Morgunblaðið - 05.10.1978, Blaðsíða 4
44
MORGUNBLAÐIÐ, FIMMTUDAGUR 5. OKTÓBER 1978
TilÞrif á skautaboröi.
til með að taka tillit til sem allra
flestra. Við höfðum t.d. lamaða og
fatlaða í ráðum í sambandi við
hönnun hússins. Þar sem hægt er
að skipta salnum verður hægt að
skapa aðstöðu til að iðka margar
reinar og einnig gefa hliðarsalirn-
ir möguleika t.d. á lyftingum og
tækniþjálfun. Stöðugt eru að
bætast við nýjar greinar og við
reynum að hanga í öllu á lands-
mælikvarða.
— Markmiðið hjá ykkur er
sem sagt að koma þessu upp fyrir
1981?
— Það verður mikil áherzla
lögð á það og við vonum að
Akureyrarbær og ríkissjóður
styðji myndarlega við bakið á
okkur með fjárframlög. Það væri
gaman að hafa þetta að hluta
tilbúið á íþróttahátíðinni 1980,
sem ISI stendur fyrir, en það er
líklega of mikil bjartsýni.
— Kemur íþróttavöllur hjá
nýja húsinu?
— Nei, það er ekki gert ráð fyrir
því, nema aðeins handboltavöllur
og völlur fyrir minni leiki. Hins
vegar var við skipulagningu lóðar
gert ráð fyrir að allt svæðið yrði
skipulagt í heild og tillit tekið til
nærliggjandi bygginga. Gert er
ráð fyrir að Gagnfræðaskólinn fái
austurhluta svæðisins til afnota til
útivistar nemenda og að bílastæði
fyrir sundlaug verði tengd bíla-
stæðum íþróttahússins. Bílastæði
austan hússins eru áætluð fyrir
90—100 bíla, en sunnan hússins
verða leikvellir, sem nota má fyrir
180—200 híla, er þörf krefur.
*• mörg /þróttaíélög
eri; ' muí á Akureyri?
- Fyrst ber að telja Þór og KA.
h' i .jí'lagið, íþróttafélag M.A.,
i r s- og badmintonfélag Akur-
eyrar, Sjóferðafélagið, Sundfélagið
Óðin, íþróttafélag fatlaðra, ný-
stofnað íþróttafélag þroskaheftra,
Eik, og svo ýmis sérfélög.
— bið eruð að taka í notkun
nýjan íshokkívöll?
— Já, Skautafélagið tekur hann
að fullu í notkun á þessu ári, skipt
hefur verið um jarðveg, sett upp
lýsing og annað, en vélfrystingin
verður þó enn að bíða um sinn. Nú,
það er einnig verið að ganga frá
trimmbraut í Kjarnaskógi,
skammt fyrir utan bæinn.
— Markið er greinilega sett
hátt hjá ykkur?
— Já, það. vantar ekki að við
setjum það hátt og miklar fram-
kvæmdir eru fyrirhugaðar og við
teljum það munu eiga stóran þátt í
að draga úr vandamálum í sam-
bandi við unglinga, er hægt verður
að tengja æskulýðsstarf og
íþróttastarf saman. Það verður
aldrei hægt að útiloka vandamálin
alveg, en hægt að vinna að því að
draga úr þeim, eins og t.d. við
höfum gert með okkar æskulýðs-
starfi í Ðynheimum. Við gerum
okkur grein fyrir að við getum
aldrei útilokað áfengisneyslu al-
gerlega, en við viljum þá heldur
geta haft auga með unglingunum
heldur en að henda þeim út á
götuna. Nauðsyn ber til að for-
ráðamenn marki skýra stefnu í
uppeldis- og æskulýðsmálum, þau
mál mega ekki stöðugt lúta í lægra
haldi fyrir öðru og úrlausnir
þeirra mega ekki stöðugt dragast á
langinn. Slíkt kemur okkur í koll.
Þótt margt hafi verið vel gert
verður að gera enn meira á
komandi árum. Fyrsta skrefið er
íþróttahöll og útivistarsvæði,
næsta skref ætti að vera ökubraut-
ir fyrir bíla og bifhjól og þriðja
skrefið öflug og vel búin
æskulýðshöll. — ihj.
VÉLSMIÐJAN Oddi á
Akureyri hefur nú verið starf-
rækt í rúma hálfa öld var
stofnuð árið 1926. í dag starfa
um 80 manns að staðaldri hjá
fyrirtækinu í fimm þjónustu og
framleiðsludeildum og var
heildarveltan á sl. ári um 400
milljónir króna. Mbl. hitti
Jóhannes Kristjánsson fram-
kvæmdastjóra að máli fyrir
skömmu og spurði hann frétta
af framleiðslunni og starfsem-
inni.
Jóhannes sagði að fram-
leiðsludeildirnar væru tvær,
ofnadeild og bobbingadeild.
