Morgunblaðið - 03.05.1981, Blaðsíða 23

MORGUNBLAÐIÐ, SUNNUDAGUR 3. MAÍ1981
23
Hann varði titilinn oftar en nokk-
ur annar eða í 25 skipti. Oftar en
þeir átta meistarar samanlagt
sem áttu eftir að taka við honum.
Rotaði Schmeling
í fyrstu lotu
Árið 1938 keppti Louis aðeins
þrisvar. Ein af þessum keppnum
var á móti þeim manni sem hafði
sigrað hann og rotað árið 1936,
Þjóðverjanum Max Schmeling.
Keppni þeirra fór fram 22. júní
1938 á „Yankee Stadium". Engin
keppni Joe Louis fyrr né síðar
vakti jafnmikla athygli.
Max Schmeling var ofurmenni í
augum Þjóðverja og sjálfur Adolf
Hitler hafði lýst því yfir að það
yrði Schmeling létt verk að fást
við negra. Þeir væru óæðri kyn-
stofn. En keppni þeirra fór eins og
Joe Louis hafði lofað. Frá því að
bjallan gall í fyrstu lotu var um
algjöra einstefnu að ræða. Hin
þungu og markvissu högg Joe
Louis hröktu Schmeling strax út
að köðlunum og hann varð að taka
mörg þung högg. Hann átti ekkert
svar við hinni stórkostlegu leiftur-
sókn sem Louis hafði í frammi.
Á aðeins 2 mínútum og 4
sekúndum tókst Louis að gera út
um keppnina með því að senda
Schmeling í gólfið með miklu
vinstri handar rothöggi. Á þessum
tveimur mínútum var Schmeling
sleginn þrisvar í gólfið. Hægri,
vinstri, bang, bang, bang. „Scmel-
ing hangir í köðlunum eins og
sjómaður í líflínu," sagði einn
íþróttafréttamaðurinn sem lýsti
þessum eftirminnilega hnefaleika-
kappleik. Eftir sigur Louis brutust
út mikil fagnaðarlæti. Ekki síst í
fátækrahverfum stórborganna
þar sem svertingjar dönsuðu um
göturnar alla nóttina. Þetta var
mikill sigur fyrir svarta kynstofn-
inn.
Gífurlegar tekjur
Aðgangseyririnn í keppni þeirra
nam meira en einni milljón doll-
ara. Það er talið að á ferli Louis
sem hnefaleikara hafi umboðs-
menn hans náð að raka saman 4,6
milljónum dollara. En aðeins lítill
hluti þessara tekna kom í hlut
meistarans eða um 800 þúsund
dollara. Louis þótti ákaflega örlát-
ur á fé sitt. Fyrir vikið var hann
ávallt stórskuldugur því að ekki
var það oft sem vinir hans endur-
greiddu það sem þeir fengu lánað.
Enda hrjáði auraleysi hann lengst
af og skattayfirvöld gáfu honum
engan frið.
Joe Louis í einni af síðustu
keppni sinni gegn Ezzard
Charles árið 1950. Louis tapaöi og
varð aö þola mörg slæm högg.
Louis mætti á eins margar
hnefaleikakeppnir eins og hann
gat hin síöari ár. Hér sést kapp-
inn koma á eina keppnina.
Honum var jafnan vel fagnað
og vakti athyglí hvar sem hann
kom.
Hann getur hlaupið
en ekki falið sig
Ein af meiri háttar hnefaleika-
keppnum Louis var árið 1941 er
hann mætti Billy Conn. Conn var
mjög fljótur og eldsnöggur hnefa-
leikakappi og á mikilli uppleið er
hann mætti Louis. Fyrir keppnina
álitu fréttamenn að keppni þeirra
yrði hörð og jöfn en Conn myndi
hafa það á snerpu sinni. Louis var
á öðru máli. Hann sagði: Billy
Conn getur hlaupið hratt í hringn-
um en hann getur ekki falið sig
þar. Þetta var ein af erfiðustu
keppnum Louis. En í lok 13. lotu
tókst heimsmeistaranum loks að
rota Billy Conn.
Árið 1941 gekk Joe Louis í
herinn. Hann ferðaðist mikið á
stríðsárunum og sýndi hnefaleika.
Ekki færri en tvær milljónir
hermanna sáu hann keppa alls 96
sinnum á hinum ýmsu stöðum.
Alls staðar var honum vel fagnað.
Síðasta keppni Louis var 25. júní
1948 gegn Jersy Joe Walcott. Louis
sigraði með rothöggi í 11. lotu.
Louis tilkynnti að hann væri
hættur hnefaleikum 1. mars 1949.
En svo reyndist þó ekki vera.
Peningaleysi rak hann af stað á
nýjan leik. 9. sept. 1950 keppti
hann aftur og þá við Ezzard
Charles í New York. Louis tapaði í
15. lotu. Ferill hans í hringnum
endaði svo endanlega 23. okt. 1951
er Rocky Marciano rotaði hann í 8.
lotu.
Stórkostlegur
persónuleiki
Joe Louis lést 66 ára gamall á
sjúkrahúsi í Las Vegas. Hann fór
ferða sinna í hjólastól síðustu
æviárin. Hjartamein ásamt öðrum
kvillum var banamein hans.
Joe Louis var meira en hnefa-
leikari. Hann var stórkostlegur
persónuleiki. Á árunum 1934 fram
til ársins 1951 var hann stolt
svarta kynstofnsins í Bandaríkj-
unum. Þegar hann keppti fylgdust
allir með honum. Hann átti marga
vini. Þjóðverjinn Schmeling sagði
er hann frétti lát hans:
„Joe var stórkostlegur hnefa-
leikari og persónuleiki. Hann var
sá besti um dagana. Hann var
leiðarljós og tákn bandarískra
blökkumanna. Hans líkar skjóta
aðeins upp kollinum einu sinni á
öld.“
Louis var jarðsettur í Arling-
ton-grafreitnum að skipun Reag-
ans forseta Bandaríkjanna. Meðal
þeirra sem fylgdu honum var
Muhammed Ali. Hann sagði með
tárin í augunum við útförina: „Joe
Louis var ávallt fyrirmynd mín.
Hann var og verður ávallt sá
besti.“
Samantekt — ÞR
Vorum að íá nokkrar gerðir ai leðursóia-
settum írá Laier í Brasilíu. Sérstaklega
talleg og vönduð vara.
Húsgagnasýning
sunnudag kl. 2-5. ^^Íllfilfe