Morgunblaðið - 18.09.1987, Blaðsíða 17
MORGUNBLAÐIÐ, FÖSTUDAGUR 18. SEPTEMBER 1987
17
Thor Vilhjálmsson gerir að gamni sínu við Isabel Allende frá Chile
og nafna sinn Obrestad frá Noregi.
Felix Thoresen og Alain Robbe-Grillet tjá sig um það sem fyrir augu ber.
„Hér ilmar allt af sögu
— Gestir á bókmenntahátíð á ferð um söguslóðir
,,HER ilmar allt af sögu,“ sagði
Alandseyingurinn Karl-Erik
Bergman í ferð sem hann og
aðrir rithöfundar á bókmennta-
hátíðinni fóru í gær um Hval-
fjörð og Borgarfjörð. Honum
tókst að segja þetta algerlega án
tilgerðar, sem er sjaldgæft.
Greinilegt var að rithöfundarnir
kunnu vel að meta ferðina og
þá sögustaði sem þeir heimsóttu.
Fyrst var komið við á Saurbæ á
Hvalfjarðarströnd þar sem Hall-
grímur Pétursson sálmaskáld bjó
lengst af. Þar flutti séra Rögn-
valdur Finnbogason erindi um
Hallgrím og skáldskap hans og
sagði söguna um Tyrkja-Guddu og
hjónaband þeirra Hallgríms. Vakti
sú saga mikla athygli, ekki síst
meðal kvenrithöfundanna í hópn-
um. „Um þessa konu væri hægt
að skrifa góða skáldsögu," sagði
ein þeirra. A eftir fyrirlestri séra
Rögnvaldar las Kurt Vonnegut upp
enska þýðingu á sálminum alkunna,
Allt eins og blómstrið eina, og lét
hann svo ummælt eftir lesturinn
að þetta væri í fyrsta sinn sem
hann læsi sálm opinberlega og einn-
ig í fyrsta sinn sem hann læsi upp
í kirkju.
Þá var ekið upp í Borgarfjörð og
fyrst komið við á Borg, þar sem
rithöfundarnir fengu að komast í
nána snertingu við Egil Skalla-
grímsson og verk hans. Sigurður
A. Magnússon var leiðsögumaður í
ferðinni og fræddi hina erlendu
gesti um það sem fyrir bar.
Loks lá svo leiðin að Reykholti
þar sem Geir Waage sóknarprestur
flutti tölu um Snorra Sturluson og
aðra merka atburði sem tengjast
Reykholti. Höfundarnir skoðuðu því
næst Snorralaug.
Síðan var ekið til Reykjavikur á
nýjan leik þar sem við tók upplestur
í Gamla bíói.
- I.J.
ÓSA/SlA
LATTU VININA ÞINA VITA UM
ÍTÖLSKU SKIPER DÚNÚLPURNAR
100% dúnn gætir þess að tilfinningarnar kóini ekki.
Fyrir aðeins kr. 4.999 - fást / raun tvær flíkur.
Óvenju hlý úlpa sem breyta má í þægilegt vesti.
Þið getið svo komið saman og valið ykkur
rauða, bláa, dökkbláa, gráa, græna eða svarta úlpu.
HAGKAUP
REYKJAVÍK AKUREYRI NJARÐVÍK