Morgunblaðið - 19.07.1986, Page 47

MORGUNBLAÐIÐ, LAUGARDAGUR 19. JÚLÍ 1986
47
Enn skorar Tryggvi
- gerði þrjú í gær, kominn með 17 alls
Frá Aöalsteini Sigurgeirssyni á Akureyri.
TRYGGVI Gunnarsson gerir það
ekki endasleppt með KA12. deild-
inni í knattspyrnu. Hann skoraði
öll mörk liðsins f 3:1-sigri gegn
Siglfirðingum á Akureyri í gœr-
kvöldi og hefur þá skorað 17
mörk í 11 leikjum í deildinni í
sumar. Óhætt er að segja að leik-
urinn í gær hafi verið sögulegur
— tveir Siglfirðingar voru reknir
af velli: Hafþór Kolbeinsson og
Jakob Kárason og gula spjaldið
fór auk þess fjórum sinnum á loft.
Það voru Siglfirðingar sem náðu
forystunni og höfðu yfir í leikhléi.
Hafþór Kolbeinsson skoraði á 27.
mín. Jón Kr. Gíslason gaf fyrir frá
hliðarlínunni hægra megin, Torfi
markvörður varði en hélt ekki
knettinum og Hafþór þrumaði í
netið. Siglfirðingar voru betri aðil-
inn í fyrri hálfleik — ákveðnari og
fengu hættulegri færi.
Fyrsta mark Tryggva kom svo á
65. mín. Friðfinnur Hermannsson
sneri mjög laglega á þrjá varnar-
menn - lék inn íteig og upp að
endamörkum og gaf fyrir þar sem
Tryggvi hafði „þefað" uppi færið
og skallaði í netið af stuttu færi
(sjá mynd).
Tryggvi skoraði á 82. mín. Hin-
rik lék upp vinstra megin, sendi
fyrir á Tryggva sem skoraði auö-
veldlega — var óvaldaður á
markteig. Þriðja markið skoraði
hann svo á 85. mín. Vítaspyrna var
dæmd er Björn Sveinsson handlék
knöttinn og Tryggvi skoraði úr
vítinu.
Hafþór Kolbeinsson var rekinn
út af á 54. mín. er Siglfirðingar
höfðu enn yfir. Hafþór hrinti mót-
herja eftir að hafa fengið dæmda
aukaspyrnu og Ólafur dómari gat
ekki annað en rekið hann af velli.
Jakob KS-fyrirliði var síðan rekinn
af velli á 80. mín. Staðan var þá
1:1. Hann fékk að líta rauða kortið
fyrir nöldur. Haföi áður fengið gula
spjaldið.
KA-menn voru betri allan síðari
hálfleikinn, áttu mýmörg færi, en
þes ber að geta að eftir að KA
jafnaði áttu Siglfirðingar skalla í
þverslá. En eftir að vera orðnir
tveimur fleiri var eftirleikurinn auð-
veldur fyrir KA-menn.
í jöfnu liði KA var Friðfinnur
bestur en Colin Tacker og Óli Agn-
arsson léku best Siglfirðinga.
Ólafur Sveinsson dæmdi mjög
erfiðan leik nokkuð vel. — AS/SH.
Opna breska meistaramótið:
Greg Norman jafnaði
vallarmetið og er nú
með forystu í mótinu
„ÞESSI völlur er einn sá erfiðasti
í heiminum og það er alveg
ómögulegt að leika vel hórna,“
sagði Ástralíubúinn Greg Nor-
man á miðvikudaginn, daginn
áður en opna breska meistara-
mótið hófst. Eftir fyrri daginn,
sem hann lók á 74 höggum eða
fjórum höggum yfir pari vallarins,
sagði hann að völlurinn væri
hreint ömurlegur. í gær breyttist
hljóðið í honum og þá sagði hann: -
„Þetta er minn völlur." Ástæðan?
Jú, hann jafnaði vallarmetið og
lék á 63 höggum f gær. Sjö högg
undir pari og var að vonum
ánægður enda er hann með for-
ystu í mótinu eftir tvo fyrstu
dagana.
