Morgunblaðið - 17.08.1979, Blaðsíða 10

10
MORGUNBLAÐIÐ, FÖSTUDAGUR 17. ÁGÚST 1979
562 sæta
Boeing-vél
Eitt af því sem tekur einna örustum breytingum í dag eru flugvélar. Þar
er Boeing 747 engin undantekning. Á meðfylgjandi mynd má sjá að
upphaflega útgáfan hefur bæði verið minnkuð og stækkuð. Nú hefur
verið hönnuð 562ja sæta vél þar sem m.a. er gert ráð fyrir 70 sætum á
efri hæðinni. Forsenda tækniframfaranna er hins vegar trygg sala fyrri
framleiðsluvara. Nýlega afhentu Boeing-verksmiðjurnar 1500 vélina af
gerðinni B-727 og var það Unitedairlines sem fékk þá vél, eina af 200
sem þeir hafa fengið á um 11 árum. Svo virðist sem vinsældir þessarar
vélar séu enn allmiklar því í dag eru um 200 í pöntun hjá
verksmiðjunum.
Nýjung
í vöru-
flutningum
Vöruflutningar taka stöðugt framförum. Nú nýlega eru
komnir á markaðinn flutningavagnar sem bæði eru á
venjulegum hjólbörðum og járnbraiitarhjólum. Ætti
þetta að einfalda alla vörumeðferð þar sem það á við.
Aukast þjóðartekjurnar
ekkert á næsta ári?
Þjóðarframleiðslan í Svíþjóð, Danmörku, Noregi og
Finnlandi mun í heild aukast um 4% á þessu ári á
móti 2,4% á því síðasta. A næsta ári er gert ráð fyrir
3,75%< aukningu þjóðarframleiðslunnar í þessum
fjórum löndum í heild. Samsvarandi tölur fyrir
ísland eru 4,1% 1978, 2% 1979 ogO—1% 1980. Þessar
tölur segja þó ekki allt um hversu mikið er til
ráðstöfunar á hverju ári. Það sem vantar er að taka
tillit til áhrifa viðskiptakjarabreytinga og þar sem
þau hafa verið okkur afar óhagstæð að undanförnu
má gera ráð fyrir því að raunverulega verði um
samdrátt að ræða hjá okkur á næsta ári.
Flugleiðir í Þýskalandi:
Samdráttar hefur orð-
ið vart í fyrsta skipti
Samskipti íslendinga og Þjóð-
verja á sviði flugmála standa á
gömlum merg. Til að afla frétta
um þróun þessara mála ræddi
Viðskiptasíðan við Werner
Uoenig framkvæmdastjóra Flug-
leiða í Hamborg. Hann sagði að
Loftleiðir hefðu flogið til Ham-
borgar á árunum milli
1953—1963 og Flugfélagið flaug
þangað á árunum 1955—1961.
Byggðist þetta flug á loftferða-
samningi Þjóðverja og íslend-
inga sem kveður á um allt að 6
ferðir á sumrin og fjórar ferðir
að vetri. í dag fljúga vélar félags-
ins til Frankfurt og Dtisseldorf
að sumrinu. Hafa þessir áfanga-
staðir reynst vinsælir bæði hjá~~
Þjóðverjum og íslendingum.
Meginverkefni hinna 46 starfs-
manna okkar hefur þó verið
tengt markaðsöflun í sambandi
við N-Atlantshafsflugið frá
Luxemburg og höfum við m.a.
eigin skrifstofur í Frankfurt,
Diisseldorf og í Vín í Austurríki.
Auk þessara landa nær markaðs-
svæði Hamborgarskrifstofunnar
til Austur-Evrópulandanna og
hafa samskiptin við þau ávallt
verið hin beztu.
Hr. Werner Hoenig
Hver hefur þróunin verið á
N-Atlantshafsflugleiðinni á þessu
ári? Allt fram á þetta ár jókst
fjöldi farþega á þessari leið en nú
hefur samdráttar orðið vart. Aðal-
orsök þess er aukið frjálsræði sem
fylgt hefur í kjölfar breyttrar
stefnu Bandaríkjastjórnar en
þetta hefur gengið út í öfgar. Er
nú svo komið að fargjaldatekjur
félaganna duga ekki fyrir útgjöld-
um. Olíuhækkunin og stöðvun
DC-10 vélanna í upphafi háanna-
tímans hafur svo leitt til enn verri
skilyrða. Einnig má geta þess að
nýlega hófst beint flug milli Var-
sjár og New York og einnig milli
Prag og New York. Hefur því
farþegum frá Austur-Evrópu
fækkað verulega. En sem betur fer
hefur þróunin ekki verið öll í
þessa átt og má nefna sem dæmi
að farþegum Air Bahama frá
Þýskalandi hefur fjölgað um 400%
á þeim 10 árum sem boðið hefur
verið upp á Bahamaeyjar sem
áfangastað. Einnig hefur ferða-
pakka sem við köllum „litlu
heimsferðina" verið mjög vel tek-
ið. Þá er farið til íslands, Banda-
ríkjanna og Bahamaeyja og geta
ferðamennirnir stoppað misjafn-
lega lengi á hverjum stað og
ferðast t.d. um Bandaríkin að
eigin ósk. Fólki hefur þótt at-
hyglisvert að geta verið í snjó í
Reykjavík, rigningu í New York og
sól á Bahamaeyjum en einnig
hefur lág staða dollarans styrkt
stöðu okkar á markaðinum sagði
Hr. Hoenig.
