Morgunblaðið - 19.10.1980, Síða 3

MORGUNBLAÐIÐ, SUNNUDAGUR 19. OKTÓBER 1980
51
ferðir austur fyrir Járntjald til
viðræðna við þarlenda ráðamenn
á undanförnum mánuðum og
árum. Þar er frægastur fundur
hans með Brezhnev fyrr á þessu
ári.
Gott samstarf vid Frakka
Þá er vert að líta á mjög
aukna samvinnu Vestur-Þjóð-
verja og Frakka á undanförnum
árum. Þar er það einkum mjög
náinn vinskapur þeirra
Schmidts og d’Estaing, sem hef-
ur vegið þungt. Þeir bera mikla
virðingu hvor fyrir öðrum og
þeir og ráðgjafar þeirra í efna-
hagsmálum hafa mjög skipzt á
skoðunum og upplýsingum.
Áfram leiðtogi
stjórnarandstöðunnar
Franz Josef Strauss, kanslara-
efni kristilegu flokkanna, var
tiltölulega kokhraustur þegar
hann kom fram í sjónvarpi eftir
að úrslitin voru kunn, og ítrekaði
þar, að hann yrði áfram leiðtogi
stjórnarandstöðunnar, og myndi
sækjast eftir kanslaraembætt-
inu við næstu kosningar. Þeir,
sem til þekkja, telja hins vegar
að möguleikar Strauss á því, að
verða kanslari, séu alveg úr
sögunni. Hann hefur ítrekað
reynt undanfarna tvo áratugi að
ná þessu marki, en ekki tekizt.
Strauss verður eftir sem áður
forsætisráðherra í Bayern,
heimaríki sínu, og mun eflaust
leika stórt hlutverk á þinginu í
Bonn.
Hörð átök
Það er hins vegar mat flestra
fréttaskýrenda, að áhrif Strauss
innan kristilegu flokkanna,
flokks hans, Kristilega sósíal-
istabandalagsins og Kristilegra
demókrata, munu minnka veru-
lega frá því sem verið hefur.
Þrátt fyrir, að flokksmenn
beggja flokkanna hafi staðið
óskiptir að baki Strauss í kosn-
ingunum fyrir hálfum mánuði, á
hann mjög marga andstæðinga í
báðum flokkum, sem munu ef-
laust tvíeflast í andstöðu sinni á
komandi misserum. Utkoma
kristilegu flokkanna í kosning-
unum er sú versta síðan 1949 og
Helmut Kohl, leiðtogi Kristi-
legra demókrata mun eflaust
krefjast réttar síns sem leiðtogi,
en hann varð að láta í minni
pokann fyrir Strauss á þingi
flokkanna í fyrra, þegar ákveðið
var hvor skyldi vera kanslara-
efni þeirra. I þessu sambandi má
nefna á, að Kristilegir demó-
kratar fengu sitt mesta fylgi frá
því Adenauer var og hét undir
handarjaðri Kohl í kosningunum
1976.
Hvað brást?
Hvað varð það þá sem brást i
kosningabaráttu Strauss? —
Margir fréttaskýrendur eru á
þeirri skoðun, að baráttan hafi í
raun verið rekin nokkuð skyn-
samlega, en það hafi hins vegar
verið persóna Strauss sjálfs, sem
varð honum að falli. Strauss er
maður, sem býr yfir gífurlegri
reynzlu. Hann hefur gegnt emb-
ætti varnarmálaráðherra, fjár-
málaráðherra og embætti kjarn-
orkumálaráðherra. Þá hefur
Strauss, sem er 64 ára gamall
verið virkur á þinginu í Bonn allt
frá því það var stofnað árið 1949.
Strauss hefur hins vegar sætt
mjög harðri gagnrýni allan sinn
feril og verið umdeildur, sér-
staklega varð það frægt 1962
þegar hann varð að segja af sér
embætti varnarmálaráðherra.
Þá birti vikuritið Der Spiegel
grein, sem að miklu leyti var
byggð á leyniskjölum úr varnar-
málaráðuneytinu. Strauss lét
handtaka blaðamann vikurits-
ins, en snérist málið í höndum
hans og hann var ákærður fyrir
að leyna þingið ýmsum mikil-
vægum upplýsingum. Hann
neyddist til að segja af sér.
