Morgunblaðið - 10.10.1974, Side 21

MORGUNBLAÐIÐ, FIMMTUDAGUR 10. OKTÓBER 1974
21
Guðmundur Oli Olafsson:
Synoduserindi séra Halldórs og eftirmál
HEILL og þökk sé hverjum þeim,
er stendur vörð um málfrelsi og
ritfrelsi. Af reynslu trúi ég
Morgunblaðsmönnum til slíks
mörgum öðrum fremur. Þess
vænti ég og, að þeir muni manna
fúsastir játa, að hver sá, er haslar
öðrum ritvöll eða reisir palla til
málþinga, hljóti að setja nokkrar
leikreglur og gæta þeirra. Það er
sem sé viturra manna mál, að
ritfrelsi og málfrelsi hljóti að
vera stórlega skert verðmæti þar,
sem ekki eru drenglyndi og heið-
arleikur. En hitt er og ljóst, að
óhöpp og meiðsl geta orðið í
hverjum leik og hverju kappi. Við
slfku þarf því að leggja nokkur
víti eða tryggja bætur.
Það er tilefni þessa bréfkorns,
að snemma í júlí s.l. birtist í
Morgunblaðinu synoduserindi
eftir síra Halldór Gunnarsson I
Holti um kirkjuna og samtfðina.
Ekki skal því fram haldið, að efni
þess hafi verið slíkt og þannig
með það farið, að engum hafi
mátt mislíka. Slíkt væri fáheyrt.
En hitt er sannast sagna, að erind-
ið bar með sér marga mannkosti
höfundar síns — fyrst brenn-
andi áhuga hans og sinnu, þá
opinskáa bjartsýni og einlægni,
góðvilja, mannúð og síðast en
ekki sízt sterka umbótalöngun.
Nú virtist mega vænta þess, að
slíkt ejindi vekti einhverja til heið
arlegra. og hlutlægrar umræðu.
Svo hefur þó ekki orðið fram til
þessa. Hins vegar hefur það orðið,
sem hér og öðrum þykir kynlegt
og annarlegt, — og á því vildi ég
mega vekja athygli yðar, — að
tvívegis hefur verið veitzt að síra
Halldóri i Morgunblaðinu að und-
anförnu af nokkurri heift og bein-
um ódrengskap, einkum hið sfð-
ara sinnið. Ekki skal ég f jalla um
atlögur þær né stríðshetjur, enda
fólkið mér næsta ókunnugt. Ann-
ar tveggja höfunda er kona og
heitir Sigríður Asgeirsdóttir, að
mig minnir. Veit ég ekki annað til
hennar en það, er grein hennar
bar með sér, og var það raunar
nokkur vitnisburður. I tilefni af
síðari greininni, grein Vigfúsar
Andréssonar kennara, langar mig
hins vegar að skjóta því að yður,
að vel kynni að vera þess vert að
senda umboðsmann eða blaða-
mann Morgunblaðsins austur
undir Fjöll til að fregna um að-
draganda og eftirmál. Það er
grunur minn, að þar kynni að fást
efni í fróðlegustu innansveitar-
króniku.
Annars má það heita jákvætt
um grein Vigfúsar Andréssonar,
að hann virðist hafa mætur á
kristnum^dómi og einkum þó
barnatrú. Því er miður að ekki er
öllum uppalendum svo vel farið.
Margt fagurt orð hefur verið sagt
um bamatrú, og ekki skal hana
lasta. Þó kynni að vera til sú
barnatrú, sem væri svo sérgóð og
lítið kristin, að hún vildi aðeins
leggja net sín til fiskidráttar f
eigin þágu og alls ekki veita öðr-
um minnsta hlut f góðum gjöfum
Guðs.
Þegar ég var drengur á sumrum
austur í Rangárvallasýslu og naut
þar þeirrar vináttu, sem erfðist
frá kynslóð til kynslóðar, óx með
mér sú skoðun, að Rangæingar
væru traust fólk, drenglundað og
góðviljað. Það er ósk mín, að sfra
Halldór finni nú nokkur merki
þessa þar eystra hjá sóknarmönn-
um sínum, og trúi ég ekki öðru að
óreyndu en svo verði.
Svo bið ég yður, góðir ritstjórar.
að virða vel bréfkorn þetta, sem
yður kann að þykja smámunalega
tilfyndið. Og satt er það, að tfðar-
andinn er nú raunar slfkur, að
miklu fremur má það teljast regla
en undantekning, að einhverjir
vekist upp til að berja á prestum,
kirkju og kristnum dómi, ef slík-
ur „ósómi“ lætur einhvers staðar
of mikið á sér bera. Meira að
segja kynni tíðarandi þessi og
hetjudáðir hans að orka svo á
einfalda presta, sem náttúru
hefðu til lýðskrums, að þeir færu
opinberlega og upp úr þurru að
berja á stétt sinni og samherjum.
Slfkt væri ein sú versta plága, —
og Guð forði oss frá þvíliku. Með
beztu kveðjum.
Málverkasjjning áAkranesi
Akranesi — 8. október.
NU stendur yfir málverkasýning í
Bókhlöðunni hér á Akranesi. Það
er Guðbjartur Þorleifsson listmál-
ari, fæddur í Reykjavík árið 1931,
sem sýnir verk sín. Hann er sonur
hinna velþekktu hjóna Þorleifs
Þorleifssonar ljósmyndara og
Elínar Sigurðardóttur, en hún er
ættuð héðan frá Akranesi.
Guðbrandur sækir myndefni
sitt í íslenzka náttúru til sjós og
lands og einnig frá uppstillingum.
Að þessu sinni sýnir hann 30 olíu-
málverk og nokkur krítarverk og
eru flestöll verkin til sölu.
Júlfus.
Stúlka óskast
við afgreiðslustörf. Unnið í tvo daga, frí í tvo
daga. c , ,,
Sælacafe,
Brautarholti 22,
sími 19480 eða 19521.
Stúlkur vantar
í kjörbúð hálfan eða allan daginn.
Á rbæjarmarkað urinn,
Rofabæ 39.
DömurAkranesi
athugiö:
Hárgreiðslustofn Carita, Kirkjubraut 60, hefur
starfsemi sína í dag fimmtudaginn 10. október.
Gerið si/o vel og reynið viðskiptin.
Símapantanir í síma 1010.
&
EIGENDUR
PFAFF saumavéla1
Kennari okkar, frú Erna Helgadóttir, mun svara
fyrirspurnum og kenna á Pfaff saumavélar í verslun
okkarað Skólavörðustíg 1 milli kl. 1 —5 í DAG.
Notið tækifærið og fræSist um vélarnar.

Stúlkur — stúlkur
Okkur vantar stúlkur til pökkunarstarfa
strax, unnið eftir bónuskerfi.
ísfélag Vestmannaeyja hf.
Vestmannaeyjum,
Sími 99-6927
Atvinna
Viljum ráða karlmenn og konur til starfa í
verksmiðju okkar við Sundahöfn. Fæði á
staðnum.
Upplýsingar hjá verkstjóra í síma 81 907.
Mjólkurfélag Reykjavíkur.
Nokkrir verkamenn
óskast
nú þegar.
Daniel Þorsteinsson og c/o h. f.,
Bakkastíg 9, sími 12879 — 25988.