Morgunblaðið - 18.05.1985, Page 41

MORGUNBLAÐIÐ, LAUGARÐAQUR 18. MAl 1985
41
Helga /. Halldórs
dóttir — Minning
Fædd 31. ágúst 1895
Dáin 9. maí 1985
Fyrstu kynni mín af Helgu voru
þegar ég heimsótti hana nýkvænt-
ur Ástrúnu dóttur hennar. Mér
var þá eins og ætíð síðan tekið
opnum örmum á því heimili. Þá
bjó hún með manni sínum, Valdi-
mar Davíðssyni, sem er látinn
fyrir nokkrum árum, og syni
þeirra, Þórði. Heimili þeirra var
þá á Hömrum í Hraunhreppi í
Mýrasýslu. Þar átti ég margar
góðar hvíldar- og ánægjustundir í
fríum mínum næstu árin og síðar
á heimili þeirra í Borgarnesi. Gf
til vill urðu kynni okkar Helgu þó
nánust á meðan hún dvaldi á
heimili okkar hjónanna fyrstu ár-
in eftir að hún hætti sjálf að ann-
ast heimilishald. Með okkur
myndaðist vinátta, sem aldrei bar
á skugga. Helga var vel greind,
glaðlynd og lagði öllum gott til.
Hún tók jafnan málstað þeirra,
sem á var hallað. Það stafaði allt-
af hlýju frá henni til þeirra, sem
hún umgekkst. Furðu minnug var
hún næstum til síðustu stundar.
Hún hafði mikinn áhuga á og bar
umhyggju fyrir afkomendum sín-
um og vinum, en þeir voru margir.
Eftir að hún fluttist á Dvalar-
heimilið í Borgarnesi var hún
oftast hjá okkur um hátíðir og það
var hrífandi að fylgjast með því,
hve mikla ánægju hún hafði af
þvsfei að búa út og gefa jólagjafir.
Helga var iðjusöm og notinvirk,
enda hefir það vafalaust komið sér
betur á búskaparárum hennar þar
sem þau hjón áttu og ólu upp 7
börn og eina uppeldisdóttur við
rýr efni. Seinni árin heklaði hún
mikið og prjónaði. Einkum heklaði
hún mikið af dúkum með marg-
víslegu munstri, sem hún stundum
tók upp úr blöðum og það þó árin
færðust yfir hana og sjónin dofn-
aði. Þessir dúkar báru vitni um
lagni og listfengi, enda voru þeir
margir, sem vildu eignast þá.
Ég þakka tengdamóður minni
fyrir allt, sem hún hefir verið mér
og mínum. Blessuð sé minning
hennar.
Aðalsteinn Sigurðsson
Stykkishólmur:
Góðri vertíð lokið
Stjkkúhólmi, 12. maí.
LOKADAGURINN var í gær.
Ekki vissi maðtir mikið af
honum enda varla von. Bát-
arnir hættir þorskfiskveiðum
í net þar sem kvótinn var bú-
inn og stærstu bátunum hef-
ur nú verið lagt og bíða þeir
þar til skelveiði byrjar á ný í
sumar. Þeir hafa ekki í önn-
ur hús að venda.
Grásleppuveiðin er nú að glæð-
ast. Ég hitti í gær einn formann-
inn á grásleppuveiðibát og sagði
hann mér að vertíðin hefði farið
mjög hægt af stað og sáralítil
veiði verið í byrjun, en nú hefði
þetta glæðst og kvaðst hann von-
góður um að vertíðin í ár yrði ekki
síðri en í fyrra þótt fleiri væru nú
um hituna. Hingað til hafa verið
keyptir bátar til grásleppuveiða..
Björgvin Guðmundsson og tveir
með honum hafa keypt sér hrað-
bát og hófu strax í apríl hand-
færaveiðar. Fengu þeir ágætt veð-
ur og samfellda 6 róðra og tvö
tonn að jafnaði í þeim, en alls eru
þeir búnir að fá á skömmum tíma
um 20 lestir. Síðan er haldið á
grásleppumiðin og lét Björgvin
vel af því sem af er. Sagði að bát-
urinn hefði reynst vel í alla staði
og væri framtíðarbátur á þessum
veiðum.
Færaafli hefir verið mikill í vor
og eins og áður hefir verið sagt
frá hafa smærri bátarnir yfirfyllt
kvóta sinn og stjórn sjávarútvegs-
mála í vandræðum hvernig við á
að bregðast sérstaklega þegar all-
ir þrýsta á auknar veiðar. Jafnvel
menn í sveitinni hafa brugðið sér
á sjó og komið með hlaðinn bát að
landi. Nú velta menn því fyrir sér
hvort Hafrannsóknastofnunin
þurfi ekki að fara að reikna betur
og hefja rannsóknir að nýju, og
eru sannfærðir um að breyting
verði þá á viðmiðun veiðanna.
Ýmsa heyri ég tala um að rétt
væri að hætta að láta bátana hafa
kvóta, en setja þá í þess stað til
fiskvinnslustöðvanna. Væri það
ekki athugandi?
— Árni

* IW á
1 h- lij • .\
Gítartónleikar
á fjórum stöðum
Gítarleikararnir Símon H. fvars-
son og Siegfried Kobilza frá Austur-
ríki hafa að undanförnu haldið tón-
leika víða um landið.
Næstu tónleikar þeirra verða
sunnudaginn 19. maí kiukkan 17 í
Grindavíkurkirkju. Mánudaginn
20. maí leika þeir kl. 20.30. Á
þriðjudag leika þeir kl. 20.30 á
hótelinu í Borgarnesi og á sama
tíma á miðvikudag í Grunnskólan-
um á vegum tónlistarfélagsins.