Sannur demókrati
I kosningabaráttunni lágu
andstæðingar Strauss honum
mjög á hálsi fyrir að hafa
skoðanir, sem nálguðust mjög
skoðanir fasista og nazista, og
væri hann þvi þjóðhættulegur
maður. Fréttaskýrendur þýzku
blaðanna eru hins vegar þeirrar
skoðunar, að þessar ásakanir
eigi engan rétt á sér. Strauss sé í
raun mjög sannur demókrati,
sem hafi haft þá bjargföstu trú,
að hann gæti með svipuðum
aðferðum og Margaret Thatcher,
unnið sigur í kosningunum í
Vestur-Þýzkalandi. Hann er tal-
inn hafa mjög svipaðar skoðanir
í efnahagsmálum og „Járnfrúin”
brezka. Strauss hefur ítrekað
lýst þeirri skoðun sinni, að næg
atvinna væri það sem skipti
máli, en það væri sök sér þótt
verðbólga færi eitthvað upp.
Vestur-Þjóðverjar hafa reyndar
ekki þurft að hafa áhyggjur af
verðbólgunni innanlands, því
hún hefur aðeins verið í kringum
3,5% að meðaltali á þessu ári og
hafa Vestur-Þjóðverjar og
Svisslendingar barizt um efsta
sætið yfir þær þjóðir, sem
minnsta verðbólgu hafa.
Náði ekki til
Norður-Þjóðverja
Fréttaskýrendur eru á einu
máli um, að það sem fyrst og
fremst hafi farið miður hjá
Strauss í kosningabaráttunni, sé
að honum hafi mistekist alger-
lega að ná til fólksins í Norður-
Þýzkalandi, hann hafi hreinlega
gefist upp við að reyna að
sannfæra það um ágæti sitt. Á
þeim kosningafundum, sem
Strauss var á í borgum og
bæjum í Norður-Þýzkalandi kom
það iðulega fyrir að aðsúgur var
gerður að honum.
Vonlaust fyrirfram?
í vestur-þýzkum fjölmiðlum
var mjög mikið ritað um þá
ákvörðun Kristilegra demókrata
að samþykkja Strauss, sem sinn
kandidat á si. ári, í stað þess að
kefjast þess, að Helmut Kohl
yrði kanslaraefni flokkanna
tveggja. Margir fréttaskýrendur
eru þeirrar skoðunar, að margir
forystumanna Kristilegra demó-
krata, hafi þegar á siðasta ári
gert sér grein fyrir því, að
möguieikar á því, að kanslara-
efni þeirra sigraði væru afskap-
lega litlir sakir mikilla vinsælda
Schmidts. Þeir vildu því í eitt
skipti fyrir öll þagga niður í
Strauss, sem ætti sér væntan-
lega ekki viðreisnar von eftir
ósigur fyrir Schmidt.
Strauss er sjálfur ekkert á því
að gefst upp eins og áður var
greint frá. Hann hyggst halda
sínu striki, sem leiðtogi stjórn-
arandstöðunnar, og mun eflaust
reynast Schmidtsstjórninni
skeinuhættur, enda maður með
gífurlega pólitíska reynslu. Það
verður hins vegar að teljast með
eindæmum ólíklegt að hann fái
annað tækifæri til þess að verða
kanslari Vestur-Þýzkálands.
Fréttaskýrendur flestra vestur-
þýzku blaðanna hafa á undan-
förnum dögum lýst þeirri skoðun
sinni, að ef Schmidt takist jafn-
vel upp í stjórn sinni á komandi
kjörtímabili, eins og því siðasta,
sé enginn vafi á því, að hann fái
tækifæri til að stjórna enn í
fjögur ár að þessu kjörtímabili
liðnu, hafi hann á annað borð
áhuga á því.
(heimildir: Die Zeit, Suddeutsche
Zeitung, Welt am Sonntají oj?
W i rtschafswoche).
— sb.
Gjafir til
Hallgrímskirkju
„STÖÐVUN á smíði Hallgrims-
kirkju yfirvofandi — nema hjálp
berist.“ sagði í frétt í Mbl. 5. f.m.
Síðan hafa margir brugðið við.
sem ekki vilja að kirkjusmíðin
stöðvist og sýna viljann í verki.
eins og eftirfarandi yfiriit um
gjafir og áheit ber með sér.
