Morgunblaðið - 06.10.1982, Page 17

MORGUNBLAÐIÐ, MIÐVIKUDAGUR 6. OKTÓBER 1982
49
Skákvertíðin er hafin
Skák
Margeir Pétursson
Haustmót Taflfélags Reykjavik-
ur hófst i húsakynnum félagsins
við Grensásveg sunnudaginn 26.
september. Þar með er skákstarf-
semin á höfuðborgarsvæðinu í vet-
ur komin i fullan gang, en haust-
mót TR er hið fyrsta af hinum
þremur hefðbundnu mótum. Hin
eru Skákþing Reykjavíkur og
Skákþing Islands, sem fara fram
eftir áramót. Að þessu sinni eru
þátttakendur á mótinu 84 talsins
auk þátttakenda i unglingaflokki.
Eins og venjulega er keppendum
raðað niður í riðla eftir stigum, en
sá neðsti, E-riðillinn, er opinn og
er þar teflt eftir Monrad-kerfi. Nú-
verandi skákmeistari TR er Jó-
hann Hjartarson, en um þann titil
er teflt á haustmótinu.
Mótið hefur oft verið betur
skipað en nú og munar þar
mestu um ólympíufarana, en af
þeim er enginn með. Margir öfl-
ugir skákmenn og efnilegir ungl-
ingar eru þó á meðal þátttak-
enda, en töfluröð í efsta flokki er
þessi:
Stig
1. Guðmundur Halld., T. Sel. 2060
2. Arnór Björnsson, TR 2175
3. Björn Þorsteinss., TR 2325
4. Haukur Angantýss., TR 2405
5. Karl Þorsteins, TR 2255
6. Hrafn Loftsson, TR 2080
7. Árni Á. Árnason, TR 2040
8. Ágúst S. Karlss., S. Hf. 2050
9. Róbert Harðars., TR 2170
10. Björn Sigurjónss., T. K. 2090
L HDrnar Si Karbs, T. SeL 2175
12. Dan Hansson, TR 2210
Eini alþjóðlegi meistarinn á
mótinu, Haukur Angantýsson,
ber sem sjá má, höfuð og herðar
yfir aðra þátttakendur i stigum
og virðist líklegur til sigurs, en
hann hefur unnið þá Róbert og
Björn Sigurjónsson i þeim
tveimur umferðum sem nú hafa
verið tefldar. Liklegastir til að
veita Hauki harða keppni eru
þeir Björn Þorsteinsson, en hann
tapaði óvænt fyrir nafna sínum
úr Kópavogi i fyrstu umferð, og
Karl Þorsteins, sem spreytir sig
nú loksins á innlendum vett-
vangi eftir frækinn sigur á ungl-
ingamótinu í Rio de Janeiro
fyrir síðustu áramót. Þá má ekki
gleyma Svíanum Dan Hansson,
sem hefur gengið vel á helgar-
mótum upp á síðkastið, en hann
tapaði fyrir Guðmundi í fyrstu
umferð.
Á haustmótinu er teflt á
sunnudögum kl. 14 og á miðviku-
dögum og föstudögum kl. 19.30.
Biðskákir eru tefldar á fimmtu-
dögum kl. 19.30.
Skemmtilegasta skákin í
fyrstu umferð var tvímælalaust
uppgjör stigahæstu ungl-
inganna, þar sem gekk á með
fórnum og árásum á víxl.
Hvítt: Róbert Harðarson
Svart: Karl Þorsteins
Nútímavörn
1. e4 — g6, 2. d4 — Bg7, 3. c3 —
d6, 4. Bd3 — Rf6, 5. Re2 — 0-0, 6.
OO — e5, 7. f4
Róbert velur mjög hvasst af-
brigði. Framhaldið í skákinni
Bukhman-Savon, sovézka meist-
aramótinu 1967, varð 7. —
exd4?!, 8. cxd4 — Rc6, 9. Rbc3 —
He8, 10. f5 og hvítur náði betri
stöðu. Hort hefur mælt með 7. —
exf4, en Karl kýs að halda
spennunni á miðborðinu.
— He8, 8. fxe5 — dxe5, 9. Bg5 —
h6, 10. Bh4 — exd4, 11. cxd4 —
g5, 12. e5
Nauðsynlegt, því eftir 12. Bg3?
— Rxe4, hefur hvítur engar bæt-
ur fyrir peðið.
— gxh4, 13. exl6 — Bxf6, 14. Rbc3
— Rc6,
Svartur er peði yfir, en með
veika kóngsstöðu og það hefði
því verið of mikil græðgi að leika
14. - Bxd4+, 15. Rxd4 - Dxd4,
16. Khl og hvítur hótar 17. Bh7+.
15. Bc4 — Bg4, 16. Dc2!
Nú hótar hvítur bæði 17. Bxf7+
og 17. Dg6+. Karl finnur beztu
vörnina:
— Bxd4+, 17. Khl — Be6,
18. Hxf7! — Bxf7,
Þvingað, því eftir 18. — Kxf7,
19. Dh7+ er svartur í mátneti.
19. Dg6+ — Bg7, 20. Bxf7+ —
Kh8, 21. Bxe8 — Dxe8, 22. Dg4 —
De3, 23. Rf4 — Re5, 24. Dxh4 —
Hf8,
Hvítur hefur unnið allt liðið
til baka, en svartur á heldur
virkari stöðu. Nú bregst Róbert
hins vegar illilega bogalistin, því
að hér hefði hann getað jafnað
taflið með 25. Re6!, því eftir 25.
