Morgunblaðið - 20.03.1983, Blaðsíða 48

^Apglýsinga-
síminn er 2 24 80
trjptiwMteMli
SUNNUDAGUR 20. MARZ 1983
Demantur 4$
íEiVitur C(\ilstcina -
<£tt!l ^ é'tlfur
Laugavegi 35
Forseti íslands:
Opinber heim-
sókn í Rangár-
þing í dag
Opinber heimsókn forseta ís-
lands, frú Vigdísar Finnbogadóttur, í
Kangárvallasýslu hefst í dag klukk-
an hálf níu árdegis er Böðvar Braga-
son sýslumaður og Gígja Haralds-
dóttir kona hans taka á móti forset-
anum á Þjórsárbrú.
Þaðan verður ekið á Hellu og
elliheímilið Lundur heimsótt, ver-
ið við helgistund í Oddakirkju og
Héraðsbókasafnið á Hvolsvelli
heimsótt. Þá er hádegisverðarboð
á Hvoli í boði sýslunefndar. Frá
Hvoli verður haldið að Félags-
heimili Vestur-Eyfellinga, og þar
verður forsetinn viðstaddur hér-
aðsvöku Rangæinga. Um kvöldið
verður snæddur kvöldverður í
Lambey í Fljótshlíð, og þaðan
haldið aftur til Reykjavíkur er
heimsókninni í Rangárþing lýkur,
um klukkan 20 í kvöld.
De Cuellar,
aðalritari SÞ:
Kemur hing-
að 8. aprfl
næstkomandi
Osló, 18. marz. frá Jan Erik
Lauré, fréttaritara MorgunblaósinH.
AÐALRITARI Sameinuðu þjóð-
anna, Javier Perez de Cuellar,
mun koma í opinbera heimsókn
til íslands þann 8. aprfl næst-
komandi. Mun hann verða hér í
fjóra daga en halda síðan til
hinna Norðurlandanna.
Að sögn talsmanns Samein-
uðu þjóðanna, hefur aðalritar-
inn mikinn áhuga á þvi að
heimsækja Norðurlöndin til
þess að láta í ljósi hrifningu
sína á stuðningi þessara landa
við starfsemi Sameinuðu þjóð-
anna. Eins og áður sagði verð-
ur de Cuellar á fslandi frá 8. til
11. apríl, í Danmörku 11. til 13.,
Finnlandi 13. til 16., Svíþjóð 17.
til 19. og loks heimsækir hann
Noreg. A meðan á dvöl hans i
Noregi stendur mun hann með-
al annars leggja blómakrans á
leiði Norðmannsins Tryggva
Lie, sem var fyrsti aðalritari
Sameinuðu þjóðanna.
Hagnaður Eimskips var
7,9 milljónir króna 1982
Hagnaðurinn er tæpt 1% af heildarveltu ársins
HAGNAÐUR af rekstri Eimskipafélags íslands á síðasta ári var um 7,9
milljónir króna, samkvæmt ársreikningi, sem lagður verður fram á aðalfundi
félagsins á morgun, mánudag. Árið 1982 er fyrsta árið um 5 ára skeið, sem
hagnaður verður af rekstri félagsins. Hagnaðurinn er tæpt 1% af heildar-
veltu.
í ársreikningi hefur verið tekið
tillit til allra rekstrargjalda árs-
ins, fjármagnskostnaðar og áætl-
aðra opinberra gjalda af rekstrin-
um vegna ársins 1982.
Afskriftir á árinu námu samtals
72 milljónum króna. Liðurinn
fjármagnstekjur og gjöld var
neikvæður um 113 milljónir króna,
Á árinu 1981 var tap á rekstri fé-
lagsins upp á 21 milljón króna.
Heildarflutningar Eimskipafé-
lagsins á árinu 1982 námu samtals
566 þúsund tonnum, en voru til
samanburðar 676 þúsund tonn á
árinu 1981. Samdrátturinn milli
ára er því liðlega 16%. Samdrátt-
urinn stafar annars vegar af því,
að hætt var siglingum fyrir er-
lenda aðila milli hafna erlendis,
en hins vegar stafar minnkunin af
samdrætti í útflutningi af sjávar-
afurðum og áli á árinu. Heildar-
innflutningur Eimskipafélagsins
jókst hins vegar um 2% á sl. ári.
Á síðasta ári hafði Eimskipafé-
lagið 21 skip í rekstri. I árslok átti
félagið 16 skip, en leiguskipin voru
5, þar af 2 íslenzk.
Starfsmannafjöldi fyrirtækisins
var að meðaltali 745 á árinu 1982.