„Á.J. í Vesturbænum hefur af-
hent Herra Sigurbirni Einarssyni
biskup 50.000 kr. til Hallgríms-
kirkju með öllum góðum óskum
um að safnast mætti nú nægilega
til að fullgera hinn mikla og
merka áfanga, sem næst er því að
verða fullgerður."
100 þúsund króna „Gjöf til
Hallgrímskirkju í Reykjavík frá
vinveittri konu, sem ekki vill láta
nafns síns getið. Orðskv. 17:17.
Hinn lifandi Guð blessi þessa
gjöf.“
Hjörleifur Sigurbergsson og
Ingveldur Ámundadóttir; Bald-
ursg. 26, R. kr. 60.000, Jón Þ.
Einarsson kr. 10.000, „Ptrekur" kr.
15.000, Halldóra Gísladóttir kr.
30.000, NN kr. 15.000, V. Sv. 40.000,
Gjöf í minningu frá Helgu Mar-
teinsd., veitingakonu, Rvík. frá
syni og tengdad. kr. 200.000, Hall-
dóra Jónsdóttir kr. 50.000, Guðrún
Gísladóttir kr. 5.000, NN kr.
100.000, Steinunn Finnbogadóttir
kr. 3.000, NN kr. 10.000, Olga
Þorkelsdóttir kr. 25.000, Jón Run-
ólfsson kr. 100.000, NN kr. 27.900.
Gjöf í minningu hjónanna Sig-
ríðar Andersdóttur (1880—1958)
og Jóns Jónssonar (1882—1961),
bónda á Melum, Kjalarnesi og
Hnaus i Flóa, en síðustu árin '
Reykjavík, frá börnum, tengdí
syni og tengdadóttur kr. 205.000.
Frá aldraðri konu í Stóragerði,
sem ekki óskar eftir að láta nafns
síns getið kr. 100.000, NN kr.
10.000, E & B (andvirði sígarettu-
pakka) kr. 10.000, F.H. kr. 20.000,
H.R. (áheit) kr. 10.000, Guðfinna
Skagfjörð til minningar um Sig.
Skagfjörð kr. 100.000, Ónefnd
ekkja, er býr í nágrenni kirkjunn-
ar kr. 400.000, NN kr. 25.000, Jón
Runólfsson til minningar um
Hannes Runólfsson, Böðvarsdal.
Vopn. kr. 50.000, Jón Runólfsson í
minningu sr. H.P. kr. 40.000,
Ingigerður Sigurðardóttir kr.
2.000, Söfnunarfé í kirkjunni í
ág.—sept. kr. 339.130.
Kærar þakkir.
Byggingarnefnd og prestar
Hallgrímskirkju.
(Fréttatilk.)
Atlaga að
lögreglu
París 16. okt. — AP.
TVEIR menn réðust að lögreglu-
verði sem var við heimili eins
helzta forystumanns franskra
gyðinga, Jean Pierre Bloch, þing-
manns í París, árla fimmtudags. '
Lögreglan sagði þó að ekki væri
fullkomlega ljóst hvort árásar-
mennirnir hefðu ætlað að ráða
niðurlögum Bloch, en þeir segja að
annar maðurinn hafi hrópað „los-
um okkur við hann“ og er talið að
þeir hafi átt við þingmanninn.
Hafi mennirnir ráðist að verðin-
um og barið hann og kastað
honum síðan gegnum glerhurð. Að
svo búnu skutu þeir tveimur
skotum upp í loftið og flýðu síðan
eins og fætur toguðu.
Colgate MFP f luor tannkrem herðir
tennurnar og ver þær skemmdum.
Colgate MFP fluor tannkrem er reyndasta tannkremið
á markaðnum
Þusundir barna um viða verold hafa um árabil verið
þáttakendur i visindalegri Colgate-prófun og hefur hun
ótvirætt sannaö að Colgate MFP fluor tann-
krem herðir glerung tannanna við hverja
burstun, þannig að tennurnar verða sifellt
sterkari og skemmast siður.
Þess vegna velja milljónir foreldra um heim
allan Colgate MFP fluor tannkrem handa
bornum sinum.

ai
1 Colgate MFP fluor gengur inn i glerunginn
og herðir hann
2 Þess vegna verður glerungurinn sterkari.
herðirinn-^
Og börnunum líkar bragöið.