Morgunblaðið - 10.11.1978, Blaðsíða 1

Morgunblaðið - 10.11.1978, Blaðsíða 1
32 SIÐUR itfmMUáftfö 257. t.bl. 65. árg. FÖSTUDAGUR 10. NÓVEMBER 1978 Prentsmiðja Morgunblaðsins. Forsætisráðherrar Norðurlanda: Norðurlandaráð kanni framtíðar- horfur landanna Kaupmannahöfn, 9. nóv. Frá fréttaritara Mbl. Krik A. Larsen Forsætisráðherrar Norðurlanda hafa á fundi sínuin í Kaupmanna- höf n orðið sammála um að beita sér fyrir því að á vegum Norðurlanda- ráðs verði gerð athugun á líklegri þjóðfélagsþróun á Norðurlöndum næstu tíu árin. Ráðherrarnir eru sammála um að störf ráðsins eigi í ríkara mæli en verið hefur að beinast að langtímaverkefnum sam- hliða viðfangsefnum líðandi stundar. Bretland: Stjórn Callaghans hélt velli London, 9. nóvember. Reuter, AP. BREZKA þingið samþykkti í kvöld með naumum meirihluta stefnuskrá stjórnar Callaghans sem fram kom í ræðu Elísabetar drottningar fyrir skömmu. og er stjórninni þar með tryggðuí- starfsfriður fram á næsta ár að öllu forfallalausu. Atkvæði féllu þannig í neðri málstofunni, 'að 312 þingmenn greiddu stjórn- inni atkvæði en 300 voru á móti. Þingmenn Frjálslynda flokks- ins og skozkir þjóðernissinnar gengu til liðs við Ihaldsflokkinn í þessari atkvæðagreiðslu og byggðist meirihluti stjórnarinn- ar á því að þrír þjóðernissinnar frá Wales greiddu hehni atkvæði sitt en sjö þingmenn Norður-ír- lands veittu henni hlutleysi. Ef stjórnin hefði tapað í þessari atkvæðagreiðslu hefðu orðið kosningar í Bretlandi í desember, en nú er sýnt að þær verða ekki fyrr en á næsta ári. Norrænu ráðherrarnir og for- sætisnefnd Norðurlandaráðs hafa á fundinum í Kaupmannahöfn lagt línurnar fyrir samvinnu landanna á næstunni. Samkomulag er um að ríkisstjórnir landanna verði að hafa það langtímamarkmið að halda uppi fullri atvinnu, berjast gegn verð- bólgu og koma í veg fyrir greiðslu- halla í viðskiptum við önnur lönd. Þá eru ráðherrarnir sammála um þátt- töku í ráðstefnu Evrópulanda, sem fyrirhugað er í Ósló í apríl með aðild fulltrúa launþega og vinnuveitenda auk fulltrúa ríkisstjórna. Tilefni þessarar ráðstefnu eru þær breytingar sem orðið hafa í atvinnu- lífinu í heiminum undanfarin ár og komið hafa við öll Norðurlöndin. NÝ STJÓRN í ÍRAN — Hinn nýi forsætisráðherra írans, Gholas-Reza Azhari hershöfðingi (einkennisklæddur), kynnir fintm nýja ráðherra stjórnar sinnar fyrir keisaranum, (Símamynd — AP). Gengið til móts við heittrúaða múhameðstrúarmenn í íran Teheran, 9. nóvember — AP — Reuter ÍRANSSTJÓRN fyrirskipaði í dag, að gripið skyldi til harðra aðgerða um land allt gegn óróaöflum en til að ganga til móts við múhameðstrú- armenn var ákveðið að fá leiðtoga þeirra til liðs við stjórnina við að koma á lögum og reglu í landinu. Er talið að þetta sé fyrirboði frekari eftirgjafa stjórnarinnar til handa heitttruuðum múhameðstrú- amönnum. Stjórnarandstaðan í landinu svaraði þessum ákvörð- unum með því að hvetja þá sem nú eru í verkfalli til að halda þeim áfram og jafnframt er hvatt til allsherjarverkfalls næsta sunnu- dag. Tiltölulega rólegt var í Teheran í dag og færðist lífið þar að nokkru í eðlilegt horf, m.a. hóf flugfélagið Iran Air að nýju reglubundið flug sitt. Churchill rekinn úr skuggaráðuneytínu London, 9. nóv. Reuter — AP WINSTON Churchill, sonarsyni Churchill fyrrum forsætisráðherra Breta, var í dag vikið úr forystu- sveit brezka íhaldsflokksins fyrir að hafa að engu fyrirmæli flokks- forystunnar um að sitja hjá í atkvæðagreiðslu í þinginu um efnahagslegar refsiaðgerðir gegn Rhódesíu. Churchill, sem verið hefur talsmaður fhaldsflokksins í varnarmálum og átt sæti í skugga- ráðuneytinu, var í hópi 114 íhalds- þingmanna sem greiddu atkvæði gegn áframhaldandi refsiaðgerð- um. Þingið samþykkti með 320 atkvæðum gegn 121 að refsiað- gerðunum skyldi haldið áfram í 12 mánuði en þær hófust árið 1965, þcgar hvítir menn í Rhódesíu lýstu einhliða yfir sjálfstæði landsins. Talsmaður Ihaldsflokksins í mál- efnum Norður- írlands, John Biggs-Davison, greiddi einnig at- kvæði gegn flokksforystunni í þessu máli og