Morgunblaðið - 16.07.1965, Blaðsíða 10

10
MORCUNBLAÐIÐ
Foshjdagur 16. júíí 1965
„Eg ætla
mig við
samt að halda
eldflaugar"
Geimfðrarnir boðnir í gær i
svifflug og réiðtúr
á vegum Loftleiða
BANDARÍSKU geimfararnir
fengu í gær að kynnast
nokkru á íslandi, sem þeir
þekktu fæstir af eigin reynd.
Loftleiðir buðu þeim til svif-
flugs og að skreppa á bak ís-
lenzkum hestum.
Geimfararnir áttu frídag í
lendingar og tókst hún prýði-
lega. Chaffe ljómaði eins og
sól í heiðríkju.
„Þetta er fyrsta ferð mín
í svifflugu. Það var mjög gam
an, þótt ég ætli samt að halda
mig við eldflaugar. Þetta er
allt önnur tilfinning en að
Á meðan þeir næstu fóru
upp með svifflugunni vildu
þeir á jörðu niðri fá að
skreppa á bak íslenzku hest-
unum. Dóttir Sigurðar Magn-
ússonar, Steinunn, hafði kom
ið með honum og var geim-
förunum til leiðsagnar við
hestamennskuna.
Þeir Schweickart og Cernan
náðu sér í reiðskjóta, brugðu
sér á bak og riðu á- brott.
Schweickart hafði gott taum
hald á hestinum og hvarf í
rykmekki. Erfiðlegar gekk
hjá Cernan, sem tókst þó að

Geimafararnir á reiðskjótunum ásamt Steinunni Sigurðardóttur. — Myndirnar tók Ól. K. M.
gær og þágu sjö þeirra boð
Loftleiða og komu þeir upp á
Sandskeið um kl. 1,30 í gær.
Þar biðu þeirra Leifur Magn
ússon og Þórður Hafliðason
frá Svifflugfélaginu, svo og
reiðskjótar.
Geimfararnir eru hinir
frísklegustu náungar, en held
ur þótti þeim kalt í veðri,
enda hvasst. Leifur Magnús-
son sagði þeim, að veður væri
ekki sérlega hagstætt til svif
flugs og því yrði þeir stutt á
lofti hver um sig. Ætlunin
var að fljúga í rennilegri svif
flugu, sem bar einkennisstaf
ina TF-SAL.
Fyrstur til að setjast upp 1
sviffluguna var Roger Chaffe,
sem er reyndur þotuflugmað-
ur. Leifur hafði stjórnina á
hendi. Taugin var fest í og
svifflugan var dregin á loft.
Hún hækkaði sig mjög ört og
lyftist þá brúnin á geimför-
unum. Þeir höfðu orð á því,
að þetta væri greinilega hin
mesta skemmtun. „Við ætt-
um kannski að fá okkur svif
flugu“, varð einum að orði.
Þeir Leifur og Chaffee
hringsóluðu nokkurn tíma, en
svo kom svifflugan inn til
fljúga þotu. Tilfinningin fyr-
ir fluginu er miklu næmari í
svifflugu. Þetta er alveg ný
reynsla fyrir mig.
Leifur leyfði mér að taka
við stjórninni stutta stund og
tók ég sviffluguna í boga. —
Þetta var mjög spennandi“,
sagði Chaffee.
Næstur á loft var Charles
Bassett, sem einnig er reynd-
ur þotuflugmaður. Hann var
sá eini í hópnum, sem áður
hafði flogið í svifflugu.
Þegar þeir Leifur lentu aft
ur sagði Bassett, að hann
hefði skemmt sér konunglega
og hefði hann fengið að
stjórna flugunni smástund.
Hann sagðist aldrei fyrr hafa
verið dreginn á loft með
spili. Það hefðu ætíð verið
flugvélar, sem dregið hefðu
sviffluguna á loft. „En það
er ekki nærri því eins sláandi
og þetta. Þegar flugvél dreg-
ur mann á loft er ekki hægt
að hækka sig svona ört. Það
gengur miklu hægar og róleg
ar fyrir sig. Við þotuflug-
mennirnir skemmtum okkur
bezt þegar við förum sem
beinast og hraðast upp“, sagði
hann.
halda á eftir félaga sínum.
