Morgunblaðið - 26.09.1982, Page 6

54
MORGUNBLAÐIÐ, SUNNUDAGUR 26. SEPTEMBER 1982
Arnór
Guðjohnsen:
Það var glampandi sól og hiti, þegar ég keyrði inn í Lokeren, lítinn og vinalegan bæ í Belgíu.
Erindið var að hitta Arnór Guðjohnsen knattspyrnumann sem hefur undanfarin ár leikið þar
með liði staðarins við góðan orðstír. Ég hafði heimilisfang hans skrifað hjá mér, en þrátt fyrir
að Lokeren sé ekki með fleiri íbúa en 40 þúsund manns gekk mér illa að finna götuna. Ég fór
því fyrst að íþróttaleikvangi staðarins og athugaði hvort leikmenn Lokeren væru ekki við
æfingar. Þegar ég kom að íþróttasvæðinu komst ég að raun um að engin æfing hafði verið
þann daginn og leikmenn væru í fríi. Ég fékk hinsvegar upplýsingar um það hvar Arnór ætti
heima og hélt því af stað aftur til að reyna að finna götuna. Það gekk nú hálfbrösuglega.
Þegar ég gafst upp og spurði til vegar lítinn vel þybbinn íbúa staðarins var hann sjálfur ekki
alveg viss hvar gatan væri. En mitt í samræðum okkar kom ungur maður aðvífandi og spurði
hvort hann gæti hjálpað. Ég nefndi nafn götunnar. Ungi maðurinn var hugsi um stund en
þegar ég nefndi nafn Arnórs brosti ungi maðurinn og sagði hvellt: Eltu mig, ég veit hvar
Arnór á heima. Það var greinilegt að Arnór var vel þekktur í borginni.
Arnór er í raun óþarft að kynna.
Þrátt fyrir að hann sé aðeins tutt-
ujíu 0(í eins árs gamall er hann
orðinn landskunnur fyrir afrek sín
á knattspyrnuvellinum. En hann
er ekki aðeins þekktur hér heima.
I Belgíu er hann álitinn einn af
bestu knattspyrnumönnunum sem
leika þar í 1. deild. Arnór var val-
inn einn af 11 bestu knattspyrnu-
mönnum 1. deildar síðasta keppn-
istímabil. Það hefur heldur ekki
farið framhjá þeim sem fylgjast
grannt með knattspyrnunni á
meginlandinu að þar er mikið efni
á ferðinni.
Arnór er samningsbundinn Lok-
eren fram á næsía vor. En þá er
ekki ólíklegt að lAkeren verði búið
að fá tilboð í piltinn frá knatt-
spyrnufélögum með stór nöfn.
Óstaðfestar fregnir herma að
bæði lið Man. Utd. og Ipswich hafi
haft mikinn áhuga á að fá hann til
sín áður en keppnistímabilið hófst
í haust. En Arnór fór sér hægt að
skrifa undir samning hjá Lokeren.
Allir þeir sem séð hafa Arnór
leika með landsliðinu hér heima
geta sjálfir dæmt um hæfileika
piltsins. En þeir eru slíkir að ekki
er nokkur vafi á því að hann hefur
alla möguleika á að komast í
fremstu röð knattspyrnumanna í
Evrópu. Reyndar hefur hann sýnt
það nú þegar að hann gefur þeim
bestu lítið eftir. Og í landsleikjum
á móti Englandi, Hollandi og
Wales var Arnór álitinn einn al-
besti leikmaður vallarins.
„Það er draumur mínn
að komast á toppinn“
'V- '1 ' ; t
■ A y.t
f Wfp Æ V*siá
_ 4 m

Arnór er mjög leikinn með boltann og getur gert ýmsar kúnstir með hann.
• Arnór í heimavelli, en þar hefur hann gert garðinn frægan og er orðinn
stjarnan í liði Lokeren. En ekki kom það baráttulausL
Þegar ég hafði burstað af mér
mesta ferðarykið settumst við
Arnór út í sólina bak við hús hans
í Lokeren. Arnór færði mér kaldan
bjór sem var vel þeginn og ég fór
að spyrja Arnór spjörunum úr og
það er best að gefa honum bara
orðið.
