Morgunblaðið - 16.11.1982, Qupperneq 30

38
MORGUNBLAÐIÐ, ÞRIÐJUDAGUR 16. NÓVEMBER 1982
Minning:
Hafþór Helgason
kaupfélagsstjóri
Fæddur 12. janúar 1945
Dáinn 26. október 1982
Það var „þrútið loft og þungur
sjór“ og stormur í lofti yfir Vest-
fjörðum þriðjudaginn 26. október.
Þann dag stýrði Hafþór Helgason
kaupfélagsstjóri á ísafirði flugvél
sinni hinsta sinn á loft — i ferð
sem lokið hefur í hafinu úti fyrir
sunnanverðum Vestfjarðarkjálk-
anum. Þannig er lífið — menn vita
aldrei fyrirfram hvenær skyndi-
lega kann að verða klippt fyrir-
varalaust á lífsþráðinn. En sárt er
þó alltaf þegar ungum og hraust-
um mönnum, í blóma lífsins og
með fulla starfsorku, er kippt
burtu jafn snögglega og hér gerð-
ist.
Hafþór Helgason fæddist í
Reykjavík 12. janúar 1945, sonur
Helga J. Hafliðasonar bifvéla-
virkja og Sigurbjargar Jónsdóttur.
Hann lauk gagnfræðaprófi úr
verknámsdeild 1962 og hlaut skip-
stjórnarréttindi á 30 tonna bát
sama ár. Árið 1965 lauk hann
einkaflugprófi, og atvinnuflug-
prófi með blindflugsréttindum á
árunum 1975—1976. Hann vann
ýmis störf framan af, en var fram-
kvæmdastjóri og einn eigenda
flugfélagsins Vængja hf. árin
1973—1976. Af persónulegum
ástæðum seldi hann hluta sinn í
því fyrirtæki og lét af störfum
fyrir það. í framhaldi af því réðist
svo að hann fluttist vestur í
Saurbæ í Dölum og tók þar árið
1977 við starfi kaupfélagsstjóra
hjá Kaupfélagi Saurbæinga.
Við erum margir sem minnumst
þess að þegar í byrjun vakti þessi
nýi kaupfélagsstjóri á sér tals-
verða athygli innan Samvinnu-
hreyfingarinnar. Það var ekki að-
eins sú sérstaða hans að vera
lærður atvinnuflugmaður og fara
allra sinna ferða milli landshluta
um loftsins vegi. Það kom fljótt í
ljós að hann var hörkuduglegur til
vinnu, ákveðinn og atorkusamur,
en kom sér jafnframt vel við
menn, svo að hann ávann sér
snemma virðingu félagsmanna og
viðskiptavina Kaupfélags Saurbæ-
inga. Það fór heldur ekki á milli
mála að hann var góður leiðtogi og
einlægur samvinnumaður, sem vel
kom fram í þátttöku hans í um-
ræðum á fundum hreyfingarinnar.
Þessir eiginleikar réðu því svo
að árið 19$0 var leitað til Hafþórs
um að taka við kaupfélagsstjóra-
starfi hjá Kaupfélagi Isfirðinga,
sem þá hafði átt við erfiðleika að
etja um nokkurt skeið. Það vill svo
til að ekki eru nema örfáar vikur
síðan rækilegt viðtal við hann
birtist í einu af dagblöðunum
(Dagblaðið og Vísir 12. október),
og þar segir hann nokkuð frá
þessu máli og verkefnum sínum
vestra. Eg má kannski leyfa mér
að taka hér upp lýsingu hans
sjálfs á eigin viðþrögðum við
beiðninni og afstöðu sinni til
starfsins, en þessu lýsti hann
þannig:
„Snemma árs 1980 er leitað til
mín að koma til ísafjarðar og tók
ég því fálega í fyrstu. Ég vissi vel
að það yrði erfitt enda búinn að
vera lognmolla yfir þessu lengi.
