Morgunblaðið - 11.01.1984, Side 2

2
MORGUNBLAÐIÐ, MIÐVIKUDAGUR 11. JANÚAR 1984
Á Holtavörðuheiði
MorjjunblaAirtHelgi Hjarnason
Frá jólum hcfur tíð verið rysjótt um allt land og sums staðar hefur verið vonskuveður allan þennan tíma.
Starfsmenn Vegagerðarinnar og margra sveitarfélaga hafa vart haft við að halda samgöngulciöum opnum.
Holtavörðuheiði hefur löngum verið erfið á þessum árstíma og frá áramótum hefur gengið illa að halda leiðinni
opinni. Meðfylgjandi mynd er tekin á heiðinni síðastliöinn föstudag er vegagerðarmenn ruddu veginn eftir
áhlaupið, sem gerði um miðja vikuna.
Kröfur samninganefndar BSRB:
15 þúsund króna lágmark
og kjör eins og í upphafi
síðasta ársfjórðungs ’83
KRAFA um 15 þúsund króna lág-
markslaun og samsvarandi leiðrétt-
ing kjara ellilífeyrisþega og öryrkja,
sem og að laun frá áramótum miðist
við launakjör í upphafi síðasta árs-
fjórðungs 1983, var megin niður-
staða fundar samninganefndar
Bandalags starfsmanna ríkis og
hæja sem var í ga-r. I*á er gert ráð
fyrir að til áfangahækkana komi á
samningstímanum, verði um rýrnun
á umsömdum kjörum að ræða, en
ekki er ákveðið í tillögunum til hve
langs tíma verður samið, heldur er
það gert að samningsatriði. l>essar
kröfur veröa lagðar fram á fundi
með ríkissáttasemjara og fulltrúum
ríkisvaldsins á morgun, fimmtudag.
„Ég tel að við séum þarna með
afskaplega sanngjarnar kröfur,
sem við vonumst til að verði sam-
þykktar. Við tökum tillit til
ástandsins í þjóðarbúinu, en við-
urkennum um leið að það hafi
ýmsir hlutir lagast frá því sem var
í vor. Hins vegar teljum við að við
séum búnir að borga okkar hlut af
Færeyingar og Islending-
ar ræða fiskveiðisamninga
FÆKFVSK samninganefnd kom í
gær, þriójudag, hingað til lands til við-
ræðna við íslenzku ríkisstjórnina um
hugsanleg fiskveiðiréttindi Færeyinga
við ísland. Fiskveiðisamningi þjóó-
anna var fyrir nokkru sagt upp af ís-
lendingum. Færeyska sendinefndin
vonast til aó ná samkomulagi við ís-
lendinga, þar sem veiðarnar við ís-
land hafa haft mikla þýðingu fyrir
línuveiöaflota Færeyinga.
Fyrir sendinefnd Færeyinga eru
Pauli Ellefsen, lögmaður, og Anfinn
Kallsberg, sjávarútvegsráðherra.
Geir Hallgrímsson, utanríkisráð-
herra og Halldór Ásgrímsson, sjáv-
arútvegsráðherra, verða fyrir ís-
lenzku samninganefndinni.
þessu og getum ekki greitt meira
en orðið er,“ sagði Haraldur
Hannesson, formaður Starfs-
mannafélags Reykjavíku-rborgar, í
samtali við Morgunblaðið, en
hann á sæti i samninganefndinni.
Það kom fram hjá Haraldi að
þeir í samninganefndinni teldu að
lagfæring lægstu launa þyrfti ekki
að vera með krónutöluhækkun
eingöngu, heldur mætti koma í
gegnum skattakerfið. Að hans
mati gæti slíkt ekki síður komið
að notum, en bein krónutöluhækk-
Haraldur sagði að hann teldi
það fráleitt að þessar kröfur gætu
hugsanlega valdið gengislækkun.
„Við teljum að við séum að gera
þarna svo sanngjarnar kröfur að
gengislækkun okkar vegna komi
ekki til greina. Við erum raunsæir
og það er alveg ljóst að launþegar
sem slíkir borga ekki meira í þeim
ráðstöfunum sem búið er að gera.
