Síðan voru rausnarlegar kaffi-
og súkkulaðisveitingar. - Regína.
Nauðungaruppboð
sem auðlýst var í 89., 91. og 93. tbl. Lögbirtinga-
blaðsins 1959 á hluta í húseigninni nr. 7 við Bugðu-
læk, hér í bænum, eign Péturs Kr. Árnasonar, fer
fram eftir kröfu tollstjórans í Reykjavl: á eign-
inni sjálfri, miðvikudaginn 20. janúar 1960, kl. 3%
síðdegis.
BORGARFÓGETINN í REYKJAVlK
Byggingarlóð
í eldri hverfum bæjarins óskast til kaups. Tilboð
sendist afgr. Mbl. fyrir miðvikudagskvöld merkt:
„8190“.
íbúð í Laugarásnum
5—6 herbergja hæð í nýju húsi að Laugarásvegi 5
er til sölu. Hæðin sem er um 140 ferm. er uppsteypt
með miðstöðvarlögn að mestu, séreign í kjallara
auk sameignar á þvotta- og ketilhúsum.
Útsýni mjög glæsilegt. — Bílskúrsréttindi. — Eignin
er til sýnis daglega kl. 13—16. Allar nánari upplýs-
ingar auk skipulagsuppdrátta á staðnum.
Isskápar
Er kaupandi að ógangfærum skápum. Rafha-skápur
og Westinghouse-eldavél til sölu.
GUÐNI EYJÓLFSSON, sími 50777
Til sölu
Taunus station 1959 vel með farinn og iítið keyrður
Skipti á nýjum Volkswagen kemur tii greina. Bíilinn
verður á „Hótel fslands“ stæðinu milli kl. 1—4 í
dag (sunnudag)
Afgreiðslusfúlka
Viljum ráða ábyggilega afgreiðslustúlku í kjörbnð
okkar á Laugavegi 164. — Upplýsingar á skrifstof-
unni.
Mjólkurfélag Reykjavíkur
StúVka
Sérverzlun í miðbænum vantar heilsuhrausta og ábyggi
lega stúlku til afgreiðslustarfa, ekki yngri en 25 ára. —
Afgreiðsla Mbl. tekur á rftóti umsóknum merktum: H—B
—8198. Vinsamlegast gefið uppl. um menntun, fyrri
atvinnu, aldur og símanúmer.
Nauðungaruppboð
verður haldið að Háteigsvegi 20, hér í bænum,
mánudaginn 25. janúar n.k. kl. 1,30 e.h. eftir kröfu
Árna Guðjónssonar hdl. o. fl. — Seldur verður
bökunarofn, deigdeilari, ísbox og 2 glerskápar.
Greiðsla fari fram við hamarshögg.
BORGARFÓGETINN 1 REYKJAVfK
Handí^a- og myndlistaskólinn
Ný námskeið hefjast 20. janúar í bókbandi, útsaumi
og myndvefnaði. Einnig má bæta við fáeinum nem-
endum í tauþrykk og mosaik. Innritun í skrifstofu
skólans, Skipholti 1, mánudaginn 18. janúar frá
kl. 4—7 síðd. eða í síma 19821.