Morgunblaðið - 22.09.1977, Blaðsíða 5

MORGUNBLAÐIÐ, FIMMTUDAGUR 22. SEPTEMBER 1977
5
Flóamarkaður og
skyndihappdrætti KFUK
K.F.U.K. hefur nýlega hafið
vetrarstarfið, sem er eins og
kunnugt er, að lang mestu leyti
barna- og unglingastarf, víðs veg-
ar um bæinn, auk þess í Kópa-
vogi, Seltjarnarnesi og í Garðabæ.
Starf félagsins er allt sjálfboða-
liðastarf, en fjárþörf er mikil til
þess að standa straum af húsnæð-
isrekstri o.fl.
Félagið ætlar nú að reyna nýja
fjáröflunarleið, FLÖAMARKAÐ
og SKYNDIHAPPDRÆTTI, sem
verður n.k. laugardag 24. sept. í
félagsheimilinu við Holtaveg
(gegnt Langholtsskóla) og hefst
kl. 2 e.h.
A flóamarkaðinum verður
margt gamalla eigulegra muna
s.s. blómasúlur, stigin saumavél,
tjald, svefnpoki o.fl. og fl. Auk
þess nýr og notaður fatnaður þ.á
m. kjólföt, peysufatapils auk
margs annars.
I skyndihappdrættinu verða
engin núll, allir fá eitthvað.
Félagið býður alla velkomna í
félagsheimilið n.k. laugardag,
gera góð kaup og þar með leggja
málefninu lið. (Frá KFUK).
Iðnmynjasýning opnuð
í Árbæjarsafni í dag
IÐNMINJASÝNING verður
opnuð við hátíðlega athöfn í
Arbæjarsafni í dag klukkan 15.00
en þessi sýning er einn þáttur í
Iðnkynningu í Keykjavík. Forseti
íslands, dr. Kristján Eldjárn,
opnar sýninguna en ávörp flytja
dr. Gunnar Thoroddsen iðnaðar-
ráðherra og Sigurður Kristinsson
forseti Landssambands iðnaðar-
manna. Athöfninni stjórnar
Guðmundur Guðni Guðmunds-
son.
í tilefni iðnminjasýningarinnar
i Abæjarsafninu, en um þessar
mundir minnist safnið 20 ára
afmælis síns, hefur safnið gefið
út rit i tengslum við sýninguna.
Þar segir m.a.:
I tilefni iðnkynningar i Reykja-
vík 1977 er haldin iðnminja-
sýning i Árbæjarsafni sem nú
minnist 20 ára starfsafmælis síns.
Árbæjarsafn er safn Reykjavíkur
og er aðalsvið þess saga þróunar
borgarinnar og lífskjör þeirra
sem hana hafa byggt. Saga
iðnaðar á íslandi er nátengd sögu
Reykjavíkur. Þar var inn-
réttingunum valinn staður og við
það óx byggðin og varð miðstöð i
landinu. Sýningin í Arbæjarsafni
sýnir ekki þróun iðnaðar á Islandi
heldur eru þar kynntar nokkrar
iðngreinar en sumar hafa verið
stundaðar hér frá öndverðu, aðr-
ar síðar er þarfir manna og lifn-
aðarhættir breyttust. Enn fremur
er Iðnaðarmannafélagið kynnt.
Þegar á miðöldum voru iðnaðar-
menn á Norðurlöndum öflugar
stéttir með cigin stéttarfélög. Á
Islandi voru iðnaðarmenn hins
vegar ekki sjálfstæð stétt þar sem
iðnaður var stundaður á sveita-
heimilum með annarri iðju.
Ymsir menn hafa þó stundað
sumar iðngreinar frekar en aðrar
og þær orðið aðalstarf þeirra.
Fyrsti vísir að iðnaði á íslandi
var rekstur innréttinganna í
Reykjavík á síðari hluta 18. aldar
og fluttust erlendir iðnaðarmenn
til landsins. Umhverfis verk-
smiðjurnar myndaðist þorp sem
fékk kaupstaðarréttindi 1786 og
var þá reynt að koma upp stétt
iðnaðarmanna. Fram undir miðja
siðustu öld áttu iðnaðarmenn
erfitt uppdráttar, bæði vegna
hráefnisskorts og markaðsleysis.
Með breyttum þjóðfélagsháttum
undir lok aldarinnar varð
iðnaðarmanna hins vegar meiri
þörf.
Iðnaðarmannafélagið var stofn-
að árið 1867 og um aldaót voru
félagar um 50 talsins.
Verksmiðjurekstur hófst hér um
aldamótin, en það var ekki fyrr en
eftir 1920 að iðnþróunin varð
örari en áður enda var þá farið að
nota rafmagn (Elliðaárvirkjun
1921).
Frá 1930 til 1950 voru inn-
flutningshömlur og þá fjölgaði
innlendum iðnfyrirtækjum.
Hefur þröun innlends iðnaðar og
iðnfyrirtækja siðan mótast mjög
af samkepþninni við innfluttar
vörur.