Það sem á kann að vanta verður
að korna einhvers staðar annars
staðar frá,“ sagði Haraldur Hann-
esson ennfremur.
Kjartan segi
strax af sér
— segir Helgi Már Arthursson
höfundur leiðarans í Skutli
„EG FAGNA þeim ummælum Kjart-
ans Jóhannssonar, að hann skuli
vera sammála því að flokkurinn
þurfi að vera stærri. Það er hraust-
lega mælt. Ég er hins vegar ósam-
mála öllu öðru sem hann segir í við-
tali við Morgunhlaðiö sl. laugardag.
Ég nenni ekki að fara í launkofa
með þá skoðun mína, að ég tel það
eina forsendu fyrir endurreisn Al-
þýðuflokksins að Kjartan segi af sér
strax,“ sagði Helgi Már Arthursson
sem ritaði leiðarann í Skutul, jóla-
blað alþýðuflokksmanna í Vest-
fjarðakjördæmi, sem Mbl. skýrði frá
sl. laugardag, en Helgi átti sæti á
framboðslista Alþýðuflokksins í
Vestfjarðakjördæmi fyrir síðustu al-
þingiskosningar.
í viðtali við Kjartan Jóhannsson
í sömu frétt sl. laugardag segir
hann m.a. að hann hafi ekki hugsað
sér að hætta sem formaður Al-
þýðuflokksins á flokksþingi í haust.
I umræddum leiðara er fjallað um
afhroð Alþýðuflokksins í síðustu
alþingiskosningum og leitt getum
að því að flokksforustunni geti ver-
ið um að kenna.
Varðandi innihald leiðarans
sagði Helgi Már: „Leiðarinn er efn-
islega það sem fólk, jafnaðarmenn í
hinum dreifðu byggðum landsins,
er að tala um. Ég skrifaði þetta á
grundvelli nokkurrar þekkingar á
innviðum flokksins. Ég veit að þeir
sem þora að kalla hlutina sínum
réttu nöfnum eru sammála mér.
Flokkurinn er auövitað að brotna
niður. Hins vegar er það kannski
ekki bara Kjartan sem skiptir
þarna máli, heldur verður þessi
flokkur að ákveða hvort hann er
með eða á móti hlutunum, til dæm-
is á Alþingi. Það þarf engan Ein-
stein til að komast að þessari
niðurstöðu um Alþýðuflokkinn."
Helgi Már sagði ennfremur að
hann sæi ekki í fljótu bragði hver
ætti að taka við af Kjartani, ef
hann hætti sem formaður Alþýðu-
flokksins.
Brazilía
*
og Island
skulda-
kóngarnir
BREZKA blaðið Economist birti
um áramót getraun, sem það lagði
fyrir lesendur sína, eins og áóur
hefur komið fram í fréttum Morg-
unblaðsins.
Þar var spurning númer 21
þess efnis, að spurt var hvaða
ríki væri skuldugast — a. í
beinhörðum peningum og b.
miðað við þjóðarframleiðslu.
Nefnd voru nokkur ríki, sem
menn gátu valið úr sem svör.
í nýútkomnu hefti Economist
birtast svo svörin. Skuldugasta
ríkið í peningum er Brazilía, en
skuldugasta landið miðað við
þjóðarframleiðslu er ísland.
Dr. Gunnar Þór
Jónsson prófessor
í slysalækningum
DR. GUNNAR Þór Jónsson hefur
verið skipaður prófessor í slysalækn-
ingum við Háskóla íslands með aö-
stöðu við slysadeild Borgarspítalans.
Hann tekur við af prófessor Hauki
Kristjánssyni, yfirlækni við slysa-
deild Borgarspítalans, sem lætur af
störfum fyrir aldurs sakir.
Dr. Gunnar er 41 árs gamall,
fæddur 19. júní 1942 í Grindavík,
sonur hjónanna Jóns Sigurðssonar
trésmiðs og konu hans, Guðríðar
Einarsdóttur ljósmóður. Hann
varð stúdent frá Menntaskólanum í
Reykjavík 1962 og útskrifaðist frá
læknadeild Háskóla íslands 1969.