Það voru búin að vera tíð kaupfé-
lagsstjóraskiti sem segir sína
sögu. Aftur á móti hefur alltaf
heillað mig að takast á við hlutina
og helst reyna eitthvað sem hefur
gengið skrykkjótt. Ég sló því til og
lít á það sem verkefni mitt að
koma fyrirtækinu á toppinn. Ég er
einlægur samvinnumaður og trúi
því að fólkið eigi að hafa hönd í
bagga með verslunarrekstri og
ekki sé vænlegri leið en að kaup-
félögin reki myndarlega verslun á
öllu landinu. Ég ann þó öllum að
reka verslun ef þeir vilja.“
Það var burt frá þessu verkefni,
sem hann tók svo alvarlegum tök-
um, að honum var kippt fyrirvara-
laust. Um störf Hafþórs fyrir
Kaupfélag Isfirðinga, þann
skamma tíma sem hann stýrði
málum félagsins, er það annars í
stuttu máli að segja að hann sýndi
þar afburðahæfni og var stórvirk-
ur í starfi jafnt sem framkvæmd-
um. Framkvæmdasaga félagsins
síðustu tvö árin skal ekki rakin
hér, enda er hún alkunn þjóðinni
úr fjölmiðlum. Umhverfis þá upp-
byggingu hefur á stundum orðið
stormasamt, eins og oft vill verða
þar sem ráðist er af stórhug í
miklar framkvæmdir. En í öllum
þeim stormum lét Hafþór engan
bilbug á sér finna. Hann var
hvarvetna hinn öruggasti í öllu og
stýrði uppbyggingunni með gætni
og lagni hins fædda leiðtoga.
Það fer ekki á milli mála að
Hafþór var kominn vel á veg með
að gera það sem hann kallaði
sjálfur að koma fyrirtækinu á
toppinn. Honum var að takast að
leysa það verkefni, sem nú verður
annarra að leiða til lykta. En
samvinnumenn hafa misst úr röð-
um sínum einn af bestu mönnum
hreyfingar sinnar, og skaði þeirra
er mikill.
En þó er hann kannski lítill
miðað við það skarð sem er fyrir
skildi í fjölskyldu hans. Eiginkona
hans, Guðný Kristjánsdóttir, og
synir þeirra þrír hafa misst góðan
eiginmann og föður. Hjá þeim
hlýtur hugur okkar hinna að
dvelja á þessum erfiða tíma í lífi
þeirra mæðginanna. Megi það
verða þeim nokkur huggun harmi
gegn að í hópi okkar, sem kynnt-
umst honum í starfi hjá sam-
vinnuhreyfingunni, skilur Hafþór
einungis eftir sig góðar minn-
ingar.
Eysteinn Sigurðsson
„Skjótt hefir sól brugðið sumri.“
Hörmulegt slys hefir skeð í ofviðr-
inu 26. október sl. Fórst þá Hafþór
Helgason, kaupfélagsstjóri, með
flugvél sinni í hafið úti fyrir Vest-
fjörðum. Helfregnir þurfa ekki
skýringa við.
Hafþór var fæddur í Reykjavík,
foreldrar hans voru Helgi Jóh.
Hafliðason, bifvélavirki, dáinn
fyrir mörgum árum, og Sigurbjörg
Jónsdóttir, Halldórssonar, bónda í
Framnesi, Rangárvallasýslu.
Hafþór var maður fjölhæfur,
hlaðinn orku, áhuga og bjartsýni
og hlífðist hvergi við, enda var
hann, af svo ungum manni að
vera, búinn að kynnast mörgum
greinum atvinnulífsins; var á bát-
um unglingsárin svo og togurum.
Hann tók próf úr Verknámsskól-
anum í Reykjavík árið 1962 og
sama ár skipstjórapróf með rétt-
indum á 30 tonna bátum. Einka-
flugmannspróf árið 1965. At-
vinnuflugmannspróf með blind-
flugsréttindum 1975 og ’76.
