Morgunblaðið - 29.05.1968, Blaðsíða 3

MORGUNBLAÐIÐ, MIÐVIKUDAGUR 29. MAÍ 19®8.
3
í GÆRMORGUN, er starfs-
fólk kirkjugarðanna kom í
gamla kirkjugarðinn við Suð-
urgötu varð það vart við
skemmdir, er unnar höfðu
verið á krossum, legsteinum
og styttum í garðinum þá um
nóttina. Einhver ófyrirleitinn
maður eða menn höfðu gert
sér þetta til dundurs í nætur-
húminu. Hver sá, er lítur
skemmdirnar hlýtur að velta
því fyrir sér, hvort um heil-
brigðan mann eða menn get-
ur verið að ræða, svo lúaleg
sr þessi iðja.
Mbl. fór í garðinn í gær-
kvöldi , og hitti þar að máli
Guðmund Björnsson, eftirlits-
mann með garðinum. Guð-
mundur tjáði blaðinu, að
hann hefði haldið heim til sín
á mánudagskvöld og var þá
ró og friður í garðinum. Að-
eins einn eða tveir aðilar voru
þá að hlúa að leiðum sinna.
Við gengum um garðinn
með Guðmundi. f norður-
hluta garðsins virtist svo sem
spellvirkinn hafi farið frá
austri til vesturs eða öfugt.
Guðmundur Björnsson bendir á brotinn legstein. A myndinni sjást þrír brotnir steinar,
lengst til vinstri, rétt vinstra megin við miðja mynd og lengst til hægri. Ljósm.: Kr. Ben.
garðinn í gærmorgun og rann
sakaði verksummerki. Fund-
ust spor eftir fótnettan mann,
en erfitt var að gera sér grein
fyrir því, hvort um fleiri en
einn er að ræða, þar eð rignt
hafði um nóttina. Ekki er
Mbl. kunnugt um, hvor't leiði
þjóðkunnra manna hafi
orðið fyrir barðinu á
spellvirkjanum —honum virð
ist hafa gengið það eitt til að
skemma sem flest leiði, sem
urðu á vegi hans. Fjöldi leið-
anna, sem skemmd hafa verið
eru að áliti lögreglunnar um
30, en satt að segja fannst
blaðamanni Mbl. leiðin mun
fleiri, en verið getur þó að
fjöldi lefðanna hafi vaxið hon
um í augum.
Guðmundur Björnsson tjáði
Mbl., að þau 17 ár, sem hann
hefur starfað við kirkjugarð-
ana minntist hann ekki svo
mikilla skemmda. Um páska-
leytið fyrir nokkrum árum
voru unnin allmikil spjöll í
garðinum, en þau voru langt-
um minni en þessi. Þá hafðist
upp á sökudólgunum.
Kirkjugörðunum ber ekki
að hafa vaktmann að nætur-
lagi í görðunum og er því
ekki unnt að krefjast skaða-
bóta af þeim. Þeir aðilar, sem
eiga reiti í garðinum bera
því allan skaða af þessu og
vart * ætti að þurfa að benda
fólki á að huga að leiðum
sinna í garðinum. Vera kann
að það verði til þess að leiði,
sem nú eru krosslaus týndust
ekki.
Síðan hefur hann lagt leið
sína suður effir garðinum,
augsýnilega unnið spellvirkin
um leið og hann stytti sér leið
gegnum garðinn. Hann hefur
ekki þyrmt neinu sem á vegi
hans varð. Trékrossar hafa
verið rifnir upp, þeir mölbrotn
ir, legsteinum velt og sumir
brotnir af stöplum sínum og
á einum stað sáum við, hvar
postulínsstytta var mölbrot-
in, marmaraplata og fleira.
Verið getur að unnt sé að
bæta krossa, legsteina og jafn
vel brotnu styttuna, en eitt er
verra, að sumum merkjunum
hefur verið kastað langar
leiðir frá leiðunum, svo að
alis kostar er ókleift að sjá,
hvar þeir eiga heima. Guð-
mundur tjáði okkur, að engin
skrá væri til yfir leiðin að
öðru leyti en því að vitað er
hver upprunalega fékk reit-
inn. Margir þeirra eru látnir
og kirkjugarðarnir vita ekki
hverjir eru grafnir í reitun-
um. Þannig getur verið að
leiði margra látinna Reykvík-
inga hafi týnzt við þennan
óhugnanlega leik — sem hlýt
ur að hafa verið framkvæmd-
ur af geðveilum manni eins
og rannsóknarlögreglan komst
að orði við Mbl. í gærkvöldi.
Rannsóknarlögreglan fór í
Brotnir krossar lágu eins og hráviði um allan garð.
Vinnuskóli, íþróttanám-
skeið og skólagarðar
Farþegaþota ferst
FYRIBHUGAÐ er að starfrækja
vinnuskóla og skólagarða á veg-
um Hafnarfjarðarbæjar nú í
sumar. Á vegum bæjarins verð-
ur einnig leikja- og íþróttastarf-
semi með svipuðum hætti og sl.
sumar.
Starfsemi vinnuskólans verður
í stórum dráttum þannig, að í
hann verða teknir unglingar á
aldrinum 13-lö ára (fæddir
1953, 1954 og 1955). Unnið verð
ur hálfan daginn, en hinn
helming dagsins verða ungling-
arnir í skipulagðri tómstunda-
starfsemi. (íþróttir, leikir, göngu
ferðir, útilegur o.fl.).
Starfsemi vinnuskólans hefst
í byrjun júní með því að teknir
verða inn í hann nokkrir 15 ára
unglingar, en starfsemin hefst
svo að fullu 19. júní.
Vinna í skólagörðunum hefst
í byrjun júní. Sú starfsemi er
ætluð börnum 9-12 ára. Þátttöku
gjald er kr. 300.00.
