Morgunblaðið - 09.08.1981, Blaðsíða 29
MORGUNBLAÐIÐ, SUNNUDAGUR 9. ÁGÚST 1981
29
1
Jórunn Guðnadóttir
Allir verða
einhverntímann
gamlir
Hún Jórunn Guðnadóttir fædd 8.
október 1895 býr á Hrafnistu. Blm.
spurði hvernig henni líkaði dvölin þar.
— Það er nú lítil reynsla komin á það
ennþá, ég hef bara verið hér í mánuð.
Annars held ég að það sé gptt að vera
hér, þó þekki ég ennþá fáa. Áður bjó ég
alein og það var alls ekki gott fyrir mig.
Það er nú reyndar dálítið erfitt að flytja
úr stóru húsi og hingað, selja allt sitt. En
ég reyni að hugsa sem minnst um það og
læt börnin um þetta. Maður verður að
sætta sig við þetta því allir verða jú
einhverntímann gamlir, ekki satt?
— Hvað er gert hér á daginn?
— Hér spilar fólk, en það get ég lítið
gert af þar sem ég bæði sé og heyri illa. Á
kvöldin horfir fólkið á myndsegulband,
en það er enginn texti með á skerminum.
Hér er hugsað vel um fólkið og það er
ekki hægt að kvarta, held ég. Maður á að
vera þakklátur fyrir það sem fyrir mann
er gert og þakka fyrir það sem maður
hefur. Þegar hausta tekur byrjar hér
föndur og sitthvað fleira, held ég.
Þorgils Bjarnason
Maður verður
barn í annað
sinn
Þorgils Bjarnason er fæddur 22. febrú-
ar árið 1896. Hann býr ásamt konu sinni
Hólmfríði Benediktsdóttur að Laugavegi
11. Blm. tók Þorgils stuttu tali og spurði
hvort þau fengju einhverja húshjálp og
hvernig það væri að verða gamall.
— Ég hef verið lasinn undanfarið og
konan vill ekki fara á elliheimili. Það
sem er hvað verst hjá gamla fólkinu eru
peningavandræðin. Maður þarf að borga
húsaleigu og ýmislegt, s.s. síma, rafmagn
o.fl. Við höfum sótt um húsnæði hjá
félagsmálastofnuninni en aldrei fengið
svar. Nú svo fáum við húshjálp tvisvar í
viku og þess á milli hlaupa barnabörnin
fyrir mann ef það er eitthvað sérstakt.
Það er nú orðið ósköp lítið sem maður
getur gert á daginn. Ég reyni að fara út
tvisvar á dag og ganga dálítið ef ég get,
annars þoli ég kuldann svo ósköp illa.
i
Elísabet Einarsdóttii
Ég hef
nógan tíma
til að hugsa
Elísabet Einarsdóttir er orðin 84 ára
gömul og býr á Langholtsveginum.
— Æi veiztu, ég vildi heldur vera á
barnaheimili en á elliheimili, enda hefur
enginn boðið mér það hlutskipti ennþá.
Fólkið þar má ekki vera kátt heldur á alltaf
að vera sígrátandi. Fólki er oft hrúgað í
herbergi og það ætti með réttu að loka
þessum elliheimilum. Þau eru eiginlega
biðstofa dauðans. Nei aldrei skyldi neinn
voga sér að setja mig á elliheimili.
— Hvað aðhefstu á daginn Elísabet?
— Ég hef nú verið mikið á sjúkrahúsum,
en auðvitað ertu sett á ellilaun þegar þú
hefur ekkert annað að gera. Ég les ekki
mikið þar sem það er svo lítið að marka það
sem ritað er núorðið. En ég gríp í prjónana
mína við og við (eins og sást vel ef litið var
í kringum sig). Ég hef nógan tíma til að
hugsa eins og þú getur nú rétt ímyndað þér
að gamalt fólk geti. Þú átt aldrei eftir að
hitta kerlingu eins og mig.
— Ertu ánægð með aðbúnað gamals
fólks almennt?
— Það þyrfti sko miklu að breyta í þessu
þjóðfélagi ef gamla fólkið ætti að hafa það
sómasamlegt. Nú orðið geta börnin ekki
einu sinni hýst foreldra sína. Það er þó
meira en ég get sagt. Það þyrfti einnig að
minnka kynslóðabilið sem er orðið svo
mikið núna og svo væri ekki úr vegi að
gamla fólkið fengi aðeins hærri lífeyri.
