Morgunblaðið - 19.08.1990, Blaðsíða 31

MORGUNBLAÐIÐ SAMSAFIMIÐ SUNNUDAGUR 19. ÁGÚST 1990
C 31
Áhorfendur á Hálogalandi fylgjast meö af áhuga.
Fimleikadeildin hefur löngum veriö ein sterkasta deild Ármanns. Hér er hún eins
og hún var skipuð haustið 1948.
SÍMTALID...
SÍMTALIÐ ER FIÐ... JAKOB BRAGA HANNESSON,
FRAMKVÆMDASTJÓRA RE YKIAFÍKURMARAÞONSINS
50.000 TIL
60.000SKREF
83377
íþróttasamband íslands.
— Góðan, daginn; Jakob Bragi
Hannesson?
Fijálsíþróttasambandið.
— Jakob Bragi Hannesson?
Augnablik.
Já, halló.
— Jakob?
Já.
— Góðan daginn, þetta er á
Morgunblaðinu, ég heiti Urður
Gunnarsdóttir á sunnudagsblaði.
Mig langaði að heyra hvað liði
undirbúningi Reykjavíkurmara-
þons?
Undirbúningurinn stendur bara
mjög vel, nú er aðalannatíminn að
fara í hönd, þar sem flestir munu
láta skrá sig næstu daga.
— Hvað gerir þú ráð fyrir að
þeir verði margir?
Ætli þeir verði ekki um 1.500.
— Ekki hlaupa allir maraþon?
Nei, það eru langflestir í
skemmtiskokkinu, sem er 7 kíló-
metrar.
— Hversu margir heldur þú að
hlaupi sjálft maraþonið?
Svona í kringum 100 manns,
það er þá fólk sem er búið að æfa
sig nokkuð vel.
Keppa ein-
hveijir útlendingar
í hlaupinu?
Já, ætli það verði
ekki einhvers stað-
ar milli 200 og 300
útlendingar, svip-
aður fjöldi og hefur
verið undanfarin
ár, kannski eitt-
hvað færra núna.
— Vitið þið
hvernig á því
stendur?
Nei... jú, það
er dýrt að koma
hingað til íslands
og spurning hvort maraþonið hafí
verið nógu vel kynnt.
— Hver er besti tíminn í
Reykjavíkurmaraþoninu?
2.19,46 sem Bretinn Jim Doig
setti og er hnífjafnt Íslandsmetinu
hans Sigurðar P. Sigmundssonar.
— Þú veist náttúrulega ekki
hver tími hermannsins var' sem
hljóp frá Maraþon til Aþenu á
sínum tíma og hneig niður dauður
að því loknu?
Nei, það geri ég nú ekki, það
eina sem menn telja sig vita er
vegalengdin, 42,195 kílómetrar.
— Er ekki óðs manns æði að
láta menn hlaupa vegalengd sem
gerði út af við þann sem hljóp
hana fyrst?
Nei, ekki finnst okkur það, enda
em þetta menn sem em í góðri
þjálfun, sumir hafa æft í ár fyrir
hlaupið.
— Tekur þú sjálfur þátt í hlaup-
inu?
Nei, það geri ég ekki, ég verð
á fullu í undirbúningnum.
— Hefur þú hlaupið maraþon?
Já, ég hef hlaupið fjórum sinn-
um.
— Er þetta ekki með erfiðari
íþróttagreinum?
Jú, þetta er
þrekraun en mjög
skemmtileg, sér-
staklega að hlaupi
loknu. Maraþon-
hlaup þykir mjög
erfitt, það er talið
að í því séu á milli
50.000 og 60.000
skref.
— Það var
og... Ég þakka
þér kærlega fyrir
spjallið.
Það var nú lítið.
— Vertu bless-
aður.
Blessuð.
MAGNÚS H. Magnússon
komst fyrst í sviðsljós ljöl-
miðla árið 1973 er Heimaeyj-
argosið varð. Hann var þá
starfandi sem bæjarstjóri
Vestmannaeyja og hafði haft
þann starfa frá árinu 1966.
Hann þótti standa sig vel á því
erfiða tímabili sem fylgdi í
lgölfar gossins. Magnús kom
aftur í sviðsljósið 1978 er hann
var kosinn á þing en hann
varð heilbrigðisráðherra í
stjórninni sem sat 1978 til 1979
og svo einnig samgönguráð-
herra í bráðabirgðastjórninni
sem sat frá október 1979 til
febrúar 1980. Hann sat á þingi
til 1983. En hvar ætli Magnús
ali manninn í dag?
Magnús H. Magnússon starfar
nú mikið í þágu aldraðra.
Hann var kosinn formaður Sam7
taka aldraðra í apríl s.l. og það
er mikið að gera hjá þessum sam-
tökum að sögn Magnúsar. Þau
eru nú að byggja 52ja íbúða hús
vestan við Borgarspítalann og
fleiri byggingarframkvæmdir eru
á döfinni.
Magnús er orðinn 68 ára gam-
all. Hann segir að er hann fór á
eftirlaun hafi hann helst kviðið
fyrir iðjuleysinu og því að hafa
kannski ekkert til að dunda við.
Raunin varð allt önnur.
„Þegar ég hætti á þingi varð
ég stöðvarstjóri Pósts og síma í
Vestmannaeyjum en þann starfa
hafði ég áður en ég varð bæjara-
stjóri þar,“ segir Magnús. „Ég var
HVAR
ERU ÞAU
NÚ?
Hvar eru þau nú?/Magnús
H. Magnússon fyrrverandi
rádherra
Starfar í
þágu
aldraðra
þar að auki varamaður á alþingi
og kom þar oft inn allt þar til ég
fór á eftirlaun 1987.“
Frá árinu 1987 hefur Magnús
haft í nógu að snúast. Hann hefur
starfað í ýmsum nefndum og má
þar nefna formennsku í nefnd sem
unnið hefur að úttekt á brunamál-
um í landinu og hann hefur verið
ritari nefndar sem er að gera
áætlun til fimm ára um byggingu
húsnæðis fyrir aldraða á landinu
öllu.
„Sá ótti minn að ég hefði lítið
að gera á eftirlaunaaldrinum hef-
ur sem betur fer ekki verið á rök-
um reistur,“ segir Magnús.
„Kannski hefur þetta verið of
mikið ef eitthvað er. Áhugamálin
hafa svoldið setið á hakanum. Ég
hef gaman af golfi en mér hefur
ekki tekist að stunda það nema
fjórum sinnum í sumar sökum
anna.“
Hvað framtíðina varðar segir
Magnús að hann muni halda
áfram störfum sínum meðan heils-
an leyfir. Hann hefur að vísu í
hyggju að draga úr nefndarstörf-
unum en einbeita sér meir að
störfum sínum í þágu aldraðra.
„Þannig lít ég á stöðuna í dag en
síðan er bara að sjá til hvernig
þetta artar sig.“