Morgunblaðið - 21.10.1990, Blaðsíða 20

20
MORGUNBLAÐIÐ SUNNUDAGUR 21. OKTÓBER 1990
J-
EINS DAUÐI
ER ANNARS BRAUÐ
eftir Sigmund Ó. Steinarsson
SVISSNESKA ofurhugann
Hans „ Joan“ Gamper hefur
eflaust ekki órað fyrir að
Foot-Ball Club Barcelona yrði
ríkasta og eitt frægasta félag
heims þegar hann stofnaði fé-
lagið í nóvember 1899, eða eft-
ir að hann settist að í borg-
inni. Hann kynnti nokkrum
félögum sínum hvernig knatt-
spyma var leikin í Sviss og
eftir það stofnuðu þeir félagið,
sem heitir nú Club de Futbol
Barcelona. Gamper hefði ör-
ugglega aldrei trúað að páfi
sjálfur yrði meðlimur númer
108.000 í félaginu, sem er nú
öflugasta félag heims með
110.000 meðlimi.
Gamper var eins
og leiðtoga
sæmir fyrsti
fyrirliði Barcel-
ona, sem nú er
án efa eitt
kröfuharðasta
knattspyrnufé-
lag Evrópu —
félag sem hikar ekki við að skipta
um þjálfara þegar illa gengur og
jafnvel að skipta um heilt lið ef
með þarf. Félagið hefur verið frægt
fyrir að láta þjálfara taka poka sinn
þegar illa hefur gengið — jafnvel
svo að Barcelona hafi hampað
Spánarmeistaratitlinum undir
stjóm þjálfarans.
Barcelona hefur bækistöðvar
sína í samnefndri borg í Katalóníu,
þar sem knattspyrnan jaðrar við
að vera trúarbrögð. „Það tekur
mjög á taugamar að vera leikmaður
eða þjálfari hjá Barcelona, þar sem
eins dauði er annars brauð. Þar er
loftið rafmagnað og álagið er geysi-
legt á leikmönnum, þjálfurum og
jafnvel stjórnarmönnum,“ sagði
Viggó Sigurðsson, handknattleiks-
kappi, en hann lék handknattleik
með Barcelona 1979-1981. „Félag-
ið er það ríkasta í heimi og rekið
sem hlutafélag. Margir milljóna-
mæringar eiga stóra hluta í félaginu
og það hefur oft komið upp átök í
stjóm þess. Forseti Barcelona er
Josep Luis Núnez, sem byggingar-
verkfræðingur. Hann giftist dóttur
Navarros, sem var einn stærsti hlut-
hafi FC Barcelona. Navarro átti
fyrirtæki sem hét samnefndu
nafni, en eftir að Núnez kom inn í
fjölskylduna var nafni fyrirtækisins
breytt í Navarro og Núnez, en nú
heitir fyrirtækið Núnez og Navarro,
en það eitt sýnir hvað forseti félags-
ins er ákveðinn," sagði Viggó Síg-
urðsson.
Real Madrid er aðal
keppinauturinn
Áhuginn er geysilegur fyrir
íþróttum í Barcelona og þá sérstak-