Morgunblaðið - 23.11.1963, Blaðsíða 3
Laugar'dagúr 23. nóv. 1963
MORGU N B LAÐIÐ
3
— Kennedy myrtur
Framhald af bls. 1.
á móti var blóðpollur á bíl-
gólfinu.
Lyndon B. Johnson hefur
nú svarið embættiseið sinn.
Varaforsetainn fyrrverandi
verður nú 36. forseti Banda-
ríkjanna.
Útför Kenndys forseta, fer
fram í Washington nk. mánu-
dag. Lík hans mun liggja á
viðhafnarbörum í þinghúsinu
um helgina.
Hér á eftir verður nánar
skýrt frá hinum hörmulega
dauða John F. Kennedys,
Bandaríkjaforseta:
KENNEDY, forseti, sat við
hlið konu sinnar, Jaqueline,
er kúlan hæfði höfuð hans,
rétt við gagnaugað. —
Hné forsetinn þegar fram, og
féll höfuð hans í kjöltu eigin-
konunnar. Hún rak upp óp,
og sagði: „Ó, nei“. Síðan varð
hún þögul, og virtist lömuð,
en sagði ekkert meira. Sjón-
arvottar fullyrtu, að hún hefði
haft fulla stjórn á sér. Síðan
ók bifreiðin burt með gífur-
hraða, í áttina til næsta sjúkra
húss.
Ljóst er, að forsetinn komst
aldrei til meðvitundar eftir
kl. 17.25, er skotið hæfði hann.
Kl. 18.00, aðeins 35 mínútum
síðar, var hann liðinn. Þá þeg-
ar hafði honum verið gefið
blóð, en allt kom fyrir ekki,
enda skotsárið þess eðlis. Mun
kúlan hafa farið þvert gegn-
um höfuð hans.
Connally, ríkisstjóri í Tex-
as, fékk kúlu í brjóstholið, og
er mikið særður. Hann var
þegar færður í skurðstofu, þar
sem gerð var á honum aðgerð.
Hann er nú talinn úr lífs-
hættu. Er hann var fluttur í
skurðstofu, voru kaþólksir
prestar, tveir, komnir í sjúkra
húsið, og veittu þeir forsetan-
um hinztu smurningu, rétt fyr
ir andlát hans.
Yfirmaður ríkislögreglu
Bandaríkjanna, FBI, Edgar
Hoover, tilkynnti skömmu eft
ir að ódæðið hafði verið drýgt,
að allt tiltækt lið lögreglunn-
ar myndi þegar í stað hefja
leit að morðingjanum eða
morðingjunum. Ráðstafanir
voru gerðar til að fylgjast með
ferðum manna til útlanda, og
m.a. var landamærum Banda-
ríkjanna og Mexíkó lokað í
gærkvöldi.
Sjónarvottar að morðinu
segja, að skotið liafi verið úr
glugga byggingar nokkurrrar,
við vegamót, sem forsetinn
átti rétt ófarið um. Að vanda
ferðaðist Kennedy í opnum
bíl. Mun sæti hans hafa verið
hækkað, svo að mannf jöldinn
gæti betur til hans séð. Lög-
reglan skýrði síðar frá því, að
í húsi því, sem morðinginn
hafðist við í hafi fundizt leif-
ar af kjúkling, og annað, sem
bendi til þess, að komu
Kennedys hafi verið beðið,
með það fyrir augum að ráða
hann af dögum.
• Morðvopnið
fundið.
Strax, er nærstöddum varð ljóst
hvað raunverulega hafði komið
fyrir, greip stjórnleysi fólk það,
sem komið hafði til að hylla for-
setann. Öryggislögreglan gaf
hins vegar skipun um, að bíla-
lestin, að undanskildum bíl for-
setans, skyldi halda áfram, eins
og áætlað hafði verið.
