Morgunblaðið - 19.09.1982, Blaðsíða 23

MORGUNBLAÐIÐ, SUNNUDAGUR 19. SEPTEMBER 1982
71
ÁFÖRNUM
VEGI
»
É1
„Tónlistin er læknis-
lyf við streitu"
— sagði Andrés Björnsson, útvarpsstjóri í fimmtán ár
„Ég er ekki viss um aö það
megi kalla þetta skemmtilegt
starf, en það er áhugavert eins og
margir segja. I>að skeður margt
og maður mætir ólíkum viðfangs-
efnum,“ sagði Andrés Björnsson
er við hittum hann á förnum vegi
nú fyrir skömmu, en hann hefur
gegnt starfi útvarpsstjóra síðast-
liðin fimmtán ár.
Nú hefur útvarpið sætt nokk-
urri gagnrýni í tónlistarvali og
öðru. A þessi gagnrýni rétt á
sér, Andrés?
„Stundum er gagnrýni nauð-
synleg og á því fullkomlega rétt
á sér, en oft er útvarpið gagn-
rýnt án þess að nokkrar for-
sendur séu fyrir hendi. Þegar
gagnrýni er byggð á réttum for-
sendum, er tekið tillit til henn-
ar.“
Hvers konar tónlist fellur þér
best í geð?
„Auðvitað er ég barn míns
tíma. Við sem erum komnir af
léttasta skeiðinu hlustum mikið
á tónlist sem var ný fyrir um
þrjátíu árum — hún vekur upp
minningar frá okkar tíð. Eg
hlusta mikið á alls kyns klass-
íska tónlist, óperur og sinfóní-
ur. Þar með er ég ekki að segja
að nýjar tónlistarstefnur eigi
ekki rétt á sér. Ný tónlist er
áreitin og þarf því mikinn tíma
til kynningar, en viðurkenndri
tónlist þarf einnig að gera góð
skil. Tónlistin er læknislyf við
streitu. Ef þú ert þreyttur og
ert að dveljast við einhverja
hversdagslega hluti, þá er ekk-
ert betra fyrir hugann en að
hlusta á tónlist sem þér líkar."
Hvernig notar þú útvarp og
sjónvarp?
„Ég nota aldrei þessa miðla
eins og ég held að margir séu
farnir að gera í dag — sem ein-
hverja rödd dagsins, er eigi allt-
af að vera til staðar. Þegar ég
legg við hlustirnar eða horfi á
sjónvarp, geri ég það til þess að
veita því eftirtekt. Ég reyni
fyrst og fremst að hlusta á
fréttir — og veðurfréttir ekki
síður, þó það megi virðast und-
arlegt þar sem ég er mikill inni-
setumaður. Ástæðan fyrir því
er kannski sú, að erfitt er að
slíta sig frá þeim tíma er veðrið
var stór þáttur í gangi alls þjóð-
lífsins.
Sumar dagskrár hlusta ég á
eða horfi vegna efnisinnihalds
þeirra, en aðrar af skyldurækni
af því að þær eru umdeildar eða
vafasamar. Besta dagskrárefnið
að mínum dómi er það sem
sameinar skemmtun og fróð-
leik. Það sem veldur mér mest-
um vonbrigðum í fjölmiðlum er,
hversu títt íslensku máli er mis-
boðið. Margar dagskrár eru þó
einnig ágætar að þessu leyti."
Margir segja að ekki sé nóg af
afþreyingarefni í ríkisfjölmiðl-
unum. Hver er þín skoðun á
því?
„Það er ærið misjafnt hverja
merkingu fólk leggur í orðið af-
þreyingu. Ég þykist vita skýr-
ingu á orðinu, en hún er bara
ekki fullnægjandi. Það, sem ein-
um finnst afþreying, finnst öðr-
um ekki. Þetta hugtak er því
afstætt. Það er erfitt að gera
svo öllum líki, þó að það sé — að
vissu marki — markmið slikrar
stofnunar sem ríkisútvarpið
er.“
Er kominn timi til þess að af-
létta einokun á útvarps- og
sjónvarpsrekstri ?
