Morgunblaðið - 12.11.1980, Blaðsíða 23

MORGUNBLAÐIÐ, MIÐVIKUDAGUR 12. NÓVEMBER 1980
23
Einar Gunnlaugsson
Burstarfelli - Kveðja
Fæddur 3. janúar 1932.
Dáinn 10. október 1980.
Kallið er kontið,
komin er nú stundin.
(V. Briem)
Menn setti hljóða þegar fréttist
hið snögga fráfall Einars Gunn-
laugssonar. Maður á góðum aldri
verður snögglega bráðkvaddur
nærri heimili sínu. Þetta minnir
okkur hastarlega á, hvað oft er
skammt á milli lífs og dauða, og
ætti að vekjaokkur til umhugsun-
ar um að verja eftir föngum lífinu
til heilla meðbræðrum okkar, á
meðan tími er til að starfa hér á
jörð.
Einar Gunnlaugsson var fæddur
á Felli í Vopnafirði, sonur hjón-
anna Bjargar Jónsdóttur og
Gunnlaugs Jónssonar, sem þar
bjuggu mestan sinn búskap. Hjón
þessi byrjuðu búskap með lítil
efni, en með miklum dugnaði,
nýtni og hagsýni komust þau
alltaf vel af efnalega. Byggðu
íbúðarhús og öll útihús á jörðinni
úr steinsteypu, enda heimilið róm-
að fyrir hirðusemi og snyrti-
mennsku. Þau komu upp sjö börn-
um sem öll eru mesta myndarfólk
og hafa reynst góðir þjóðfélags-
þegnar.
Eitt þessara systkina var Einar.
Á unglingsárum var hann vinnu-
piltur hjá prófastshjónunum á
Hofi, sr. Jakobi Einarssyni og frú
Guðbjörgu Hjartardóttur. Þau
hjón höfðu mikið álit á Einari og
höfðu orð á því við undirritaðan,
hvað sér líkaði vel við þennan pilt.
Hann væri bæði duglegur, verk-
laginn og hirðusamur í allri um-
gengni, og sérstaklega greiðvikinn
og góður á heimili.
Eftir síðari kynni mín af Einari
hefir mér virst, að einmitt þessir
eiginleikar hafi sérstaklega ein-
kennt hann.
Einar var síðan tvo vetur á •
Laugaskóla í S-Þing. Árið 1953
réðst hann sem .vinnumaður að
Burstarfelli, til Methúsalems
Methúsalemssonar og Jakobínu S.
Grímsdóttur. Eftir tveggja ára
veru þar giftist hann heimasæt-
unni, Elínu Methúsalemsdóttur,
og þótti hann þar hafa verið
fengsæll.
En það var líka ekki ónýtt fyrir
Burstarfellshjón, sem bæði voru
orðin roskin, að fá slíkan tengda-
son, enda breyttust þá allar að-
stæður til athafna. Ekki leið á
löngu þar til Einar, með aðstoð
tengdaföður síns, réðst í að byggja
tvíbýlis íbúðarhús. Gamli bærinn,
þó fagur sé, var orðinn óhentugur
til íbúðar, enda ríkið búið að taka
hann til varðveislu eins og kunn-
ugt er.
Á Burstarfelli bjuggu síðan
ungu hjónin, fyrst í sambýli við
þau eldri og gekk það með ágæt-
um, og betur en stundum vill vera,
því það gengur ekki ævinlega vel
að sameina viðhorf eldra og yngra
fólksins.
Síðan færðist búskapurinn al-
veg yfir á Einar og Elínu þar til
árið 1977, að aftur kom nýr
tengdasonur í Burstarfell. Bragi
Vagnsson, kennari frá Hriflu í
S-Þingeyjarsýslu, giftist Björgu
Einarsdóttur og hófu þau búskap
á Burstarfelli í félági við Einar og
Elínu.
Færðist þá enn fjörkippur í
framkvæmdir á Burstarfelli. Síð-
ustu þrjú árin hafa risið þar upp
nýtísku fjárhús fyrir 550 fjár með
vélgengum áburðarkjallara og
hlöðu með súgþurrkun og öllu
tilheyrandi, ásamt aukinni rækt-
un.
Eg kom í Burstarfell ásamt
fleiri gestum í sumar, að áliðnum
ágústmánuði. Sunnanandvari og
sólskin vermdi vanga, taldi veð-
urstofan þá mestan hita í Vopna-
firði, eins og stundum áður þegar
átt er suðlæg. Allt var í fullum
gangi, verið að hirða síðasta heyið,
gamla hlaðan og meira að segja sú
nýja líka orðnar fullar af grænni
töðu, þessum dýrmæta lífgjafa
íslenska bóndans. Allt virtist leika
í lyndi og aðstæður að skapast til
þægilegra lifnaðarhátta.
