Morgunblaðið - 23.05.1985, Blaðsíða 1

114. tbl. 72. árg.
UNESCO:
Ritskoðun-
in vakin upp
Paría, 22. maí. AP.
FULLTRÚAR nokkurra vestrænna þjóda á fundi UNESCO, Menningar- og
vísindastofnunar SÞ, sem nú fer fram í París, vöruðu i dag við tilraunum til að
vekja upp hugmyndina um eftirlit með upplýsinga- og fréttaflutningi. Atti hún á
sínum tíma meginþátt í því að Bandaríkjamenn sögðu skilið við stofnunina.
Árið 1983 var samþykkt að
leggja þessa hugmynd til hliðar um
óákveðinn tíma en i ályktun, sem
framkvæmdastjórn UNESCO lagði
nú fyrir fundinn, var samþykktar-
innar hins vegar að engu getið.
Fulltrúi Frakka, sem naut stuðn-
ings þess breska og kanadíska,
krafðist þess, að M’Bow, yfirmaður
stofnunarinnar, setti samþykktina
inn aftur og breski fulltrúinn sagði,
að virða yrði fyrri ákvarðanir.
Bretar hafa hótað að segja sig úr
UNESCO fyrir árslok nema veiga-
miklar breytingar verði gerðar á
starfseminni og fleiri vestrænar
þjóðir og Japanir ætla að taka að-
ildina til endurskoðunar fyrir ára-
mót.
Ýmsar þriðja heims þjóðir og
Sovétmenn halda því fram, að vest-
rænir fjölmiðlar segir ekki satt og
rétt frá ástandi mála í vanþróuðum
ríkjum og vilja því hafa eftirlit
með fréttaflutningi en fulltrúar
vestrænna þjóða og annarra segja,
að með eftirlitinu sé aðeins stefnt
að stórkostlegri ritskoðun. Fulltrúi
Jamaica sagði, að hugmyndin um
fréttaeftirlitiö minnti marga á þá
skipan, sem Hitler og nasistar
reyndu að koma á fyrir rúmum
fjórum áratugum.
AP/Símamynd
Caspar Weinberger, varnarmálaráðherra Bandaríkjanna, og Michael Heselt-
ine, varnarmálaráðherra Bretlands, á leið til fundarins í gær.
Vorfundur varnarmálaráÖherra Nato:
Einhugur um
eflingu herafla
Rriif«cl. 22. nuf. AP. *»—'W
VORFUNDI varnarmálaráðherra Atlantshafsbandalagsins lauk í dag, degi
áður en ætlað var, og voru ráðherrarnir sammála um ráðstafanir til að efla
hefðbundinn herafla bandalagsins. í tilkynningu, sem gefin var út að fundin-
um loknum, sagði, að enginn ágreiningur hefði verið um, að á þeim vettvangi
stæði Nato verulega höllum fæti.
Ráðherrarnir samþykktu mjög
viðamiklar tillögur í þeim tilgangi
að efla og styrkja hefðbundinn her-
afla Atlantshafsbandalagsins og
má meðal þeirra nefna áætlun um
að byggja fyrir árið 1990 665 skýli
fyrir flugvélar, sem sendar yrðu til
Vestur-Evrópu á hættustund.
Einnig var lagt til, að skotfæra-
birgðir yrðu auknar; að samstarf
við áætlanagerð yrði aukið til að
nýta betur fjárframlög aðildarríkj-
anna; að meiri áhersla yrði lögð á
langtímaáætlanir og að Grikkjum,
Portúgölum og Tyrkjum yrði veitt
meiri aðstoð við endurskipulagn-
ingu og eflingu herafla þeirra.
Sagði í tilkynningu fundarins, að
veik staða herja þessara ríkja væri
sérstakt áhyggjuefni.
Ráðherrarnir ítrekuðu enn einu
sinni, að stefnt væri að því að auka
útgjöld aðildarríkjanna til varn-
armála um 3% þegar tekið hefði
verið tillit til verðbólgu og fögnuðu
einnig viðræðum Bandaríkja-
manna og Sovétmanna um afvopn-
unarmál. Voru þeir einhuga í
stuðningi sínum við afstöðu
Bandaríkjastjórnar í viðræðunum
en önnur lota þeirra hefst 30. maí
nk.
Ráðgert hafði verið, að fundur
varnarmálaráðherranna stæði í tvo
daga, en honum lauk á einum degi
og var skemmri þann daginn en bú-
ist hafði verið við. Var mikil ein-
drægni og samstaða meðal ráð-
herranna og sagði Michael Hesel-
tine, varnarmálaráðherra Breta, að
hafa mætti það til marks um
styrka stöðu Atlants-
hafsbandalagsins.
