Morgunblaðið - 30.03.1980, Side 27

MORGUNBLAÐIÐ, SUNNUDAGUR 30. MARZ 1980
27
að grípa til góðra ávaxta. Búð-
irnar bjóða upp á ýmsa girnilega
og framandi ávexti, sem tilvalið
er að borða til hátíðabrigða. Þar
nægir að nefna ananas. Nú, svo
má laga eitthvað sérstakt, og
hver hefur þá á móti fljótlegu og
einkar frískandi sítrónukremi?
Lambakjötspottur
(Handa sex)
Bezt er að nota mjög meyrt og
fínt kjöt. Þar er auðvitað kjöt af
læri alveg pottþétt. Það er þó
e.t.v. smá fyrirhöfn að skera
utan af því, og heilt, úrbeinað
læri er nokkuð stór skammtur. í
Kjötbúð Suðurvers má fá kjöt af
læri, sem notað er í schnitzel, en
án þess að það hafi farið í vél,
sem tætir kjötið og sem ég hef
áður talað um. Þetta kjöt hjá
þeim er hæfilega hangið og
einkar fínn matur. Ég sá einnig
að Kjötmiðstöðin auglýsir inn-
anlærisvöðva, sem ætti að henta
vel. Sláturfélagið býður stundum
upp á kindalundir eða -filé, sem
er fyrirtak. Þarna er því hægt að
fá beinlausa og mjög meyra bita.
Það þarf sérstök tæki fyrir
þennan mat. Það þarf í fyrsta
lagi spritttæki, og svo pott,
annaðhvort leirpott, eins og er
ætlaður fyrir svissneskt osta-
fondue, eða málmpott, eins og er
ætlaður undir kjötfondue, eða
einhvern þann pott, sem er
stöðugur og þolir eldinn.
Soðið getið þið útbúið úr
kjúklingasúputeningum. Gætið
þess að hafa það ekki of sterkt,
því teningarnir eru býsna saltir.
Þið getið bragðbætt soðið með
því að láta t.d. svolítinn sellerí-
bita og gulrót malla um stund í
soðinu, áður en þið berið það
fram. Þurrt sérrí er góð viðbót,
en aðeins smáskammtur, því
þetta á ekki að vera nein sérrí-
súpa. Ef þið viljið gefa soðinu
ofurlítinn austurlenzkan blæ,
getið þið einnig látið bita af
þurrkaðri engiferrót malla með,
eða þá sett engiferduft út í.
Engiferið gefur afar fínlegan og
góðan keim.
Grænmetið er svo auðvitað
samkvæmt eigin vali. Ég mæli
eindregið með því, að þið notið
aðeins nýtt grænmeti, en ekki
niðursoðið, ef mögulegt er. Það
er þá betra að hafa færri
tegundir, því það niðursoðna er
ótrúlega miklu lakari kostur,
bæði hvað snertir bragð og svo
er það yfirleitt svo mauksoðið.
Með þessu eru svo bornar
fram sósur til að dýfa kjötinu og
grænmetinu í, eftir að það hefur
verið soðið. Það gerir hver og
einn á sínum diski. Sósurnar eru
greinilega komnar úr austurátt.
Athugið að kaupa ekta soja, en
ekki sósulit, sem er kallaður soja
af óprúttnum framleiðendum.
Það er t.d. til ágætis japönsk
soja, Kikkoman.
Austurlandamenn mundu lík-
lega borða hrísgrjón með þess-
um mat, en ég mæli fremur með
góðu brauði, gjarnan heimabök-
uðu af þessum venjulegu ástæð-
um; það er svo býsna ljúffengt.
Ca. 2 I soð,
500 gr beinlaust, meyrt lamba-
kjöt,
lk selleríhaus,
'k rótarsellerí,
4 gulrætur,
200 gr sveppir,
2—3 paprikur, gjarnan bæði
rauðar og grænar,
1 gúrka.
1. Utbúið soðið eins og lýst er
hér að ofan. Skerið kjötið í sem
allra þynnstar ræmur. Það er
bezt að gera það með því að kæla
það svo vel að það sé rétt um það
bil að frjósa. Hreinsið grænmet-
ið vel, þerrið það og skerið í
fallega bita. Síðan er þetta allt
sett á bakka, svo hver og einn
geti tekið sér á gaffal og stungið
í pottinn.
E.t.v. er bezt að hafa bakka
sitt hvoru megin á borðinu, svo
allir eigi greiðan aðgang að
matnum.
Sósa 1:
1 fínrifið epli,
6 msk. þurrt sérrí á hnífsodd af 1
cayennepipar,
1 fínsaxað hvítlauksrif,
1 tsk. engiferduft.
2. Þessu er einfaldlega öllu
blandað saman. Eplið á að vera
svo fínrifið, að það fari í mauk.
Sósa 2:
2 dl góð soja,
safi af 1 sítrónu,
1 msk. ristuð sesamfræ.
3. Ristið sesamfræðin á þurri
pönnu, þar til þau fara að hoppa.
Blandið sósuna og berið fram.
4. Hitið soðið á eldavélinni,
rétt áður en það er sett á borðið.
Kveikið á spritttækinu og setjið
pottinn þar á. Soðið á að malla
hressilega, en ekki að bullsjóða.