Nú hefur sól brugðið sumri.
Annar húsbóndinn er fallinn frá í
miðri önn dagsins og fær ekki að
njóta lengur ávaxta iðju sinnar,
það verða annarra hlutskipti. Við
skiljum þetta ekki, en Guðs vegir
eru sagðir órannsakanlegir og við
verðum að beygja okkur undir
það.
Eins og áður er að vikið finnst
mér ummæli prófastshjónanna
lýsa Einari vel. Hann var hagsýnn
umbótamaður, lagvirkur og hirðu-
samur, fáskiptinn um annarra
hagi, en greiðasamur. Heimilis-
faðir góður, enda var heimilið
honum allt, og hugur hans fyrst og
fremst við það og fjölskyldu sína.
En er ekki einmitt heimilisrækni
og sterk fjölskyldutengsl ef til vill
eitt af því sem þjóð vor þyrfti að
efla sem mest.
Burstarfell er glæsileg og góð
jörð, enda sýslumannssetur til
forna. Sama ættin hefir búið þar
síðan árið 1532 og sýnir það að
þetta fólk hefir tekið mikilli
tryggð við þennan stað. Ég er
sannfærður um að ættrækni og
tryggð Burstarfellsættarinnar
mun halda velli í framtíðinni, og
að afkomendur hennar muni sitja
þetta ættaróðal um aldir.
Einar og Elín eignuðust fimm
börn sem öll eru mesta myndar-
fólk. Þau eru í réttri aldursröð
þessi: Methúsalem, fæddur 12.02.
1955, kvæntur Ajndísi Álfh.
Hólmgrímsdóttur, starfsmaður
við Samvinnubankann Vopnafirði.
Eiga þau tvær dætur. Björg, fædd
10.12. 1956, gift Braga Vagnssyni
bónda á Burstarfelli. Eiga þau tvo
syni. Birna Halldóra, fædd 23.11.
1958. Skrifstofustúlka hjá Lög-
reglunni í Reykjavík. Gunnlaugur,
fæddur 16.12. 1960, heima á Burst-
arfelli. Jóhann Lúther, fæddur
03.07. 1962, heima á Burstarfelli.
Einar var jarðsettur að Hofi
laugardaginn 18. október, við mik-
ið fjölmenni, og jarðarfararfólki
síðan boðið til kaffidrykkju að
Burstarfelli og þar veitt af rausn
að venju.
Við hjónin þökkum hér með
margháttaðar ánægjustundir á
Burstarfelli, og biðjum Einari
velfarnaðar á hinu nýja tilveru-
stigi.
Elínu biðjum við Gúð að blessa
og styrkjæ í þessum raunum og
alla aðstandendur.
Friðrik Sigurjónsson
Brldge
Umsjón: ARNÓR
RAGNARSSON
Bridgedeild Barð-
strendingafélagins
1. umferð í Hraðsveitakeppn-
inni hófst í Domus Medica
mánudaginn 3. nóvember með
þátttöku 13 sveita.
Staða sex efstu sveita eftir 1.
umferð er þessi:
Sveit
Ágústu Jónsdóttur' 472
Óla Valdemarssonar 460
Ragnars Björnssonar 456
Einars Ólafssonar 451
Vikars Davíðssonar 443
Viðars Guðmundssonar 433
Bridgefélag Selfoss
Fyrir nokkru var haldið minn-
ingarmót um Einar heitinn
Þorfinnsson, einn sterkasta og
litríkasta spilara landsins frá
upphafi brigdespilamennsku á
Islandi. 28 pör tóku þátt í
mótinu, sem var spilað með
Barometerfyrirkomulagi.
I upphafi mótsins afhenti
Þorfinnur Karlsson, en hann er
bróðursonur Einars heitins,
Bridgefélagi Selfoss alla verð-
launagripi sem Einar hafði unn-
ið á sínum langa og glæsilega
spilaferli.
I safni þessu eru margir glæsi-
legir gripir, en þó ber hæst
gripurinn sem Einar vann árið
1950 þegar hann var í Evrópu-
sveit sem spilaði á heimsmeist-
aramóti í Bermuda. Sveitin lenti
þar í öðru sæti.
Það er mikill heiður fyrir
Bridgefélag Selfoss að Einar
skuli hafa ánafnað þvi þetta
glæsilega safn sitt, en Einar var
fæddur í Tryggvaskála. Þar var
faðir hans veitingamaður.
Ekki er að efa að þetta verður
til að örva bridgespilara á Sel-
fossi til enn meiri afreka en
hingað til.
En lítum þá á úrslit mótsins.
Guðmundur P. Arnarson og
Sverrir Ármannsson 149 stig.
