Morgunblaðið - 18.05.1983, Blaðsíða 32
j^íis^jÐerið f ?! Sími 44566
jpWljBONDEXl carnifí RAFLAGNIR
málrvng\ J® nrrumnipiwnp samvirki LE\t
MIÐVIKUDAGUR 18. MAÍ 1983
Verðbætur 1. júní:
Engin lausn að
fresta greiðslu
* r
— segir Asmundur Stefánsson, forseti ASI
„ÞAÐ ER ALVEG augljóst mál að
við það er miðað í okkar samning-
um að verðbætur komi til greiðslu
þann 1. júní og eins og málin
standa í dag, þá liggur ekkert fyrir
um neinar niðurstöður af aðgerð-
um af neinu tagi. Ég sé ekki að
það sé raunhæft að ræða eitt eða
neitt í kringum 1. júní, ég sé engar
forsendur fyrir því að stilla því upp
sem lausn á neinum vanda að
fresta greiðslu verðbóta 1. júní,“
sagði Ásmundur Stefánsson, for-
seti Alþýðusambands íslands í
samtali við Mbl., þegar hann var
inntur álits á þeirri hugmynd sem
Svavar Gestsson, formaður
Alþýðubandalagsins, viðraði í
stjórnarmyndunarviðræðunum í
gær.
Ásmundur sagði ómögulegt að
segja fyrir um, hvernig verka-
lýðshreyfingin myndi bregðast
við hugsanlegri frestun þann 1.
júní, það færi eftir efnissam-
henginu öllu. Hins vegar kvaðst
hann ekki sjá að neitt það lægi
fyrir 1. júní, sem skapaði for-
sendur til þess að menn ræddu
frestun greiðslu verðbóta í al-
vöru. Hugmynd um frestun nú
virtist ekki vera í tengslum við
neina heildarlausn á efnahags-
vandanum.
25.300 pökkum af
skreið skipað út
ÚTSKIPUN á 11.000 pökkum af
skreið og 14.300 pökkum af hertura
hausum á vegum Skreiöarsamlagsins
og Skreiðardeildar SÍS er fyrirhuguð
í þessum mánuði.
Að sögn Braga Eiríkssonar,
framkvæmdastjóra Skreiðarsam-
lagsins, skiptist magnið jafnt á
milli þessara tveggja aðila. Tilskil-
in leyfi og ábyrgðir liggja fyrir,
enda ekki flutt út án þess, að sögn
Braga. Sagði Bragi, að eitthvað af
innflutningsleyfum gæti verið á
leiðinni. Þetta væri hægur gangur
fram á við þar sem ekki væri enn
farið að greiðast úr efnahags-
ástandinu í Nígeríu.
Ekki vildi Bragi tjá sig um stöðu
skreiðarverkunar í dag, en sagði að
skreiðarverkendur lægju með
miklar birgðir og hefðu af því mik-
inn vaxtakostnað.
Strákafótboltinn er byrjaður af krafti eins og vera ber á vorin og í dag byrjar boltinn að rúlla fyrir alvöru hjá þeim fullorðnu, því
íslandsmótið hefst í kvöld. Á blaðsíðum 43 til 46 í blaðinu í dag er fjallað um íslandsmótið og jafnframt hefst þar kynning
Morgunblaðsins á þeim félögum, sem þátt taka í mótinu. Morgunbiaðið/ köe
Stefna Alþýðubandalagsins í spumarformi:
Verðbótaskerðing og inn-
flutningshöft meðal aðgerða
ÞINGFLOKKAR fengu í gær til
meðferðar spurningalista frá hand-
hafa stjórnarmyndunarumboðs,
Svavari Gestsyni, formanni Alþýðu-
bandalagsins, þar sem leitað er álits
á þeim málum sem umboðshafinn
telur brýnust í stjórnarmyndunarvið-
ræðunum. Skjalið sýnir, að Alþýðu-
bandalagið stefnir að skerðingu
verðbóta, innflutningshöftum, ein-
hliða aðgerðum gegn Alusuisse og
„frystingu“ á varnarliðinu á Kefla-
víkurflugvelli. Morgunblaðið birtir
spurningalistann í heild á miðopnu.
í spurningalistanum er á þrem-
ur stöðum rætt um lækkun eða
skerðingu verðbóta á laun. Aðrir
flokkar eru spurðir álits á „bein-
um eða óbeinum innflutnings-
hömlum" og „ráðstöfunum til að
takmarka innflutning". Stefnt er
að einhliða hækkun raforkuverðs
til álversins í Straumsvík í 15—20
r.ills „ef ekki takast samningar
eftir tiltekinn skamman tíma“.
Samkvæmt heimildum Morgun-
blaðsins er þar rætt um 2 til 3
mánuði.
Síðasta spurning Alþýðubanda-
lagsins er þessi: „Er flokkurinn
tilbúinn til þess að miða á
stjórnartímabilinu við óbreytt
ástand í bandarísku herstöðinni?"
V-Þýzkaland:
Fjórir teknir
með fíkniefni
FJÓRIK íslendingar hafa verið hand-
teknir í V-Þýzkalandi fyrir að reyna aö
smygla fíkniefnum með járnbrautar-
lest frá Amsterdam í Hollandi til
Kaupmannahafnar.
A föstudag voru tveir menn hand-
teknir með hálft kíló af hassi, tæp-
lega 100 grömm af amfetamíni og
heróín og kókaín. Öðrum manninum
var sleppt, en hinn, maður um þrí-
tugt, situr nú inni. I marz síðastliðn-
um var tvennt tekið á sömu slóðum.
Þau voru með 1,2 kíló af hassi. Mað-
urinn er rétt um þrítugt og konan
aðeins yngri. Þau sitja bæði inni.
íslendingarnir eru allir búsettir í
Danmörku.
Arnarflug:
VÖThefja
áætlunar-
flug til
Grænlands
ARNARFLUG hefur lýst þeim áhuga
sínum viö samgönguráðuneytið, að
taka að sér áætlunarflug milli íslands
og Grænlands allt árið um kring, en
ráðuneytið óskaði eftir því við félagið,
að það tjáði sig um hugsanlega skipan
flugsamgangna milli landanna f fram-
tíðinni, í kjölfar fundar íslenzkra og
grænlenzkra aðila f marzmánuði sl.
Arnarflug leggur til, að allt árið
verði flogið beint milli Reykjavíkur
og Nuuk með litlum flugvélum. Yfir
sumarmánuðina verði hins vegar
flogið á stórum þotum milli Kefla-
víkur og Narsarsuaq.
„Arnarflug heldur uppi áætlunar-
flugi með þessum flugvélum og þvf
væri fyrirhafnarlítið að bæta Græn-
landsflugi við án verulega aukins til-
kostnaðar. Raunar fengist með þessu
betri nýting þeirra flugvéla, starfs-
fólks og búnaðar, sem fyrir hendi er
og yki á hagkvæmni í rekstri félags-
ins.
Arnarflug er fúst til frekari við-
ræðna við íslenzk og grænlenzk
stjórnvöld um flugsamgöngur milli
landanna og er reiðubúið að leggja
fram ítarlega greinargerð um ein-
staka þætti þessa máls ef óskað er,“
segir orðrétt f bréfi Arnarflugs til
samgönguráðuneytisins.