Morgunblaðið - 16.06.1981, Blaðsíða 26

26
MORGUNBLAÐIÐ, ÞRIÐJUDAGUR 16. JÚNÍ 1981
Evrépubikarkeppni karla í frjálsíþróttum:
íslenzka karlalandslióið á góða möguleika
í keppninni í Lúxemborg um næstu helgi
KARLALANDSLIÐIÐ í frjálsíþróttum tekur um
næstu helgi þátt í Evrópubikarkeppninni í
frjálsíþróttum, í undanrásum, sem fram fara í
Lúxemborg. Talsverðar líkur eru taldar á að
liðið komist áfram í undanúrslit keppninnar að
þessu sinni, en ffyrír tveimur árum vantaði
aðeins herzlumuninn á að svo yrði og bæði er
liöiö sterkara nú og mótherjarnir ekki jafn
sterkir, þar sem sigurliðið frá því fyrir tveimur
árum færðist sjálfkrafa í undanúrslitariðil. í
Lúxemborg keppa auk íslenzka liðsins, lands-
liö Lúxemborgar, Danmerkur, írlands og Tyrk-
lands og eru möguleikarnir taldir mestir á að
sigra bæði Lúxemborgara og Tyrki. Allar líkur
eru á að Danir sigri í keppninni, þeir eru örlítið
sterkari en íslenzka liðið á pappírnum, en talið
er, að von sé á spennandi keppni milli Dana,
íra og íslendinga um þrjú efstu sætin. Það liö,
sem sigrar, keppir í undanúrslitariðli í Lille í
Frakklandi, liðið, sem veröur í öðru sæti, fer til
Helsinki í Finnlandi, og það lið, sem hafnar í
þriðja sæti, fer áfram til Bydgoszcz í Póllandi.
Þrjú efstu liðin komast áfram í undanúrslita-
keppnina. Fyrir tveimur árum voru Danir og
írar aðeins örfáum stigum á undan íslending-
um.
• Hreinn Halldórsson hefur jafnan staðið sijf með ájfætum í keppni á
erlendri Krund. o« má ætlast til þess að hann sijfri i Lúxemborff þrátt
fyrir að hann sé ekki fullgóður eftir uppskurð fyrir þremur
mánuðum.
• Gunnar Páll Jóakimsson (t.v.) og Jón Diðriksson eru
til alls líkleRÍr þar sem þeir' eru í góðri æfingu. Mikil
taktik hefur jafnan viðgengist á millivegalengdum í
landskeppnum, og þótt íslenzkir hlauparar hafi ekki
komið sérlega sterkir út úr hlaupum af því tagi, er
ástæðulaust að búast við því að þeir verði aftarlega á
merinni.
Mikiil hugur er í frjálsíþrótta-
mönnum og er það takmark þeirra
að komast áfram, því þeir voru
sannarlega nálægt því í Lúxem-
borg fyrir tveimur árum og í
Kaupmannahöfn fyrir fjórum ár-
um. Þegar á heildina er litið,
mæta frjálsíþróttamennirnir
sterkari til leiks nú en síðast, og
ríkir bjartsýni meðal þeirra, en í
hófi þó, því ljóst er að ekkert má
út af bera.
Miðað við það sem vitað er um
árangur mótherjanna, einkum
þegar tekið er mið af afrekum
síðasta árs og árangri í síðustu
keppni, er ljóst, að það verða
einkum kastararnir og sprett-
hlaupararnir sem safna stigunum
að þessu sinni.
Hreinn Halldórsson og óskar
Jakohsson ættu að sigra næsta
auðveldlega í kúluvarpi og
kringlukasti, og Óskar og Sigurð-
ur Einarsson berjast trúlega um
þriðja sætið í sleggjukasti og
annað sætið í spjótkasti.
Oddur Sigurðsson keppir í 200
og 400 metra hlaupum. Hann
hefur hlaupið vel í Bandaríkjun-
um í vor, en hann mætir sterkum
mönnum í báðum greinum. Oddur
mun eflaust berjast um sigur í
báðum greinum, en gera má ráð
fyrir a.m.k. öðru sæti í báðum.