72 SIÐUR B
STOFNAÐ 1913
FIMMTUDAGUR 23. MAÍ 1985
Prentsmiðja Morgunblaðsins
AP/Simamynd
Björgunarmenn unnu að því fram í myrkur að flytja slasað fólk og látið eftir.að gífurleg sprenging varð í gær í
mannlausum bíl í hverfi kristinna manna í BeirúL A.m.k. 60 manns biðu bana í sprengingunni og um 200 slösuðust
Talið er að um 300 kfló af sprengiefni hafl verið í bifreiðinni.
Brunnin lík og bíl-
ar eins og hráviði
60 fórust og 200 slösuðust í mikilli sprengingu í Beirut
Beiiút, 22. maí. AP.
SEXTÍU manns létust og tæplega
tvö hundruð slösuðust í Beirút í
dag þegar bifreið hlaðin sprengi-
efni sprakk í loft upp á fjölförnu
stræti. Margir þeirra, sem létust,
þar á meðal nokkur börn, voru svo
illa farnir, að ekki var unnt að
bera á þá kennsl. Gerðist þetta í
einu hverfi kristinna manna í
borginni.
Bifreiðin hafði verið skilin eftir
á fjölförnum gatnamótum og svo
öflug var sprengingin, að nálæg
hús stórskemmdust. Er talið, að
allt að 300 kíló af sprengiefni hafi
verið í bílnum. ! útvarpsstöð krist-
inna manna, „Rödd Líbanons",
sagði, að hér hefði verið um að
ræða „skelfilegt fjöldamorð" en
við sprenginguna kviknaði í 50 bif-
reiðum og köstuðust þær eins og
hráviði um allt. Innan um þá lágu
brunnin líkin og á einum stað
mátti sjá þriggja ára gamla stúlku
blóði drifna og grátandi hjá sund-
urtættu líki móður sinnar.
Strax var hafist handa við að
flytja á brott slasaða og bjarga
þeim, sem voru á lífi í bílhræjun-
um, en það auðveldaði ekki starf
björgunarmannanna, að samtimis
létu múhameðstrúarmenn
sprengjukúlunum rigna yfir borg-
arhlutann og lentu þær margar
skammt frá. Engin þeirra mörgu
fylkinga, sem berast á banaspjót i
Libanon, hafði hreykt sér af ódæð-
inu þegar síðast fréttist.
Bílsprengingin i dag er önnur á
einni viku en sú fyrri varð við eina
bækistöð shíta í Vestur-Beirút,
borgarhluta múhameðstrúar-
manna. Slösuðust þá átta manns
en 8. mars sl. sprakk sprengja í bíl
við heimili Mohammed Hussein
Fadlallah, andlegs leiðtoga shita i
Líbanon, og fórust þá 80 manns og
allt að 260 slösuðust.
Glæsihús í Genf
fyrir tugmilljónir
Svissnesk blöð segja frá fjárfestingu
Eþíópíustjórnar í miðri hungursneyð
Geif, 22. mtf. AP.
SVISSNESK blöð skýrðu frá því með stórum fyrirsögnum f dag, að
Eþíópíustjórn hefði í janúar sl. keypt mikið glæsihús í borginni fyrir 1,3
milljónir svissneskra franka (rúmlega 20 millj. ísl. kr.) eða á sama tíma
og fjársöfnun fór fram um allan heim til að bjarga sveltandi fólki í
Eþíópíu frá hungurdauðanum. Húsið á að verða aðsetur sendiherra
Eþíópíu hjá Sameinuðu þjóðunum og stendur til að fara með stórfé til að
gera það enn betur úr garði.
Fréttir af húskaupunum birt-
ust fyrst í blaðinu „La Suisse" en
í dag einnig í blaðinu „Blick“ í
Zúrich ásamt mörgum bréfum
frá lesendum, sem finnst fram-
ferði Eþíópíustjórnar hneykslan-
legt svo ekki sé meira sagt. Blöðin
sögðu einnig frá því, að fyrir dyr-
um stæðu miklar breytingar á
húsinu til að gera það enn glæsi-
legra og þægilegra fyrir sendi-
herrann. Þar á t.d. að koma íyrir
gufubaði, sérstökum hvildarher-
bergjum, leiksvæðum og stækka
sundlaugina. 1 skrifstofuna sjálfa
verður hins vegar ekki mikið bor-
ið og verður hún minni en gerist
og gengur í sendiherrabústöðum.
„Hneykslanleg fjárfesting" var
fyrirsögnin í „La Suisse" og sagði
i fréttinni, að augljóslega ætti
húsið ekki að vera annað en lysti-
semdastaður fyrir sendiherrann
og starfsmenn hans. „Milljónir
manna svelta í Eþíópíu en stjórn-
völd hafa fé aflögu í munað af
þessu tagi.“ Ráðgjafi eþíópísku
sendinefndarinnar, 'Gebre
Mehdin Getachew, hafði það að
segja um blaðafréttirnar, að til-
gangurinn með þeim væri sá einn
að „sverta álit Eþíópíustjórnar út
á við“.