Morgunblaðið - 04.05.1989, Blaðsíða 7

Mb'RÖOTÍBLAöÍ) FIMMTUDAGUR 4. MAÍ
B 7
Btóin í borginni
BÍÓBORGIN
Regnmaðurinn ★ ★ ★ ★
Tvímælalaust frægasta — og ein
besta — mynd sem komið hefur
frá Hollywood um langt skeið. í
henni er hæg, sterk stígandi
mannlegra tilfinninga sem seint
mun gleymast en ólýsanlegur leik-
ur Hoffmanns í hlutverki einhverfs,
miðaldra manns yfirgnæfir þó allt
annað. Sjáið Regnmanninn, þó þið
farið ekki nema einu sinni í bíó á
ári. -sv.
Á faraldsfæti ★ ★ ★
Lawrence Kasdan fær gamla
kunningja sína, Hurt og Turner, til
liðs við sig í þessa grátbroslegu
lýsingu á lífi og lífleysi atvinnu-
ferðamannsins Macon Leary. Vel
leikstýrt, vel skrifað og vel leikið
bókmenntalegt drama um sorgina
og missinn en líka allar broslegu
hliðartilverunnar. -ai.
Fiskurinn Wanda ★ ★ ★
Margsnúin, hábresk á mörkum
farsa og gamanmyndar enda stýrt
af einum helsta snilling Ealing-
tímabilsins, Charles Crichton og
æringjanum Cleese, sem fer á
kostum sem leikari og handrits-
höfundur. Kline hefur ekki verið
betri, Palin er óborganlegur sem
stamandi smákrimmi og Jamie Lee
er augnakonfekt, ef það er á annað
borð til. Útkoman í heild þó ekkert
meiriháttar, einsog sagt er. -sv.
STJÖRNUBÍÓ
Sfðasti dansinn ★ ★
Duggunarlítil skoðun á erjum hjóna
sem óðum nálgast gráa tímabilið.
Vel meint en hefur frá ósköp litlu
að segja. Pakkningarnar eru sóma-
samlegar og Sarandon og Daniels
standafyrirsínu. -sv.
Hryllingsnótt II ★
Drakúla er eins og miðopnan í
Playboy, tæknibrellurnar koma
ekkert á óvart, spennan er engin,
gamansemin í lagi, miklar brellur,
lítil skelfing. Tíðindalaust frá ungl-
ingahrollvekjuvígstöðvunum. -ai.
Kristnihald undir Jökli ★ ★ ★
Kristnihaldið er bráðskemmtileg
og rammíslensk enda er hún trú
sögu skáldsins og flutningurinn á
tjaldið gengið vel í flesta staði.
Orðsnilldin og skopið til staðar og
persónueinkennin sterk í höndum
einkar ánægjulegs leikhóps. Á
sviðsmyndina vantar fátt, unnin
af nostursemi og smekkvísi og
bakgrunnurinn, Breiðuvíkin, Stap-
inn, fellið og Jökullinn unnið af leik-
tjaldasmiðnum mikla í sunnudags-
skapi og fangaður með prýði af
kvikmyndatökumanninum. -sv.
BÍÓHÖLLIN
Ein útivinnandi ★ ★ ★
Nútímaöskubuska slær í gegn á
Wall Street. Gamaldags léttmeti í
sígildum Hollywood-stíl sem kem-
ur manni ígott skap. -sv.
Slæmir draumar ★
Heldur ómerkileg blóðgusumynd í
b-flokki. -ai.
Á ystu nöf ★ ★
Sannkallaður stjörnufans kemur
hér saman í sögu um ástarþríhyrn-
ing, vináttu og dópsmygl. Hún er
meira ofurrómantískt samræðu-
stykki, filmað í brennandi tekíla-
sól, en hasarmynd og vekur fleiri
spurningar en hún svarar. Stór-
stjörnuleikurunum tekst ekki að
fela galla í handriti. Meira fyrir þá
semviljaástenekkislást. -ai.
í djörfum leik ★ ★ ★
Clint Eastwood er alltaf í essinu
sínu þegar hann leikur Sóða-Harry.
Hér má finna gamalkunna takta
en þessi mynd er með þeim
skemmtilegri um Harry og hans
föstu kúnna í San Francisco. Á
meðal þeirra eru geðsjúkur morð-
ingi, saltvondiryfirmenn og ágeng-
ir fréttamenn. Eða eins og Harry
mundi segja: Afbragð. -ai.