Gerðuberg í Breiðholti:
Landsfundur
Samtaka um
kjarnorku-
vopnalaust
ísland
Fyrsti landsfundur „Samtaka um
kjarnorkuvopnalaust ísland“ verður
haldinn laugardaginn 18. maí en
samtökin voru stofnuð í vetur sem
leið. Fundurinn verður settur kl.
9:30 í Gerðubergi í Breiðholti og
stendur hann fram eftir degi. Sam-
tökin voru stofnuð um það megin-
markmið að því verði lýst yfir i Al-
þingi, eða fest í lög, að i íslandi
verði aldrei geymd eða smíðuð
kjarnavopn.
í samtökunum er fólk með
margvíslegar skoðanir á stjórn-
málum, sem sameinast í þeirri
sannfæringu, að friðlýsing íslands
og kjarnorkuvopnalaus svæði séu
mikilvæg skref í átt til friðar í
heiminum. Á landsfundinum verð-
ur m.a. gengið frá lögum um sam-
tökin, gerð starfsáætlun næsta árs
og kosin framkvæmdanefnd. Rétt
til fundarsetu eiga allir félagar
samtakanna og bent er á að enn
geta menn gerst stofnfélagar.
I núverandi framkvæmdanefnd,
sem kosin var til bráðabirgða á
stofnfundinum í mars sl., sitja
Brynjólfur Eyjólfsson, Gunnar
Kristinsson, Jóhanna Bogadóttir,
Hóimfríður Árnadóttir, Páll Ein-
arsson, Sigurður Árnason og
Tryggvi Gíslason.
(Úr fréttatilkynningu.)
Eldhúskrókurinn
Velkomin í kaffi
Hér koma uppskriftir af þremur sérlega ljúffengum kökutegund-
um. Ég er viss um að einhver skuldar boð, og nú er bara að skella sér
í bakstur eina kvöldstund, og ná svo í nokkra sem langt er síðan við
höfum séð, og eiga skemmtilega dag- eða kvöldstund í góðum félags-
skap.
Þá er að byrja á tertunni:
Terta með hnetumar-
engs:
Botnar:
125 gr smjör eða smjörlíki
75 gr sykur
2 eggjarauður
100 gr hveiti
1 tsk. lyftiduft
1 dl mjólk
Á milli:
Um það bil 2Vi dl rjómi (þeytt-
ur)
Marengs:
2 eggjahvítur
125 gr sykur
1 tsk. vanillusykur
100 gr hnetukjarnar
Hrærið smjörið ljóst og lint með sykri og bætið eggjarauðunum út
í, annarri í einu. Hveiti og lyftiduft sigtað og blandað í smjördeigið
og síðan þynnt með mjólkinni. Sett í vel smurt tertumót með háum
kanti.
Þeytið hvíturnar í marengsið mjög stífar, og bætið svo sykrinum
hægt og hægt saman við ásamt vanillusykrinum. Saxið hnetukjarn-
ana. Smyrjið massanum yfir deigið í forminu og dreifið söxuðu
hnetukjörnunum yfir. Sett í 175° heitan ofn í næst neðsta bil og
bakað í 25—30 mínútur.
Látið kökuna kólna örlítið áður en hún er tekin úr forminu og sett
á ristina til að kólna alveg. Síðan sneidd í tvennt og þeyttur rjómi
settur á milli. Saxað súkkulaði, perur, jarðarber eða aðrir ávextir
fara vel með rjómanum á milli; eins má láta þeyttan rjóma ofan á,
um 2Vi dl.
Kjómahorn:
(24 stykki)
100 gr smjör eða smjörlíki
300 gr hveiti
1 tsk. sykur, 1 tsk. salt
35 gr ger
1 dl rjómi
Vz dl vatn
1 egg
Hnoðið smjörið út í hveitið, dreifið saltinu og sykrinum yfir. Leys-
ið upp gerið i volgum rjómanum og hrærið vökvanum út í deigið með
skeið ásamt vatninu og Vi þeyttu eggi. Hrærið og hnoðið deigið vel
saman. Fletjið það síðan út í aflanga köku á hveiti stráðu borði.
Leggið deigið saman þrisvar og fletjið út aftur, endurtakið þetta 3—4
sinnum. Skiptið þá deiginu í tvo hluta og fletjið þá út, skerið hvorn í
12 þríhyrninga, og vefjið þríhyrningana upp frá breiðari endanum.
Beygið hornin aðeins og látið þau á plötu með bökunarpappír þar
sem þau eru látin hefast í um 15 mínútur. Penslið þá hornin með
afgangnum af þeytta egginu og bakið í 10—12 mínútur í 200—210°
hita í miðjum ofni. Hornin borðast volg með köldu smjöri.
Valhnetukaka:
125 gr smjör
375 gr sykur
5 eggjarauður
70 gr rasp
% dl rjómi
100 gr möndlur
100 gr valhnetukjarnar
4 eggjahvítur
Flórsykur
Hrærið lint smjör mjög vel með sykri og eggjarauðum. Bætið
varlega við raspi og rjóma. Afhýðið möndlurnar og saxið smátt,
sömuleiðis valhneturnar, en takið nokkra kjarna frá til að skreyta
með. Blandið þessu svo út í smjördeigið. Þeytið hvíturnar mjög stifar
og látið þær varlega saman við deigið. Sett í vel smurt hveiti stráð
form.
Bakist neðst ! 165° heitum ofni i 1 klukkustund. Látið kökuna
standa i forminu augnablik áður en hún er tekin og sett á bökunar-
rist til kælingar. Þá sett á tertufat og flórsykur sigtaður yfir. Skreytt
með heilum valhnetukjörnum.
Verði ykkur að góðu.