Morgunblaðið - 17.08.1979, Side 25

25
toORG UNBLAÐIÐ, FÖSTUDAGUR 17. ÁGÚST 1979
fclk í
fréttum
í Downing strœti númer 10
* Hinn Þeldökki forsstisráðherra Zimbabwe — Rhodesíu, Abel Muzorewa biskup, kom fyrir nokkru til
Bretlands, til að ræða við frú Thatcher forsætisróðherra og Lord Carrington utanríkisráðherra um að
aflétta viöskiptabanni Breta á land hans. Þegar hann hvarf af fundi Bretanna ku biskupinn ekki hafa
verið alveg vonlaus um breytta stefnu og vinsamlegri af hálfu Breta. — En ekki voru margir dagar liðnir
er Afríkuríki innan vébanda brezka samveldisins sögöu aö brezka stjórnin myndi mæta harðri afstöðu
gegn slíku uppátæki frá Afríku löndum.
Sóru eið og riðu af stað
+ Amerískir hestamenn, tíu talsins, lögðu fyrir nokkru upp í langferð til minningar um gamalkunna
landpóstaleið, nær 2000 mílna langa, frá bænum St. Josep í Montanafylki og suöur til borgarinnar
Sacramento í Kaliforníu. — Áður en ferðin hófst voru hestamennirnir látnir sverja eið par sem peir
meðal annars hétu Því aö Þeir myndu ekki bragða áfengi á leiöinni, sem taka mun um sex vikur, eða
setjast aö fjárhættuspili. Hverjum manni var síðan afhent eintak af Biblíunni, til að hafa með sér á hinni
gömlu póstleiö.
EF ÞAÐ ER
FRÉTTNÆMT
ÞÁ ER ÞAÐ í
MORGUNBLAÐINU
r
Umferðarnefnd Ibúasamtaka
Þingholtanna:
Eftirmáli við
bruna að Þing-
holtsstræti 23
íbúasamtök Þingholtanna hafa
um alllangt skeið unnið að því að
fá afnumda tvístefnu á götuspott-
anum milli Bókhlöðustígs og
Spítalastígs, þótti okkur sem við-
brögð borgaryfirvalda við þessari
sjálfsögðu beiðni yrði einskonar
prófmál á samstarf íbúasamtak-
anna og borgaryfirvalda á sviði
gatnamála í framtíðinni. Það er
skemmst frá að segja, að Umferð-
arnefnd Reykjavíkurborgar tók
óskir okkar fyrir og gaf jákvæða
umsögn. Það þýðir væntanlega, að
framkvæmdin á ekki að vera
vandkvæðum bundin. Síðan fer
málið til Borgarráðs og þar slátr-
ar „vinstri meirihlutinn" tillögum
okkar. Okkur sem höfum starfað
að umferðamálum á vegum íbúa-
samtakanna þykir hart að una því
að lýðræðið sé þannig fótum
troðið. Eða hver getur betur sagt
um ástand mála en það fólk sem
býr við umtalaðar götur? En þrátt
fyrir undirskriftir og bréf var
erindi okkar neitað.
Þingholtsstræti 23
brennur og spottinn
kemst óvænt í fréttir
Síðastliðið sunnudagskvöld
kemur upp eldur í húsi nr. 23 við
Þingholtsstræti. Eldurinn var orð-
inn mjög magnaður, húsið nær
alelda þegar slökkvistarf hófst.
Við vorum þarna nokkur úr íbúa-
samtökunum með þeim fyrstu á
vettvang af þeirri einföldu ástæðu
að við búum í næsta húsi. Okkar
fyrsta verk eftir að hafa hringt á
brunaliðið var að fara út á götu og
koma bílum í burtu sem höfðu
bókstaflega lagt við brennandi
húsið. Og þar með er umdeildur
spotti kominn aftur í fréttirnar.
Við staðhæfum nefnilega að það
umferðaröngþveiti sem ríkir ein-
mitt á þessum stað, átti stóran
þátt í að tefja slökkvistarfið. Við
leyfum okkur að vitna beint í
varaslökkviliðsstjóra: „Gunnar
varaslökkviliðsstjóri kvartaði
mjög undan því að erfitt hafi verið
að komast að húsinu er meira lið
var kallað á staðinn vegna bfla og
fólksfjölda á nærliggjandi götum.
Nú er rétt að benda á það að
bruninn átti sér alls ekki stað á
þeim tíma dags sem mest er
umferð um spottann umdeilda.
