Morgunblaðið - 14.07.1976, Qupperneq 19

MORGUNBLAÐIÐ. MIÐVIKUDAGUR 14. JULI 1976
19
Frá aðalfundi Félags ísl. fiskmjölsframleiðenda 1976:
Umræður um við-
skiptin við Sovétríkin
í nýútkomnu dreifibréfi Félags ísl. fiskmjölsframleið-
enda er birt skýrsla um aðalfund félagsins, sem haldinn
var hinn 25. júní sl. ásamt tilkynningu frá Verðlagsráði
sjávarútvegsins um lágmarksverð á loðnu og reglugerð
um loðnuveiðar árið 1976 og fer skýrslan ásamt tilkvnn-
ingu og reglugerð hér á eftir:
Árið 1976, föstudaginn 25. júní
var aðalfundur Félags (sl. fisk-
mjölsframleiðenda haldinn að
Skúlagötu 4 og hófst hann kl.
10:00 f.h.
Formaður setti fund og stýrði
honum. Kvaddi hann Sigurð
Markússon til þess að rita fundar-
gjörð.
Þetta gerðist:
1. Formaður lagði fram og
skýrði lið fyrir lið „Yfirlit yfir
framleiðslu og útflutning mjöls
og lýsis o.fl. 1966—1975.“ Þá
ræddi formaður verðþróun á
mjölmarkaði hinar síðustu vikur
með sérstöku tilliti til frétta og
fréttaflutnings frá París. Þá fór
formaður nokkrum orðum um
viðskiptin við Sovétríkin og þýð-
ingu þeirra fyrir ísland. Nú hefðu
málin skipast svo, að Sovétmenn
hefðu látið hjá liða að kaupa í
upphafi loðnuvertiðar, þrátt fyrir
boð þar um frá íslandi, og þyrfti
því nú að kanna, hvaða möguleik-
ar væri á því að bjóða þeim nokk-
urt magn fiskmjöls áseinna helm-
ingi þessa árs. Spunnust miklar
umræður um málið og lauk þeim
með þvi, að fundurinn samþ. svo-
hljóðandi tillögu frá formanni:
„Fundurinn samþykkir að fela
stjórn FÍF að rannsaka meðal fé-
lagsmanna, hvort þeir séu reiðu-
búnir til þess að selja ákveðið
magn af fiskmjöli til v/o Prodin-
torg í Moskvu á ákveðnu verði, til
afskipunar fyrir n.k. áramót."
2. Þá mætti á fundinum dr.
Björn Dagbjartsson. Ræddi hann
fyrst um nýjar kröfur V-
Þjóðverja um magn þeirra efna í
fiskmjöli, sem rekja má til notk-
unar skordýraeiturs. Ekki taldi
hann ástæðu til að ætla, að ísl.
fiskmjöl stæðist ekki kröfurnar.
Hins vegar mætti gera ráð fyrir,
að Þjóðverjar óskuðu senn eftir
vottorðum, og yrðu þá til að koma
mjög dýr mælitæki, sem enn
væru ekki til. Þá ræddi dr. Björn
um verkefni, sem unnin hafa ver-
ið á vegum Raunvisindadeildar
Háskóla íslands og varða notkun
jarðvarma við framleiðslu fisk-
mjöls. Ýmis atriði önnur ræddi
dr. Björn. Jónas Jónsson o.fl. tóku
til máls i tilefni ummæla dr.
Björns. Voru fundarmenn á einu
máli um, að æskilegt væri að
halda sem fyrst sérstakan fund
með Birni, þar sem betri tími gæf-
ist til að ræða vísindaleg og tækni-
leg efni.
3. Fram lagðir reikningar fé-
lagsins fyrir árið 1975. Niðurstaða
reksturareiknings kr. 2.320.078,
hagnaður kr. 62.016.-. Niðurstaða
efnahagsreiknings kr. 1.827.478,
en hrein eign kr. 1.789.566. Voru
reikningarnir bornir upp og sam-
þykktir samhljóða.
4. Samþykkt að leggja fram
kr. 200.000.- vegna risnukostnaðar
í tilefni norræna fiskimálaráð-
stefnunnar sem haldin verður í
Reykjavík 17.—19. ágúst 1976.
5. Kosning stjórnar & endur-
skoðenda. Kjörnirvoru:
Aðalstjórn: Sveinn Benediktsson,
formaður, Jónas Jónsson, varafor-
maður, Valdimar Indriðason,
ineðstj.. Sigurður Markússon,
meðstj., Jóhannes Stefánsson,
Varastjórn: Kristján Loftsson,
Gunnar Ólafsson, Haraldur Gisla-
son, Hjalti Einarsson, Ólafur
Jónsson.
Endurskoðendur: Jón Sigurðsson,
Árni Gislason.
6. Samþ. var á fundinum að
strika úr árgjöld sem hér segir
sem óinnheimtanleg:
Torfnes, ísafirði ...kr. 31.670,-
Hlein, Þórshöfn .....kr. 22.488.-
Bragi, Breiðdalsvík ... kr. 63.675,-
7. Að lokum urðu nokkrar um-
ræður um málefni verðjöfnunar-
sjóðs.