„Menn verða að hafa sínar
skoðanir á því eins og öðru. Ég
hef sjálfsagt minnihlutaskoðun
á því sem fleiru, en ég ætla þó
ekki að gefa neinar yfirlýsingar.
Ég hef eytt miklum tíma í að
kynna mér það sem er að gerast
á erlendum vettvangi. Við eig-
um sumt sameiginlegt með öðr-
um þjóðum en annað ekki. Fá-
mennið á íslandi sníðir fólkinu
stakk í mörgum efnum,“ sagði
Andrés Björnsson útvarps-
stjóri.
M j
! klÍ ||;] P I
Þessa mynd tók Olafur K. Magnússon, Ijósmyndari Morgunblaðsins, af fríðum hópi fslendinga fyrir utan
Cooper Hewitt-safnið i New York, en þar var opnuð sýningin Scandinavian Modern 1980—1982 á mánudaginn
var. Sýningunni er ætlað að sýna yfirlit yfir þróun listiðnaðar og hönnunar á Norðurlöndum frá 1880. Verk 15
íslenskra hönnuða eru meðal verka á sýningunni.
A myndinni eru frá vinstri: Sveinn Sæmundsson, blaðafulltrúi Flugleiða og María Jónsdóttir, Úlfur Sigmars-
son, forstöðumaður útflutningsmiðstöðvar iðnaöarins, og Sigríður Pétursdóttir, Elín Káradóttir og Hilmar Bragi
Jónsson, eigendur timaritsins Gestgjafans, Ragnheiður Gröndal og Birgir Þorgilsson, markaðsstjóri Flugleiða.
Það hefur svo sannarlega verið ástæða til að gapa yfir öllu því vatni sem
veðurguðirnir helltu yfir okkur í siðustu viku. Eða er það kannski bara
syfjan, sem leggst yfir okkur mörlandana þegar skammdegið færist yfir.
Verður Jörundur dávaldur og dulmögnuður innan skamms? Allténd hef-
ur dávaldurinn Frisenette boðið honum að koma út til sín og kynna sér
aðferðir sínar.
„Langar til að fá ráðherrana
á skemmtun hjá Frisenette“
— sagði Jörundur, aðstoðarmaður dávaldsins
„MIG HEFIIR mikið langað til þess að fá ráðherrana ■ ríkisstjórninni á
skcmmtun hjá Frisenette. Það hefði verið hægt að fá alþýðubandalagsmenn-
ina til þess að samþykkja flugstöðvarbygginguna og Steingrím til þess að
synda til útlanda," sagði Jörundur A. Guðmundsson, hárskeri og skemmti-
kraftur með meiru, en hann hefur nú að undanförnu aðstoðað dávaldinn og
dulmögnuðinn Frisenette á sýningum hans hér á landi.
Hvernig hefur verið að starfa
með dávaldinum?
„Frisenette er ákaflega léttur
og skemmtilegur maður. Hann
var reyndar hættur að koma
fram, en meðal annars fyrir til-
stuðlan konu hans, sem hefur ekki
komið með honum hér áður og
aldrei litið landið augum, ákvað
hann að slá til og enda feril sinn
hér og nú. Þegar haft var sam-
band við mig og ég beðinn um að
aðstoða hann, greip ég tækifærið
fegins hendi. Eg fylgist vel með
öllu sem gerist á sviðinu og sé að
hér er ekki um neitt plat að ræða.
Fólkið, sem fengið er upp á svið út
úr salnum, væri heimsins bestu
leikarar ef þetta væri ekki ekta.
Ég hef aldrei kynnst þessu áður,
en þetta hefur svo sannarlega
vakið áhuga minn.“
Má kannski búast við því að þú
verðir orðinn dávaldur innan
skamms?
„Því lofa ég ekki, en maður hef-
ur samt heilmikinn áhuga á
þessu. Frisenette er reyndar bú-
inn að bjóða mér að koma út til
sín til þess að kynna mér þetta.
Hver veit nema maður slái bara
til,“ sagði Jörundur.
I næstu viku heldur dávaldur-
inn skemmtanir fyrir norðan og
austan, þar sem haldnar verða
uppákomur á Akureyri, í Aðal-
dalnum, Neskaupstað og á Eg-
ilsstöðum.