Morgunblaðið - 08.10.1976, Qupperneq 18

MORGUNBLAÐIÐ, FÖSTUDAGUR 8. OKTOBER 1976
18
Fullkomnasta íshafsfarið
Bamsa Dan í Rvíkurhöfn
1 FYRRADAG kom hingað til
Reykjavíkur og lagðist að hafn-
arbakkanum í Sundahöfn full-
komnasta íshafsfar Dana og
heitir það Bamsa Dan. Er það á
leið til Godtháb f mánaðarlega
ferð til hafnarbæja á græn-
lenzku vesturströndinni. Á leið-
inni kom í ljós bilun í aðalvél.
Var því farið til Reykjavfkur,
en frá Kaupmannahöfn komu
til móts við skipið vélfræðingar
frá skipasmiðastöð Burmester
og Wein. Munu þeir ljúka við-
gerð á aðalvélinni í dag, ef allt
gengur samkvæmt áætlun og
heldur skipið förinni áfram til
Grænlands væntanlega f kvöld.
Það hefur m.a. vakið athygli
þeirra sem séð hafa skipið, að
mikilf björgunarbátur hangir f
daviðum utan á brú skipsins.
Hann er lokaður þannig að
hann getur veitt skipbrots-
mönnum skjól fyrir veðri og
sjó. Er þá rennilokum rennt
yfir þegar hann er fullskipaður
orðinn. Sérstakur stjórnklefi er
fremst á bátnum, sem rúmað
getur alls 48 manns.
Vegna þess að hann er smfð-
aður með tilliti til fshafsferða,
er hægt að hita allt farþegarým-
ið upp og er upphitunin f sam-
bandi við vél bátsins, sem allur
er sérlega traustur að sjálf-
sögðu.
Skipið er um 7000 tonn og
með 10.000 hestafla vél við
skiptiskrúfur og bógskrúfur. 1
fyrravetur fór skipið gegnum
metra þykkan ís við Holsteins-
borg, en Godthaab og Holsteins-
borg eru þær tvær hafnir á
vesturströnd Grænlands, sem
skipið siglir allan ársins hring.
Skipstjórinn á skipinu Niels
Ilsöe. Hann hefur í Grænlands-
siglingum í 23 ár. Sagði hann
þetta skip vera án efa eitt full-
komnasta íshafsfar f heimi.
Það er Lauritsens-útgerðin
sem á skipið, en það er á vegum
Konunglegu dönsku Græn-
landsverzlunarinnar K.G.H.
Vegfarendur athugi:
V ersti umf erd-
ardagur vik-
unnar er í dag
UMFERÐARÓHÖPP í
Reykjavík urðu 5 í gær og
enginn meiddist í þeim.
Sama daga í fyrra voru
óhöppin 6 og þá slasaðist
heldur enginn.
i dag er föstudagur, versti
umferðardagur vikunnar. Sfðasti
föstudagur var mjög slæmur. Ef
sama sagan á ekki að endurtaka
sig, verða vegfarendur að hafa
hugann miklu betur við umferð-
ina en á föstudaginn var. Að öðr-
um kosti verður ekki komið í veg
fyrir slys og árekstra.
Sjálfvirkur sími
tekinn í notkun
Breiðdalsvík, 6. okt.
NYTT og glæsilegt hús Pósts og
síma var opnað hér á staðnum f
dag. Jafnframt var tekin f notkun
sjálfvirk sfmstöð. Er þetta 100
númera stöð, en hér eru f notkun
57 númer sem stendur.
Guðjón Sveinsson varaoddviti
opnaði stöðina með því að hringa í
Pál Daníelsson, framkvæmda-
stjóra hjá Pósti og síma í Reykja-
vik. Nokkru áður en formieg opn-
un fór fram fór allt rafmagn af
byggðinni og varð að opna stöðina
með rafgeymaafli.
Stöðvarstjóri Pósts og síma
verður Ellen Hansdóttir. Gísli
Guðnason lætur nú af störfum, en
hann hefur verið stöðvarstjóri
Pósts og sfma hér á Breiðdalsvík
síðan 1923 eða í 53 ár.
— Baldur.
Alþýðuflokkurinn hefur
ekkert heyrt frá SFV
SVO sem kunnugt er samþykkti
félagsfundur Samtaka frjáls-
lyndra og vinstri manna á Vest-
fjörðum að ganga tíl samstarfs
við Alþýðuflokkinn I kjördæm-
inu. Frá þessu hefur áður verið
skýrt og jafnframt að Samtökin
hafi kosið víðræðunefnd til þess
að ræða við alþýðuflokksmenn.
Morgunblaðið sneri sér í gær til
Sighvats Björgvinssonar alþingis-
manns og spurði, hvort viðræður
milli flokkanna á Vestfjörðum
væru hafnar. Sighvatur sagði að
engar viðræður hefðu átt sér stað,
þar sem enn hefði ekkert heyrzt
frá Samtökunum vegna þessa.
Hið eina, sem við höfum heyrt um
þessa samþykkt er um fjölmiðla
— sagði Sighvatur.