Hann dvaldist í Þýskalandi árið
1967, við nám og störf í bílaverk-
smiðju. Rak um tíma eigið bíla-
verkstæði í Garðabæ. Hann vann
á rannsóknarstofu ISALs 1969 og
starfsmaður hjá Þórisósi frá
1970—’73. Framkvæmdastjóri og
meðeigandi í Flugfélaginu Vængir
hf. 1973—'76. Kaupfélagsstjóri hjá
Kaupfélagi Saurbæinga í Dala-
sýslu frá 1977 til vors 1980.
í júní 1980 tók Hafþór við Kaup-
félagi ísfirðinga. Hófust þá kynni
okkar um haustið í gegnum störf
við sláturhúsið, þar sem ég hafði í
mörg ár verið réttarstjóri og
gærumatsmaður, en bæði þessi
störf leiddu af sér mikil kynni við
kaupfélagsstjórann.
Mér varð það fljótlega ljóst að
þarna var enginn meðalmaður á
ferð, kappið og ósérhlífnin var
frábær.
Haustið 1981 var eitt það erfið-
asta, sökum fanna og illviðra,
flutningur á búfé til slátrunar var
mjög erfiður og það var ekki
ósjaldan sem Hafþór gekk í þau
verk sem þurfti að sinna, gerði við
bíla í snatri og dreif allt í gang, en
þessu hafði maður aldrei átt að
venjast fyrr. Atorkan var svo
frábær, bjartsýnin á meiri umsvif
og allt virtist þetta vera honum
svo létt og ljóst í framkvæmd, eins
og kom svo skýrt fram á síðasta
stjórnarfundi er við sátum með
honum þann 21. október sl. Þar
voru ræddar framtíðarhorfur fé-
lagsins og fleira.
Jafnframt horfði hann fram
með næmum skilningi á raunveru-
leika viðskiptalífsins í straum-
kasti tímans. En svo er hann horf-
inn, allt hrunið sem við treystum
mest á, en svona er lífið hverfult.
Sagt er að tíminn græði öll sár, en
það var sárt að sjá af honum
svona fljótt úr leiknum.
Þau hjónin áttu 3 syni, 16 ára, 9
ára og 2 ára. Nú þegar Hafþór er
allur þá er mér efst í huga þakk-
læti fyrir að fá að kynnast slíkum
ofurhuga og bjartsýnismanni.
Þessu fylgja óskir um fararheill,
honum til handa til þeirra fjar-
lægu stranda, sem við eigum öil
eftir að sigla til.
Eiginkona Hafþórs, frú Guðný
G. Kristjánsdóttir, stóð jafnan við
hlið manns síns, trygg og styrk í
öllum þessum miklu umsvifum.
Hjá henni, sem mest hefir misst,
og sonum þeirra dvelur nú hugur
okkar hjóna, og á sárri skilnað-
arstund vottum við þeim innilega
samúð í hörmum þeirra.
Megi þeim veitast Guðs styrkur.
Fagrahvammi, 10/11 1982
Hjörtur Sturlaugsson
deyr sjálfr it sama;
en orðstírr deyr aldregi,
hveim er sér gódan getr.“
(t)r Hávamálum)
I dag fer fram í Isafjarðarkirkju
minningarathöfn um Hafþór
Helgason kaupfélagsstjóra sem
fórst af slysförum með einka-
flugvél sinni, „TF-MAO", út af
Bjargtöngum að morgni þriðju-
dags 26. október sl.
Með Hafþóri er góður drengur
genginn, langt um aldur fram, að-
eins 37 ára gamall, vinur og sam-
herji, sem ég vildi minnast nokkr-
um orðum.
Hafþór var fæddur í Reykjavík
þann 12. janúar árið 1945 og var
næstyngstur sjö systkina. For-
eldrar hans voru þau Helgi J. Haf-
liðason bifvélavirki, sem látinn er
fyrir allmörgum árum, og eftirlif-
andi kona hans, Sigurbjörg Jóns-
dóttir, Halldórssonar, bónda að
Framnesi í Rangárvallasýslu.
