Morgunblaðið - 30.12.1990, Blaðsíða 18

18 B
MORGUNBLAÐIÐ SUNNUDAGUR 30. DESEMBER 1990
“I
EFST í HUGA
UMÁRAMÓT
Morgunblaðið hitti fólk á
förnum vegi og spurði hvað
því væri efst í huga um þessi
áramót.
Sigurður Þórhallsson
ráðgjafi
„Það er fyrst og fremst ástandið
við Persaflóa sem stendur upp úr í
öllum fréttum ársins í mínum huga.
Þetta er mál sem gæti skipt sköpum
um ástandið í heiminum.
Annars verð ég að segja að mér
finnst þetta hafa ver-ið gott ár fyrir
okkur íslendinga. Ég sjáum, ekki
síst í ljósi atburðanna við Persaflóa,
hvað við erum hamingjusöm og hve
gott við höfum það. Við ættum að
líta björtum augum til framtíðarinn-
ár.“
Sigurður Þórhallsson
Anna Hlín Þórsdóttir
Hulda Pálsdóttir
Anna Hlín Þórsdóttir
þroskaþjálfi
„Af erlendum vettvangi er það
innrásin í Kúvæt sem er mér efst í
huga. Hér innanlands er það svo
náttúrlega þjóðarsáttin. Mér finnst
hún ekki hafa skilað sér nógu vel
til fólksins í landinu. Hún kemur
niður á þeim sem síst eiga það skil-
ið. Fólk sem á ekki fyrir mat græð-
ir ekki á vaxtalækkun í bönkunum.
Svo eru það auðvitað lögin á
BHMR en þau eru að mínu mati
mannréttindabrot. Það er von mín
að næsta ríkisstjórn verði fólkinu til
meiri gæfu en þessi sem nú situr.“
Hulda Páisdóttir
húsmóðir
„Ég vona að þeir geti samið frið
í Mið-Austurlöndum en málum þar
hef ég reynt að fylgjast vel með í
útvarpi og blöðum á árinu. Mér
fínnst ástandið þar vera óskaplega
ískyggilegt.
Eg er úr Húnavatnssýslu og það
er áberandi hvað fólki er að fækka
í sveitunum. Jarðirnar eru að fara í
eyði í hrönnum. Það er líka eðlilegt
þar sem bændur hafa verið nánast
ofsóttir að undanförnu.
Við framjeiðum hér ómengaða
matvöru en íslendingar virðast vera
svo æstir í að að fá ódýrari útiendan
mat inn í landið. En ég er hrædd
um að hann verði ekki mikið ódýr-
ari þegar búið er að leggja tollana á.“
Ragnar A. Ragnarsson
skattaéndurskoðandi
„Minnkandi kaupmáttur er mál
númer eitt í mínum huga. Það liggur
við að venjulegt fólk geti ekki lifað
af laununum sínum.
Ég hlakka til kosninganna á
næsta ári svo hægt verði að launa
þeim mönnum sem eru við stjórnvöl-
inn, sýna þeim fram á að þeir séu
ekki eins vinsælir og þeir halda.
Vona ég að Sjálfstæðisflokkurinn fái
sem allra mest fylgi og er það minn
draumur að hann komist einn í
stjórn. Því miður held ég þó að það
sé draumur sem ekki muni rætast.
Svo eru auðvitað þær breytingar
sem orðið hafa í heiminum. Maður
er mjög undrandi á því hvað skipu-
lagið í austantjaldsríkjunum hefur
breyst mikið á skömmum tíma.
Einnig hugsar maður til Persaflóa
og trúir því varla að menn ætli þar
að efna til styijaldar. Ég tel það
heldur ekki vera hlutverk Sameinuðu
þjóðanna að heíj'a stríðsátök.
Loks vonar maður auðvitað að
þjóðartekjurnar fari batnandi og að
loðnan finnast, svo við missum ekki
af þeim tekjum."
Ásta Dóra Ingadóttir
Stefán Hlynur Steingrímsson Sigurjón Sigurðsson
Arnar Jónsson
Sigurður Óli Kolbeinsson
Sólrún Einarsdóttir og
Kolbrún Björnsdóttir í tiunda
bekk í Snælandsskóla í
Kópavogi
„Við ætlum að gera betur á árinu
sem er að koma og skemmta okkur
vel. Það er markmiðið að ljúka skól-
anum sem best og nota sumarið vel
og helst ferðast eitthvað líka ef við
eigum peninga. Við erum báðar að
klára tíunda bekk og ætlum helst
að gera það með glans og fara svo
í einhvern góðan menntaskóla. Mað-
ur verður að mennta sig, það er
nauðsynlegt. Við vonum að þetta
verði meiriháttar ár.
Það er ekki neitt sérstakt sem
manni er minnisstætt á árinu sem
er að líða en samt fylgjumst við
ágætlega með fréttum."