Morgunblaðið - 08.12.1978, Síða 21

MORGUNBLAÐIÐ, FÖSTUDAGUR 8. DESEMBER 1978
53
skattstofa, sem sinntu störfum
sínum af samvizkusemi. En sam-
hliða frumvarpi sem þessu þyrfti
að liggja fyrir, hver væri kostnað-
arauki, er af því leiddi. Hann
minnti á kenningu um „báknið
burt“ sem yngri menn bæði í
Alþýðu- og sjálfstæðisflokki hefðu
gert að sinni. Frumvarp þetta væri
naumast í samræmi við hana. —
Er meiningin að fylgja þessu
frumvarpi eftir með tillögu um
tilheyrandi útgjöld á fjárlögum —
eða er hér aðeins ein sýndar-
mennskan enn á ferðinni?
Kappreiðar á
skattaskeiövelli
Páll Pétursson (F) sagði Al-
þýðubandalagið hafa orðið í fyrsta
sæti í kappreiðunum á skatta-
skeiðvellinum. Ólafur Ragnar
Grímsson hefði komið fyrstur í
mark á fáki ,herferðar gegn
skattsvikurum". I öðru sæti væri
Vilmundur Gylfason á þessu frum-
varpi. En hvað líður flokksbróður
mínum, Jóni Helgasyni, formanni
skattanefndar ríkisstjórnarinnar,
spurði PPé, kemur hann ei senn?
Sennilega fengju þeir Framsókn-
armenn þó knapaverðlaunin.
PPé sagði skattstofur vinna gott
verk, oft við erfiðar aðstæður, sem
sjálfsagt væri að bæta úr. Skatt-
svik væru efalítið á ferð í flestum
greinum þjóðfélagsins. Þar þyrfti
að bæta framkvæmd fremur en
löggjöf. Að lokum vitnaði PPé til
orðalags í 4. gr. frv. Ól. R. Gr. þar
sem talað væri um „að aldrei
fengist botn í allsherjaruppræt-
ingu tiltekinna afbrota". Ætli svo
verði ekki enn um sinn, sagði
hann.
Skattalögreglan
Halldór Ásgrímsson (F) sagði
m.a. að bætt skipan hefði komið á
þessi mál í kjölfar Skattalögregl-
unnar upp úr 1960. Hugarfars-
breyting hefði fylgt í kjölfar
þeirrar skipunar, þó meiri hefði
mátt vera og viðvarandi. HÁs
sagði mikilvægast að efla frumstig
athugana á þessum vettvangi,
sjálfar skattstofurnar, hið daglega
eftirlit. Vitnaði hann til nýrra
laga um hlutafélög frá liðnu þingi,
þess efnis, að þau þyrftu framveg-
is að láta löggilta endurskoðendur
skrifa upp á ársreikninga sína.
Það ákvæði yrði efalítið til bóta
eða aðhalds. Hás taldi mikiivægar
að efla framkvæmd núverandi
skattalaga og eftirlits en standa í
sífelldum lagabreytingum. Einnig
væri athugandi, hve langt ætti að
ganga í upplýsingasöfnun um
einkahagi manna.
Harma afstöðu
dómsmálaráöherra
Vilmundur Gylfason (A) harm-
aði afstöðu dómsmálaráðherra, þó
að vitað hefði verið um áherzlu-
mun stjórnarflokkanna til þessa
máls. Hann sagði 75 m.kr. í
fjárlagafrumvarpi til þessara
mála, sem nýta mætti til að bera
uppi kostnað við frumvarpið, ef að
lögum yrði. Hann vitnaði og til
þess að skattrannsóknastjóri hefði
lýst stuðningi við slíkan skatta-
dómstól, sem í frv. fælist, í
sjónvarpsþætti. Hann sagði og að
allir sæju þann mun sem væri á
uppgefnum tekjum og eyðslu
fjölmargra í þjóðfélaginu. Þar
kæmi neðanjarðarhagkerfið við
sögu. Gagnrýni AG hefði verið
með blaðurseinkennum. Heppilegt
væri að færa rannsókn og dómstól
undir einn hatt dómsmálaráðu-
neytis.
— Ræðumenn, sem að framan
getur, tóku flestir til máls oftar en
einu sinni. Gagnrýnendur frv.
töldu V.G. í hlutverki smalans,
sem hrópaði úlfur, úlfur (Páll
Pétursson) en hann svaraði því til
að þessi úlfur hefði etið hálfan
þingflokk Framsóknar. Fleiri
atriði í léttum tón blönduðust inn í
umræður, án þess að koma mála-
vöxtum beinlínis við.
Þingfréttir i stuttu máli:
Sérstakur skattur á heita-
vatnsverð Reykvíkinga?
Svava Jakobsdóttir (Abl)
spurðist fyrir um það í Sameinuðu
þingi sl. þriðjudag, hvað liði
framkvæmd þingsályktunar frá í
maí 1975 um samningu frumvarps
um atvinnumál aldraðra.
Magnús H. Magnússon,
félagsmálaráðherra, sagði að
forveri sinn hefði reifað þessi mál
bæði við ftr. frá ASÍ og VÍ, og
safnað saman upplýsingum um
fyrirkomulag þessara mála á
Norðurlöndum. Þar væri ekki í
gildi sérstök löggjöf í þessu efni.