Hafþór lauk gagnfræðaprófi frá
verknámsdeild í Reykjavík árið
1962, og það sama ár hlaut hann
skipstjórnarréttindi til að fara
með stjórn á allt að 30 tonna fiski-
bátum. Þrem árum seinna, eða ár-
ið 1965, lauk hann einkaflug-
mannsprófi í Reykjavík, en
atvinnuflugmannsprófi með
biindflugsréttindum árið 1976.
Átti flugið ávallt hug hans
meira en hálfan, og skilaði það
honum að síðustu á drottins fund.
Árið 1963 steig Hafþór mikið
gæfuspor og trúlofaðist þá eftirlif-
andi eiginkonu sinni og jafnaldra,
Guðnýju Kristjánsdóttur, en þau
giftust 1968, og eignuðust þau þrjá
syni, Alexander, 16 ára, fæddan á
afmælisdag móður sinnar, 7. mars
1966, Erling Friðrik, 9 ára, fæddan
8. október 1973, og Véstein, fædd-
an í Reykjavík þann 25. maí 1980.
Sjá þau nú öll á bak elskuðum eig-
inmanni og föður, stórvirkum
ágætismanni, sem vænst var að
ætti eftir að leggja áfram gjörva
hönd á svo margt sem til framfara
horfði.
Hafþór dvaldist við nám og
störf í bifvélavirkjun í Þýskalandi
árið 1967, en fyrir vélum og vél-
fræðslu stóð hugur hans löngum
opinn. Árið 1969 starfaði Hafþór
að gæðamati á rannsóknarstofu
ISALs hf. og síðar við eignaum-
sýslu hjá Þórisósi hf. á árunum
1970—1973, en á árinu 1973 tók
+
Elskuleg móöir mín
AUDBJÖRG JÓNSDÓTTIR,
Hjaröarhaga 56,
er látin.
Stella María Jónsdóttir

Móöir okkar,
ELKA JÓNSDÓTTIR,
Eiríkagötu 13,
lézt í Heilsuverndarstööinni viö Barónsstíg 14. þ.m.
Guðrún Runólfsdóttir,
Fanney R. Greene,
Geír Runólfsson.
+
Eiginkona mín, móöir okkar og amma,
HÓLMLAUG HALLDÓRSDÓTTIR,
Goðheimum 21, Reykjavík,
andaöist laugardaginn 13. nóvember 1982.
Árni Stefánsson,
Stefán Árnason, Guðný Árnadóttir,
Árni Sæmundsson.
+
Fööursystir min,
INGIBJÖRG MARÍA (BAUGGA) THOMPSON,
áður til heimilis Vesturgötu 21, Reykjavík,
lést í Honolulu, Hawaii, 6. nóvember sl.
Bergljót Ingólfsdóttir.
+
Fósturbróðir minn,
KETILL JÓNSSON
frá Hausthúsum, Óöinsgötu 6,
verður jarösunginn frá Fossvogskirkju, miövikudaginn 17. nóv-
ember kl. 3 e.h.
Þóra Árnadóttir.
Systir okkar, + JÓNFRÍDUH GUDJÓNSDÓTTIR fyrrum húsfreyja á Hóli i Svínadal,
veröur jarösungin frá Akraneskirkju, miövikudaginn 17. november
kl. 14.30. María Guöjónsdóttir, Þóra Guöjónsdóttir.
+
Þökkum auösýnda samúö og vinarhug viö andlát
BJARNA G. BJARNASONAR.
Sérstakar þakkir til fólksins á Grensásvegi 58.
Erla V. Helgadóttir,
börn og barnabörn.
+
Þökkum innilega auðsýnda samúð og vinarhug viö andlát og útför
eiginkonu minnar, móöur, tengdamóöur og ömmu,
JÓHÖNNU JÓSEFSDÓTTUR,
Hólagötu 11, Vestmannaeyjum.
HaukurHögnason,
Pétur Haraldsson, Geirlaug Jónsdóttir,
Svala Hauksdóttir, Jón Hauksson,
Sigurður Hauksson, Fanney Jónsdóttir,
Ölver Hauksson,
og barnabörn.