Fleira ekki gert. Fundi slitið.
Sveinn Benediktsson
Jónas Jónsson
Jón Sigurðsson
Jóakim Pálsson
Aðalsteinn Jónsson
Einar Sveinsson f.h. Hvals h/f
Sigurður Markússon
Gunnar Ólafsson
Haraldur Gíslason
Hjalti Einarsson
Valdimar Indriðason
XXX
Að aðalfundinum loknum sendi
formaður út eftirfarandi fyrir-
spurn til fiskmjölsframleiðenda
um sölu á fiskmjöli til Sovétríkj-
anna:
Reýkjavik, 25. júni 1976.
Á aðalfundi Félags islenzkra
fiskmjölsframleiðenda, sem hald-
inn var í Reykjavík i dag, var rætt
m.a. um fiskmjölsviðskipti við
V/o Prodintorg i Moskvu.
I viðskiptasamningi við Sovét-
ríkin, sem gerður var s.l. haust til
5 ára, þ.e. fyrir árin 1976 til árs-
loka 1980, var tekið fram i
rammasamningi, að gert væri ráð
fyrir að V/o Prodintorg keypti
10.000—20.000 tonn af fiskmjöli
.árlega, ef samkomulag næðist um
verð og aðra skilmála. Reynt var
að semja um fyrirframsölu innan
rammasamningsins fyrir s.l. ára-
mót og aftur í Moskvu i janúar.
Rússar höfðu þá ekki áhuga á
kaupunum. Kváðu þeir að ekki
væri fyrir hendi fjárveiting til
fiskmjölskaupa. Yrði því að bíða
að semja um kaup fiskmjöls þar
til slik heimild fengist.
Var V/o Prodintorg skýrt frá
því, að Islendingar yróu vegna
takmarkaðra geymslumöguleika
og af fleiri ástæðum að selja og
afskipa mjölinu sem allra fyrst. ef
viðunandi verð fengist. Sovét-
menn heldu fast við sinn keip, að
þeir gætu ekki keypt neitt fisk-
mjöl að svo stöddu, enda hefðu
þeir ekki þörf fyrir mjölið og
hefði það verið tekið upp í
rammasamninginn að beiðni Is-
lendinga. Síðari hluta árs væru
möguleikar á því að V/o Prodin-
torg kynni að káupa nokkurt
magn af fiskmjöli frá íslandi.
Eftir itarlegar umræður bar
Sveinn Benediktsson, formaður
stjórnar F.Í.F. fram eftirfarandi
tillögu, sem samþykkt var með
öllum greiddum atkvæðum:
„Fundurinn samþykkir að fela
stjórn F.Í.F. að rannsaka meðal
félagsmanna, hvort þeir séu
reiðubúnir til þess að selja ákveð-
ið magn af fiskmjöli til V/o Pro-
dintorg í Moskvu á ákveðnu verði,
til afskipunar fyrir n.k. áramót."
I ljós kom að fundarmenn töldu
mikilsvert reyna að beina
ákveðnu lágmarksmagni fisk-
mjöls tii Sovétríkjanna í ár, vegna
þess að V/0 Prodintorg hefur lát-
ið í ljós, að þeir þurfi nú mjög á
fiskmjöli að halda. Er talið æski-
legt vegna framtíðar viðskipta að
tryggja þeim ákveðið lágmarks-
magn til afgreiðslu fyrir n.k. ára-
mót, ef unnt er.
Af þeim sökum er þess óskað að
þér sendið svar við fyrirspurn
þeirra, sem samþykkt var á fund-
inum eigi siðar en n.k. föstudag 2.
júlí til Félags íslenzkra fiskmjöls-
framleiðenda, Pósthólf 916,
Reykjavík.
F'.h Félags íslenzkra fiskmjöls-
framleiðenda
Sveinn Benediktsson"
XXX
Tilkynning frá
Verðlagsráði
sjávarútvegs
Verðlagsráð sjávarútvegsins
hefur ákveðið eftirfarandi lág-
marksverð á loðnu veiddri til
bræðslu frá og með deginum i dag
til 31. desember 1976. Verðið er
miðað við fituinnihald loðnunnar
sem hér segir:
Fituinnihald hvert kg
Að 4% .......................kr. 4.00
4 % að 6 % ..................kr. 4.40
6 % að 8 % ..................kr. 5.10
8% að 10% ...................kr. 5.70
10% að 12% ..................kr. 64.0
12% og yfir .................kr. 7.20
Fituinnihald hvers loðnufarms
skal ákveðið — með töku sýna —
af Rannsóknarstofnun fiskiðnað-
arins.
Verðið miðast við loðnuna
komna i löndunartæki verk-
smiðju.
Ekki er heimilt að nota dælu
eða blanda vatni eða sjó i loðnuna
við löndun.
Verðið er uppsegjanlegt frá og
með 1. ágúst og síðan með viku
fyrirvara.
Reykjavík, 16. júni 1976.
Verðlagsráð sjávarútvegssins.