Innritun í vinnuskólann og
skólagarðana verður 1 anddyri
Bæjarbíós dagana 29. og 30. maí
n.k. kl. 10-12 árd. og kl. 2-4 sd.
Iþrótta- og leikjanámskeiðin
hefjast 5. júní og verða þau í
umsjá Geirs Hallsteinssonar
íþróttakennara. Innritun í nám-
skeiðin fer fram á Hörðuvöllum
frá og með 5. júní n.k. Til að
byrja með verða aðeins börn á
aldrinum 6-12 ára, en síðan bæt-
ast við eldri börn, þ.e. úr vinnu
skólanum, sem hefst síðar. Á
námskeiðinu verður m.a. frjálsar
íþróttir, handbolti, knattspyrna,
körfubolti, badminton, krikket,
leikir, göngur o.fl.
Bombay, 28. maí. AP-NTB
TUTTUGU og níu manns
munu hafa farizt, er farþega-
þota indónesíska flugfélags-
ins Garuda hrapaði skömmu
eftir flugtak af flugvellinum
í Bombay. Þotan var á leið
til Karachi. Meðal farþega í
þotunni var eiginkona heil-
brigðismálaráðherra Indó-
nesíu, Siwabeshi, og formað-
ur Siðvæðingarhreyfingarinn
ar, Hollendingurinn Jap de
Boer.
Þotan, af gerðinni Coronado,
hrapaði sjö mínútum eftir a’ð
hún hóf sig á loft af Santa Cruz
flugvellinum. Ekkert er vitað um
orsakir slyssins, en nokkrir sjón-
arvottar segja, að þeir hafi séð
þotuna tætast sundur í lofti.
Brak úr henni dreifðist á tveggja
fermílna svæði.
Þotan kom niður skammt frá
þorpinu Villalpada og skemmd-
ust sjö nærliggjandi hús mikið,
en 17 íbúar þeirra særðust, þar
af tveir lífshættulega. Þar sem
þotan kom niður fundu frétta-
menn rúmlega þriggja metra
djúpa gryfju, fjóra metra í þver
mál. Lík nokkurra farþega þot-
unnar hafa fundizt, öll óþekkjan
leg. Útilokað er talið, að nokk-
ur hafi komizt lífs af úr þessu
flugslysi.
STAKSTEIIVAR
Reiði kommúnista
Viðbrögð kommúnistablaðsins
við hrakförum kommúnistahóps
ins, sem efndi til óláta við
NATO-skipin á sunnudag, birt-
ast í reiðilestri þess um íslenzku
lögregluna í mörgum greinum í
gær. Þar segir m.a. í forystu-
grein: „Framkoma einstakra
íslenzkra lögregluþjóna í átök-
unum, sem þarna urðu,
þykir bera þess vott að stjórn
Iögreglunnar þyrfti að kynna sér
nýlegar afleiðingar af hrottaskap
Parísarlögreglunnar“. Á öðrum
stað í blaðinu segir: „Er þangað
kom (að lögreglustöðinni) upphóf
íslenzka lögreglan slagsmál með
því að þeir lögregluþjónar, sem
fyrir aftan stóðu, ruddu hópn-
um áfram......“ í baksíðufrétt
blaðsins segir svo: „Vita allir að
þeir unglingar sem stofnuðu til
óeirðanna úti fyrir lögreglustöð-
inni eru gerðir út af Heimdalli
og Sjálfstæðisflokknum.....“ 1
byrjun þessarar baksíðufréttar
segir: „Á sunnudaginn urðu
miklar óeirðir framan við lög-
reglustöðina í Reykjavík og það
fólk sem hafði verið niður við
höfn að mótmæla komu her-
skipa NATO lenti þar í harka-
legum átökum við lögregluna".
Morgunblaðið birti á mánudag
myndir af þessu fólki og nafn-
greindi þá, sem þar sáust, en af
þeim myndum sést hversu fjar-
stæðukennt það er ,að Sjálfstæð-
isflokkurinn eða Heimdallur
hafi gert það út. Þá kom það
og greinilega fram í fréttamynd
sjónvarpsins frá atburðunum ut
an við lögreglustöðina ,hverjir
það voru, sem hindruðu lög-
regluna með ólátum í því að
gegna umferðarstjórn á fyrsta
degi hægri umferðar á íslandi,
Vakti menntaskólakennari nokk
ur í Reykjavík þar á sér mesta
athygli ,en víst má telja, að sá
maður hafi aldrei verið félagi i
Heimdalli né Sjálfstæðisflokkn-
um.
Ferðir Rússa
Vitað er, að siglingar rúss-
neskra kafbáta og herskipa
hafa aukizt á hafinu milli Is-
lands og Noregs síðan Rússar
fengu meiri ítök í flotabækistöðv
um á Miðjarðarhafi. Sigla skip-
in þessa leið í stað þess að fara
um Dardanella-sund. Þá hafa
ferðir rússneskra flugvéla á
þessu hafsvæði einnig aukizt frá
því sem áður var.
Tveir atburðir þessu til stað-
festingar hafa gerzt und-
anfarið. Fyrir skömmu héldu
rússnesk herskip sig fyrir utan
Hornafjörð og lónuðu þar um
nokkurn tíma. Má telja víst, að
hér hafi verið um njósnaheim-
sókn til fslands að ræða. Á
föstudag hrapaði rússnesk
sprengjuþota í hafið milli fs-
Iands og Noregs eftir að hún
hafði flogið lágt yfir bandarískt
flugmóðurskip, sem þar var á
siglingu. Þessi dæmi sýna okkur
að Rússar fylgjast vel með því,
sem er að gerast á hafinu um-
hverfis ísland, jafnvel betur en
áður.