Morgunblaðið - 14.08.1988, Síða 24

24 B
MORGUNBLAÐIÐ, SUNNUDAGUR 14. ÁGÚST 19g8
Trúbadúrinn
snýr aftur
Hillingar og blús
Trúbadúrinn sem fór sér sjálf-
ur með sjáifsvorkunarvæl og til-
gerð uppúr 1970 hefur snúið aft-
ur. Dæmin um það eru fjölmörg,
s.s. Michelle Shocked, Billy
Bragg og Suzanne Vega, en þau
merkustu eru kannski Ted Hawk-
ins og bandaríska stúlkan sem
sló í gegn á Mandela-tónleikun-
um fyrir skemmstu, Tracy Chap-
man.
Þau eru ólík um margt Tracy
Chapman og Ted Hawkins, en eiga
ekki síður margt sameiginlegt.
Bæði leita þau beint til áheyrand-
ans án þess að vera borinn uppi
af hljóðgerflahrossum og upp-
blásnum útsetningum. Textagerð-
in er einföld og boðskapurinn skýr,
þó Ted sé laus við bjartsýni æsk-
unnar sem kemur Tracy til að trúa
því að hún fái einhverju breytt.
Tracy sló í gegn við það að kom-
ast á svið á Wembley-leikvangin-
um eftir að Stevie Wonder hætti
við að spila af tæknilegum ástæð-
um. Framkoma hennar á tónleik-
unum kom fyrstu plötu hennar,
sem ber bara heitiö Tracy Chap-
man, á topp breska listans og lagi
af plötunni, Fast Car, í sjöunda
sætið. Fyrirfram hefði þó enginn
getað búist við slíku því platan er
allt annað en söluleg, sé miðað
við þær plötur sem seljast hvað
best.
Á tónleikunum náði hún að tala
beint til áheyrenda og það gerir
hún einnig á plötunni með textum
sem spegla einmanaleika, ekki
síður en ást sem blendin er
beiskju; óánægju með skipan mála
í heiminum í dag, ekki síður en von
um að hægt sé að færa allt til
betri vegar. Einfaldar útsetningar
laganna falla vel að textunum þó
áhrifamest sé að heyra Tracy
syngja a cappella eða þá eina með
gítarinn. Tracy hefur einstaka rödd
sem hún nýtir til hins ýtrasta til
að gefa textunum meiri dýpt og
til að bera uppi rómantíska (og
barnslega) bjartsýnina sem þeir
fela í sér. Bestu lögin eru Talkin’
’Bout a Revolution, Mountains of
Things og For You.
Lækjartungl hyggur á tónleika-
hald um næstu helgi, og býður
þá upp á jöfnum höndum dans-
tónlist og blús. Breska dans-
hljómsveitfn Mirage er væntan-
leg til landsins í vikulokin og mun
koma fram í Lækjartungli 18.,
19., 20. og 21. og þýski blúsarinn
Hans Blues and Boogie, leikur í
Bi'ókjallaranum 20., 21. og 22.
þessa mánaðar.
Mirage
Líklega kannast flestir þeir sem
á annað borð sækja dansstaði við
sveitina, því hún sérhæfir sig í
danssyrpum sem hún sýður sam-
an ýr lögum úr öllum áttum.
Sveitina skipa bræðurnir Nicos
og Carlos Griffiths og söngkonan
og dansarinn Kiki Billy. Mirage
stofanði útsetjarinn Nigel Wright,
sem ákvað að setja saman sveit
sem fléttaði saman kunnum lögum
með þéttum danstakti. I leit sinni
að söngvurum leitaði hann ekki
síður að dönsurum. Hann komst
snemma í kynni við Griffiths-
bræðurna en var lengur að finna
réttu söngkonuna. Sagan hermir
að hann hafi séð Kiki Billy, sem
þá var atvinnulaus, dansa í nætur-
klúbbi í London og ákveðið þá og
þegar að ráða hana í sveitina
gæti hún sungið. Það gat hún og
á fjórum vikum komst Mirage inn
á topp tíu í Bretlandi með lagiö
Jack Mix II. Orðsporið barst víðar
og sveitinni hefur einnig gengiö
vel á vinsældalistum víðar í Evr-
ópu.
Fyrsta breiðskífa sveitarinnar,
88 for 88 - The Best of Mirage,
kom út snemma á þessu ári, var
sex vikur inni á topp tíu og endaöi
sem tvöföld gullplata. Önnur plata
sveitarinnar kom síðan út fyrir
stuttu og ekki er annað að sjá en
að hún eigi eftir að seljast í ámóta
upplagi. A þeirri plötu er hip-hop
mix-syrpa sem vakið hefur mikla
athygli og hefur verið mikið spiluð
í diskótekum hér á landi.
Eins og áður sagði skemmtir
Mirage í Lækjartungli 18., 19., 20.
og 21. þessa mánaðar.
