Morgunblaðið - 24.05.1978, Page 12

44
MORGUNBLAÐIÐ, MIÐVIKUDAGUR 24. MAÍ 1978
Lang stærsta ungpólitíska
félagið á landinu er Heimdall-
ur, samtök ungra sjálfstæðis-
manna í Reykjavík. Formaður
Heimdallar er Kjartan
Gunnarsson, laganemi. Um-
horfssíðan hitti Kjartan að
máli fyrir skemmstu, og ræddi
við hann um starfsemi Heim-
dallar og uppbyggingu.
Kjartan sagði okkur að félag-
ar í Heimdalli væru nú um það
bil 3500 talsins, fólk á aldrinum
20-35 ára. Sagði hann þetta
vera fólk alls staðar að , ef svo
mætti að orði komst, fram-
haldsskólanemar, iðnnemar,
fólk úr öllum atvinnugreinum,
einhleypt fólk og
fjölskyldufólk.
— í hverju er starfhemi
Ileimdallar aðallega fólgin?
„Starfsemin er fólgin í hvers
konar stjórnmálastarfi, funda-
höldum, útgáfustarfsemi og
fleira í þeim dúr.
En þrátt fyrir að Heimdallur
sé pólitískt félag, þá er starf-
semin alls ekki einskorðuð við
stjórnmálastarfsemina eina,
heldur er starfseminni beint að
öllum áhugamálum ungs fólks,
þannig að félagslegi þátturinn
er ekki síður snar þáttur í
starfseminni en sá pólitíski."
— Getur þú nefnt okkur
dæmi um slíka starfsemi sem
verið hefur í vetur. og ekki er
beint pólitísk?
„Já, við höfum til dæmis
haft svonefnd „opin hús“, þar
sem fólk getur komið saman í
húsakynnum félagsins, hitst og
rabhað saman, við gengumst
fyrir fjöltefli, þar sem heims-
meistari unglinga, Jón L. Árna-
son tefldi við Heimdallarfélaga
og fleira mætti nefna.
Á undanförnum árum hefur
Heimdallur svo einnig gengist
fyrir ferðalögum, tónlistar-
kvöldum, og margs konar
félagsstarfsemi sem of langt
yrði upp að telja."
— Hvernig er búið að starf
seminni? — Hvers konar að-
stöðu hefur Ileimdallur í
Sjálfstæðishúsinu?
„Heimdallur hefur þar í
fyrsta lagi ágætt skrifstofuher-
bergi, og svo aðgang að fundar-
herbergjum og fundarsölum
hússins eins og önnur félög.
Þá má geta þess, að hús-
stjórn Valhallar hefur sam-
þykkt að kjallari Valhallar
verði innréttaður í eins konar
„félagsheimilisstíl", þar sem
fyrst og fremst verður miðað
við þarfir Heimdallar, þó vitan-
lega muni önnur félög hafa
aðgang þar að eins og áður. Er
vonast til að þetta félagsheimili
Heimdallar verði komið í gagn-
„Sjálf-
stæðis-
flokknr-
• ö F •
uuifai
lireinan
• •
meiri-
hlntaá
Alþingi”
Rætt við Kjartan
Gunnarsson for-
mann Heimdallar
„Sjálfstæðisflokkurinn er.
og hefur verið flokka fúsast-
ur til að gefa ungu fólki
tækifæri.“
Ljósm. RAX.
ið næsta vetur, og þá verður öll
aðstaða orðin mun betri."
— þú minntist á útgáfustarf-
semi hér að framan. í hverju
er hún fólgin? — Oft heyrist
kvartað yfir því að erfitt sé
fyrir frjálslynt fólk að fá
lestrarefni um stjórnmál, öf-
ugt við til dæmis ýmis rit sem
út eru gefin um vinstri stefnur
ýmis konar.
„Já, það er alveg rétt, að
alltof lítið er til af slíkum
ritum á íslensku. Tímaritið
Stefnir er nánast eina ritið sem
hefur frjálslynd lífsviðhorf að
leiðarljósi, og æskilegt væri að
fjölga slíkum ritum.
