Morgunblaðið - 18.09.1987, Blaðsíða 13

MORGUNBLAÐIÐ, FÖSTUDAGUR 18. SEPTEMBER 1987
13
Fyrstu gnllkortin
frá Eurocard afhent
FYRSTU gullkortín frá Euro-
card á íslandi voru afhent
korthöfum við hátíðlega at-
höfn á Holiday Inn s.l. þriðju-
dag. Alls voru afhent 12 kort.
Þeir sem fengu fyrstu kortin
voru valdir úr hópi þeirra sem
verið hafa í viðskiptum við
Kreditkort hf. frá því fyrir-
tækið hóf rekstur árið 1980.
Gullkorthafar munu njóta
ýmissa fríðinda umfram venju-
lega korthafa. Kortið felur m.a.
í sér samsetningu ferða-, slysa-,
farangurs-, sjúkra-, og ábyrgða-
trygginga, sem er víðtækari og
greiðir mun hærri tryggingabæt-
ur en tryggingar venjulegra
greiðslukorta. Einnig má nefna
að gullkorthafar eru sjálfkrafa
aukaaðilar að IAPA, alþjóðasam-
tökum flugfarþega. Sú aðild
veitir þeim afslætti á bílaleigum
og hótelum um allan heim auk
þess sem flugfarþegar geta
merkt töskur sínar með sérstök-
um IAPA töskumerkjum og
tengst þannig sjálfvirkri eftirlits-
þjónustu IAPA.
Gullkorthafar verða valdir úr
hópi þeirra sem verið hafa kort-
hafar lengur en 12 mánuði og
ávallt staðið í skilum.
Valgeir T. Sigurðsson og Anna Margrét Jónsdóttir með verðlaunin
sem Black Death drykkirnir hlutu.
Gull- og silfurverðlaun
fyrir íslenska drykki
Brussel, frá Önnu Bjarnadóttur, fréttaritara Morgunblaðsins.
TVEIR íslenskir aðilar, Valgeir
T. Sigurðsson og Sól hf, hlutu
gull- og silfurverðlaun fyrir
gæðaframleiðslu frá Monde
Selection-alþjóðasamtökunum í
Brusselá miðvikudag.
Anna Margrét Jónsdóttir, feg-
urðardrottning Islands, tók við
verðlaununum fyrir Valgeirs
hönd, en Black Death-brennivín,
sem hann framleiðir, hlaut gull-
verðlaun og vodka silfurverð-
laun. Gunnar Snorri Gunnarsson,
sendiráðunautur í sendiráði Is-
lands í Brussel, tók við verðlaun-
unum fyrir Sól hf. Svali með
epla- og sítrónubragði fékk gull-
verðlaun en appelsínu Svali fékk
silfur.
Valgeir er búsettur í Lúxemborg
og rekur veitingastað þar. Hann
hefur nú hlotið fjögur gull- og ein
Siglufjörður:
Ferðum Arn-
arflugs fjölgíið
Siglufjördur.
ARNARFLUG hefur ákveðið að
taka upp daglegt flug til Siglu-
fjarðar í vetur og er ellilífeyris-
þegum veittur 50% afsláttur á
fargjaldi alla daga utan föstu-
daga og sunnudaga.
Fram til þessa hefur Arnarflug
flogið fimm daga vikunnar en
Norðurflug flýgur að auki sex
sinnum í viku til Siglufjarðar í
tengslum við flug Flugleiða til
Reykjavíkur. Að auki eru þrjár
ferðir með langferðabifreið frá
Siglufirði til Sauðárkróks á vegum
Flugleiða í tengslum við flug það-
an til Reykjavíkur.
silfurverðlaun fyrir drykkjafram-
leiðslu sína. „Þessi verðlaun sanna
að þetta er gæðavara sem ég hef
verið að þróa á undanförnum tíu
árum,“ sagði hann. „Þau sýna að
ég stend jafnfætis öðrum áfengis-
framleiðendum og veita mér sjálfs-
traust." Hann hefur nú hug á að
heija sölu á ferskjulíkjör, svokölluð-
um Sæta dauða og kókoshnetulíkjör
en vantar enn fjármagn til að mark-
aðssetja þá.
Valgeir selur nú Black Death í
þó nokkrum Evrópulöndum og í
Bandaríkjunum, en honum hefur
ekki orðið eins vel ágengt á Is-
landi. Þar er Black Death aðeins
fáanlegur í fríhöfninni í brottfarar-
sal flugstöðvarinnar í Keflavík.
Monde Selection-verðlaunin eru
þekkt gæðamerki sem verðlauna-
hafar geta sett á framleiðsluvörur
sínar. Matar- og drykkjavörur eru
sendar ásamt greiðslu í gæðapróf.
Þær eru efnagreindar á rannsókn-
arstofum og metnar í blindprófum.
Skagafjörður:
Norðan garri
á hverjum degi
Skagafjörður
NÚ HEFUR heldur en ekki skipt
um tiðarfar frá þvi að vera
blíðviðri lengst af sumri en nú
er norðan garri á hverjum degi
og snjór í fjöllum.
Smölun sauðfjár hefur gengið vel
og slátrað er í fyrra falli. Fallþungi
er talinn vera í góðu meðallagi.
Smærri bátar róa nú ekki enda
fiskilaust inn á Skagafirði. Togarar
afla enn þá vel.
Björn í Bæ
1 71 J I7.sev tem k r
NÝn 624040 simanumer
NVTT húsnæði Suðurgata 7
VERTU VELKOMIN
FERÐASKRIFSTOFAN
Allra
val
Morgunblaðið/Einar Falur
Fyrstu Eurocard gullkorthafarnir ásamt Gunnari Bæringssyni, framkvæmdastjóra Kreditkorta, lengst
tií vinstri, og Grétari Harðarsyni, markaðsstjóra, lengst til hægri. á myndinni.
VID OPNUM í DAG
NÝJA ÁKLÆDISVERSLUN
IA/A/BU
Skúlagötu 61 Sími 623588
Nýr vefnaður
Litrík mynstur
Fyrir nútíma fólk
Bjóðum eingöngu
nýjustu línuna
af Vestur-þýskum
áklæðum
SKÚLAGÖTU 61
SÍMI 623588
HEILDSALA - SMÁSALA