„Bobbingaframleiðslan hófst
hjá okkur fyrir 9 árum. Við
keyptum þá vélar og búnað af
Albert Sölvasyni, sem byrjaði á
framleiðslunni og höfum síðan
bætt við og endurnýjað þann
búnað og er nú svo komið að öll
tækin til framleiðslunnar eru
smíðuð hérlendis að undanskil-
inni sjálfvirkri suðuvél. Fram-
leiðslan hefur gengið mjög vel
og við gætum fyllilega fullnægt
eftirspurn hér innanlands,
okkar framleiðsla er fullkom-
lega samkeppnisfær hvað verð
og gæði snertir við innflutning
en enginn tollur er á innfluttum
bobbingum og eigum við þar í
harðri samkeppni. Virðist það
næsta óeðlilegt að innflutning-
ur á slíku sé hömlulaus er hægt
er að tryggja sambærileg verð
og gæði á framleiðslu hér
innanlands.
— Hversu marga bobbinga
framleiðið þið á ári?
— Það er nokkuð misjafnt,
eftir eftirspurn, en yfirleitt er
ársframleiðslan í kringum
2500—3000 stk, en gert er ráð
fyrir að togarar og togskip þurfi
5—6000 bobbinga á ári. Við
framleiðum bobbingana í 4
stærðum, sem henta fyrir allar
stærðir skipa og varpa og er
Rætt við
Jóhannes
Kristjánsson í
Vélsmiðjunni
Odda hf.
verðið 25—30000 kr fyrir stk.
Bobbingasalan hjá okkur á sl.
ári nam um 40 milljónum
króna.
— Þið gerðuð breytingar á
framleiðslunni á sl. ári?
— Já, við gerðum nokkuð
róttækar breytingar, er við
byrjuðum að framleiða bobb-
inga með mun breiðari og
þykkari gjörð og stálsuðu á
þrjár slitlínur. Þetta hefur
breytt afskaplega miklu í sam-
bandi við endingu og hafa
innflytjendur orðið að láta
vinna sambærilega stálsuðu á
sína vöru hér heima, því þetta
er ekki framleitt svona skert
erlendis. Við höfum mikinn
áhuga á að koma upp fram-
leiðslu á millibobbingum, sem
mikið eru notaðir, en til þess
þurfum við að koma upp stál-
steypu og höfum ekki fengið
fjármagn til þess enn. Slík
framleiðsla ætti að geta orðið
mjög hagkvæm, því að við
myndum eingöngu nota efni,
sem til félli hjá okkur við ýmis
framleiðslustörf. Áætlaður
kostnaður við þessa fram-
kvæmd er 30—50 milljónir kr
með byggingum og öllum bún-
aði og teljum við þetta mjög
álitlegt verkefni.
— Hvað er að segja um
ofnaframleiðsluna?
— Við byrjuðum á henni árið
1970. Við fáum efnið hálfunnið í
plötum erlendis frá og setjum
síðan saman og göngum frá og
hefur þetta gengið all vel og
nam salan á sl. ári 43 milljónum
króna. Framan af seldum við
nær alla framleiðsluna til
Reykjavíkur gegnum Bygginga-
vörudeild SÍS og ísleif Jónsson,
en nú fer töluvert af henni á
markað hér á Akureyri. Það er
hörð samkeppni í þessari iðn-
grein, en nú er nýbúið að setja
íslenzkan framleiðslustaðal á
þessa iðngrein og enn sem
komið er, framleiðum aðeins við
og Ofnasmiðjan eftir þessum
staðli, en fleiri munu væntan-
lega fylgja á eftir. Tölvueftirlit
með hitagjafa tryggir skv.
staðlinum að ofnarnir standast
12 kg þrýstiprófun.
— Eru einhver önnur verk-
efni framundan hjá ykkur á
framleiðslusviðinu?
— Við erum nú að athuga
möguleika á framleiðslu tækja
og búnaðar til að vinna úr
rækjuúrgangi. Þegar þessum
úrgangi er kastað í sjóinn gefur
hann frá sér kolsýring, sem
eyðir öllu lífi. Danir eru að
vinna að hönnun á slíkum
búnaði, skv. skipun frá yfirvöld-
um vegna þessarar mengunar.
Mjöl sem unnið er úr rækju og
humarskel er mjög hentugt, til
fiskeldis, en það gefur silungi og
laxi rauða litinn. Hins vegar
veldur það erfiðleikum að hér
eru aðeins tvær rækjuverk-
smiðjur, en Danir t.d. miða sinn
búnað við að vinna úr úrgangi
frá 6 verksmiðjum.
— Ef þú segðir okkur að
lokum stuttlega frá þjónustu-
deildunum?
— Við erum hér með alhliða
járnsmíða, vélsmíða, blokk- og
plötusmíðaþjónustu og vinnum
verkefni fyrir aðila á öllu
Norðurlandi svo og ýmsa aðra
aðila á landinu.
Gestur Iljaltason verkstjóri bobbingadeiidar og Jóhannes Kristjánsson við bobbingastæðu.
„Gœtum fullnœgt
allri eftirspum
eftir bobbingum "