Bassett náði sér í einn grá-
an og hugðist halda á eftir
hinum, en sá grái gerði' sér
lítið fyrir, gekk að næstu
þúfu og tók að bíta gras. Hann
tók þó á smásprett, þegar
hestasveinn tók til sinna ráða
og ýtti við þeim gráa með fæt
Geimfararnir virtust
skemmta sér prýðilega og
voru hinir kátustu. Þegar
Schweickart kom þeysandi til
baka kallaði hann til félaga
sinna: „Þið ættuð að skreppa
á bak þessum. Hann er hinn
mesti hlaupagarpur". Hann
sneri sér svo að Bassett og
spurði: „Viltu fá hestinn? En
þú verður að tala við hann ís
lenzku til að koma honum ai
stað“.
Bassett fórnaði höndum til
himins og sagði brosleitur:
„Nei, nei. Ég vil heldur fá
flugvél“. Og annar bætti við,
sem var nýkominn úr þeysi-
reið: „Og ég vil fá púða, því
sitjandinn er svo aumur“.
Þannig skemmtu þeir sér
við glens og gaman, svifflug
og reiðtúra.
Síðar um daginn fóru þeir
með Loftleiðavagninum aftur
til Reykjavíkur, litii inn í Ár-
bæ og víðar í borginni, en
héldu loks til samkvæmis,
sem bandaríska sendiráðið
hélt þeim og fleiri gestum að
Hótel Sögu.
Chaffee stígur um borð í sviffluguna. Gegnt honum er Þórður Hafliðason, en Cernan snýr baki
í myndavélina.
Blastoff! Hestasveinninn kemur Bassett af stað á þeim gráa.
v>". wwj-v v •
Fiórðunqsmót hesta-
manna í Borgarfirði
DAGANA 17. og 18. júlí verður
fjórðungsmót hestamanna á Vest-
urlandi haldið að Faxaborg í
Borgarfirði. Þar verða sýndir um
20 stóðhestar, þar af helmingur-
inn frá hrossaræktarsambandinu,
sem á mjög athyglisverða hesta
og verða 3 þeirra sýndir með af-
kvæmum. 36 hryssur eru skráðar
til sýningar og auk þess er reikn-
að með 36 gæðingum.
Sex hestamannafélög standa að
mótinu, þ. e. hestamannafélagið
Faxi í Borgarfirði, hestamannafé-
lagið Dreyri á Akranesi, hesta-
mannafélag Snæfellinga á Snæ-
fellánesi, hestamannafélagið Glað
ur í Dölum, hestamannafélagið
Kynskær í A-Barðastrandarsýslu
og hestamannafélagið Blakkur á
Ströndum.
Mótið hefst á laugardag. Þá verð
ur byrjað að vinna að dómum kl.
10 árdegis og starfa dómnefndir
allan daginn. Kl. 17 verða undan-
J rásir í kappreiðunum. Þarna verð
ur keppt í stökki á þremur vega-
I lengdum, 200 m, 250 m og 300 m
sprettum og einnig á 250 m skeið-
spretti.
Á sunnudag hefst mótið kl.
10.30 árdegis með því að hesta-
menn ríða fylktu liði inn á svæð-
ið. Um 40 hestar eru skráðir til
leiks í kappreiðunum og eru
margir þeirra þekktir hlaupa-
garpar. Verða há verðlaun og bú-
izt við spennandi keppni.
Nýlegur sumarbústaður til
sölu, á fallegum stað í ná-
grenni Reykjavíkur. Tilboð
sendist Mbl. fyrir hádegi á
laugardag, merkt: „Sumar —
6081“.
Reglusöm stúlka
óskar eftir herbergi og
eldhúsi eða aðgangi að
eldhúsi. Vil gjarnan gæta
barna tvö kvöld í viku. —
Tilboð sendist afgr. Mbl.
fyrir þriðjudag, merkt:
„Þrifin — 6078“.
Bezt að auglýsa
í Morgunblaðinu