Morgunblaðið - 13.12.1967, Page 32

DAGAR
TIL JÖLA |
\
flröíiwM&fotfo
MIÐVIKUDAGUR 13. DESEMRER 1967.
BókNormanVincént Peale
LIFÐU jfife
LlFINU W
LIFANDI
á erincli til allra
Mýjar verðlagningarreglur
til bráðabirgða
— fulltrúar verzlunarinnar mótmæla
Á FUNDI verðlagsnefndar í gaer
voru seltar nýjar verðlagningar-
reglur sem gilda munu til bráða-
birgða, eða fram í febrúarbyrjun
n.k.
Miðast reglurnar við óbreytta
álagningu i krónutölu á „bundn-
um vörum“. en yfirleitt er meiri
lækkun á álagningu á vörum,
sem hafa verið með frjálsari á-
lagningu. Skulu þær nú vera
verðlagðar samkvæmt sömu á-
lagningarprósentu og ákveðnar
voru í september 1958.
Fulltrúar verzlunar og at-
vinnurekenda í verðlagsnefnd
mótmæltu samþykkt þessari
harðlega, og gengu af fundi í
mótmæla.skyni. Töldu þeir, að
meiri hluti nefndarinnar hefði
með þessu brotið þau fyrirmæli,
er löggjöfin setur í 2. mgr. 3. gr.
laga nr. 54/1960 og lagt er fyrir
nefndina að starfa eftir, en þar
er kveðið svo á um, að verðlags-
ákvarðanir allar skuli miðaðar
við þörf vel rekinna fyrirtækja.
1 bókun oddamanns veðlags-
nefndar, ÞórhalLs Asgeirssonar
ráðuneytisstjóra, segir svo:
Ég hef gerst meðflutningsmað-
ur fyrirliggjandi tillögu til að
firra frekari vandræðum, siem
mundu af þvi hljótast, ef það
drægist lengur að setja nú verð-
lagsákvæði. Mér er fyllilega ljóst.
að heilbrigð verzlun getur ekki
til lengdar búið við þessi verð-
lagsákvæði, og hef ég því að-
eins getað samþykkt þau, að
fyrir liggur yfirlýsing flutnings-
manna um að þetta séu bráða-
birgðaákvæði, sem verði endur-
skoðuð m.a. með hliðsjón af fyrir
huguðum tollalækkunum, eigi
síðar en í febrúarbyrjun 1968.
I fréttatilkynningu verðlags-
nefndar segir svo:
Á fundi verðlagsnefndar í dag
var gerð svohljóðandi samþykkt:
Á þeim vörum, sem hafa verið
háðar verðlagsákvæðum settum
af verðlagsnefnd. skal álagning-
in umreiknuð eftir þeirri reglu,
að lagt sé á 30% af þeirri upp-
hæð, sem erlent verð hækkar
um vegna gengislækkunarinnar,
en það samsvarar um 14% lækk-
un á gildandi álagningarprósent-
um í smásölu og 15% í heildsölu.
Þær vörur, sem hafa verið óháð-
ar verðlagsákvæðum, skulu verð
lagðar samkvæmt sömu álagn-
ingarprósentum og ákveðnar
voru í septemiber 1958.
Ákvæði þessi skulu gilda til
bráðaibirgða og endurskoðast
Framhaid á bls. 21
Nýr sendiherra
í Rússlandi
— Tekur þar við 1. janúar n.k.
MBL. barst í gær svohljóðandi
fréttatilkynning frá utanríkis-
ráðuneytinu:
„í gær skipaði forseti fslands
eftir tillögu utanríkisráðherra,
Dr. Oddur Guðjónsson.
dr. Odd Guðjónsson, núverandi
viðskiptaráðunaut rikisstjórnar-
innar, til þess að vera ambassa-
dor íslands í Moskvu frá 1. janú-
ar 1968 að telja.
Dr. Kristinn Guðmundsson,
sem gegnt hefur starfinu undan-
farin ár lætur þá af störfum
fyrir aldurs sakir“.
Hinn nýskipaði sendiherra er
fæddur 1906 í Reykjavík. Hann
varð stúdent 1927 og stundaði
hagfræðinám í Þýzkalandi og
lauk doktorsprófi þar 1934. Síð-
an varð hann skrifstofustjóri
Verzlunarráðs frá 1934—43, en
þá var hann skipaður í Viðskipta
ráð. Hann hefur síðan starfað á
vegum hins opinbera, að hvers
konar málefnum milliríkjavið-
skipta fyrir fsland, en í þvi
starfi, sem hann hefur gegnt til
skamms tíma, hefur hann verið
ráðunautur ríkisstjórnarinnar
um viðskiptamál.
Kvæntur er dr. Oddur, þýzkri
konu, LieseJotte Laufkoetter, frá
Kiel.
Eins og sjá má rifnaði toppurinn nær alveg af Opelbifreiðinni, er skall á vörubílinn við
Straum í gær með þeim afleiðingum að ökumaðurinn lézt samstundis, að talið er.
(Ljósm. Mbl. Sv. Þorm.)