Tónlistar-
skóli í
Dalasýslu
DRAUMUR margra Dalamanna
um stofnun tónlistarskóla í
sýslunni hefur nú loks orðið að
veruleika. Hinn 3. okt. s.l. var
skólinn settur f Dalabúð, Búðar-
dal, en undanfarið hefur verið
unnið að undirbúningi við stofn-
un hans. Ráðgert er að skólinn
verði starfræktur á tveimur
stöðum, f Búðardal og á Laugum,
og verður stofnuð lúðrasveit í
tengslum við skólann. Skólastjóri
verður ungur Dalamaður,
Guðmundur Ómar Óskarsson frá
Svfnhóli í Miðdölum, og kennari
auk hans Ólafur Jensson, kennari
á Laugum. Binda menn miklar
vonir við að tónlistarlff eflist í
héraðinu við tilkomu þessa skóla
og að hann megi eflast og dafna
um ókomin ár.
Fréttaritari.
Kópavogsbúar fá nýjan strætisvagn
íslendingur hannar bílsæti hjá Leyland
í ÞESSARI viku, nánar til
tekið á laugardag, fá Kópa-
vogsbúar nýjan strætis-
vagn. Vagn þessi er af Ley-
land-gerð og tekur 43
manns í sæti og 40 í stæði.
Þessi vagn er á allan hátt
mjög vandaður og tækni-
lega vel frá genginn, en
blaðmönnum var nýlega
sýndur vagninn og um leið
kynnt öll hans framleiðslu-
þróun.
Svo skemmtilega vill til að Is-
lendingur búsettur í Danmörku
hannaði sætin í þennan vagn.
Hefur hann reyndar hannað sæti
í fleiri bifreiðar hjá dönsku Ley-
land-verksmiðjunum, en hann
hefur verið ráðunautur þeirra um
gerð bflsæta. Þetta er prófessor
Egill Snorrason, sem er læknir að
mennt og mikill sérfræðingur f
líkamslögun og áhugamaður um
rétt sköpulag, en sérgrein hans er
anatómía likamans.
Að sögn Karls Árnasonar for-
stöðumanns SVK er þetta fyrsti
vagninn af þremur af þessari gerð
sem SVK hefur pantað hjá Ley-
land-verksmiðjunum. Sá næsti
kemur í jan. 1977 og sá þriðji f
jan. 1978. „Það er mjög vel vand-
að til þessarar bifreiðar, hvort
sem um ræðir loftræstingu og
hitabúnað, eða þá frágang þaks.
Hér hefur vel til tekist og við
ánægðir með þennan vagn. Þessi
vagn kostar, kominn á götuna,
21,5 milljónir, en hann er að öllu
leyti byggður f Danmörku. Til
skamms tíma var byggt yfir fs-
lenzka strætisvagna hérlendis, en
að sögn Karls var á þvf nokkuð
slæm reynsla svo nú koma vagnar
SVK og SVR fullbyggðir að utan.
AIls ferðast 5000 farþegar með
SVK á hverjum degi, og segir
Karl okkur að frá því á sfðast-
liðnu ári hafi aukningin orðið
34%. Fyrst á morgnana eru 6
vagnar í notkun, og er þá ekið
alveg niður í miðbæ Reykjavíkur.
Frá 9.30 til 19 eru 5 vagnar f
ferðum, en þá er ekið að Hlemmi.
Eftir kl. 19 og um helgar eru svo 3
vagnar f umferð. Frá Kópavogi
eru ferðir til Reykjavíkur á 12
mfn. fresti að degi til og gildir hið
sama um fjölda brottferða frá
Hlemmi.
Sjálfsbjargar-
þing hefst í dag
ÁTJÁNDA þing Sjálfsbjargar,
landssambands fatlaðra, verð-
ur haldið I Sjálfsbjargarhús-
inu, Hátúni 12 I Reykjavfk,
dagana 8.—10. okt. n.k.
Fulltrúar verða 57, en innan
landssambandsins eru nú
þrettán félög og aðalfélagar
tæplega 1300. Styrktarfélagar
eru rúmlega 800.
Aðalmál þingsins verður
endurhæfing, en aðrir mála-
flokkar eru: Fjármál, trygg-
ingamál, farartækjamál, fé-
lagsmál og atvinnumál.
Blómasala fyr-
ir líknarsjóð
i KÓPAVOGI er starfandi
hjálparsjóður í eigu Kvenfé-
lags Kópavogs, Líknarsjóður
Áslaugar Maack. Konur f kven-
félaginu stofnuðu þennan sjóð
til minningar um fyrsta for-
mann sinn. Hlutverk sjóðsins
er að styðja fjölskyldur eða
einstaklinga í Kópavogi, sem
vegna veikinda eða erfiðleika
þurfa á hjálp að halda. Blóm
líknarsjóðsins, gleym mér ei,
verður seld í Kópavogi laugar-
daginn 9. nóv.
Ljón á Akra-
nesi selja perur
FÉLAGAR í Lionsklúbbi
Akraness munu í dag ganga í
hús á Akranesi og bjóða til
sölu perur til styrktar áhalda-
kaupasjóði sjúkrahússins á
Akranesi. Þetta hafa Lions-
menn gert árlega um mörg ár
og jafnan verið tekið vel af
bæjarbúum.