Varla nægilega þroskaður
— Eg er að hefja fimmta
keppnistímabilið mitt með Lok-
eren-liðinu. Eg fór hingað mjög
ungur. Ég lagði allt kapp á að vera
búinn að skrifa undir samning hjá
Lokeren áður en ég yrði 17 ára
gamall. Astæðan fyrir því var sú
að þá hafði ég sömu réttindi og
Belgi. En lið hér í Belgíu geta að-
eins notað tvo erlenda leikmenn.
Ég telst hinsvegar ekki erlendur
leikmaður þar sem ég skrifaði svo
snemma undir. Lokeren hefur því
alla tíð getað notað tvo erlenda
leikmenn og haft mig jafnframt í
liðinu.
— Það voru mikil viðbrigði
fyrir mig að fara hingað svona
ungur og fyrsta keppnistímabilið
hér var mjög erfitt. Ég komst
strax í liðið og lék alla leiki þess út
keppnistímabilið. Við urðum í
fjórða sæti þetta keppnistímabil
sem er mér alltaf minnisstætt. Ég
var varla nægilega líkamlega
þroskaður til þess að taka þátt í
svona strangri keppni. En vissu-
lega herti þetta mann andlega og
líkamlega og reyndist hinn besti
skóli þó svo að hann væri strang-
ur. Eitt var það sem háði mér
verulega hér í byrjun, úthalds-
leysi, en það lagaðist er líða tók á
keppnistímabilið.
Nú, nokkur breyting varð á þeg-
ar ég hóf annað tímabil mitt hér
hjá Lokeren. Aðalþjálfari okkar
fór til Anderlecht og vildi ólmur
taka mig með sér. En það varð nú
ekkert úr því. Aðstoðarþjálfarinn
tók við og hann setti mig til hlið-
ar. Hann lék aðeins með tvo
leikmenn frammi í kappleikjum
og þeir Elkjær og Lubanski voru í
þeim stöðum. Ég þurfti því að
berjast við þá um sæti í liðinu. Ég
var lítið notaður þetta keppnis-
tímabil, þrátt fyrir að þegar ég
fékk tækifæri að koma inná skor-
aði ég í hverjum leik og stóð mig
vel.
Þetta var orðið mjög erfitt sál-
arlega. Það er auðvelt að brotna
niður. En ég var heppinn að hafa
fjölskylduna úti hjá mér þessi
fyrstu ár og hún stappaði í mig
stálinu, og hjálpaði mér raunveru-
lega yfir erfiðasta hjallann. Ég
lagði mjög hart að mér við æf-
ingar og sótti ótrauður á brattann.
í heil tvö keppnistímabil varð ég
að sætta mig við að sitja meira og
Kindakjötskynning
Næstu daga veröur efnt til kynningar á ófrosnu kindakjöti í afuröasölu SÍS, á
Kirkjusandi.
Neytendum gefst kostur á aö velja og kaupa, á sérstöku kynningaveröi alla
gæöaflokka dilkakjöts, auk kjöts af veturgömlu fé.
Oskaö er eftir aö neytendur útfylli eyöublaö, meö spurningum um hvernig
þaö kýs helst aö hafa kjötiö.
Notiö tækifæriö og kaupiö ófrosiö kindakjöt á kynningarveröi.
Kjötmatsnefnd.
Kennsla hefst
í byrjun október
Byrjendaflokkar: Tvisvar í viku
Framhaldsflokkar: Tvisvar—
þrisvar í viku.
Opnir flokkar: Einu sinni í viku.
Aðalkennarar: Sigríöur Ármann
og Ásta Björnsdóttir.
Innritun í síma: 72154.
BflLLETSKOLI
5IGRÍÐAR flRmflfln
SKULACÖTll 32-34