Hver skellti skuldinni á
Kalla kanínu? ★ ★ ★ ★
Sérstaklega skemmtilegur bræð-
ingur af teiknimynd og leikinni
mynd frá Disney og Spielberg,
með hinn ágæta Zemeckis við
stjórnvölinn. Hér liggur ótrúleg
handavinna að baki. Myndin er
meistaraverk þolinmæðinnar,
natninnar og smáatriðanna, og að
auki spennandi leynilögreglusaga.
Bob Hoskins og Christopher Lloyd
eru góðir, en vatnslitagellan
Jessica hlýtur að teljast með
mestu kynbombum kvikmynda-
sögunnar héreftir. -ai.
HÁSKÓLABÍÓ
Beint á ská ★ ★ ★
Gamanmyndir ZAZ-hópsins eru
venjulegar Hollywood-myndir með
óráði. Uppfull af frábærlega hlægi-
legum atriðum og stjarnfræðilega
rugluðum samtölum með frábær-
an Leslie Nielsen í hlutverki kauða-
legu súperlöggunnar. -ai.
REGNBOGINN
í Ijósum logum ★ ★ ★ ’A
Þungskýjaður þriller um miðalda-
myrkur Suðurríkjanna þar sem
Parker grípur til allra meðala að
ýta við samvisku áhorfandans. Og
fær eftirminnilega hjálp frá sam-
starfsmönnunum, einkum Biziou,
stórleikaranum Hackman, Dafoe
og fram á sjónarsviðið stígur stór-
kostleg leikkona, Francis McDor-
mand. Grimm mynd og áhrifamikil
hvernig svo sem á efnistökin er
litið. -sv.
Skugginn af Emmu ★ ★ ★
Enn ein perlan ffá kvikmyndaveld-
inu Danmörku. Emma litla hleypur
að heiman frá millunum foreldrum
sínum og vingast við utangarðs-
mann í fátækrahverfi Kaupmanna-
hafnar. Sérstök og Ijúfsár saga um
ást og vináttu þessa ólíka pars frá
landi sem kann svo sannarlega að
búa til bíómyndir sem skírskota til
allra. -ai.
Tvíburarnir ★ ★ ★
Einstaklega magnaður þriller þar
sem Cronenberg, sem vissulega
er einn af forvitnilegri leikstjórum
samtímans, beitir fyrir sig sálfræð-
inni en ekki gamalkunnum tækni-
brellum. Jeremy Irons hefur sjald-
an verið betri en í hlutverki tvíbur-
anna og Heidi von Palleske er kona
lostafögur. -sv.
Hinir ákærðu ★ ★ ★
Einkar áhrifamikill þriller um
nauðgun og málaferlin sem fylgja
í kjölfarið, en myndin fjallar öðrum
þræði um ábyrgð þeirra sem
hvetja til glæps en taka ekki bein-
an þátt í honum. Jodie Foster sýn-
iróskarsverðlaunaleik. -ai.
Gestaboð Babettu ★ ★ ★ ★
Ljóðrænt, gamansamt og alvarlegt
meistaraverk Gabriels Axels um
hvítagaldur listamannsins, bók-
stafstrú, freistinguna, eftirsjá
ónýttra ástarfunda, frið og sátt við
Guð og menn. Snilldarleikstjórn,
handrit, leikur og kvikmyndataka.
Læturengan ósnortinn. -sv.
LAUGARÁSBÍÓ
Tungl yfir Parador ★
Mazursky klúðrar öllum möguleik-
um til að draga fram fyndni úr
skemmtilegum kringumstæðum,
atriðin dragast á langinn hvert á
fætur öðru án þess að kvikna til
lífsins þangað til eftir stendur at-
hyglisverð Hollywood-framleiðsla
sem gerir aldrei betur en að valda
vonbrigðum. -ai.
Tvíburar ★ ★ ★
Skólabókardæmi um vel heppnaða
aulafyndni. Leikstjórinn Reitman
(Ghostbusters, Animal House,
Stripes) er sérfræðingur í að mat-
reiða oní almúgann svo honum líki.
Og ólíklegustu tvíburara á jarðríki
leika þeir DeVito og Schwartzen-
egger með mjög sérstökum glæsi-
brag og eiga manna stærstan þátt
í að myndin virkar sem afþreying.
-sv.
