Morgunblaðið - 18.05.1983, Blaðsíða 2

2
MORGUNBLAÐIÐ, MIÐVIKUDAGUR 18. MAÍ 1983
Sjóli RE tekinn í landhelgi:
Ágreiningur um þad hvort
Sjóli er bátur eða togari
ÞYRLA Landhelgisgæzlunnar stóð í
fyrradag togarann Sjóla RE 18 að
meintum ólöglegum veiðum um 8
sjómílur vestur af Garðskaga. Var
skipið fært til hafnar í Hafnarfirði
þar sem yfirheyrsla fór fram í gær.
Reiknað er með að niðurstaða liggi
fyrir í dag.
Tildrög málsins eru þau, að
ágreiningur ríkir um það, hvort
Sjóli teljist bátur eða togari.
Hann er 37 metrar að lengd, en
vélarstærð er skráð 1.200 hestöfl í
skrá Siglingamálastofnunar yfir
íslenzk fiskiskip. Til þess að geta
talizt bátur verður skip að hafa
vél, sem er minni en 1,000 hestöfl
og vera styttri en 39 metrar. Upp-
hafleg vélarstærð skipsins er 1.200
hestöfl, en sett hefur verið innsigli
á olíugjöf vélarinnar, þannig að
hámarksafl nemur 950 hestöflum.
Er skipið var tekið var það um 20
mílum innan fiskveiðimarka tog-
ara en utan marka báta.
Við yfirheyrslurnar í gær kom
enginn ágreiningur fram um stað-
setningu skipsins, aðeins fyrr-
greindur ágreiningur um vélar-
stærð. Athygli vekur, að í skip-
askrá Siglingamálastofnunar 1982
er skipið skráð með 990 hestafla
vél, en í skránni fyrir þetta ár með
1.200 hestafla vél. Svipað mál kom
upp fyrr á þessu ári er togarinn
Einar Benediksson var færður til
hafnar á sömu forsendum. Var
skipstjóri þess skips sýnkaður af
kæru um landhelgisbrot.
Morgunblaðiö/ Guðjón Birgisson
Fomer Bang-Hansen úr utanríkisdeild EBE í Briissel og Niels J. Thorgersen,
forstjóri EBE-skrifstofunnar í Kaupmannahöfn. Þeir veröa gestir fundar
Samtaka um vestræna samvinnu og Varðbergs á fundi félaganna á Hótel
Sögu í kvöld. Verður þar rætt um EBE og Sovétríkin. Einnig verða þeir gestir
á ráðstefnunni um Efnahagsbandalagið nk. föstudag.
Niðurstaða þingflokksfundar Alþýðubandalagsins í gærkveldi:
Svavar heldur áfram
könnunarviðræðum
Niðurstaða þingflokksfundar Al-
þýðubandalagsins í gærkveldi, þar
sem fjallað var um áframhaldandi
stjórnarmyndunarviðræður Svav-
ars Gestssonar, varð sú að haldið
skyldi áfram könnunarviðræðum
við flokkana í dag og á morgun.
Svavar Gestsson sagði að
fundinum loknum, að ekki hefði
verið ákveðið að einbeita sér að
neinu ákveðnu stjórnarmynstri,
heldur yrði rætt við alla aðila.
Fyrir fundinn var búist við því
að þar yrði samþykkt að taka
upp viðræður við einhverja
ákveðna aðila, með stjórnarsam-
starf við þá í huga. Svavar hóf
stjórnarmyndunartillögur sínar
í gær og ræddi hann þá við full-
trúa allra þingflokka.
íþróttahús Jóns Þorsteinssonar:
Ríkið kaupir húsið
fyrir 12,6 milljónir
GENGIÐ var frá kaupum ríkisins á
íþróttahúsi Jóns Þorsteinssonar í
gærdag, að sögn Höskuldar Jóns-
sonar, ráðuneytisstjóra I fjármála-
ráðuneytinu.
Kaupverð hússins er 12,6 millj-
ónir króna og verður húsið af-
hent ríkinu 1. júlí nk.
Höskuldur sagði að húsið væri
keypt samkvæmt heimild í fjár-
lögum um kaup húseigna fyrir
stjórnarráð. Hins vegar væri
ekki ákveðið hvað gert yrði við
húsið í framtíðinni. í dag er Há-
skóli íslands með ákveðna starf-
semi í húsinu og hefur óskað eft-
ir því, að hafa þar aðstöðu áfram,
auk þess sem Þjóðleikhúsið hefur
lýst áhuga sínum á að fá húsið til
æfinga. „Kaupin eru hins vegar
aðallega hugsuð með það fyrir
augum að tryggja ríkinu lóðir
austan Arnarhvols með framtíð-
ina í huga,“ sagði Höskuldur
Jónsson, ráðuneytisstjóri.