Lífleg fasteignasala
Til að grenslast fyrir um
hvernig ástandið væri á fast-
eignamarkaðinum f dag ræddi
Viðskiptasíðan við fulltrúa
þriggja fasteignastofa í Reykja-
vík.
Þorsteinn Steingrfmsson hjá
Fasteignaþjónustunni sagði að
salan hefði verið mjög góð í sumar
og t.d. hefði júlí aldrei verið betri.
Hann sagði að salan væri jöfn í
öllum stærðum íbúðarhúsnæðis og
einnig væri töluverð hreyfing á
atvinnurekstrarhúsnæði. Við
höfum ekki orðið varir við að fólk
haldi að sér höndum vegna vaxta-
breytinganna að undanförnu sagði
Þorsteinn að lokum.
Ágúst Hróbjartsson hjá fast-
eignasölunni Samningar og fast-
eignir sagði að venjan væri sú að
sumrin væru daufasti tími ársins
og væri svo einnig nú. Annars er
mjög mikil eftirspurn eftir íbúð-
arhúsnæði í dag en framboðið
aftur á móti lítið. Ágúst nefndi
sem dæmi að 115 mz íbúð með
bílskúr hefði kostað um 15 millj.
kr. fyrir um ári en í dag væri
verðið komið upp í um 26 millj. kr.
og þrátt fyrir þessa 73% hækkun
væri útkoman lélegri í ár en í
fyrra. Það er athyglisvert að það
er ríkið sjálft sem býr til þessa
miklu hækkun með t.d. alltof
mikilli hækkun brunabótamats á
milli ára, sagði Ágúst Hróbjarts-
son.
Gunnar Þorsteinsson hjá
Laufási sagði að mikið hefði verið
að gera hjá þeim í júní en síðan
hefði dregið úr eftirspurninni í
júlí. Hins vegar finnst mér vera að
lifna yfir þessu aftur núna. Ég
reikna fastlega með að væntanleg-
ar breytingar á skattalögunum
þar sem kveðið er á um verðtrygg-
ingu eftirstöðva af íbúðarverði
muni leiða til eðlilegs viðskipta-
ástands á þessum markaði. Það
má segja að þar séu bæði hags-
munir kaupenda og seljenda
tryggðir því samfara verðtrygg-
ingunni mun útborgunin lækka.
Með tilliti til þessa lízt mér bara
vel á framtíðina sagði Gunnar.
Útflutningur sjávarafurða til V-Þýskalands:
Aukin samkeppni
frá Kanadamönnum
í yfir tvo áratugi hefur
Sambandið starfrækt
skrifstofu í Hamborg. í
samtali er Viðskiptasiðan
átti við Gylfa Sigurjónsson
framkvæmdarstjóra Ham-
borgarskrifstofunnar kom
fram að hún starfar bæði
sem innkaupa- og sölu-
skrifstofa. Auk Gylfa
starfar Ragnar Sigurjóns-
son á skrifstofunni og
tveir ritarar. Hann sagði
að helztu útflutningsvör-
urnar væru lambakjöt, ull-
arfatnaður, hestar og
sjávarafurðir.
A undanförnum árum
hefur verið unnið mark-
visst að því að kynna
lambakjötið og finna því
góðan markað. Kjötneyzlan
á hvern íbúa í V-Þýska-
landi hefur aukist úr 81 kg
1976 í 89,2 kg 1978 en því
miður er hlutur lamba-
Gylfi Sigurjónsson framkvæmda-
stjóri, Ilamborg.
kjötsins aðeins 800 gr. og
hafði aukist úr 600 gr. 1976.
Að þessu leyti hefur þróun-
in verið jákvæð en við
höfum ekki getað verið
samkeppnisfærir í verði.
Hér er miðað við heims-
markaðsverð en það ræðst
aðallega af verði nýsjá-
lenska kjötsins. Vegna
þessa hefur hlutur okkar
verið hverfandi þegar litið
er á markaðinn í heild.
Vaxandi áhugi er á íslenska
hestinum á meginlandinu
og einnig stefnir í rétta átt
með útflutning ullarfatn-
aðar. Hins vegar hefur orð-
ið vart vaxandi samkeppni
í sölu sjávarafurða. Bæði
við sölu á frystri síld og
grásleppuhrognum höfum
við orðið varir við það að
Kanadamenn bjóða þessar
vörur á lægra verði og mun
því salan á grásleppu-
hrognum verða með minna
móti í ár. Það er athyglis-
vert hvað Kanadamenn í
skjóli ríkisstyrkts sjávar-
útvegs eru orðnir stórtækir
útflytjendur sjávarafurða
og eru að verða sífellt
hættulegri keppinautar
fyrir okkur, sagði Gylfi
Sigurjónsson að lokum.