Morðvopnið, rifill, 30 cal. að
hlaupvídd, búinn sjónauka,
fannst falinn bak við bæk-
ur, á, annarri hæð byggingar
þeirrar, sem launmorðinginn
hafðist við í. Er riffillinn af
japanskri gerð. Skothornið mun
hafa verið sem næst 45*.
Tveir menn aðrir en forsetinn
létu lífið í skothríðinni. Var ann-
ar meðlimur öryggislögreglunn-
ar, en hinn lögregluþjónn í Dall-
as. Munu þeir báðir hafa ætlað
að grípa til vopna, en verið skotn
ir, áður en þeir komu því við.
Nokkrir menn hafa verið hand-
teknir, m.a. einn maður í Forth
Worth og annar í Dallas, og lög-
reglan hefur birt lýsingu, sem
álitin er eiga við morðingjann.
Er hann talinn vera um 30 ára,
hvítur maður, grannvaxinn og
um 180 sm hár,
Maðurinn, sem handtekinn var
í Dallas, var síðar sagður vera
Lee M. Oswald, 25 ára. Var hann
handtekinn í kvikmyndahúsi,
sakir undarlegrar hegðunar.
og bar hann þá skammbyssu. —
Ekki mun hann hafa viljað við-
urkenna að hafa átt þátt í morði
forsetans, eða að hafa vegið hann
sjálfur, en talið er víst, að hann
hafi skotið á annan lögreglu-
mannanna, sem lífið létu, er
árásin var gerð.
Bygging sú, sem skotið var
úr, var þegar rudd öllu
fólki. — >að hefur vakið
mikla athygli, vegna handtöku
Oswalds, að sú fregn barst út
í gærkvöld, að maður nokkur
að nafni Oswald hafi fyrir fjór-
um árum komið í bandaríska
sendiráðið í Moskvu. Hafi hann
þá lýst því yfir, að hann hafi
sótzt eftir sovézkum borgara-
rétti, en ekki fengið. Blaðið
„Forth Worth Star-Telegram“
heldur því fram, að sá Oswald
sé maðurinn, sem handtekinn
var í gær. — Segir í frétt-
um blaðsins, að hann hafi haldið
til Sovétríkjanna 1859, og talið
sig þá ferðamann. Lögreglan hef-
ur hins vegar ekkert látið uppi
um manninn frekar, og hafa
fréttamenn átt mjög erfitt með
að afla umsagna. hjá yfirvöldum.
Má nefna, að margar sögusagnir
hafa komizt á kreik. M.a. skýrði
íslendingur einn, sem búsettur
er í Minneapolis í Bandaríkjun-
um, Mbl. frá því í gærkvöld, að
sú fregn hefði fengið byr undir
báða vængi, að Kúbumaður
hefði ráðið forsetanum bana. —
Haft er eftir öðrum íslending,
sem dvelst í Texas, að morðing-
inn sé áðurnefndur Oswald,
fyrrverandi landgönguliði Banda
ríkjahers, og hafi hann dvalizt
á Kúbu að undanförnu.
Eftir andlát forsetans, var lík
hans flutt á brott frá sjúkrahús-
Jacqueline Kennedy býst til að stíga inn í sjúkrabílinn, sem flutti látinn eiginmann hennar, John
F. Kennedy, frá flugvellinum i Washington í nótt. Storknað bióð forsetans má sjá á fótum
hennar og fötum. — Henry B.Gonzales, þingmaður frá Texas, hefur skýrt frá þvi að hann
hafi séð frú Kennedy kyssa lífvana varir eiginmannsins í síðasta sinn í sjúkrahúsinu í Dall-
ns, taka síðan glftingarhring sinn ofan, og setja hann á fingur hans. „Þessi sjón varð mér of-
viða“, sagði þingmaðurinn. „Éggekk á brott“. — Bróðir forsetans, Kobert Kennedy, dómsmála-
raðherra er til hægrL — Símamynd frá AP.