í leitaðréttlæti
Ríkissjónvarpið sýndi um
síðustu helgi athyglisverða sjón-
varpsmynd — Húsið við Garibaldi-
stræti — um það hvemig ísraelar
komu höndum yfir nasistaforingj-
ann Adolf Eichmann og fluttu
hann til ísrael þar sem hann kom
fyrir rétt og var dæmdur til dauða.
Því er stundum haldið fram að
maðurinn á bak við handtöku
Eichmanns hafi verið nasistaveið-
arinn Simon Wiesenthal, sem hef-
ur gert það að æfistarfi sínu að
hafa uppá nasistaforingjum sem
viðriðnir voru hrollvekju útrým-
ingarbúðanna og draga þá fyrir
dómstóla. í nýrri leikinni heimild-
armynd um æfi Wiesenthals, sem
heitir Morðingjar á meðal oss og
er með Ben Kingsley í aðalhlut-
verkinu, segir Wiesenthal Israela
eiga allan heiðurinn af fundi Eich-
manns en bætir við: „Ég er hreyk-
inn af því að við gátum veitt að-
stoð.“
Eichmann er stærsti fengurinn
en hans mál er aðeins eitt af 6.000
sem Wiesenthal hefur rannsakað
að því að fram kemur í sjónvarps-
myndinni. Hún er byggð á sjálfs-
æfisögu nasistaveiðarans frá
1967 og var sýnd í Bandaríkjun-
um í kringum 100 ára afmæli
Adolfs Hitlers. Leikstjóri er Brian
Gibson én einn af handritshöfund-
unum og framleiðandi er Abby
Mann sem gerði handritið að kvik-
myndinni Réttarhöldin í Núrn-
berg. Myndin var tekin í Ung-
veijalandi og gerð í samvinnu
Bandaríkjamanna og Ungveija og
hefst í maí 1945 við frelsun Maut-
hausen-útrýmingarbúðanna í
Austurríki þar sem Wiesenthal er
einn örfárra sem komast af. Hann
fer að vinna fyrir bandarísku
stríðsglæpanefndina og safnar
upplýsingum um hvað raunveru-
lega fór fram í útrýmingarbúðun-
um.
Hann talar við aðra sem kom-
ust af og skráir frásagnir þeirra.
Wiesenthal er ekki dæmigerður
krossfari. í örvæntingu sinni hef-
ur hann reynt að fremja sjálfs-
morð en minnist orða nasistanna:
„Þú deyrð þegar við segjum þér
að deyja.“ Oft segir hann „ein-
hver bjánaleg smáatriði” hafa
bjargað lífi sínu í búðunum. Það
rennur upp fyrir honum að hann
getur ekki haldið áfram að vinna
sem arkítekt, „réttlætið hefur for-
gang“.
Eftir Núrnbergréttarhöldin
hættir stríðsglæpanefndin störf-
um en Wiesenthal kemur sér upp
skrifstofu í Vín og heldur starfi
sínu áfram. Rekur myndin síðan
feril hans fram til dagsins í dag
og íjallar um ýmsar rannsóknir
hans og kemur m.a. inná mál
Franz Murer sem þykir lýsa
áhugaleysi Þjóðveija og Aust-
urríkismanna á glæpum Hitlers-
tímans. Murer var þekktur sem
„slátrarinn í Vilna“ og var sendur
í vinnubúðir í Rússlandi m.a. á
grundvelli sannana sem Wiesent-
hal hafði aflað. Eftir sjö ár er
hann látinn laus og honum skýtur
aftur upp í Austurríki, þá orðinn
virðulegur stjórnmálamaður. Wi-
esenthal tekur málið fyrir að nýju
og aflar nýrra sannana en öllum
17 ákærunum er vísað frá og
Murer gengur útúr réttarsalnum
við fagnaðarlæti stuðningsmanna
sinna.
Wiesenthal er kominn á níræð-
isaldurinn og tíminn er að hlaupa
frá honum. Mennirnir sem hann
eltist við eru orðnir gamlir. En
hann hefur haldið minningunni
um útrýminguna á lofti í þeirri
von að hún verði aldrei endurtek-
in. Ef við leyfum þeim að gleyma,
segir hann, gæti það gerst aftur.
Ben Kingsley í hlutverki Wiesenthals.
Elsa Lund og félagarfara á kostum í gleöidagskrá ársins.
Nú ferð hver að verða síðastur. Örfáar sýningarhelgar eftir!!
Þríréttuð veislumáltíð að hætti Elsu - Húsið opnað kl. 19.00.