Georg Sverrisson og Rúnar
Magnusson 117 stig. Stefán
Pálsson og Aðalsteinn Jörgensen
117 stig. Guðmundur Hermanns-
son og Sævar Þorbjörnsson 112
stig. Þorfinnur Karlsson og Jón
Hilmarsson 109 stig.
Allir þessir spilarar eru af
Stór-Reykjavíkursvæðinu. Um
árangur Selfyssinga er það að
segja, að þeir stóðu sig með
miklum ágætum þótt ekki lentu
þeir í efstu sætunum að þessu
sinni. Keppnisstjóri var Her-
mann Lárusson.
Þegar þetta er skrifað er ekki
ljóst hvað verðlaunasafnið verð-
ur geymt, en vonandi tekst að
koma því á einhvern stað þar
sem almenningur getur skoðað
það.
Bridgedeild Víkings
Þremur umferðum af fjórum
er lokið í tvímenningskeppninni
og er staða efstu para þessi:
Guðmundur — Sigfús 684
Guðmundur — Magnús' 626
Kjartan — Guðmundur 619
Kristín — Kristján 616
Daníel — Guðmundur 613
Jón — Ingólfur 603
Síðasta amferðin verður spil-
uð á mánudaginn í Víkingsheim-
ilinu. Næsta keppni deildarinnar
verður hraðsveitakeppni og er
skráning þegar hafin.
Bridgefélag
Kópavogs
Tvö kvöld af fimm eru búin í
hraðsveitakeppninni og er staða
efstu sveita þessi:
Jón Andrésson 1382
Rúnar Magnússon 1376
Jón Þorvarðarson 1354
Grímur Thorarensen 1351
Sverrir Þórisson 1346
Ármann J. Lárusson 1344
Næsta umferð verður spiluð á
fimmtudag og hefst keppnin kl.
20. Spilað er í Þinghól.
„Afangar66 heitir
nýtt tímarit um ísland og útivist
Nýlega leit dagsins
ljós nýtt tímarit og
ber það nafnið
„Áfangar". Er það
helgað íslandi, ferða-
lögum og öllu sem
hugsast getur í
tengslum við það.
„Um allt land“ nefn-
ist útgáfufyrirtækið
sem gefur ritið út og
er eigandi þess Sig-
urður Sigurðarson
blaðamaður. Hann er
einnig ritstjóri hins
nýja rits.
Efnið í fyrsta tölu-
blaðinu er býsna fjöl-
breytilegt og má þar
nefna fróðlegar
greinar um Surtsey
og Reynistaðabræður.
Auk þess eru gagn-
legar leiðalýsingar í
blaðinu, ásamt föstum greinum frá útilífsfélögum eins og FÍ,
Útivist, Flugbjörgunarsveitunum, Alpaklúbbnum o.fl. Einnig
má geta þátta um ökuferðir, gönguferðir, stangarveiði og
skotveiði.
Útgefandi hefur hugsað sér að Áfangar komi út annan hvern
mánuð og er vinnsla annars tölublaðs þegar komin á fulla ferð.
• Sigurður Sigurðarson, ritstjóri hins nýja
tímarits mundar gripinn. Ljósm. Kristján.
Brottför alla þriöjudaga. Ein nótt í
New York, 14 dagar í Acapulco:
Hótel Casablanca, 2 í herbergi .... kr. 594.000.-
Hótel El Presidente, 2 í herbergi . kr. 778.000.-
KANARÍEYJAR
Brottför alla föstudaga. Ein nótt í
Kaupmannahöfn, 14 dagar á Kanaríeyjum:
Santa Fe, 2 í íbúö ................ kr. 498.000,-
Los Salmones, 2 í íbúö ............ kr. 480.000.-
Los Porches, 3 í íbúö ............. kr. 495.000.
Los Porches, 4 í íbúö ..............kr. 470.000 -
m
SKIDAFERDIR
CERVINIA, ÍTALÍA
Brottför alla sunnudaga, 2 vikur:
Tveir í STUDIO ... kr. 540.000.
SAUZE, ÍTALÍA
Brottför alla sunnudaga, 2 vikur:
Tveir í STUDIO ... kr. 530.000.
NEWYORK
Ódýr vikuferö til New York meö farar-
stjóra, þann 22. nóvember. Fariö veröur
í skoöunarferöir, verzlunarferðir og leik-
hús. Verö frá kr. 387.500.-
London
Ódýrar vikuferöir. Verö frá kr. 257.400.-
Kaupmannahöfn
Ódýrar vikuferðir
Munið ódýru jólafargjöldin
Ferðamiðstöðin hf. SELJUM FARSEDLA UM ALLAN
Aðalstræti 9 — Símar 11255 - 12940 HEIM Á HAGSTÆÐASTA VERÐI