Sjálfstæðisflokkurinn hefur
þó gefið út ýmis rit, einkum er
vert að minnast á smáritaút-
gáfu Sambands ungra sjálf-
stæðismanna, en af ritum í
þeim flokki má til dæmis nefna
rit umathafnafrelsi og
cinkarekstur eftir Friðrik
Sophusson, rit um
valddrcifinguog eflingu
frjálshyggju eftir Jónas Har-
alz, rit um utanrikismál eftir
Jón Magnússon,
„Ihaldsstefnan" eftir Jón Þor-
láksson, ræður Solzhenitzyns,
rit um kjördæmamál og kosn-
ingaréttarmálefni eftir Jón
Steinar Gunnlaugsson og fleiri
rit.
Þannig að talsvert hefur
verið gefið út, en vissulega má
gera betur. Einnig má svo
minna á það að Heimdallur
gefur út blaðið Gjallarhorn, og
hefur það komið út tvisvar það
sem af er þessu starfsári."
— Hvernig er starfsemi
Hcimdallar fjármögnuð?
„Tekjur félagsins eru fyrst og
fremst árgjöld, en þau eru nú
eitt þúsund krónur á hvern
félaga. Þá gefum við einnig út
viðskiptablöð með auglýsing-
um, sem dreift er í hús, en
aðrar tekjur höfum við ekki.
Enda er það svo að fjárskortur
háir mjög allri starfsemi okkar,
og mun meira væri unnt að
gera ef nægilegt fjármagn væri
fyrir hendi.“
— Því er oft haldið fram að
pólitískur áhugi sé hér ákaf-
lcga litill. og er í þvi' sambandi
bent á lélega fundasókn hjá
flestum flokkum. Hver er þín
skoðun á því?
„Nauðsynlegt er að breyta
fyrirkomulagi funda, og ljóst er
til dæmis, að fundir þar. sem
ræðumaður kemur og „messar“
yfir fundarmönnum hafa misst
gildi sitt, — að minnsta kosti
sem baráttuaðferð í stjórnmál-
um.
Það getur þó oltið bæði á
ræðumanni og umræðuefni
hvernig til tekst.
timHORF
Umsjón. TRYGGVI GUNNARSSON OG ANDERS HANSEN.
En það er mín- skoðun, að
æskilegri séu fundir þar sem
gerðar eru meiri kröfur til
fundarmanna, og þar sem þeir
verði virkari í sjálfum fundin-
um. Ástæður þess að fólk er
hætt að koma á fundi er sú, að
það er ekki þátttakendur í
fundinum, og svo má ekki
gleyma því að samkeppnin um
frítíma fólks er sífellt að
harðna, og fólk hreinlega veigr-
ar sér við að sitja á löngum
fundum.
Pólitískur áhugi þarf þó alls
ekki að vera minni, og það er
staðreynd, að ekki vantar áhug-
ann þegar harðir pólitískir
fundir eru annars vegar. Þann-
ig komu til dæmis talsvert á 13.
hundrað manns á kappræðu-
fund Heimdallar og Æskulýðs-
nefndar Alþýðubandalagsins í
Sigtúni skömmu eftir áramót-
in.
Fámenni á flokksfundum,
þar sem ætlunin er að koma
einhverjum boðskap eða stefnu
á framfæri, hefur þó orðið til
þess að meira þarf að nota
dagblöð, bæklinga og smærri
fundi, til dæmis á vinnustöð-
um.“
— Finnst þér að ungt fólk
fái na-gileg tækifæri innan
Sjálfstæðisfíokksins. Er ekki
nein kergja í þeim sem eldri
eru á að hleypa þeim yngri að?
„Sjálfstæðisflokkurinn er, og
hefur verið flokka fúsastur til
að gefa ungu fólki tækifæri.
Fjöldamargt ungt fólk hefur
verið í trúnaðarstöðum fyrir
flokkinn í sveitastjórnum og á
þingi, og þegar framboðslistar
flokksins í vor eru skoðaðir
kemur í ljós að svo er enn.
Þá hefur ungt fólk jafnan
notið mikils trausts innan
flokksins sjálfs, og benda má á
að nú sitja þrír ungir sjálfstæð-
ismenn í miðstjórn flokksins.
Ungt fólk í Sjálfstæðis-
flokknum getur því verið ánægt
með sinn hlut, þó ég sé
persónulega heldur mótfallinn
því að draga fólk í dilka eftir
aldri. Sjötugur maður getur vel
verið yngri í anda en einhver
sem er aðeins tvítugur, og það
er mín skoðun að ekki eigi að
treysta ungu fólki eingöngu
vegna þess að það er ungt að
árum. Hæfileikar og mannkost-
ir eiga að ráða en ekki aldur
eða kynferði."