Þorvaldur Þórsson ætti að geta
slegist um annað sætið í báðum
grindahlaupunum, en hann varð
þó fyrir þeirri óheppni að meiða
sig örlítið á Reykjavíkurmeistara-
mótinu, og ekki séð fyrir endann á
því hvort hann getur orðið með.
Yrði þar skarð fyrir skildi.
Gunnar Páll Jóakimsson sýndi
það um helgina að hann er til alls
líklegur í 800 metra hlaupi og Jón
Diðriksson er einnig að ná sér á
strik í 1500 metrunum. Þeir mæta
sterkum andstæðingum, en ættu
að geta blandað sér í báráttuna,
þó tæplega um fyrstu tvö sætin, en
Islendingum hefur jafnan vegnað
frekar illa í þeirri taktisku keppni,
sem gjarnan hefur átt sér stað í
þessum greinum.
Ekki verður ætlast til af lang-
hlaupurunum að þeir safni stig-
um, andstæðingar þeirra eru það
sterkir. Sigurður P. Sigmundsson
er þó í mikilli framför í fimm
kílómetra hlaupi, og Ágúst Þor-
steinsson hefur æft vel í Banda-
ríkjunum í vetur, en hann keppir í
10 km. Sama má segja um Ágúst
Ásgeirsson, sem er í ágætri æf-
ingu.
• Oddur SÍRurðsson kem-
ur vel undirbúinn til leiks
í Lúxemhorg.
• Guðmundur Þórarinsson verður þjálfari landsliðsins
sem þátt tekur í Evrópubikarkeppninni í Lúxemborg
um næstu helgi.
Sigurður T. Sigurðsson hefur
verið í mikilli framför í stangar-
stökkinu og verður hann í hópi
þeirra sem berjast um sigur í
þessu móti. Takist honum vel upp
er hann til alls líklegur.
Friðrik Þór Óskarsson hlaut
fyrsta og annað sætið í langstökki
og þrístökki í síðustu keppni, og
má búast við að hann verði með í
baráttunni um fyrsta sætið í
þrístökkinu, en Jón Oddsson
keppir að þessu sinni í langstökki.
Á hann við ramman reip að draga,
en það átti Friðrik einnig síðast,
og ætti Jón því að geta orðið með í
baráttunni, þótt trúlegt sé, að ekki
verði það um fyrsta og annað
sætið.
Unnar Vilhjálmsson keppir í
sinni fyrstu landskeppni, og þótt
hann sé í framför, eru andstæð-
ingarnir það sterkir, að ekki
verður hægt að ætlast til þess að
• Sigurður T. Sigurðsson
stökk fyrir skömmu fyrst-
ur íslendinga yfir fimm
metra.
hann blandi sér í baráttu um mörg
stig. En oft hefur komið í ljós, að
allt getur gerst í íþróttum, og er
vonandi að þessi efnilegi
íþróttamaður vaxi við mótlætið.
Únnar er sonur Vilhjálms Ein-
arssonar ólympíuverðlaunahafa,
sem þekktur var fyrir keppnis-
hörku.
Það er á huldu hvaða möguleika
íslenzka boðhlaupssveitin hefur í
4x100 og 4x400 metra boðhlaupi.
Óþarft er hér að ætlast til mikils
þar sem ekki hefur getað orðið af
samæfingum vegna skiptinga, en
geta má; að í síðustu keppni setti
sveitin Islandsmet í 4x400 metr-
um. Það yrði bónus ef nýtt met
sæi dagsins ljós að þessu sinni.
Frlðlsar Ibrðttlr
• Friðrik Þór óskarsson stóð sig
með stakri prýði í Evrópuhikar-
keppninni fyrir tveimur árum,
og vonandi lætur hann sitt ekki
eftir liggja að þessu sinni.
ir