Morgunblaðið - 27.03.1969, Page 19

MORGUNBLAÐIÐ, FIMMTUDAGUR 27. MARZ 106»
19
Kristjana J. Örnólfs
dóttir — Minning
Fædd 2. júlí 1909
Dáin 21. marz 1969
ÞEGAR ég minnist minnar hjart-
fólgnu móðursystur, koma fram
í huga minn ótalmargar ljúfar
endurminningar, allt frá þeim
tíma er ég man fyrst eftir mér,
til 'hins síðasta lífsdags hennar.
Með bros á vör og hlýjum far-
sældaröskum kvaddi hún mig á
fimmtudagsmorgun, frískleg að
sjá, en rétt eftir miðnætti er hún
dáin.
Það er mikil gæfa að hafa
fengið að hafa náin kynni af svo
yndislegri manneskju, sem Sjana
frænka var. Kærleikur, nær-
gætni, hugsunarsemi, fórnfýsi,
samúð og varkárni í orðum ein-
kenndu hugarfar hennar. Þeir
eru oTðnir margir, sem leituðu
til hennar hryggir og áhyggju-
fullir, en héldu af fundi bennar
glaðir í bragði og bjartsýnir á
tilveruna. Einig eru ótaldir
þeir sjúklingar, einstæðingar og
gamalmenni, sem hún heimsótti,
þegar hún gat komið því við.
Veikindi sín bar hún með ein-
stöku hugrekki og leynd. Mér er
sérstaklega minnisstæð setning,
sem hún sagði svo oft: „Það er
allt í lagi þó að ég sé lasin, bara
að ég gæti linað þjáningar ann-
arra um leið“. Hún vann öll sín
góðverk í kyrrþey, og það var
á móti skapi hennar, að minnzt
væri á þau. Ekkert var of gott
fyrir aðra. Barnelsk var hún með
afbrigðum. Öll börn, sem kynnt-
ust henni elskuðu hana og virtu.
Alltaf gaf hún sér tíma til að tala
og leika við þau, falusta á þau
og fylgjast með tjáningum þeirra
í leik og starfi. Minnisstæðar
eru mér þær samverustundir,
sem við áttum í æsku heima hjá
þeim Þorláki, þegar við systkina-
börnin, börn frændfólks og vina,
fórum í margskonar leiki og sung
um af hjartans lyst undir stjórn
hennar og fleiri góðra vina.
Sjana frænka var vel gefin,
ljóðelsk, söngelsk og trúuð. Hún
unni mjög öllu sem laut að sálar-
og uppeldisfræði og las mikið
um þessháttar mál. Á uppvaxt-
arárum hennar, í stórum syst-
kináhópi, voru námsskilyrði lítil
fyrir elztu systkinin. Fátæktin
hamlaði menntun þeirra og vinn-
an gekk fyrir öllu, til að létta
undir stóru heimili. Oft nefndi
hún það við mig, að hana hefði
langað til að læra þegar hún var
ung, og þá sérstaklega ljósmóð-
urfræði. Henni var mjög umhug-
að um að allir reyndu að mennta
sig eftir getu, og hún fylgdist af
áhuga með því hvernig námið
gekk, mælti hvatningarorð og
gladdist með hverjum áfanga hjá
börnum, barnabörnum, frænd-
fólki og vinum.
Þau hjónin áttu yndislegt heim
ili, þar sem ávallt ríkti hin
sanna heimilishlýja og gestrisni,
glaðværð og velvild til allra. Er
því mikill missir að svo um-
hyggjusamri og skilningsríkri
eiginkonu, móður, fósturmóður,
tengdamóður, ömmu, góðri syst-
ur mágkonu, frænku og vini.
Elsku góða frænka. Þung
skilnaðarstund er runnin upp.
Við biðjum algóðan guð að
styrkja okkur í hinni miklu sorg,
sem nú ríkir meðal okkar. Við
huggum okkur við það, að við
vitum, að nú líður þér vel meðal
foreldra og systkina þinna, sem
þú unnir svo mjög. Kærar þakk-
ir fyrir samveruna í blíðu og
stríðu. Hugsanir þínar og gerðir
hvetja okkur til eftirbreytni á
ókomnum árum.
Sérstakar þakklætiskveðjur
eru þér fluttar frá okkur syst-
kinabörnum þínum, sem ung að
árum misstum annað foreldri
okkar.
Blessuð sé minning þín.
Helga Magnúsdóttir.
HINN 21. marz sl. lézt snögglega
á heimili sínu Kristjana Júlía
Örnólfsdóttir, kona Þorláks
Jónssonar, rafvirkjameistara.