sagði hann af sér sæti sínu í skuggaráðuneytinu þegar að at- kvæðagreiðslunni lokinni. Talið er að Margaret Thatcher leiðtogi íhaldsflokksins verði nú að gera töluverðar breytingar á skugga- ráðuneyti sínu, en talsmaður flokks- ins í utanríkismálum, John Davies, sagði af sér fyrr í vikunni vegna veikinda. Kinn þingmanna í íranska þinginu var í dag handtekinn og sakaður um aö hafa notað aðstöðu sína til að hagnast á viðskiptum með glervörur. Handtaka mannsins er nýjasti liðurinn í þeirri baráttu sem Reza Pahlevi hefur heitið að taka upp gegn spillingu í landinu og hefur m.a. leitt til handtöku fjölmargra fyrrverandi og núverandi embættis- manna og endurskoðunar á fjárhag og eignum keisarafjölskyldunnar. Leiðtogi írönsku stjórnarandstöð- unnar, Karim Sanjaby, var í dag væntanlegur heimleiðis frá París og er ekki talið ólíklegt að hann muni eiga fund með keisaranum eftir heimkomuna. Keisarinn er sagður hafa haft áhuga á að fá Sanjaby og fleiri stjórnarandstæðinga til að mynda samsteypustjórn með stuðn- ingsmönnum núverandi stjórnar. Sanjaby hefur ekki krafizt afsagnar forsetans eins og margir aðrir andstæðingar hans. Fréttamanni UPI-fréttastofunnar í íran var í dag vísað úr landi. Honum er gefið að sök að hafa flutt afbakaðar fréttir af atburðum í landinu. Áður hafði einum brezkum fréttamanni verið vísað úr landi fyrir sömu sakir. Amín býðst til að draga her sinn heim Dar es Salaam, 9. nóvember. AP. Reuter. IDI AMIN Úgandaforseti kvaðst í dag fús til að kalla á brott herlið sitt frá Tanzaníu gegn loforði stjórnarinnar þar um að senda hvorki herlið sitt inn í Úganda né leggja útlögum þaðan til vopn. Kvað Amin nauðsynlegt að Ein- ingarsamtök Afríkuríkja gengju í ábyrgð fyrir Tanzaníumenn áðttr en hann kallaði hermenn sína heim. Talið er að nú séu millí työ og þrjú þúsund hermenn frá Úganda innan landamæra Tanz- aníu og hafi þeir á valdi sínu 1800 ferkílómetra landsvæði. Julius Nyerere forseti Tanzaníu sagði í dag að tilboð Amins væru lygar einar og að sér bæri skylda til að reka árásaraðilann af höndum sér. Forsetinn fór háðu- legum orðum um sáttatilboð ann- arra Afríkuleiðtoga og skoraði á þá að reyna frekar að fá Amin til að hunzkast frá Tanzaníu með allt sitt lið. Talið er að um tíu þúsund manna lið Tanzaníu bíði eftir hentugu tækifæri til að ráða niðurlógum innrásarliðsins, enda hefur Nyerere heitið því að láta brátt til skarar skríða og láta ekki undan síga, fyrr en „við höfum losnað við þennan snák", eins og hann orðaði það nýlega. „Villimannslegt ofbeldi" — segir páfínn um morðið á ítalska saksóknaranum Róm, 9. nóvember. AP. Reuter. ítalska lögreglan leitaði í dag ákaft að morðingjum Fedelc Calvosa saksóknara og tveggja lífvarða hans, en menn- irnir þrír voru skotnir til bana í bíl í gærmorgun. Einn árásar- mannanna lét lífið í árásinni og er talið að hann hafi óviljandi særzt í skothríð félaga hans og þeir síðan aflífað hann áður en þeir hlupust á brott. Maður þessi hét Roberto Campone og var 24 ára gamall fyrrum þjóðfélagsíræðistúdcnt. Sérfræðingar lögreglunnar í skæruhernaðarmálum sem þessu yfirheyrðu í dag fjöl- skyldu og vini Campones, en ekkert var látið uppi um hver árangur þeirra yfirheyrslna var. Talið er að Campone hafi stjórnað litlum hópi skæruliða i Napoli og nágrenni en þar um slóðir og annars staðar á Suður-ítalíu hefur til þessa verið afar lítið um skæruliða- árásir gegn embættismönnum á borð við morðið á Calvosa í gær. Sandro Pertini forseti ítalíu fordæmdi árásina á Calvosa harðlega í dag en skoraði jafnframt á ítali að láta ekki bugast af harmi vegna atburða sem þessara og hét því að stjórnvöld myndu bregðast við af öllu afli. Jóhannes Páll páfi 2. harmaði í dag „þetta villimennskulega ofbeldi". Calvosa saksóknari var ekki þekktur fyrir stjórnmálaskoð- anir sínar og er sagður hafa litið á starf sitt í borginni Frosinone á Suður-ítalíu sem hálfgert eftirlaunastarf fjarri ofbeldinu, sem vofað hefur yfir mónnum í hans starfi á Norður-ítalíu.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.