— En hvað með ýmis stefnu-
mál ungra sjálfstaðismanna.
hafa þau hlotið hljómgrunn
meðal þeirra eldri?
„Já, ekki verður annað sagt.
Þau mál sem við höfum lagt
áherslu á, til dæmis á lands-
fundum eða flokksráðsfundum,
hafa yfirleitt hlotið góðar
undirtektir, og oft hefur fyrsta
stefnumótun margra mála
komið frá ungum sjálfstæðis-
mönnum.
Þar má til dæmis nefna
prófkjörin, hugmyndir. um
kjördæmaskipun og kosninga-
löggjöf, valddreifingu í þjóðfé-
laginu, baráttu fyrir samdrætti
í ríkisumsvifunum, og fleira.
Hvað það síðast nefnda varðar,
þá hafa flestir sjálfstæðismenn
fallist á þá skoðun okkar yngri
mannanna, að ríkisvaldið á
ekki að vasast í atvinnurekstri,
og krafist er aukins athafna-
frelsis einstaklinganna.
Hugmyndirnar eru oft í
upphafi yngra fólksins, en
verða síðar að stefnu flokksins
í heild.“
— Undirtektirnar eru
sem sagt góðar, en hvað þá
með framkvæmdina? — Eru
þetta ckki oft innantóm loforð,
orð án efnda?
„Hafa verður það hugfast, að
Sjálfstæðisflokkurinn er ekki
alltaf í aðstöðu til þess í þessu
landi samsteypustjórna, að
koma fram öllum sínum stefnu-
málum. Því er gagnrýni á
ríkisstjórnir þær sem Sjálf-
stæðisflokkurinn hefur átt sæti
í ekki alltaf reist á nægilega
traustum rökum hjá sjálfstæð-
ismönnum sjálfum. Menn vilja
stundum gleyma því að við
erum ekki einir við stjórnvöl-
inn.
En þar sem við höfum fengið
tækifæri til að stjórna einir, án
afskipta annarra, eins og til
dæmis í Reykjavík, þar hafa
orðið meiri framfarir í efna-
hags- og menningarmálum en á
nokkrum stöðum öðrum.
Við hljótum því að setja
markið hátt, og berjast fyrir
því að fá meirihluta á Alþingi,
til þess að geta í raun sýnt
þjóðinni stefnu okkar. —
Stefnu frjálslyndis og fram-
fara, stefnu stéttasamvinnu í
stað stéttásundrungar, þjóð-
lega og víðsýna umbótastefnu
sem leitar nýrra lausna og er
ekki bundin á klafa kerfis- og
kreddubundinnar hugsunar
eins og sósíalisminn.“
- AH
Fréttabréf úr Stykkishólmi:
Bændur halda aðalfund, vertíðar-
lok, sumarvertíð hótelsins hafin
Aðalfundur Búnaðar- og rækt-
unarsambands Snæfellinga var
haldinn í Stykkishólmi laugardag-
inn 6. maí s.l.
Formaður sambandsins, Gunnar
Guðbjartsson, stjórnaði fundi en
mættir voru fulltrúar úr allri
sýslunni ásamt starfsliði sam-
bandsins.
Mörg mál voru rædd á fundinum
og ályktanir gerðar:
1. Að skora á landnám ríkisins að
láta á þessu sumri ganga á
landamerki jarða í Snæfells-
ness- og Hnappadalssýslu og
merkja þau með tilliti til
væntanlegrar myndkortagerð-
ar.
2. Skorað var á fjármálaráðherra
að beita sér fyrir því að
landmælingar ríkisins fái nægj-
anlegt fjármagn til að taka
myndir úr lofti af öllu landinu
samkværot áætlun á næstu 5
árum. Sérstök áhersla verði
lögð á gerð myndkorta af
Snæfellsnesi. Mikil nauðsyn er
á að verk þetta verði fram-
kvæmt og leysir það vanda
margra stofnana sem vinna að
opinberum framkvæmdum svo
sem Skipulags ríkisins, Vega-
gerðar, Orkustofnunar o.fl.
3. Þá lýsti fundurinn yfir stuðn-
ingi sínum við framlagða áætl-
un Búnaðarþings um nýja sam-
ræmda stefnu í leiðbeiningar-
þjónustu landbúnaðarins með
tilliti til breyttra viðhorfa í
framleiðslu og markaðsmálum.