Þá má geta þess að aðalfundur
Eimskipafélagsins verður haldinn
í Súlnasal Hótel Sögu á morgun,
mánudag, og hefst hann klukkan
14.00.
Hraðfrystihús Keflavíkur:
Keflvíkingur seldur
Vinna í frystihúsinu hefur legið niðri frá áramótum
STJÓRN Hraðfrystihúss Keflavík-
ur hefur ákveðið að selja nótaskip
Steingrímur Hermannsson:
Gefa þarf út bráðabirgðalög
— svo ríkið geti tekið lán til aðstoðar fyrirtækjum í sjávarútvegi
„ÞAÐ eru allar Ifkur á því að gefa þurfi út bráðabirgðalög til að veita
ríkisstjórninni heimild til lántöku að upphæð um 100 milljónir króna, sem
síðan verði notaður til að endurlána fyrirtækjum í sjávarútvegi. Það hafa um
40 fyrirtæki sótt um lán að upphæð hátt á annað hundrað milljónir króna og
það er stefnt að því að mál þetta verði endanlega leyst á ríkisstjórnarfundi á
þriðjudag,“ sagði sjávarútvegsráðherra Steingrímur Hermannsson, er Morg-
unblaðið innti hann eftir stöðu þessara mála í gær.
„Þessar aðgerðir eru framhald
þess, sem unnið var að í fyrra, en
þá voru veittar 73 milljónir, sem
ríkissjóður útvegaði og byggða-
sjóður endurlánaði til fyrirtækja í
sjávarútvegi. Því var þá ekki að
fullu lokið og var talið að meiri
fyrirgreiðsla væri nauðsynleg. Nú
standa yfir viðræður við Seðla-
bankann um lántöku þar og von-
umst við til, að það mál leysist á
mánudag, en einnig kemur erlent
lán til mála, en ekki til að byrja
með. Taki ríkissjóður lánið eru
allar líkur á því að ríkisábyrgðar
verði krafizt og þá verður að gefa
út bráðabirgðalög, þar sem þetta
er hvorki inni á fjárlögum né
lánsfjáráætlun. Að öllum líkind-
um fara þessar lánveitingar í gegn
um Fiskveiðasjóð."
Er ekki hæpið að lánsfé með nú-
verandi tilkostnaði komi fyrir-
tækjum, sem í erfiðleikum eiga, að
fullum notum?
„Það er auðvitað spurning. Hjá
mörgum fyrirtækjum kemur full-
verðtryggt lán að notum. Hvert
einstakt fyrirtæki hefur verið
skoðað og er þetta mjög breytilegt
frá einu til annars. Sums staðar
þarf mjög lítið til að bæta úr, sum
eiga í vanskilum á erfiðum vöxt-
um og þá getur lán til skuldbreyt-
ingar bjargað miklu. Þá er einnig
um fyrirtæki að ræða, sem ekkert
hafa með viðbótarlán að gera
vegna þess hve mikið hvílir á
þeim. Eg Iegg áherzlu á að þeim
fyrirtækjum verði hjálpað, sem
rekstrargrundvöll hafa. Onnur
fyrirtæki verður að athuga betur.
Skilyrði fyrir lánveitingu eru þau,
að viðkomandi fyrirtæki hafi
rekstrargrundvöll og veð fyrir
skuldum og oft skilyrði um aukið
eigið fjármagn og fjárfestingu til
aukinnar framlegðar. Ekki hefur
verið gengið frá endurgreiðslufyr-
irkomulagi."
sitt, Keflvíking, vegna rekstrar-
örðugleika. Fyrirtækið á einnig
tvo togara, Bergvík og Aðalvík.
Vinna hefur legið niðri í hrað-
frystihúsinu frá því um áramót og
hafa togararnir siglt með afla
sinn.
Að sögn Guðmundar Marías-
sonar, framkvæmdastjóra
hraðfrystihússins, hefur lausa-
fjárstaða fyrirtækisins verið
mjög erfið undanfarið og komið
í veg fyrir að endurbætur til
aukinnar framleiðni gætu átt
sér stað. Salan á Keflvíkingi,
sem var á síldveiðum í janúar og
síðan á línu og hefur lagt upp í
Garðinum, er þáttur í endur-
bættum rekstri, en að sögn Guð-
mundar, er nauðsynlegt að frek-
ari fyrirgreiðsla fáist til að
framtíð fyrirtækisins verði
tryggð. Sagði hann, að ljóst væri
að rekstrargrundvöllur væri
fyrir hendi, fengist lánsfé til
hagræðingar. Fyrirtækið gæti
þá hafið vinnu í landi að nýju og
farið að skila einhverju af sér.
Vonaðist hann til að lausn feng-
ist mjög fljótlega.