Hann hefði hæglega átt að geta
leikið á 60 höggum því á 18. braut-
inni var hann um 8 metra frá holu
eftir tvö högg en þurfti að þrípútta
auk þess sem hann fjórpúttaði á
annarri braut á vellinum. „Ég er
samt ánægður, það er ekki hægt
að leika óaðfinnanlega á þessum
velli — þó svo ég hafi verið ansi
nærri því í dag," sagði hann bros-
andi og að vonum ánægður.
Talið er að þegar Norman kom
inn með þeim síðustu í gær hafi
áhorfendur við 18. flötina verið um
15.000 og allir fylgdust vel með
því hvort honum ætlaði að takast
að slá vallarmetiö. Það tókst hon-
um ekki en jafnaði met Mark Hayes
frá Bandaríkjunum frá árinu 1977
og Japanans Isao Aoki frá 1980.
Það hefur gengið á ýmsu tvo
fyrstu daga mótins og flestir eru
allt annað en ánægðir með árang-
urinn. Fyrri daginn var mjög hvasst
og kalt en í gær var skárra veður.
Völlurinn er mjög þröngur og eru
Bandaríkjamennirnir sérstaklega
óánægðir með hann enda vellir í
Bandaríkjunum mun opnari og því
þurfa menn ekki að vera eins
hárnákvæmir í höggum sínum á
þeim eins og þessum velli í Skot-
landi.
lan Woosnam frá Wales sem
haföi forystuna eftir fyrri daginn á
70 höggum lék í gær á fjórum
höggum meira og er nú í sjötta
sæti ásamt nokkrum öðrum kylf-
ingum. Samhliða honum er Svíinn
Anders Forsbrand en hann lék á
71-73=144 höggum og þykir hafa
staðið sig mjög vel.
Röð efstu manna lítur annars
þannig út:
* » •
AP/Símamynd
• Greg Norman reynir hór árangurslaust að ná höggi undlr pari á
17. braut. Á þeirri 18. og si'ðustu þrfpúttaði hann sfðan þannig að
honum tókst ekki að slá vallarmetið.
Greg Norman, Ástralíu 74-63=1
Gordon Brand, Englandi 71-68=1
TommyNakajima.Japan 74-67=1
Nick Faldo, Englandi 71-70=1
Bemhard Langer, V-Þýskalandi 72-70=1
lanWoosnam, Wales 70-74=1
Anders Forsbrand, Svíþjóð 71-73=1
Jo8e-Maria Canizares, Spáni 76-68=1
Gregory Tumer, Nýja Sjál. 73-71=1
í næstu sex sætum konr
Bandaríkjamennirnir Raymor
Floyd, Payne Stewart, Bob Twa
Donnie Hammond, Gary Koch og
Weibring og hafa þeir allir leikið á
145 höggum.
Jack Nicklaus lék á 151 höggi
og rétt slapp til að halda áfram
því allir sem léku á fleiri höggum
geta nú farið heim og í þeirra hópi
eru meðal annars Tom Kite, Larry
Nelson og Ballesteros svo ein-
hverjir séu nefndir.
Símamynd/Skapti Hallgrímsson
• Tryggvi Gunnarsson jafnar hór leikinn gegn KS f gærkvöldi. Hann
skallar í netið eftir mjög góðan undirbúning Friðfinns Hermannsson-
ar, sem sóst ekki. Birgir Ingimarsson kemur engum vömum við á
Ifnunni.
Jafntefh
Víðis og ÍA
VÍÐISVÖLLUR 1. deild:
VHMr - (A 2:2 (0:1)
Mörk VfAis: Grótar Einarsson ó 68. mín og
Guöjón Guðmundsson á 70. mín.
Mörk lA: Guðjón Þóröarson (v) á 17. mín og
Siguröur Lárusson á 50. min.