4. Fundurinn ítrekar fyrri áskor-
un sína til landbúnaðarráðherra
um að hann beiti sér fyrir því
að frumvarp til laga um vinnu-
aðstoð í sveitum í veikinda- og
slysatilfellum verði lagt fram á
Alþingi og gert að lögum hið
fyrsta.
5. Áð séð verði um að bændur fái
fullt grundvallarverð fyrir
framleiðslu sína á yfirstandandi
verðlagsári.
6. Fundurinn lýsir yfir stuðningi
við samþykkt Náttúruverndar-
þings 1978 um verndun og
skipulag Breiðafjarðareyja og
telur fundurinn að eyjarnar
yrðu best nýttar með hefð-
bundnum búskap af heima-
mönnum og eignarrétturinn sé
þeirra.
Niðurstöðutölur rekstrarreikn-
ings Búnaðarsambandsins voru
rúmar 12 millj. s.l. ár og Ræktun-
arsambandsins rúmar 38 milljón-
ir.
Framkvæmdastjóri, Leifur Jó-
hannesson, lagði fram á fundinum.
starfsskýrslu fyrir árið 1977 og
kom þar fram, að á vegum
sambandanna störfuðu að meiru
eða minna leyti 15 manns. Bú-
stofnsaukning várð á árinu um
1300 ærgildi aðallega í sauðfé.
Kúm fækkaði lítillega. Bygginga-
framkvæmdir voru meiri en
nokkru sinni áður.
Á s.l. ári staðfesti landbúnaðar-
ráðuneytið húsagerðarsamþykkt
Búnaðarsambandsins. Var sam-
kvæmt henni hafin starfsemi og
ráðnir 5—6 menn til að vinna með
flekamótum. Ólafur Guðmundsson
frá Dröngum var ráðinn yfirsmið-
ur og tókst að Ijúka þeim bygging-
um sem lofað hafði verið en þær
voru 8 talsins. Telur fram-
kvæmdastj. að byggingarsam-
þykktin og tilkoma byggingar-
flokksins sé eitt af því besta sem
Búnaðarsambandið hefir gert fyr-
ir félagsmenn sína. Byggingar-
flokkurinn hefir verið pantaður í
10 byggingar í sumar á vegum
félagsmanna.
Þá gaf Búnaðarsambandið út á
árinu bókina Byggðir SnæfeOs-
ness, sem er héraðssaga og hefir
verið unnið að efni og útgáfunni
undanfarin ár. Kom bókin út í
desember og er vönduð að öllum
frágangi. Er í henni mikill fróð-
leikur um eldri tíma. Unnu margir
að efni bókarinnar úr öllum
hreppum sýslunnar. Þá eru í
bókinni margar myndir af búend-
um og býlum. Stjórn sambandsins
skipa: Gunnar Guðbjartsson,
Hjarðarfelli, formaður, Hjörtur
Gíslason, bóndi, Fossi, og Arnór
Kristjánsson, bóndi að Eiði.
Vetrarvertíð er lokið í Stykkis-
hólmi þótt einhverjir bátar haldi
áfram nokkra daga.
Hjá fiskvinnslu Þórsness h.f., en
þar lögðu 5 bátar upp, komu á land
1780 tonn. Frá áramótum til 15.
mai eru aflabrögð þessara báta
sem hér segir: Þórsnes II 595
lestir, Sif 322 lestir, Þórsnes I 313
lestir, þessir bátar voru bæði með
línu fyrri hluta og net síðari hluta.
M.b. Anna 266 lestir og m.b.
Sigurður Sveinsson 251 lest en þeir
voru síðari hlutann og aðeins á
netum.
Sumaráætlun áætlunarbifreið-
anna sem ganga milli Reykjavíkur
og Snæfellsness hófst fyrir hvíta-
sunnu og er það með allra fyrsta
móti. Farið verður frá Reykjavík
alla daga nema sunnudaga. Farið
kl. 9 að morgni nema laugardaga,
þá farið kl. 1 e.h. Suður verður svo
farið frá Stykkishólmi alla daga
nema laugardaga kl. 6 síðdegis.
Sumarvertíðin er hafin hjá
hótelinu í Stykkishólmi. Nýr
hótelstjóri er tekinn til starfa,
Guðrún Þorsteinsdóttir, og nýtt
fyrirkomulag hefir verið tekið upp.
Tekið verður á móti hópum og
einstaklingum og hefir hótelið yfir
að ráða 25 herbergjum, svefnpoka-
plássum og eins herbergjum úti í
bæ. Öll þjónusta er þarna fyrsta
öokks. Fréttaritari.