Lára Siggeirs
Eg hef alveg
nóg að starfa
Það var sama hvar blm. knúði dyra,
alltaf var gestrisnin einkennandi fyrir
gamla fólkið. Lára Siggeirs er fædd árið
1897. Eftir að hafa þegið hjá henni
veitingar, spurði blm. Láru hvað hún gerði
við tímann á daginn.
— Þrjá daga í viku fer ég niður í
Hafnarbúðir. Ég er sótt hingað heim
klukkan 8.30 á morgnana og keyrð niður í
Hafnarbúðir. Þar borða ég og föndra
náttúrulega þar sem ég verð alltaf að hafa
eitthvað í höndunum, og hlusta á upplest-
ur. Fólkið þar er alveg yndislegt. Síðan um
fjögurleytið erum við svo keyrð heim aftur
af alveg indælum manni. Hina dagana hef
ég alveg nóg að starfa, ég á nóg af góðum
kunningjum og svo er alveg nóg fyrir mig
að gera í sambandi við heimilið. Ég gæti
aldrei hugsað mér að fara á elliheimili því
þar er allt svo eyðilegt og ég er yfir höfuð
mikið á móti þeim. Svo framarlega að
maður sé með fulla heilsu á maður ekki
heima á elliheimili. Þar vantar öll huggu-
legheit og þá meina ég að maður sé útaf
fyrir sig. Ég skal nú segja þér að á meðan
ég er með „fulle fem“ þá fer ég ekki á
elliheimili.
i
Mínir beztu tímar voru þegar ég var á
sjónum, þá kom maður víða. Maður getur
þó yljað sér við minningarnar frá þeim
tímum. Veistu, þegar maður eldist þá
breytist margt og með mig er það þannig
að ég fer að gleyma hlutunum. Annars er
kannski besta lýsingin sú að þegar maður
fer að verða gamall, þá verður maður
barn í annað sinn.
— Færðu ekki einhverja hjálp við heim-
ilisstörfin?
— Jú, jú, ég fæ stúlku tvisvar í viku til
að hjálpa mér við gólfin en annars geri ég
hitt sjálf. Stúlkurnar sem koma hingað og
aðstoða mig eru afskaplega almennilegar.
Ég er annars mjög sátt og ánægð, ellilaun-
in duga alveg og meira en það. Ánnars finn
ég svo sjaldan fyrir ellinni. Ég hef alltaf
verið ákaflega hraust, svo er Guði fyrir að
þakka, en ef ég finn fyrir blessaðri ellinni,
þá segja allir að ég verði afskaplega
geðstirð, segir Lára og hlær eins og henni
er tamt.
Við fáum heimilishjálp tvisvar í
viku sem hjálpar okkur með
hreingerningarnar. Annars er
rólegt að búa hér og hér er
verzlun á neðstu hæð, sem er
mjög þæglegt fyrir okkur. Nú svo
erum við nú að reyna að eiga bíl
en urðum sár þegar okkur var
neitað um bílastyrk þar sem við
erum bæði öldruð og sjúklingar
en Anna þó meiri sjúklingur. Það
er erfitt að láta ellilifeyrinn duga
fyrir húsaleigu sem er 1300 krón-
ur, hita, rafmagni, bílnum, mat
og svo t.d. ef þú ætlar að þvo í
þvottavélinni niðri, þarftu að
borga auka fyrir það. Já, það
fylgir margt ellinni. Það sem mér
finnst hvað hrikalegast, það var
að hætta vinna, þá er í rauninni
lífið búið og maður er bara í
geymslu, þangað til dauðinn knýr
á dyr. Þetta er agaleg tilfinning.
En konan vill ekki fara á elli-
heimili og þá er hér ágætt að búa.
Og á meðan við getum verið
svona útaf fyrir okkur og séð um
okkur sjálf þá megum við þakka
fyrir.
W kaupmenn- verslunarstjórar
AVEXTIR
IKUNNAR
Jarðarber — bláber — epli rauð — epli grœn
— epli gul — appelsínur — sítrónur —
grape-aldin — perur — vínber grœn —
ferskjur — nektarínur — melónur — vatns-
melónur — plómur — ananas — kíwi —
avocado — bananar — mandarínur —
EGGERT KRISTJANSSOIM HF
Sundagörðum 4, simi 85300