Okkur félögum þeirra hjóna í
st. Einingunni kom andlátsfréttin
mjög á óvart, enda var Krist-
jana til hins síðasta glöð og
styrk á öllum okkar fundum.
Þeim, sem þekktu bezt til, var
hinsvegar kunnugt um að hin
síðustu ár hafði hún ekki gengið
heil til skógar. En það var í sam
ræmi við skapgerð 'hennar að
láta sem minnst á sliku bera.
Sízt grunaði okkar það, Eining-
arfélaga, er við fyrir fáum vik-
um áttum ánægjulega kvöld-
stund á heimili þeirra hjóna að
Grettisgötu 6, að svo skammt
yrði þess að bíða, að hún hyrfi
úr okkar hópi.
Kristjana fæddist á Suðureyri
við Súgandafjörð, 2. júlí 1909 og
hefði því orðið 60 ára í sumar,
ef henni hefði enzt líf og heilsa.
Foreldrar hennar voru hjónin
Örnólfur Jóhannesson og Mar-
grét Guðnadóttir, dugmikið
drengskaparfólk. Ólst Kristjana
upp í fjölmennum og myndarleg
um systkinahópi, en hún var 5.
í röðinni af 16 börnum þeirra
hjóna fæddum. Þrettán börn
þeirra Örnólfs og Margrétar
komust til fullorðinsára, en nú
■eru 9 systkini Kristj önu á lífi, 5
búsett hér í borg, 2 á Akranesi
og eitt í Súgandafirði. Ekki var
æskuheimili Kristjönu ríkt af
veraldarauði fremur en títt var
um barnmargar fjölskyldur í
litlu sjávarplássi á fyrstu ára-
tugum þessarar aldar. En fjöl-
skyldan var samheldin, heim-
ilið glaðvært og gestrisið og þar
mótuðust systkinin af félags-
þroska og ábyrgðartilfinningu.
Kristjana giftist Þorláki Jóns-
syni, sem einnig var ættaður úr
Súgandafirði, hinn 25. nóvem-
ber 1933. Stofnuðu þau heimili
að Grettisgötu 6, en þar hafði
Þorlákur fest kaup á húseign.
Síðar byggði Þorlákur af dugn-
aði cg reglusemi stórhýsi á þeim
stað og er víst að Kristjana stóð
þá sem alla tíð styrk við hlið
manns síns í þeim framkvæmd-
um. Reyndist hún hinn bezti lífs-
förunautur; bjó manni sínum
fagurt og hlýlegt heimili, en
Kristjana var myndarleg hús-
móðir. Oft hefur v'erið gest-
kvæmt á heimili þeirra, enda
frændgarðurinn stór og húsráð-
endur fönguðu vel gestum.
Þeim Kristjönu og Þorláki varð
þriggja sona auðið, sem allt eru
uppkomnir myndarmenn, en
þeir eru: Páll, rafvirkjameistari,
giftur Ásthildi Pétursdóttur, Jón,
rafvirkj ameistari, ókvæntur, og
Gunnar, fulltrúi, giftur Kol-
brúnu Hauksdóttur. Auk þess ólu
þau upp sem sína eigin dóttur
systurdóttur Kristjönu, G'uðfinnu
Ríkey Einarsdóttur, handavinnu-
kennara, sem kom á heimili
þeirra þriggja vikna gömul. Rík-
ey er gift Magnúsi Gunnlaugs-
syni.
Kristjana var félagslynd. Eins
og fyrr segir, starfaði hún innan
vébanda IOGT og reyndist hinn
ágætasti félagi, fórnfús og ósér-
hlífin, enda afar skilningsrík á
hlutverk og markmið bindindis-
hreyfingarinnar. Hún hafði stór-
stúkustig. Störf hennar ein-
kenndust af því að láta gott af
sér leiða og við vitum að sömu
sjónarmið réðu þátttöku hennar
í félagsskap burtfluttra Súgfirð-
inga og í Kvenfélagi Hallgríms-
kirkju, en þar starfaði hún um
skeið.
Með Kristjönu er gengin góð
kona, er sýndi samferðafólkinu
tillitssemi og velvilja. Þeir, sem
áttu kunningsskap og vináttu
hennar, kynntust . óvenjulegri
hlýju og góðvild. Hennar verður
því sárt saknað af mörgum.
Við viljum persónulega og í
nafni Einingarfélaga votta Þor-
láki vini okkar innilega samúð
sem og öðrum í fjölskyldunni.
Blessuð sé minning Kristjönu
Örnólfsdóttur.
E. + Þ.
Systurkveðja.
