Morgunblaðið - 31.08.1971, Blaðsíða 1

4t
28 SIÐUR OG 4 SIÐUR IÞROTTIR
194. tbl. 58. árg.
ÞRIÐJUDAGUR 31. ÁGtJST 1971
Prentsmiðja Morgunblaðsins.
Hussein
fær ný
hergögn
Beirút. Amman, Kaíró,
30. ágúst — AP
JÓRDANÍUMENN hafa nýlega
fengið mikið magn af hergögn-
uni frá Bandaríkjunum, þar á
meðal M-60 skriðdreka, að sögn
Anwar Sadats, Egyptalandsfor-
seta. Hann sagði á fundi Ara-
bíska sósialistasambandsins í
Kaíró, að þessar vopnasendingar
stæðu greinilega i sambandi við
landamæraátök Jórdaníumanna
og Sýrlendinga að undanförnu,
enda væri vopnamagnið allt of
mikið til þess að nota eingöngu
gegn Palestínu-skæruliðum í
Jórdaníu.
1 Amman staðfesti jórdanski
forsætisráðherrann, Wasfi Tell,
óbeinlinis staðhæfingu Sadats
um að hergögn hefðu nýlega bor-
izt frá Bandaríkjunum. Hann
sagði, að Jórdaníumenn tækju
við vopnum hvaðan sem þau
kæmu til þess að frelsa hertek-
in svæði og ummæli Sadats væru
eánkennileg með hliðsjón af
glæsilegri frammistöðu jórd-
anska hersins 1948, 1956 og
1967.
Seinna fékkst önnur óbein
staðfesting er Amman-útvarpið
sagði, að Hussein konungur hefði
verið viðstaddur flugæfingar til
að „prófa nýtt loftvarnakerfi
Jórdaníu". Bróðir Husseins,
Hassan krónprins, var viðstadd-
ur heræfingar annars staðar í
Jórdaníu í dag að sögn útvarps-
ins.
Sadat sagði í ræðu sinni að
samkvæmt bandarískum þjóðar-
öryggislögum væri ekki hægt að
beita þeim hergögnum, sem
Jórdaníumenn hefðu fengið frá
Bandaríkjunum, gegn Israel, og
mun hann hafa átt við það, að
Framhald á bls. 10.

Kirkjan á Breiðabólstað á Skógarströnd brann til kaldra kola sl. sunnudag og á sama tíma kom upp eldur i bil sóknarprests-
ins, séra Hjalta Guðmundssonar, sem var á leið þangað til messugerðar. Sjá nánar baksíðufrétt. (Ljósm. Ólaifur Ouðmiundsson).
Gríski skipstjórinn handtekinn:
Sakaður um vanrækslu
Brindisi, Ítalíu, 30. ágúst, AP.
DIMITROS Antipas, skipstjóri
grísku ferjunnar „Heleana“, sem
brann á Adríahafi á laugardag,
var handtekinn í dag, er hann
reyndi að komast úr landi á
Italíu áleiðis til Grikklands. —
Lögð hefur verið ákæra fram á
hendur skipstjóranum fyrir
margs konar vanrækslu í starfi;
hann er sakaður um að hafa flutt
um fimm hundruð fleiri en leyfi-
legt var samkvæmt siglingaregl-
um og sömuleiðis er honum bor-
ið á brýn að hafa staðið sig mjög
siælega við að bjarga farþegum
frá borði, þegar eldurinn kom
upp í skipinu.
Hafnarstjórinn í Brindisi á
ítalíu, en þaðan lagði ferjan upp,
sagði, að samkvæmt opinberum
gögnum hefði „Heleana" ekki
mátt flytja fleiri en 620 manns,
þar með talin áhöfn. ítöls'k yfir-
völd segja að 1.175 mamns að
minmsta kosti hafi verið um borð
og að líkindum þó fleiri. 9kip-
stjórinn segir, að 997 hafi verið
með ferjunni.
Vitað er nú að 24 manns fórust
í slysinu, en björgunarmenn ótt-
ast að enn fleiri hafi farizt. Tug-
ir manns liggja enn í sjúkrahús-
um og rnargir með slæm bruna-
sár og einn hefur látizt.
ítalskur verkfræðingur, eem
var með ferjunni, lagði í gær
fram þá kæru á hendur skip-
stjóra og áhöfn, að ekfki hefði
verið sinnt um að koma farþeg-
um til hjálpar og hefði skipstjóri
og áhöfn hugsað um það eitt að
bjarga sjálfum sér. Því meitar
Skipstjóri og kveðst hafa gengið
vel fram og táplega í björgunar-
starfinu og farið manna síðastur
frá borði.
UPPSOGN LANDHELGIS-
SAMNINGA FYRIR ALÞINGI
Ríkisstjórnin fellst á sjónar-
mið Sjálfstæðisflokksins
1. september nk. Sama dag komu
þingflokkur ©g miðstjórn Sjálf-
stæðisflokksins saman til fundar
og þar var samþykkt að senda
Framhald á bls. 10.
Ófriðlegri
pophátíð lokið
Weely, 30. ágúst, AP.