Nýtt tilraunagróður-
hús komið upp í H vera-
gerði með tUstyrk SÞ*
NÝTT tilraunagróðurhús
með fullkomnum rafbún-
aði til ræktunarlýsingar
var formlega tekið í notk-
un á mánudaginn við Garð-
yrkjuskóla ríkisins að
Revkjum í Olfusi. F>rst í
stað a.m.k. fer fram í húsi
þessu framræktun á
chrystantemum-græðling-
um og sagði Axel Magnús-
son garðyrkjuráðunautur í
spjalli við blaðið að hvat-
inn að byggingu þessa
gróðurhúss væru umræður
þær sem farið hefðu fram
hér á landi fyrir nokkru
um ylræktarver.
\ SÍI
p.» T
læiíSte
Frá opnun hins nýja gróðurhúss í Hveragerði, frá vinstri Grétar
Unnsteinsson, skólastjóri Garðyrkjuskólans, Sveinbjörn Axelsson
ráðuneytisstjóri, Steinþór Gestsson alþingismaður, og Steingrimur
Hermannsson alþingismaður.
Er húsið 300 fermetra stál-
grindarhús og byggt eftir norsk-
um staðli, en sérstaklega styrkt
fyrir íslenzkar aðstæður. Ekki er
ljóst hver heildarkostnaður við
byggingu þessa húss verður, en
húsið sjálft mun kosta um 5 millj-
ónir kröna. Fram hefur komið að í
framkvæmdirnar eru þegar
komnar 18,7 milljónir króna, en
bygging hófst í ágúst sl. Er húsið
aðeins hluti af heildarkostnaði
við framkvæmdir þessar, nefna
má dýra þætti eins og rafbúnað
allan og sjálfvirka vökvun.
Sameinuðu þjóðirnar lögðu
fram verulega upphæð til þessa
gróðurhúss í Hveragerði að því er
Axel Magnússon sagði. Þá stóðu
ríkissjóður, Garðyrkjuskólinn og
rannsóknarstofnun landbúnaðar-
ins straum af kostnaði vegna þess-
ara framkvæmda.
Viðstaddir er húsið var form-
lega tekið i notkun voru meðal
annarra Halldór E. Sigurðsson
landbúnaðarráðherra, Ingólfur
Jónsson, fyrrverdandi ráðherra,
alþingismenn og fleiri gestir, þar
á méðal prófessor Canham frá
Reading-háskóla í Bretlandi.
Flutti hann á mánudaginn ræðu
um plöntulýsingu og notkun raf-
lýsingar i gróðurhúsum.
Sinfóníuhljóm-
sveit íslands
til Færeyja
Tónleikar í Þórhöfn, Klakksvík og á Suðurey
Sinfóníuhljómsveit Islands
heldur í dag f hljómleikaför til
F’æreyja og er það fyrsta utan-
landsferð sveitarinnar. Mun
hljómsveitin halda 5 tónleika í
Þórshöfn, Klakksvík og á Suður-
ey. Félag íslenzkra hljómlistar-
manna kostar ferð sveitarinnar
milli landanna, en Færeyingar
greiða uppihald og ferðir innan
Færeyja. Félagið tsland-
Færeyjar vann að undirbúningi
ferðarinnar. Fararstjóri er Sig-
urður Björnsson, framkvæmda-
stjóri sinfóníuhljómsveitarinnar,
en Vilhjálmur Hjálmarsson
menntamálaráðherra og kona
hans fylgja Sinfóníuhljómsveit-
inni I Færeyjaförinni. Listafólkið
leggur upp um hádegisbil í dag
með Fokker-vél frá Flugfélaginu
og vél frá Flugstöðinni, en ferðin
mun standa í eina viku. 50 manns
eru í förinni.
Fyrstu tónleikarnir verða i
Þórshöfn 23. sept, aðrir á Suðurey
24. sept., þriðju i Þórshöfn 23.
sept. og sama dag verða barnatón-
leikar í Þórshöfn, en siðustu tón-
leikarnir í þessari ferð verða í
Klakksvík 27. sept. Hljómsveitin
mun leika ýmis kunn klassisk tón-
Firnvjwffr
Sínfpniiiljljéimvritur ítlamls
i Kþtnitlrr 197?
l.-lau- .'leri/kra l.li...nli-lar...,ii.u,i
toi niiuál
Forsíðan á sérriti FlH, Tónamál-
um, í tilefni Færeyjaferðarinnar.
verk, svo sem eftir Mozart, Tchai-
kovsky, Bizet, Smetana, Sibelius
og Jón Leifs, en einleikarar verða
Lárus Sveinsson á trompett,
Guðný Guðmundsdóttir á fiðlu og
Bjarni Guðmundsson á túbu.
Hljómsveitarstjóri er Páll P. Páls-
son.
Framhald á bls. 20.
Iðnkynning í Reykjavík
□QQQQ
LITSJONVARPSTÆKI
Úrvalstæki, búin öllum tækninýjungum, svo sem línulampa og
viðgerðareiningum. Varahluta- og viðgerðarþjónusta á staðnum.
Hagstæðir afborgunarskilmálar.
Verð:
20" tæki kr. 255.265 22" tæki kr. 300.625 26" tæki kr. 339.51!
FALKIN N
SUÐURLANDSBRAUT 8, SÍMI 84670
Sendum
bæklinga,
ef óskað er.