XXX
23. Norðurlandamót í þjóðdönsum var haldiö í Þrándheimi
7.—12. júli s.l. Þangað fór hópur frá Þjóðdansafélagi Reykjavík-
ur undir stjórn Sigríðar Valgeirsdóttur og Sölva Sigurðssonar til
þátttöku á mótinu. Þetta er sennilega fjölmennasta Norðurlanda-
mót i þjóðdönsum, sem haldið hefur verið.
Vænzt var að þátttakendur yrðu 5.500 talsins og hefur samstarf
Norðurlandanefndanna verið mjög gott. Þetta er í 5. sinn. sem
isiand tekur þátt i Norðurlandamótinu og hefur þátttaka okkar
orðið til þess að tengslin við hin Norðurlöndin verða alltaf
sterkari og betri eftir þvi sem lengra er haldið.
(Frétt frá Þjóðdansafélagi Revkjavikur)
Norðurlandamót
í þjóðdönsum...
Reglugerð
um loðnuveiðar
árið 1976
1. gr.
Á timabilinu 1. mars til 15. mai
1976 eru loðnuveiðar bannaðar
fyrir Norður- og Austurlandi frá
linu réttvisandi norður frá Horni
að linu réttvisandi suðaustur frá
Eystra-Horni, utan linu, sem
dregin er 12 sjómilur utan grunn-
linu, samkvæmt reglugerð
299/1975
Á timabilinu 15. maí til 15. júlí
1976 eru allar loðnuveiðar bann-
aðar.
2. gr.
Bannað er að veiða smáloðnu
minni en 12 cm að lengd, sé hún
verulegur hluti loðnuafla fiski-
skips.
Lágmarksstærð loðnu, er mæld
frá trjónuodda að sporðsenda.
3. gr.
Sé skipstjóri fiskiskips í vafa
um hlutfall smáloðnu í aflanum,
þá ber honum, áður en verulega
hefur verið þrengt að loðnunni i
nótinni, að taka sýnishorn af afl-
anum í smáriðinn háf og mæla
100 loðnur valdar af handahófi.
Reynist fleiri en 50 loðnur vera
undir 12 cm að lengd, ber honum
að sleppa loðnunni þegar i stað.
4. gr.
Nú kemur loðnuveiðiskip með
loönufarm til hafnar blandaðan
smáloðnu og er þá loðnumóttak-
anda skylt að ganga úr skugga
um, hvert sé hlutfall smáloðnu i
aflanum, á þann hátt að tekin
skulu þrjú sýnishorn valin af
handahófi með 100 loónum í
hverju. Sé hlutur smáloðnu sbr. 2.
gr.. að meðaltali úr þessum þrem-
ur sýnishornum meiri en 55%,
skal loðnumóttakandi gera Fram-
leiðslueftirliti sjávarafurða að-
vart, sem gengur úr skugga um
stærðarhlutföllin á sama hátt og
að framan greinir og kærir hlut-
aðeigandi skípstjóra veiðiskips til
sekta, sé hlutur smáloðnu yfir
55%.
5. gr.
Þrátt fyrir ákvæði 1. og 2. gr. er
sjávarútvegsráðuneytinu heimilt
að veita, að fengnu áliti Hafrann-
sóknastofnunarinnar, leyfi tal
loðnuveiða i tilfauna- og rann-
sóknaskyni á svæðum, sem loðnu-
veiðar eru bannaóar samkvæmt 1.
gr. og á loðnu, sem er minni en 12
cm að lengd.
6. gr.
Framleiðslueftirlit sjávaraf-
urða skal hafa eftirlit með þvi, að
ákvæðum þessarar reglugerðar sé
f.vlgt.
7. gr.
Brot gegn ákvæðum reglugerð-
ar þessarar varða sektum sam-
kvæmt lögum nr. 44 5. april 1948
með síðari breytingum. og skal
með mál út af brotum farið að
hætti opinberra mála.
8. gr.
Reglugerð þessi er sett sam-
kvæmt 1. gr. laga nr. 44 5. april
1948. um vísindalega verndun
fiskimiða landgrunnsins, til þess
að öðlast gildi þegar í stað og
birtist til eftirbreytni öllum þeim
sem hlut eiga að máli.
Sjávarútvegsráðuneytið
20. febrúar 1976.
Matthias Bjarnason
Jón B. Jónsson
Veiðiaðstaða fyrir fatlaða
Við Ellíðavatn hefur verið gerð
steypt braut fyrir hjólastóla og
veittar verða leiðbeiningar og
kennsla við veiðar.
Aðstoðarfólk verður til staðar.
Kiwanisklúbburinn Esja hefur
gefið 2 verðlaunabikara, annan
fyrir ástundun, en hinn fyrir
mesta veiði yfir sumarið.
Þeir félagar sem hafa áhuga á
að stunda fiskveiðar meó stöng
geta fengið veiðile.vfi keypt hjá
Iþróttafélagi fatlaðra.
Upplýsingar eru veittar hjá for-
manni félagsins Arnóri Péturs-
syni í síma 19300 eða 71367.
(Fréttatilkynning frá stjórn
Sjálfsbj'argar félags fatlaðra i
Reykjavík.)