Gul spjöld:Grótar Einarsson, Sveinbjörn Há-
konarson, Heimir Guömundsson og Guöbjörn
Tryggvason
Dómari: Bragi Bergmann og dœmdi hann
þokkalega
Ahorfendur. Um 400
EINKUNNAGJÖFIN:
Uö Víöls: Gísli Hreiðarsson 3, Klemens Sœ-
mundsson 3, Vilhjálmur Einarsson 3, Ólafur
Róbertsson 2, Daníel Einarsson 3, Guöjón
Guömundsson 3, Vilberg Þorvaldsson 2, Grót-
ar Einarsson 4, Helgi Bentsson 2, Mark
Duffield 3, Bjöm Vilhelmsson 3. Hlífar Sæ-
mundsson (vm) lók of stutt.
Samtale: 31 stig
Uö ÍA: Birkir Kristinsson 3, Guöjón ÞórÖarson
4, SigurÖur Lárusson 3, Heimir Guömundsson
3, Guöbjöm Tryggvason 3, Ólafur Þóröarson
3, Ámi Sveinsson 3, Sveinbjöm Hókonarson
3, Siguröur B. Jónsson 2, Valgeir BarÖason
2. Höröur Jóhannsson (vm) lók of stutt. Júlíus
Ingólfsson 2.
Samtals: 31 stig
Þetta var bráðskemmtilegur og
vel spilaður leikur — bæði lið fengu
mörg þokkaleg marktækifæri og
mikil barátta var á miðvellinum.
Janfteflið eru sanngjörn úrslit, þó
Víðismenn hafi verið öllu nær því
að sigra í lokin en Skagamenn.
Fyrsta markið kom á 17. mínútu.
Sveinbjörn Hákonarson var þá
kominn í færi í teignum þegar
Daníel Einarsson felldi hann, og
Guðjón Þórðarson skoraði úr vítinu
af öryggi. Skagamenn bættu öðru
marki við í byrjun seinni hálfleiks.
Árni Sveinsson tók þá aukaspyrnu
á miðvellinum, sendi háa sendingu
fyrir markið og Sigurður Lárusson
skallaði í netið. 0:2.
En Víðismenn, sem ekki höfðu
átt minna í leiknum og höfðu feng-
ið ágæt færi, efldust allir við
mótlætið. Eftir ótrúlega sóknarlotu
og fimm skot á markiö sem Skaga- t
menn vörðu á línu, tókst Grétari
Einarssyni að koma boltanum inn-
fyrir línuna og minnka muninn. Og
jöfnunarmarkið kom rétt á eftir.
Guðjón Guðmundsson fékk þá
sendingu inn í teig frá Klemens
Sæmundssyni, hálfmistókst skotið
en náði boltanum aftur og þrumaði
þá í markið. Eftir jöfnunarmarkið
börðust bæði lið mjög, en þrátt
fyrir þokkaleg færi, sérstaklega af
hálfu Vfðismanna, var ekki meira
skorað. —
1. deild kvenna:
Valur vann
VALUR vann UBK f 1. deild
kvenna á Hlíðarenda í gærkvöldi
með þremur mörkumn gegn
tveimur. Sigurinn var sanngjam.
Ingibjörg Jónsdóttir náði forystu
fyrir Val í fyrri hálfleik, og Kristín
Arnþórsdóttir bætti öðru marki við
í þeimn síðari áður en Kristrúnu
Davíðsdóttur tókst að minnka
muninn fyrir Blikana. Ingibjörg
Jónsdóttir bætti svo öðru marki
sínu við, staðan 3:1 fyrir Val, en
Eria Rafnsdóttir lagaði aftur stöð-
una fyrir Breiðablik með fallegu
skallamarki skömmu fyrir leikslok.
Enn einu sinni urðu vandræði
með dómara í tengslum við
kvennaleik f gærkvöldi. Enginn
dómari lét sjá sig til aö dæma
þennan leik, og tafðist hann um
eina klukkustund vegna þess.
Fram
UBK
Aðalleikvangi ,a1m0°;gun
kl. 20.00
Nýtt
ekta Kebab

Nýr
matseðill
AMERICAN STYLE
SKIPHOLTI 70 SIMI 68íj838