Síðan er allt annað tilheyrandi
sett á borðið og máltíðin getur
hafizt. Hver og einn getur raðað
saman því sem honum lízt bezt.
Bezt er að sjóða hvorki kjöt né
grænmeti of mikið. í staðinn
fyrir sósu getið þið einnig látið
nægja að bera fram sojasósu
eingöngu og e.t.v. sítrónubáta.
Það er nokkuð erfitt að gefa upp
nákvæma skammta, en þið sjáið
til. Ef sósurnar eru t.d. á þrot-
um, er ekki tímafrekt að hræra
nýjar.
5. Þegar allir eru orðnir mettir
er líka soðið orðið fyrirtak. Þá
getið þið annaðhvort gefið öllum
einnig súpu eða notað soðið og
það sem e.t.v. er eftir af græn-
meti og kjöti í súpu daginn éftir.
Einnig fást víða kínverskar
húðlur, sem eru fyrirtak í súpur.
Þar er komin fullkomin máltíð,
því þið getið auðveldlega bætt
við soðið.
Sítrónukrem
(Handa sex)
Kremið er bezt að útbúa á
síðustu stundu, en þar á móti
kemur að það er mjög fljótlegt.
Bezt er að allt hráefnið og skálar
séu vel kaldar.
3 dl rjómi,
safi af 1—2 sítrónum,
1—1 xk dl sykur,
3egg
gjarnan rifinn börkur af vel
þveginni sítrónu.
1. Skammturinn af safanum fer
eftir því, hversu súrt þið viljið
hafa kremið og hversu stórar
sítrónurnar eru. Pressið safann
úr þeim eftir því sem ykkur
sýnist.
2. Þeytið rjómann. Þegar hann
byrjar að þeytast, þá skuluð þið
bæta safanum í, í mjórri bunu.
Þá samlagast hann rjómanum
vel og hleypir hann svolítið.
Þeytið eggin ásamt sykrinum,
eftir því sem ykkur sýnist þið
þurfa af honum. Eggin eiga að|
verða að þykkri froðu. Blandið!
nú rjómanum og eggjunum sam-'
an, en varlega, svo að þetta verði
sem léttast og loftmest. Setjið
kremið í skál eða litlar skálar og
stráið e.t.v. rifnum sitrónuberki
yfir.
Ath. í síðasta þætti urðu
mistök í umbroti, þannig að það
víxluðust klausur neðarlega úr
fyrsta og öðrum dálki. Það á
auðveldlega að vera hægt að lesa
í málið, ef vel er að gáð.
Um páska og reyndar miklu
oftar er verulega ánægjulegt að
hýrga upp á heimilið með kert-
um. Fyrir jólin komu á markað-
inn kerti úr hunangsvaxi, sem
vistmenn á Sólheimum í Gríms-
nesi búa til. Þessi kerti eru alveg
sérlega skemmtileg, brenna vel,
gefa góðan ilm, og eru einkar
falleg bæði að lit og lögun, Hafið
þvi augun hjá ykkur,ef þið viljið
ná í verulega skemmtileg kerti.
Ég hef rekizt á þau bæði í
búsáhaldaverzlunum H. Bierings
neðst á Laugavegi, og svo í
Vörumarkaðnum. Já, og meira
að segja verðið er gott...

ASETA nýtt byggingavörusölu- og ráðgjafafyrirtæki:
Höfuðáherzla lögð á aukna
framleiðni í byggingariðnaði
NÝVERIÐ var stofnað bygg-
ingarvörusölu- og ráðgjaf-
arfyrirtækið ASETA s.f.,
sem að sögn forráðamanna
þess leggur höfuðáherslu á
aukna framleiðni í bygg-
ingariðnaði.
Fyrirtækið hefur m.a. tekið
að sér söluumboð fyrir nýja
gerð milliveggja, sem fram-
leiddir eru í Borgarnesi, ein-
ingarhús sem framleidd eru í
Reykjavík og Selfossi, ásamt
því að yfirtaka sölu á þeirri
byggingartækni, sem Bygg-
ingarfyrirtækið Ármannsfell
h.f. tók í notkun fyrir 5 árum
við steinsteypu með notkun
Hunnebeck móta og fröskum
byggingarkrönum frá BPR.
Forráðamenn fyrirtækisins
leggja áherzlu á að hafa til
reiðu öll smærri hjálpartæki,
sem til móta þarf og annast
einnig mótaskipulag og út-
leigu móta auk sölu.
Fyrirtækið mun hafa á
boðstólum sérstaka gerð fær-
anlegra steypustöðva, sem
reynst hafa mjög vel í Fær-
eyjum og Grænlandi að sögn
forráðamanna þess.
Framkvæmdastjóri AS-
ETA s.f. er Sveinn Fjeldsted
og fyrirtækið er til húsa að
Funhöfða 19 í Reykjavík.
EhDfigföt
fyrir
fermtogarstólkuna
Höfum nú fengið nýja sendingu af margskonar
fatnaði fyrir ferminguna. Gott úrval af fallegum
kápum, kjólum og ,,baggý dressum“.
Full búð af nýjum, spennandi vörum.
LAUGAVEGI27 / SÍMI1 44 15