Lúcíu-hátíð
| kvöld
LÚCÍUHÁTÍÐ íslenzk-sænska
félagsins er í kvöld miðvikudag
13. des. í Leikhúskjallaranum og
Jhefst kl. 20:30. Jón Hnefill Aðal-
steinsson, fil lic. flytur ræðu
kvöldsins. Lucia, sem að þessu
sinni er Elísabet Aðalsteinsdótt-
ir, og sex þernur syngja Lúcíu-
sönginn og fleiri sænska og ís-
lenzka jólasöngva. Sýnd verður
kvikmynd frá hinni frægu kon-
ungshöll og leikhúsi á Drottning
(hiolm og loks verður dansað.
SAMKVÆMT upplýsingum frá
rannsóknarlögreglunni fannst lík
af kvenmanni í Reykjavíkur-
höfn laust eftir hádegi í gær.
Líkið fann bátur, sem var á leið
út úr höfninni.
Banaslys á Kefla-
víkurvegi í gær
Opelbifreið ók á kyrrstœðan vörubíl
BANASLYS varð á Keflavíbur-
veginum í gær á móts við eyði-
jörðina Lónakot nokkuð fyrir
sunnan Straum, er Opelbifreið
var ekið aftan á kyrrstæðan
vörubíl af Scania Vabis gerð.
Talið er, að ökumaðurinn hafi
látizt samstundis. Hann var úr
Reykjavík, tvítugur að aldri.
Auk hans var hundur í bílnum,
sem var ómeiddur að sjá.
Samkvæmt upplýsingum lög-
reglunnar í Hafnarfirði var til-
kynnt um slysið kl. 17.30. Vöru
bifreiðin hafði numið staðar
vegna þess, að hjólbarði hafði
sprungið. Þegar slysið varð, var
ökumaður vöruibílsins að ljúka
við að skipta um dekk, en var
ekki búinn að loka pallinum al-
veg sem hann hafði lyft upp til
að ná varadekkinu.
Efti-r áreksturinn rann Opel-
bifreiðin talsverða vegalengd ©g
út af vegkantinum. Fór topp-
urinn af henni og er hún talin
nær ónýt eftir óhappið.
Stjórnarfrumvarp á Alþingi:
Siómannafrádráttur til
slcatts gildi einn-
ig fyrir farmenn
— virðing til eignaskatts verði nífaldað
fasteignamat
I GÆR var lagt fram á Alþingi
stjómarfrumvarp um breytingu
á lögum um tekjuskatt og eign-
arskatt. Gerir frumvarpið ráð
fyrir, að sjómannafrádráttur til
skatts, gildi nú einnig fyrir far-
menn, en áður nutu aðeins sjó-
menn á fiskiskipum frádráttar-
ins.
Frumvarpið gerir einnig ráð
fyrir því, að virðing á fasteign
til eignarskatts skuli miðuð við
gildandi fasteignamat nífaldað.
Virðing á bújörðum og öðrum
mannvirkjum í sveitum fer eftir
fasteignamati margfölduðu með
4,5. I efnahagsaðgerðarfrum-
varpi rikisstjórnarinnar er lagt
var fram á þingi í haust, var
gert ráð fyrir tólfföldun fast-
eignamats í kaupstöðum og sex-
földun í sveitum. Margföldun
þessi á einnig að gilda með á-
lagningu eignaútsvara, og verður
sérstakt frumvarp um það efni
lagt fyrir Alþingi.
Þá gerir frumvarpið einnig
ráð fyrir að tvöföldun skatt-
frjálsra eigna, sem efnahagsað-
gerðafrumvarpið gerði ráð fyr-
ir haldist.
í greinargerð frumvarpsins
eru lagagreinar þessar skýrðar
og kemur þar m.a. eftirfarandi
fram:
Samkvæmt gildandi lögum
njóta allir sjómenn á íslenzkum
Framhald á bls. 12
Tollabreytingar þegar
þing kemur saman
eftir áramót
Aðflutningsgjöld óeðlilega há hér á landi
segir Magnús Jónsson fjármálaráðherra
MBL. hafði í gær samband við
Magnús Jónsson, fjármálaráð-
herra, vegna fyrirhugaðra tolla-
lækkana. Fórust honum svo orð
í því sambandi:
— Engar tollaiækkanir verða
fyrr en þing kemur saman eftir
áramót. Og í annan stað hafa
engar endanlegar ákvarðanir
verið teknar um það, hvaða
tollabreytingar verða í einstök-
um toilflokkum. Málið er því
enn á umræðustigi, enda eru
tollabreytingar svo yfirgrips-
mikið og flókið mál, að þær
verða ekki gerðar í skyndi.
— Megintilgangurinn með fyr-
irhuguðum tollabreytingum er
sá, að létta afleiðingar gengis-
breytingarinnar, enda er af
mörgum ástæðum einnig nauð-
synlegt að iækka aðflutnings-
gjöld, sem eru óeðlilega há hér
á landi. Hins vegar þarf í senn
að gæta þess, hvaða áhrif slíkar
breytingar hafa á fjárhag ríkis-
sjóðs og jafnframt að taka hæfi-
legt tillit til hagsmuna íslenzks
iðnaðar.