Morgunblaðið - 16.10.1983, Síða 39

MORGUNBLAÐIÐ, SUNNUDAGUR 16. OKTÓBER 1983
Éfl
Lagakennsla á íslandi átti 75
ára afmæli þann fyrsta október
síðastliðinn. Af því tilefni dró
ljósmyndari Mbl., Ólafur K.
Magnússon, fram úr fórum sín-
um þessar myndir. Þær tók hann
3. apríl 1954, er minningar-
skjöldur var festur á húsið Þing-
holtsstræti 28 fyrir forgöngu
Orators, félags laganema til
minningar um það að laga-
skólinn var þarna til húsa
1908—1911, en þá varð hann að
lagadeild við Háskóla íslands, og
útskrifuðust fyrstu laganemar
þaðan 1912.
Á hópmyndinni má m.a.
þekkja Olaf Lárusson er var
meðal fyrstu stúdenta sem inn-
rituðust í lagaskólann (með
svartan hatt), Pétur Sigurðsson
háskólaritara og marga laga-
nema er nú eru kunnir menn, t.d.
Matthias Mathiesen og Sigurð
Líndal. Mennirnir tveir á hinni
myndinni eru á Ármann Snæv-
arr prófessor og dr. Einar
Arnórsson sem var prófessor við
lagaskólann.
Húsið að Þingholtsstræti 28
brann nokkrum árum seinna og
vildi þá svo til að skjöldur þessi
bjargaðist, hann er nú varðveitt-
ur í skrifsstofu Orators.
m.e.
„Humm, humm, stíft og bitið framan hægra ... hver á það nú
aftur? Jú, þetta er frá Steina á Kaðalstöðum."
Spurt út úr
markaskránni
Glöggskyggni á fjármörk er gáfa sem ekki
er öllum gefin. Hagnýti hennar þarf heldur
ekki að ræða um í sveitum landsins. Hún er
augljós því slíkir menn spara mikla vinnu
við uppflettingar í markaskrám þegar kom-
ið er að töfludrættinum í réttunum. Hér
áður fyrri æfðu menn sig í að muna marka-
skrárnar og höfðu um leið nokkurt gaman
af. Þessi gamli og góði siður var endurvak-
inn á skemmtun sem sóknarnefndirnar í
Stafholtsprestakalli héldu í vor í félags-
heimilinu á Varmalandi í Stafholtstungum
og var haldinn til ágóða fyrir kirkjurnar. Á
samkomunni, sem var fjölmenn, var eitt
skemmtiatriðið að Oddur Kristjánsson,
hreppstióri á Steinum i Stafholtstungum,
spurði Asmund Eysteinsson, bónda á Högn-
astöðum í Þverárhlíð, út úr markaskránni,
en Ásmundur er með allra minnugustu
mönnum á fjármörk enda gat Oddur hvergi
rekið hann á gat.
Ekki ber á Öðru en það hafi verið rétt. Ljósmyndir Þórhallur Bjarnason.

felSi 1
Ólöf Bjarnadóttir múrar utan um leirbrennsluofninn.
Keramik á Fjölium
„MEÐ HAUSTINU fer ég að nýju
af stað með keramikvinnuna,
heimilið og búskapurinn hafa tekið
mestan tímann í sumar," sagði
Ólöf Bjarnadóttir leirkerasmiður,
húsmóðir, kennari og búsýslukona
á Grímsstöðum á Fjöllum í spjalli
við Mbl.
„Leirbrennsluofninn sem ég
nota tekur 190 lítra og hefur
hann dugað vel. Ég brenndi í
honum í fyrsta sinn í vetur og
seldi þá allt til að byrja með til
Reykjavíkur. Nei, það er ekkert
mál að senda munina langar
vegalengd," sagði ólöf aðspurð.
„Þeir eru allveg jafn brothættir
hvort sem maður sendir þá fimm
kílómetra eða fimmhundruð.
Það þarf að vanda vel allan frá-
gang, annars er þetta ekkert
mál.
Þeir munir sem ég geri eru allt
nytjahlutir, skálar, könnur og
þessháttar. Flest hef ég sent til
Reykjavíkur og selt þar, en núna
langar mig til að gera muni og
selja í héraðinu. Það er nefnilega
hægt að stunda nytjalist á fleiri
stöðum en í þéttbýli, allavega
hef ég haft nóg að starfa í kera-
mikinu," sagði leirkerasmiður-
inn á Grímsstöðum á Fjöllum að
lokum.