- Rd3, 26. Rxf8 - Rf2+, 27. Kgl
á svartur ekkert mát í stöðunni,
heldur aðeins þráskák með 27. — -
Re4+.
25. Rcd5?
Ein af kennisetningum meist-
ara Benónýs er sú, að ekki skuli
láta riddarana valda hvorn ann-
an. Þessi skák rennir stoðum
undir regluna.
— Dd2!, 26. h3?
26. g3! var eini leikurinn, því
að 26. Hfl dugir ekki vegna 26.
- Dxd5!
— c6, 27. Re6 — Dxd5, 28. Rxf8 —
Bxf8, 29. Hfl — Bg7, 30. b3 —
Dd2, 31. Hf2 — Del+ og hvítur
gafst upp, því að hann sá fram á
hið skemmtilega framhald 32.
Kh2 — Rg4+!, 33. hxg4 — Be5+ og
ef 34. Kh3, þá Dhl mát.
Ruslapokar við eina heimreiðina í Reykboltsdalnum. Stundum, ef pokarnir
eru ekki teknir fljótt eftir að þeir eru komnir á vegamótin, keraur krummi og
krunkar í þá til þess að gá, hvort ekki sé eitthvað fyrir sig í þeim til að gæða
sér á. Er hann þá fljótur að dreifa draslinu, sem er í pokunum, mönnum til
armæðu.
Ruslabíll í Reykholtsdal
BorgarfirAi, í ofanverrtum seplember.
„ÞAÐ ætla margir suður með Sæ-
mundi sérleyfishafa í dag,“ gæti ein-
hver hugsað, sem á leið um Reyk-
holtsdalinn um hádegisbil á fostu-
dögum. Þá eru margir svartir pokar
við hverja heimreið heim á bæina.
Elísabet II:
FerÖast um
Kyrrahafið
London, 4. október. AP.
ELÍSABET II Bretadrottning
lagði í morgun af stað frá Heath-
row-flugvelli áleiðis til Ástralíu
og Kyrrahafsins í mánaðarlanga
ferð.
Á ferð sinni mun hún hafa
viðkomu á eyjaklösunum
Nauru, Kiribati og Tuvalu, en
þangað hefur drottningin ekki
komið áður á hinum 30 ára
langa ferli sínum og hafa verið
ráðgerð gifurleg hátiðarhöld á
eyjunum í tilefni heimsóknar-
innar, en þær eru sem kunnugt
er hlutar breska heimsveldis-
ins.
Fyrsti viðkomustaður
drottningar er Darwin í
N-Ástralíu, en þaðan mun hún
síðan fara til austurstrandar-
innar þar sem eiginmaður
hennar, Filippus prins, mun
slást í förina.
Það var ótvirætt merki þess áður
fyrr, að einhver ætlaði sér að fara
suður með sérleyfishafanum. Þá
nægði það að setja pokann sinn
niður á vcgamótin og fara inn í bæ
aftur, þar sem þá sá áætlunarbifreið-
arstjórinn, að einhver ætlaði með sér
suður og flautaði til að láta vita, að
hann væri kominn.
En nú er þessu á annan veg far-
ið, þar sem sú ágæta þjónusta hef-
ur verið tekin upp, að á föstudög-
um gengur ruslabíll um dalinn og
hirðir þessa poka, sem eru við
vegamót heimreiðanna. Fer rusla-
bílinn að sunnanverðunni um dal-
inn annan föstudaginn og að norð-
anverðunni hinn föstudaginn. Er
þetta til mikilla þæginda, þar 3em
á veturna er örðugt að finna ein-
hverja holu til að brenna rusli í á
freranum, án þess að það fjúki
um. Verður sóðaskapur af bréfa-
drasli og plastpokum, sem ekki
eyðast svo auðveldlega úti í nátt-
úrunni. Fer ruslabíllinn með rusl-
ið niður á ruslahauga Borgar-
neshrepps, þar sem því er örugg-
lega brennt, án þess að það sé
hætta á því að það fjúki út um
allt.
En eftir þessar miklu framfarir
I í ruslahirðingu, þá er mun erfið-
ara fyrir Sæmund sérleyfishafa að
átta sig á því, hvort einhver ætli
með sér suður, þar sem svo margir
pokar eru við hverja heimreið. Því
þurfa menn að fylgjast sjálfir með
því, hvenær áætlunarbifreiðin
kemur á föstudögum. — pþ-
Bílaleigan hf. býöur nú sérstakt haustverö á bílaleigubílum sínum áem
gildir frá 1. okt. til áramóta. Innifalið í þessu fasta veröi er ótakmark-
aöur fjöldi ekinna km, tryggingar svo og söluskattur.
Verðskrá pr. sólarhring.
Toyota Starlet kr. 690
Toyota Tercel kr. 710
Toyota Corolla kr. 730
Toyota Corolla St. kr. 750
Erum einnig meö sérstök helgartilboö sem gilda frá kl. 16.00 á föstu-
degi til kl. 9.00 á mánudagsmorgni.
Veröskrá pr. helgi
Toyota Starlet
Toyota Tercel
Toyota Corolla
Toyota Corolla St.
kr. 1500
kr. 1540
kr. 1580
kr. 1620
Nú er hægt aö láta veröa af því aö heimsækja Jónu frænku á Húsavík
eöa hann Palla frænda í Þykkvabænum verösins vegna.