Hans Blues and Boogie
Ekki er það þó bara danstónlist
sem Lækjartungl býður upp á um
næstu helgi, því um svipað leyti
verður þýski blúsflakkarinn Hans
Blues and Boogie í Bíókjallaranum.
Hans, sem kom hingað til land
síðasta sumar og lék þá á ýmsum
stöðum á Norðurlandi, hefur verið
á flakki með gítarinn í sextán ár
og er nú í sinni fimmtu Evrópuför,
en í henni áætlar hann að leika á
um 200 tónleikum á 9 mánuðum.
Hans leikur jöfnum höndum frum-
saminn blús og gamla blúsa eftir
ýmsa meistara og verður hann [
Bíókjallaranum 20., 21. og 22.
þessa mánaðar, eins og áður
sagði.
Hljómsveitin KISS heldur hljómleika f Reiðhöllinni innan
skamms, nánar tiltekið 30. ágúst. Hljómsveitin hefur verið að frá
árinu 1972, eða alls f 18 ár, og virðist sfður en svo ætla að láta
deigan sfga. Af þessu tilefni þykir við hæfi að upplýsa landslýð
um sveitina.
Nokkur orð um KISS
Hljómsveitin var stofnuð í New
York og voru frumkvöðlarnir þeir
Gene Simmons og Paul Stanleý,
sem enn eru aðalforingjarnir í
bandinu. Þeir fengu trumuleikar-
ann Peter Criss til liðs við sig
og skömmu síðar bættist gítar-
leikarinn Ace Frehley í hópinn.
Þá þegar ötuðu þeir sig andlits-
faröa og klæddust búningum,
sem gerðu þá líkasta teikni-
myndasöguillmennum.
Sjónvarpsleikstjórinn Bill
Aucoin uppgötvaði hljómsveitina
og tók þá að sér. Hljómsveitinni
gekk þó brösuglega framan af,
enda fussuðu gagnrýnendur og
sveiuðu yfir þungarokki þeirra
félaga. Þrátt fyrir það eignuðust
þeir þegar trygga aödáendur
(„Kiss-herinn") og það fleytti
þeim yfir upphafsörðugleikana.
Fjárhagsstaðan var slæm framan
af (sagan segir að heil hljómleika-
ferð árið 1975 hafi verið fjár-
mögnuð með American Ex-
press-krítarkorti Aucoins), en
þegar hljómleikaplatan „Alive”
kom út snerist taflið við og áður
en varði var KISS oröin ein vin-
sælasta tónleikahljómsveit ára-
tugarins.
Þegar komið var fram á þenn-
an áratug fóru vinsældir sveitar-
innar þverrandi og Ijóst að hrista
þurfti upp í ímyndinni. Peter
Criss hætti árið 1980 og Eric
Carr tók við, en auk þess hefur
verið skipt um gítarleikara eftir
að Ace Frehley hætti.
Það gekk þó illa þar til gripið
var til þess neyöarúrræðis að
hreinsa andlitin af öllum farða
og kom hljómsveitin fram sem
(tiitölulega) venjuleg þunga-
rokkssveit eftir það. Síðan hefur
hljómsveitin sótt í sig veðrið að
nýju og slegið í gegn með lögum
eins og „Lick It Up“, „Heaven’s
On Fire" og nú síðast „Crazy
Nights.” Enn sem fyrr eru tón-
leikar þó aðal sveitarinnar og
miðað við tónleika, sem undirrit-
aður hefur séð á myndbandi,
ættu íslenskir áheyrendur ekki
að verða fyrir vonbrigðum í Reið-
höllinni.
Gerum betur
Það er Bobby Harrison sem
stendur fyrir tónleikum KISS með
félaga sínum í Split Promotions.
Bobby sagði að mikil áhersla yrði
lögð á að koma málum þannig
fyrir að enginn þyrfti að hafa
áhyggjur af tónleikagestum.
Hann sagði að verið væri að
koma því þannig fyrir að ókeypist
strætisvagnaferðir yrðu á tón-
leikana frá því um kiukkustund
áður en þeir byrjuðu og síðan
yrðu ókeypis ferðir af tónleikun-
um í tvo tíma eftir að þeim lyki.
Hann sagði einnig að öll gæsla
í Reiðhöllinni yrði þaulskipulögð
og að reynt yrði að fylgjasxt sem
best með öllu án þess þó að
valda þeim óþægindum sem
komnir væri til að skemmta sér.
Aðspurður um það hvort Split
myndi hætta ef tónleikarnir
gengju ekki upp fjárhagslega
sagði hann að hann hefði engar
áhyggjur af því að KISS fengi
ekki áheyrendur, enda væri sveií-
in annáluð tónleikasveit og að
bassaleikari hennar Gene Simm-
ons, væri frægur að endemum
fyrir tónleikaframkomu sína.
Hann sagði einnig að ef allt gengi
að óskum væri Iron Maiden næst
á dagskrá og myndi sveitin koma
í október.
Andrós Magnússon