John F. Kennedy.
inu, og fylgdi lögregluvörður
sjúkrabifreiðinni, er það flutti.
Frú Kennedy var með í þeirri
för.
Fréttastofufregnum ber saman
um, að bandaríska þjóðin sé
harmi slegin yfir þessu voða-
verki. Á aðalgötum í Washing-
ton söfnuðust í gærkvöld saman
hópar manna, er syrgðu forset-
ann. Strax, er tilkynnt var, að
honum hefði verið sýnt bana-
tilræði, tók fólk að safnast sam-
an utan dyra í höfuðborginni.
Segja fréttamenn, að algjörri
þögn hafi slegið á fólkið, er til-
kynningir. barst um andlát for-
setans. Við Hvíta húsið var fáni
dreginn í hálfa stöng, og þeir,
sem þar komu að næsta stundar-
fjórðung, segja, að starfslið húss-
ins hafi fátt sagt, en grátið. Þeg-
ar í stað var bundinn endir á
þingfundi, og kom tilkynningin
um skotárásina eins og þruma
úr heiðskíru lofti yfir þingmenn.
Það liðu vart tveir tímar frá
því, að Kennedy lézt, þar til
Lyndon B. Johnson, fyrrum vara
forseti, hafði unnið eið, og tekið
við embætti forseta. Gerði hann
það í viðurvist dómara í Dallas,
en lög gera ráð fyrir slíkum til-
fellum, og þarf varaforsetinn
ekki að sverja eið sinn í höfuð-
borginni.
í gærkvöld hélt Johnson,
ásamt frú Jaqueline Kennedy,
til Washington í flugvél þeirri
er flutti lík hins látna forseta.
Þegar, er fréttin um tilræðið
við forsetann barst til höfuðborg
arinnar, hélt Edward Kennedy,
öldungadeildarþingmaður og
bróðir forsetans, ásamt systur
sinni, Eunice Kennedy, til Dallas.
Fóru þau með sérstakri flugvél.
Robert Kennedy, dómsmálaráð-
herra og bróðir forsetans, hélt
sömuleiðis þangað með annarrl
flugvél. Hann var staddur á
þingfundi er honum barst frétt-
in. Segja viðstaddir að hann
hafi skyndilega þagnað, er hon-
um barst fréttin, og gengið út
án nokkurra ummæla.
• Vekur ugg og
viðbjóð um viða
veröld.
Öllum fregnum, sem borizt
hafa af ódæðisverki þessu, sem
vakið hefur ugg manna og við-
bjóð um víða veröld, bér saman
um, að það hafi borið svo snöggt
að, að öryggisverðir hafi ekki
fengið að gert. Allt frá því sjón-
arvottar sáu votta fyrir blóð-
rennsli úr höfði forsetans, er
það hné í kjöltu eiginkonunnar,
og þar til hann lézt i slysavarð-
stofu sjúkrahússins í Dallas, var
ljóst, að hér var um einstæðan,
óhugnanlegan atburð að ræða.
Það má til marks hafa, að á
verðbréfmarkaðnum í New York
féllu bréf þegar í verði, er frétt-
ist um tilræðið við Kennedy.
Fréttin um dauða Kennedys er
sú áhrifaríkasta, sem flutt hefur
verið vestan hafs um óralangan
tíma, og má þar einu gilda,
hvort um var að ræða kauphöll-
inaA eða heimili foreldra forset-
ans? Það var ónefnd kona, sem
flutti móður John F. Kennedy
fregnina um, að á hann hefði
verið skotið í Texas. Móðirin
gerði þegar í stað ráðstafanir
til þess að komast að sjúkrabeði
sonarins, en af þeirri ferð varð
þó aldrei. Hann var látinn, áður
en hún var ferðbúin. Faðir
forsetans hefur verið sjúkur
maður um árabil, eftir heila-
blóðfall, sem hann varð fyrir,
og mátti hann sig hvergi hreyfa.
Frh. á bls. 23