Að því hefði verið stefnt að skipa
sérstaka nefnd í úttekt þessa
máls, og hefði forstöðumönnum
ASÍ og VÍ verið falið að kanna
undirtektir þess í sínum samtök-
um. Þar hefðu mál ekki verið rædd
að ráði, utan það er snerti
lífeyrismál. MHM sagðist hafa
áhuga á að skoða málið betur en
það ætti fullan rétt á sér.
Svava Jakobsdóttir taldi svarið
sótt í skúffur ráðuneytis og ylli
það sér vonbrigðum. Og ég sem
hélt að það hefðu orðið stjórnar-
skiptf; sagði hún.
Svavar Gestsson, viðskiptaráð-
herra, svaraði í gær fyrirspurn
frá Helga F. Seljan (Abl) um
þróun og raungildi olíustyrks.
Kom fram í svari hans, að
olíustyrkur hefði verið um 60% af
hitunarkostnaði 1974 en væri nú, í
september 1978, aðeins 20%.
Fjöldi þingmanna tók til máls um
þetta efni. Kjartan ólafsson (Abl)
sagði það kosta strjálbýlismann,
er nýtti olíu til húshitunar,
fimmfalt meira að hita húsnæði
sitt en Reykvíking, er nyti Hita-
veitu Reykjavíkur. Halldór Ás-
grímsson (F) sagði nú til staðar
1% innflutningsgjald á húshitun-
arolíu, er samsvaraði 10% skatti á
heitavatnsverð í Rvík. Er við-
skiptaráðherra reiðubúinn að
leggja slíkan skatt á Reykvíkinga
til að jafna húshitunarkostnað í
landinu, spurði hann. Pálmi Jóns-
son (S) sagði stjórnarliðum
sæmra að sýna hug sinn í verki í
þessu efni við afgreiðslu fjárlaga
fyrir næsta ár, en í fjárlagafrum-
varpi lækkaði fjárveiting í krónu-
tölu til olíustyrks, þrátt fyrir
verðþróun milli ára. Fleiri þing-
menn tóku til máls í umræðunni.
Kjartan Jóhannsson, sjávarút-
vegsráðherra, svaraði fyrirspurn
frá Karli St. Guðnasyni (A) um
vandamál frystihúsa á Suðurnesj-
um. Ráðherra sagði m.a. að hér
væri spurt um sama efni og hjá
Eiríki Alexanderssyni (S), en
skriflegu svari við fyrirspurn hans
yrði dreift í þinginu fljótlega.
Nýleg könnun á vanda frystihúsa
á svæðinu Grindavík—Vogar, en
þar væru 24 frystihús, hefði leitt í
ljós, að 9—11 frystihús á þessu
svæði væru burðarásar atvinnu-
lífs á svæðinu, með 80% freðfisks-
framleiðslunnar þar. Höfuðatriðið
væri, atvinnulega séð, að halda
þeim gangandi. Til þess þyrfti að
koma: 1) fjárhagsleg endurskipu-
lagning, 2) tæknilegar úrbætur, 3)
úrbætur á stjórnunarsviði og 4)
hráefnisjöfnun eða miðlun. Auka
þyrfti hlutdeild togara í hráefnis-
öflun á kostnað bátaútgerðar. —
Einnig drap ráðherra á sameigin-
lega reiknistofu og ráðgjöf. Inn í
þetta dæmi kæmi og ráðstöfun
gengismunar frá síðustu gengis-
lækkun.
Nokkrir þingmenn tóku til máls.
Eiríkur Alexandcrsson (S) taldi
svör ráðherra almenn og óljós.
Hvergi væri nálægt komið stöðu
saltfiskverkunar né skreiðar, sem
væru mikilvægir þættir fisk-
vinnslu á Suðurnesjum. Hér væri
ástand mála allt orðið á þann veg
að ekki dygðu vettlingatök, heldur
markvissar aðgerðir, til að tryggja
eðlilegt ástand í atvinnu og
afkomu fólks á þessu landssvæði,
sem óneitanlega hefði dregizt
aftur úr.
Ólafur Jóhannesson, forsætis-
ráðherra, svaraði fyrirspurn frá
Pálma Jónssyni (S), hvað liði
störfum byggðanefndar frá 1973,
hvort hún ekki skilaði senn af sér.
Ráðherra sagði drög að loka-
skýrslu liggja fyrir hjá formanni
(Steingrími Hermannssyni). Fall-
ist nefndin á þessi drög má búast
við áliti hennar fyrir áramót nk.
Byggðasjóður hefur staðið straum
af kostnaði við nefndina, sem
einkum er vegna
sérfræðikostnaðar. Pálmi Jónsson
sagði ekki vansalaust, hver
dráttur væri orðinn á störfum
nefndarinnar. Sýndi hann hvorki
áhuga á byggðamálum né virðingu
fyrir Alþingi, er falið hefði
nefndinni sérstakt verkefni. Ef
ekki sæi fljótt greinargerð hennar
þyrfti e.t.v. að fela viðfangsefnið
nýjum aðilum.
• Fiskvinnsla á Suðurnesjum í vanda stödd. • Fjárlagafrumvarp rýrir
olíustyrk. • „Hélt það hefðu orðið stjórnarskipti,“ sagði Svava
Jakobsdóttir. • Byggðanefnd sein í svifum.
AUGtfSlNGASIOFANMri!
Staður hagslæðra
slórinnkaupa

Kjöt, mjólk, brauð, pakkavörur
og niðursuðuvörur. Pappírsvörur,
kerti-leikföng og gjafavörur.