Hvernig hefði slökkviliðinu þá
gengið að komast að hinu brenn-
andi húsi? Við eigum bágt með að
trúa öðru en þeir aðilar sem felldu
erindi okkar í Borgarráði, hafi
vonda samvisku þessa dagana.
Falsar slökkviliðið
bækur sínar?
Á fundi sem umferðarnefnd
samtakanna hélt kvöldið eftir
brunann, lýstu fundarmenn yfir
undrun sinni á þeirri fullyrðingu
að slökkviliðið hafi verið þrjár
mínútur á staðinn. Jafnvel Dag-
blaðið sem á sínum tíma gagn-
rýndi fréttaflutning erlendra aðila
í fiskveiðideilunni við Breta sér
enga ástæðu til að rengja „bækur
slökkviliðsins". Ja, það eru merki-
legar bókmenntir það. Félagar
okkar í íbúasamtökunum fullyrða
að liðnar hafi verið allt að tíu
mínútur, ef ekki meira, þar til
slökkviliðið kom á staðinn og talað
er um fimmtán mínútur þar til
slökkvistarf hófst af fullum krafti.
Eins og áður er sagt er augljóst að
umferð bíla og manna tafði
slökkviliðið. Við skiljum hins veg-
ar ekki hvaða ástæðu slökkviliðs-
menn hafa ti! þess að vera að
rugla með þrjár mínúturnar. Sér-
staklega viljum við í íbúasamtök-
unum undirstrika af hve miklu
fumleysi og vaskleik slökkviliðs-
menn gengu fram. Enda var eldur-
inn slökktur á skömmum tíma. Á
hinn bóginn verður að draga
lærdóm af bruna sem þessum, og
ef eitthvað á að lærast þá verða
allar staðreyndir að vera á hreinu.
Okkur í íbúasamtökunum þykir
sýnt að öryggismál séu ekki í nógu
góðu lagi í hverfinu. Hvað hefði
t.d. gerst hefði húsið sem brann
verið fullt af fólki í stað þess að
standa autt? Hvað hefði gerst ef
brunnið hefði á þeim tíma þegar
mest er umferðin á spottanum, og
í þokkabót hefði verið austan rok?
Það er álit okkar að öryggismál
hverfisins þurfi að endurmeta,
bæði með tilliti til aukinnar um-
ferðar um hverfið og aukinnar
búsetu barnafólks. Nr. 23 hefur
brunnið áður og hér á næstu
slóðum hafa brunnið mörg hús.
Okkur þykir því vera kominn tími
til að þessi mál séu endurskoðuð.
Þá þykir okkur fróðlegt að fá að
heyra eitthvað frá slökkviliðs-
stjóra eða varamanni hans, um
það hvort lið þeirra hefur nóg
vatn ef hér yrði stórbruni. Við
heyrðum nefnilega ekki betur en
að slökkviliðsmenn kvörtuðu und-
an vatnsleysi. Og hvers vegna,
með leyfi að spyrja, var brunahan-
inn við húsið nr. 23 ekki notaður
fyrr en á lokastigi slökkvistarfs-
ins?
Stefna borgarstjórnar
Það er yfirlýst stefna borgar-
stjórnar að stuðla að aukinni
búsetu í gömlu hverfunum. En við
fáum ekki séð að þeir háu herrar
sem ráða málum, meti það mikils
að fólk setjist að í gamia bænum.
Alla vega hefur engu verið hnikað
til í umferðarmálum þrátt fyrir
bænaskjöl og bréf. En á sama
tíma og við erum að drukkna í
umferð, sem er hverfinu alls óvið-
komandi, er verið að leyfa ný
fyrirtæki í hverfi okkar sem allir
vita að kalla á aukna bílaumferð.
Okkur virðist því sem stefna
borgarstjórnar um að auka og
þétta byggð í gömlu hverfunum
hafi ekki verið hugsuð til enda.
Að lokum viljum við skora á
ráðamenn í umferðarnefnd, í um-
ferðarráði, hjá Þróunarstofnun
Reykjavíkurborgar, í borgarráði
og borgarstjórn og skoða nú hug
sinn. Eigum við sem byggjum
gamalt hverfi ekki sama rétt og
aðrir borgarbúar til nokkurs
öryggis og næðis?
Umferðarnefnd
íbúasamtaka
Þingholtanna