Svo snöggt fór dauðans ljár
að lífsins rót
sem leiki um kaldur blær og
auði mót
og verði allt svo dapurt dimmt
og hljótt
og dagsins birta eilíf, þögul
nótt.
En hví að syrgja, systir væn og
góð
er sérhver minnig lifir tær og
hljóð?
Þín milda gleði, trú þín, traust
og ró
og tryggð-er ofar því sem með
þér dó.
Ég kveð þig þegar nálgast vor á
ný
unz norðurslóðir vermir gola
hlý.
Með kærri þökk — svo mun ég
minnast þín
sú minning eins og dýrust perla
skín.
Ó. Þ.
í DAG er til moldar borin frá
Fossvogskirkju frú Kristjana
Júlía Örnólfsdóttur, Grettisgötu
6. Hún var fædd 2. júlí 1009 á
Suðureyri við Súgandafjörð, dótt
ir hjónanna Margrétar Guðna-
dóttur og Örnólfs Jóhannessonar.
Kristjana ólst upp í foreldra-
húsum í stórum barnahóp. Hún
andaðist að heimili sínu að
kvöldi dags 21. marz sl.
Hinn 25. nóvember 1933 giftist
Kristjana eftirlifandi manni sín-
um, Þorláki Jónssyni, rafvirkja-
meistara. Þau stofnuðu heimili
á Grettisgötu 6 hér í borg, og
hafa búið þar æ síðan. Þau eign-
uðust þrjá syni, Pál rafvirkja-
meistara í Kópavogi, kvæntan
Ásthildi Pétursdóttur; Jón, raf-
virkjameistara í Reykjavík,
ókvæntur; Gunnar fulltrúa hjá
Reykjavíkurborg, kvæntan Kol-
brúnu Hauksdóttur. Auk þess
ólu þau upp eina systurdóttur
Kristjönu, Ríkey, gifta Magnúsi
Gunnlaugssyni, íþróttakennara.
Móðir hennar, Ríkey, dó frá 5
börnum ungum, 1945. Öll hafa
þessi börn búið við mikið ást-
ríki og umhyggju, enda hjónin
bæði kærleiksrík og umhyggju-
söm um velferð barna sinna. Oft
var gestkvæmt á heimili Krist-
jönu, enda var hún mikil hús-
móðir, kærleiksrík og góð kona,
sem allir, skyldir og vandalausir
virtu á alltan hátt og hjónin sér-
staklega samhent og hjálpsöm
við alla þá, sem bágt áttu. Hún
mátti ekkert aumt sjá svo hún
væri ekki boðin og búin til að
hjálpa. Kristjana var að eðlis-
fari mjög félagslynd kona, enda
naut hún þess líka í ríkum mæli,
þar sem maður hennar er einnig
mjög félagslyndur og skemmti-
legur í vinahópi. Kristjana tók
virkan þátt í félagslífi í I.O.G.T.
og Átthagafélagi Súgfirðinga.
Þennan eiginleika höfðu bæði
hjónin frá æskuárum sínum fyr-
ir vestan, því þá var fjörugt og
öflugt félagslíf í heimabyggð
þeirra. Hjá þeim hefur þetta
haldizt alla tíð og fyrir það munu
vinir og kunningjar þakka.
Með söknuði kveðjum við þig
öll systkinin sem eftir lifum, svo
og frændur og vinir, og þökkum
þér fyrir alla vináttu þína og
tryggð. Þegar við í dag göngum
með þér hinzta spölinn, minn-
umst við allra þeirra ánægju- og
samverustunda er við áttum sam
an með þér og sem þú veittir öll-
um þeim er þú kynntist. Öll við-
kynning við þig var okkur syst-
kinum þínum ómetanleg. Guð
gæfi að slíkar konur væru alls-
staðar tU. Það er sagt, að þeir
Framhald á bls. 13
PHIUPS
PHILIP8 hárþurrkur
15 gerðir af stereo- og mono-
plötuspilurum.
og hárliðunartæki. — Einnig
hjálmþurrkur á standi.
Mikið úrval af gjafavörum frá
Philips, bæði fyrir pilta og
stúlkur.
Verð frá kr. 1.492.—
til FERMINGARGJAFA
8 gerðir rafmagns- 20 gerðir ferðaútvarps-
rafvéla- og raf- tækja og 10—20 gerðir
hlöðurakvéla. útvarpstækja fyrir straum.
Verð frá kr.
1. 174.—
Verð frá kr. 2.190.—
FYRIR FERMINGARBARNID AÐEINS ÞAÐ BEZTA
PHILIPS
heimilistæki sf.
TRYGGIR ÞAD
HAFNARSTRÆTTI 3 - SÍMI 20455