Hann var kandidat við Landspítal-
ann og sjúkrahúsið á Akranesi og
var héraðslæknir í Búðardal um
Umferðarslysin stærra vandamál en áður var talið?
Veruleg vanskráning á
umferðarslysum á íslandi
ÞAD ER Ijóst að slysin í umferðinni
eru mun stærra vandamál en áður
var talið. í stað þess að 707 manns
hafi látist eða slasast í umferðinni á
íslandi árið 1975, eins og Cmferðar-
ráð telur, er líklegt að fjöldi slasaðra
hafi verið á þriðja þúsund, segir m.a.
í grein eftir Bjarna Torfason lækni, í
tímaritinu Heilbrigðismál. Þar fjallar
Bjarni um rannsókn sína á þeim um-
ferðarslysum, sem skráð voru á
Slysadeild Borgarspítalans 1975.
Skýrsla um rannsóknina kom út í lok
síðasta árs sem fylgirit við Heilbrigð-
isskýrslur á vegum I.andla*knisemb-
ættisins.
Bjarni segir að veruleg van-
skráning sé á umferðarslysum hér-
segir Bjarni Torfa-
son læknir, sem rann-
sakað hefur slysa-
skráningarskýrslur
lendis. „Samanburður á opinberri
skráningu Umferðarráðs (sem
byggir á lögregluskýrslum) við
þessa rannsókn, sem byggð er á
gögnum Slysadeildar Borgarspítal-
ans, leiðir í Ijós verulegt misræmi.
Alls létust eða slösuðust 1.682 íbú-
ar höfuðborgarsvæðisins í umferð-
arslysum árið 1975,“ segir hann í
greininni í Heilbrigðismálum. „Þar
af voru 27% á skrám beggja þess-
ara aðila, 2% eingöngu á skrá Um-
ferðarráðs og 71% eingöngu á skrá
Slysadeildarinnar. Á sama tíma og
Umferðarráð telur 490 manns hafa
slasast í umferðinni á höfuðborg-
arsvæðinu voru 649 fluttir með vit-
und lögreglunnar i Reykjavík á
Slysadeildina eftir umferðarslys."
Bjarni segir að vanskráning Um-
ferðarráðs sé ekki bundin við
minniháttar slys, ráðið hafi t.d.
ekki skráð nema rúmlega 70%
þeirra, sem slösuðust svo mikið, að
leggja varð þá inn á sjúkrahús. Sjö
af hundraði þeirra voru ranglega
skráðir með lítil meiðsli. „Svipað
ósamræmi á skráningu þessara að-
ilja er einnig árið 1976—1982,“ seg-
ir hann í greininni.
„Hinni opinberu skráningu á
umferðarslysum virðist vera mjög
ábótavant. Hætt er við að viðbrögð
stjórnvalda við vandamálum um-
ferðarinnar hafi mótast af miklu
vanmati á raunverulegru ástandi
þessara mála. Það er því brýnt að
bæta slysaskráningu lögreglu og
Umferðarráðs eða taka upp nýja
skráningu á vegum heilbrigðis-
stjórnarinnar, en slíkt er nú þegar
í undirbúningi að því er varðar
höfuðborgarsvæðið," segir Bjarni
Torfason.
Dr. Gunnar Þór Jónsson
skeið. Hann stundaði framhalds-
nám í bæklunarskurðlækningum í
Jönköping í Svíþjóð 1971—74 og
síðan við háskólasjúkrahúsin í
Lundi og Malmö 1975 til 1980.
Dr. Gunnar varði doktorsritgerð
sína um gerviliðaaðgerðir í hnjám
við læknadeildina í Lundi 1981.
Hann hefur starfað sem sérfræð-
ingur við bæklunardeild Landspít-
alans frá 1. ágúst 1980.
Dr. Gunnar er kvæntur Ragn-
heiði Júlíusdóttur frá Akranesi og
eiga þau fjögur börn.