Morgunblaðið/ KEE
Frá brunastað í Brautarholti á miðnætti sl. nótt.
Eldur í Gistiheim-
ilinu í Brautarholti
Ráðstefna EBE
SAMTÖKIN Viðskipti og verzlun
gangast fyrir ráðstefnu um Efna-
hagsbandalag Evrópu í Kristalsal
Hótels Loftleiða fostudaginn 20. maí
kl. 9.30.
um vestræna samvinnu og Varð-
berg gangast fyrir í hliðarsal Hót-
els Sögu kl. 20.30 um efnið „Efna-
hagsbandalag Evrópu og Sovétrík-
in“.
„Það er skoðun okkar, að skipið
hafi verið á löglegum veiðum og
því tekið á röngum forsendum.
Ekki er deilt um staðsetningu,
heldur vélarstærð og við teljum að
vélarstærð sé sú, sem framleið-
andi gefur upp,“ sagði Guðmundur
Jónsson, einn eigenda skipsins í
samtali við Morgunblaðið.
Eldur kom upp í Gistiheimilinu að
Brautarholti 22 rétt fyrir miðnættið
þegar kviknaði í rúmi I einu her-
bergja hússins. Mikill reykur gaus
upp, en tjón af völdum elds var ekki
talið verulegt, þótt glatt hafi logað í
sjálfu rúminu. Ekkert manntjón
varð.
Slökkviliðinu í Reykjavík barst
tilkynning um brunann kl. 23.40.
Allt tiltækt lið var sent af stað og
fóru þrír reykkafarar strax inn í
herbergið, sem er á þriðju hæð á
norðurhlið hússins, úr körfubíl og
tókst að ráða niðurlögum eldsins á
skammri stundu. Eldsupptök eru
ókunn.
Þrír fulltrúar frá EBE koma
hingað til lands til að kynna
bandalagið og munu flytja fyrir-
lestra og svara fyrirspurnum;
Klaus Ewing, yfirmaður deildar
hjá utanríkjadeild EBE sem sér
um samstarf við Norðurlönd,
Sviss og Austurríki; Folmer Bang
Hansen, sem annast málefni ís-
lands hjá utanríkjadeild og Niels
Jörgen Thögersen, forstjóri upp-
lýsingaskrifstofu EBE í Dan-
mörku. Ráðstefnustjóri Jónas
Haralz.
í kvöld verða Folmer Bang Han-
sen og Niels Jörgen Thögersen
gestir á fundi sem félögin Samtök
INNLENT
Svavar verður fyrst að
svara spurningunum sjálfur
— segir Geir Hallgrímsson
„FRÁ slíkum fundum er al-
mennt ekki sagt í einstökum
atriðum og ekki ástæða til, en
ráðherrann hefur sjálfur upplýst
að hann hafi lagt fyrir viðmæl-
endur sína spurningalista í 20
liðum með enn fleiri spurning-
um. Þingflokki sjálfstæð-
ismanna þótti sjálfsagt að ráð-
herra svaraði fyrst sjálfur spurn-
ingum sínum og áður en þau
svör liggja fyrir, sundurliðuð eft-
ir spurningum, er ekkert meira
um framhaldið að segja,“ sagði
Geir Hallgrímsson, formaður
Sjálfstæðisfíokksins, í samtali
við Morgunblaðið í gær, en
hann var spurður um viðræðu-
fund þeirra Svavars Gestssonar,
formanns Alþýðubandalagsins, í
gær.
„Að sjálfsögðu breytir
stjórnarmyndunarumboð
Svavars Gestssonar engu um
það hvað Sjálfstæðisflokkur-
inn aðhefst í viðræðum við
aðra flokka," sagði Geir þegar
hann var spurður hvort sjálf-
stæðismenn hefðu átt viðræð-
ur við einhverja aðra aðila í
gær.
Aðspurður um afstöðuna til
þeirrar málaleitunar Svavars
Gestssonar, að fresta greiðslu
vísitölubóta þann 1. júní næst-
komandi um einn mánuð,
sagði Geir: „Ég tel að það sé
unnt að ljúka stjórnarmynd-
unarviðræðum tímanlega fyr-
ir 1. júní og þess vegna er því
ekki rétt að fresta greiðslu
vísitölubóta þann 1. júní,
nema ný ríkisstjórn telji sig
þurfa meiri tíma til útfærslu
stefnu sinnar varðandi vísi-
tölubætur, en þá yrði það á
ábyrgð þeirrar stjórnar,"
sagði Geir Hallgrímsson.