Morgunblaðið - 15.12.1978, Page 2
34
MORGUNBLAÐIÐ, FÖSTUDAGUR 15. DESEMBER 1978
Enginn veit hve margir haf a týnt lífinu úti á
reginhafi. En bátskeljar þessa örvæntingarfulla
og útskúfaða fólks eru ekki alltaf björgulegar.
Útskúfaða
fólkið
sem enginn
vildi
taka við
verulegu marki brugðið við flótta-
fólkinu til hjálpar. Bandaríkja-
menn veita um 25.000 Vietnambú-
um viðtöku árlega, en Frakkar um
það bil 12.000 manns, og bæði
löndin hafa bundið landvistarleyfi
hjá sér þeim takmörkunum, að
aðeins sé veitt viðtaka þeim
vietnömsku flóttamönnum, sem
búi við ömurlegustu og alverstu
skilyrðin.
Ástralía, Kanada og
Vestur-Þýzkaland veita aftur á
móti færri en samt umtalsverðum
fjölda vietnamskra flóttamanna
landvist.
En viðbrögð hinna auðugri
þjóða til hjálpar vietnömsku
flóttamönnunum hafa ekki náð
lengra. Samþykki viðkomandi
þjóðlanda við að veita flóttamönn-
um viðtöku kemur dræmt og það
tekur allt langan tíma. í hvert
sinn, sem hópi vietnamskra flótta-
manna er veitt viðtaka í einhverju
ofangreindra landa, hefur heildar-
vandamálið vaxið á meðan og
breiðst langt út fyrir þau mörk,
sem lausnirnar eiga að ná. Síðast-
liðinn mánuð lentu yfir 20.000
„báta-manna“ frá Vietnam í
Malaysíu einni, — en það er meiri
fjöldi heldur en unnt hefur verið
að koma fyrir til frambúðar á
Vesturlöndum síðastliðin þrjú ár.
íbúar Suðaustur Asíu eru fyrir
löngu orðnir þreyttir og leiðir á
hinum háværu röddum Vestur-
landabúa, sem sífellt eru með
siðferðilegar prédikanir og
ofanígjafir við íbúa annarra
heimshluta. Þessar þjóðir hafa
einmitt komizt að raun um furðu-
lega mikla og sérstæða hræsni,
sem bezt kemur í ljós í því breiða
bili, sem er á milli hinna alvöru-
þrungnu yfirlýsinga stjórnvald-
anna í Washington um helgi
mannréttinda, og svo viðbröðg
sömu stjórnvalda við að koma
flóttamannaskaranum frá Viet-
nam til hjálpar.
Brian Eads.
Örmagna af þreytu og langri vosbúð fellur flóttafólkið í
svefn í einni kös á gólfinu í hásetaklefa björgunarskips-
ins. Þetta fólk reyndist vera á aldrinum frá eins mánaðar
til 78 ára.
Skipstjórinn á björgunarskipinu „Colloa'der Bangkok“ bendir
flóttamönnum að stíga um borð í smábáta undan strönd
Malaysíu, svo að fólkið hafi möguleika á að fá bráðabirgðahæli
sem flóttamenn í því landi. Komi það með stóru skipi til hafnar í
Malaysiu, er flóttafólkið umsvifalaust sent aftur til Vietnams.