HUNDRAÐ og fimimtíu þús-
ind ungmenini, flest brezk,
:óku í morgun saman pjönk-
jr sínar og héldu heim á leið
sftir 66 klukkustunda pop-há-
:íð í Weely á Englandi. Níu-
tíu og sex voru handtekin og
sérstakur dómur settur yfir
jakborningum, sem voru hand
.eknir á hátíðinni fyrir eitur-
yfj aneyzlu, stuldi og ofbeldis
aðgerðir gegn lögreglu.
Hátíðin hófst á laugardag
Dg skömmu síðar kom til miik
lla átalka milli ungmenna og
Sögreglu. Svo virðist sem upp-
:ökin hafi verið sú að vélhjóla
sveit nokikur, sem kallar sig
,Engla vítis“, kvaðst vera
ijálfskipuð til að halda uppi
lögum og reglu á hátíðimni og
sló í brýnu rnilli „Vítisengla“
og lögreglumianna, sem áttu
áð amnast nefnda gæzlu.
Lögreglu tókst að stilla t-rl
friðar í bili, en alla helgina
blossuðu upp áflog öðru
‘iverju, ýmist milli lögreglu
>g þátttakenda, ellegar milli
iópaðra þátttakenda inn-
byrðis.
RÍKISSTJÓRNIN hefur
ákveðið að leggja fyrir Al-
þingi, er það kemur saman,
tillögu til staðfestingar á
stefnu stjórnarinnar í land-
helgismálinu, þ.á m. uppsögn
landhelgissamninganna við
Breta og V-Þjóðverja. Kemur
þetta fram í fréttatilkynn-
ingu, sem Morgunblaðinu
hefur borizt frá ríkisstjórn-
inni, en ákvörðun þessi mun
hafa verið tekin á ráðherra-
fundi í gærmorgun.
Með þessari ákvörðun hef-
ur ríkisstjórnin fallizt á þau
sjónarmið þingflokks og mið-
stjórnar Sjálfstæðisflokksins,
sem sett voru fram í ályktun,
sem send var forsætisráð-
herra hinn 13. ágúst sl., að
tillögu til breytingar eða
uppsagnar á landhelgissamn-
ingunum við Breta og V-
Þjóðverja bæri að leggja fyr-
ir Alþingi og heimildar þess
leitað til slíkra aðgerða. Þetta
sjónarmið Sjálfstæðisflokks-
ins var enn ítrekað í bréfi til
forsætisráðherra hinn 27.
ágúst sl.
FRÉTTATILKYNNING
RÍKISSTJÓRNAR
Fréttatilkynning ríkisstjórnar-
innar er svohljóðandi:
„Ríkisstjórnin hefur ákveðið
að leggja fyrir Alþingi, þegar
er það kemur saman, tillögu til
staðfestingar á stefnu stjórnar-
innar í landhelgismálinu þ.á m.
uppsögn landhelgissamnimganna
við Breta og Vestur-Þjóðverja.
Það er skoðun rikisstjórnar-
innar að fullnægjandi sé að sam-
þykkt Alþingis um uppsögn
samninganna verði formlega til-
kynnt með 6 mánaða fyrirvara.
Jafnframt hefur stjórnin
ákveðið að ítreka sjónarmið sín
í landhelgismálinu við ríkis-
stjórnir Bretlands og Vestur-
Þýzkalands."
BRÉF
SJÁLFSTÆÐISFLOKKSINS
Á fundi landhelgisnefndarinn-
ar sl. föstudagsmorgun innti
Ólafur Jóhannesson, forsætis-
ráðherra, eftir þvi, hvort Sjálf-
stæðisflokkurinn gæti fallizt á
uppsögn landhelgissamninganna
við Breta og V-Þjóðverja fyrir
Thieu öruggur
um meirihluta
Saigon, 30. ágúst — AP-NTB
NGUYEN Van Thieu forseti
virðist öruggur um að halda
nieirihluta sínum í neðri deild
siiður-víetnamska þingsins eftir
kosningarnar, þegar lokið var
talningu í 140 kjördæmum af 159
í dag. Hins vegar er ekki víst
um þólitiska afstöðu margra ný-
kjörinna þingmanna og þvi ekki
ljóst hve meirihluti Thieus verð-
ur mikUl.
Stuðningsmenn Thieus hafa
unnið 58 sæti, stjórnarandstæð-
ingar 32 og óháðir 3, en ekki er
vitað um pólátiska afstöðu 47
þingmanma, sem hafa náð kosn-
ingu. Hins vegar er bent á, að
flestir þessara 47 þingmanna
eru frá Mekongósasvæðinu þar
sem Thieu hlaut mikið fylgi, og
stjórnmálasérfræðingar telja, að
þeir muni flestir hallast að
Thieu.
Thieu naut stuðnings tveggja
þriðju þingmanma á síðasta
þingi, en þá voru þingfulltrúar
133, en hefur verið fjölgað síð-
an. Kosninganna hefur verið
beðið með nokkurri eftirvænt-
ingu þar sem þær gætu gefið
Framhald á bls. 10.